જાણીતા ગુજરાતી ગાયક જીગરદાન ગઢવીએ તાજેતરમાં સોશિયલ મીડિયામાં એક પોસ્ટ લખીને નિવૃત્તિની જાહેરાત કરી હતી. તેઓ હવે ગુજરાતી ફિલ્મોમાં ગીતો નહીં ગાય. જીગરદાન ગઢવીની આ પોસ્ટ બાદ ચાહકોમાં ભારે નિરાશા વ્યાપી ગઈ હતી. જીગરા તરીકે જાણીતા જીગરદાન ગઢવી હવે અન્ય પ્રોજેક્ટ પર કામ કરશે તેવો સંકેત પણ આપ્યો હતો. ત્યારે હવે તેમણે યુ ટર્ન માર્યો છે. નિવૃત્તિ જાહેર બાદ તેમણે જાહેર મંચ પરથી કહ્યું હતું કે, તેઓ ગુજરાતી મ્યુઝિક નહીં છોડે. ગુજરાતી ગીત ગાવાનુ ચાલુ રાખશે
નિવૃત્તિની જાહેરાત બાદ યુટર્ન મારી દીધો
રામનવમીના દિવસે જ તેમણે સોશિયલ મીડિયામાં એક પોસ્ટ શેર કરી હતી. આ પોસ્ટમાં તેમણે લખ્યું હતું કે, હું આ માધ્યમથી જાહેર કરુ છું કે, હવે પછી ગુજરાતી ફિલ્મો માટેના પ્લેબેક ગાયન તેમજ તમામ ગુજરાતી લેબલ્સ અને યૂટ્યૂબ ચેનલ્સના મ્યુઝિક પ્રોજેક્ટમાંથી નિવૃત્તિ લઈ રહ્યો છું. છેલ્લા 10 વર્ષનો આ સફર ખૂબજ યાદગાર રહ્યો છે. આપ સૌએ આપેલા પ્રેમ અને સપોર્ટ માટે દિલથી આભાર. તેમણે કયા કારણે આ નિર્ણય લીધો તેનો કોઈ ખુલાસો કર્યો નહોતો. હવે તેમણે પોતાની નિવૃત્તિની જાહેરાત બાદ યુટર્ન મારી દીધો છે.