અમરેલીના ગરણી ગામમાં ખેડૂત નાગજીભાઈ ચોપડા પટેલના મકાનમાં વહેલી સવારે ભેદી ધડાકો થતાં લોકોમાં ડર જોવા મળી રહ્યો છે.
મંગળવારે વહેલી સવારે 4:30 વાગ્યે મકાનના રસોડાના ભાગમાં ધડાકો થયો હતો જેનાથી મકાનનો ઘણો ઘરો ભાગ ધરાશાયી થઇ ગયો હતો.
ધડાકાથી રસોડું તૂટ્યું હતું અને આસપાસના મકાનો પર પણ અસર જોવા મળી હતી. ભર નિન્દ્રામાં રહેલા લોકો ભેદી ધડાકાના પગલે જાગી ગયા હતા. લોકોમાં ભારે કૂતુહલ સાથે ડર જોવા મળી રહ્યો છે.
જો કે ધડાકામાં ઘરમાં રહેલો ગેસ સિલીન્ડર અને ફ્રીજ સલામત રહ્યું હતું. પરંતુ ભેદી ધડાકાના કારણે મકાનમાલિક અને આસપાસના લોકોમાં ડરનો માહોલ સર્જાયો હતો.
ઘટનાની જાણ થતાં સ્થાનિક લોકો ટોળા એકત્ર થયા હતા અને પછી બાબરા પોલીસને જાણ કરાઇ હતી
પોલીસે ઘટના સ્થળની તપાસ શરૂ કરી છે. ધડાકો શાના કારણે થયો છે તે સહિતના મુદ્દા પર તપાસ શરુ કરાઇ છે.
આ પણ વાંચો--- Gujarat Latest News Live : રાજ્યમાં આજથી CBSE બોર્ડ પરીક્ષાની શરુઆત, 80 હજાર જેટલા વિદ્યાર્થીઓ ઉત્સાહથી આપશે પરીક્ષા