ડાંગ જિલ્લાના બરડીપાડાથી મહાલ વચ્ચેના માર્ગ પર આજે એક અત્યંત હૃદયદ્રાવક અકસ્માત સર્જાયો છે. પશ્ચિમ બંગાળ પાસિંગની એક પીકઅપ ગાડી પૂરપાટ ઝડપે જઈ રહી હતી ત્યારે એક મોટા વળાંક પર ચાલકે સ્ટીયરિંગ પરથી કાબુ ગુમાવ્યો હતો. પરિણામે ગાડી રોડ પર પલટી ખાઈ ગઈ હતી.
મોટા વળાંક પર ચાલકે કાબુ ગુમાવતા સર્જાયો અકસ્માત
આ કરુણ ઘટનામાં બે લોકોના ઘટનાસ્થળે જ કમકમાટીભર્યા મોત નિપજ્યા હતા, જ્યારે એક વ્યક્તિએ હોસ્પિટલમાં સારવાર દરમિયાન દમ તોડ્યો હતો. આમ, આ અકસ્માતમાં કુલ 3 લોકોએ જીવ ગુમાવ્યા છે. ગાડીમાં સવાર અન્ય 9 મુસાફરોને ગંભીર ઈજાઓ પહોંચી છે, જેમને તાત્કાલિક 108 એમ્બ્યુલન્સ મારફતે વલસાડની સિવિલ હોસ્પિટલમાં ખસેડવામાં આવ્યા છે.