ગુજરાત રાજ્યમાં ઠંડીનો પ્રકોપ યથાવત્ જોવા મળી રહ્યો છે. પૂર્વ દિશામાંથી આવતા ઠંડા પવનોને કારણે રાજ્યભરમાં વહેલી સવાર અને રાત્રિના સમયે ઠંડીનો સારો એવો ચમકારો અનુભવાઈ રહ્યો છે. જોકે, વેસ્ટર્ન ડિસ્ટર્બન્સની અસરને પગલે બપોરના સમયે તાપમાનમાં વધારો થતાં લોકોને ગરમીનો અહેસાસ થઈ શકે છે.
નલિયા સૌથી ઠંડું શહેર
ગુજરાતમાં સૌથી નીચું તાપમાન હંમેશની જેમ નલિયામાં નોંધાયું છે, જ્યાં ગત રાત્રે પારો ગગડીને 9.8 ડિગ્રી સેલ્સિયસ પર પહોંચ્યો હતો. આ ઉપરાંત અન્ય મુખ્ય શહેરોમાં પણ લઘુત્તમ તાપમાનમાં ઘટાડો જોવા મળ્યો છે.
