આણંદ જિલ્લાના તારાપુર પંથકમાં નકલી પોલીસ બનીને રોફ જમાવતા એક ઈસમની તારાપુર પોલીસે ધરપકડ કરી છે. આ નકલી પોલીસ ગલિયાણા બ્રિજ પાસેથી ઝડપાયો હતો, જેણે પોતાની કાર પર 'પોલીસ' લખેલી નંબર પ્લેટ લગાવીને ફરતો હતો અને લોકોને છેતરતો હોવાની આશંકા છે.
તારાપુરમાં નકલી પોલીસ ઝડપાયો
પ્રાપ્ત માહિતી અનુસાર તારાપુર પોલીસ દ્વારા ગલિયાણા બ્રિજ પાસે નિયમિત ચેકિંગ હાથ ધરવામાં આવ્યું હતું. તે દરમિયાન એક સફેદ કલરની અલ્ટો કાર શંકાસ્પદ જણાતા તેને રોકવામાં આવી હતી. આ કારની નંબર પ્લેટ પર સરકારી વાહનોની જેમ સ્પષ્ટ મોટા અક્ષરે 'પોલીસ' લખેલું હતું. પોલીસે કારચાલક પૃથ્વીરાજસિંહ કનકસિંહ પરમારની પૂછપરછ કરી હતી. પૂછપરછમાં માલુમ પડ્યું કે આ શખ્સ વાસ્તવમાં પોલીસ કર્મચારી નથી, પરંતુ ખોટી રીતે પોલીસ બનીને વિસ્તારમાં રોફ જમાવતો હતો અને લોકોને ડરાવી-ધમકાવીને કે છેતરીને પોતાના અંગત ફાયદા માટે ઉપયોગ કરતો હતો.
