શહેરના પશ્ચિમ વિસ્તારમાં આવેલા ચાણક્યાપુરીમાં છેલ્લા એક મહિનાથી વાંદરાએ આતંક મચાવ્યો છે. વન્યજીવોના રહેણાંક વિસ્તારમાં પ્રવેશને કારણે સ્થાનિક રહીશોમાં ભારે ફફડાટ જોવા મળી રહ્યો છે. તાજેતરમાં વાનરોએ એક મહિલા અને નાની બાળકી પર હુમલો કરતા સમગ્ર વિસ્તારમાં ભયનું મોજું ફરી વળ્યું છે.
ચાણક્યાપુરીમાં વાંદરાનો આતંક
સ્થાનિક લોકોનું કહેવું છે કે વાનરો હવે ઘરોની અંદર સુધી ઘૂસી આવે છે અને ખાવા-પીવાની ચીજવસ્તુઓનું નુકસાન કરે છે. રસ્તા પરથી પસાર થતા લોકો પર પણ અચાનક હુમલો કરવામાં આવે છે. આ આતંક એટલી હદે વધી ગયો છે કે હવે લોકો ઘરની બહાર નીકળતા પણ ડરી રહ્યા છે. વૃદ્ધો અને બાળકોમાં ખાસ ડર જોવા મળી રહ્યો છે.