ગુજરાતમાં શિયાળો હવે ધીમે ધીમે વિદાય લઈ રહ્યો હોય તેવું લાગી રહ્યું છે. હવામાન વિભાગની તાજેતરની આગાહી મુજબ, રાજ્યમાં હવે મિશ્ર ઋતુનો અનુભવ થશે. આગામી દિવસોમાં સવારના સમયે સામાન્ય ઠંડીની અસર જળવાઈ રહેશે, પરંતુ બપોર થતાની સાથે જ સૂર્યપ્રકાશની તીવ્રતા વધતા ગરમીનો અનુભવ થશે.
તાપમાનનો પારો અને પવનોની દિશા
હવામાન વિભાગના જણાવ્યા અનુસાર, રાજ્યમાં મહત્તમ તાપમાન 30 થી 32 ડિગ્રી સેલ્સિયસ સુધી જઈ શકે છે, જ્યારે લઘુતમ તાપમાન 17 થી 18 ડિગ્રી આસપાસ નોંધાવાની શક્યતા છે. હાલમાં ઉત્તર-પૂર્વ દિશામાંથી ગરમ પવનો ફૂંકાઈ રહ્યા છે, જેના કારણે બપોરના સમયે તાપમાનમાં ઉછાળો જોવા મળશે અને ગરમીનું પ્રમાણ વધશે.
