ગુજરાતના અમદાવાદ (Ahmedabad) જિલ્લાના વિરમગામ (Viramgam) પંથકમાં લોકોના આરોગ્ય સાથે ગંભીર ચેડાં કરતો એક બોગસ ડોક્ટર (Bogus Doctor) ઝડપાયો છે. અમદાવાદ ગ્રામ્ય SOG (Special Operations Group) ની ટીમે બાતમી અને કાર્યવાહીના આધારે વિરમગામ તાલુકાના વણી (Vani) ગામમાંથી ડિગ્રી વગર પ્રેક્ટિસ કરતા શખ્સને ઝડપી પાડ્યો છે. પકડાયેલા આરોપી નવીનચંદ્ર (Navinchandra) પાસેથી વિવિધ દવાઓ અને તબીબી સાધનો જપ્ત કરવામાં આવ્યા છે.

એલોપેથિક પ્રેક્ટિસ અને દવાઓ આપવાનો આરોપ

પોલીસની પ્રાથમિક વિગતો મુજબ, આરોપી કોઈ માન્ય તબીબી ડિગ્રી વગર જ એલોપેથિક પ્રેક્ટિસ (Allopathic Practice) કરતો હતો અને દર્દીઓને દવાઓ આપતો હોવાનો આક્ષેપ છે. SOGની ટીમે સ્થળ પરથી દવાઓ અને સાધનો સહિત કુલ રૂપિયા 80 હજારથી વધુ (More Than Rs. 80,000) નો મુદ્દામાલ કબ્જે કર્યો છે. કોઈપણ લાયકાત કે ડિગ્રી વિના લોકોની સારવાર કરવી એ દર્દીઓના જીવ માટે મોટું જોખમ ઊભું કરે છે.

વિરમગામ રોડ પોલીસ મથકે ગુનો નોંધી તપાસ હાથ ધરી

આ સમગ્ર મામલે અમદાવાદ ગ્રામ્ય SOGની કાર્યવાહી બાદ વિરમગામ રોડ પોલીસ મથક (Viramgam Road Police Station) ખાતે કાયદેસરનો ગુનો નોંધીને આગળની તપાસ હાથ ધરવામાં આવી છે. આરોપી ક્યારથી વણી ગામમાં પ્રેક્ટિસ કરતો હતો અને દવાઓનો જથ્થો ક્યાંથી મેળવતો હતો તે અંગે પોલીસ દ્વારા ઊંડાણપૂર્વક તપાસ કરવામાં આવી રહી છે. ગ્રામ્ય વિસ્તારોમાં બોગસ ડોક્ટરો સામે તંત્ર અને પોલીસ દ્વારા કડક ઝુંબેશ આગળ ધપાવવામાં આવી રહી છે.

આ પણ વાંચો : Gandhinagar News : યુનિફોર્મમાં વીડિયો કોલ કરી આધારકાર્ડના દુરુપયોગનો બતાવ્યો ડર, RTGS મારફતે ટ્રાન્સફર કરાવી લીધા લાખો રૂપિયા