ભરૂચ અંકલેશ્વર વચ્ચે બોરભાઠા બેટ પાસે નદી કિનારે ભરૂચ સિટીઝન કાઉન્સિલ દ્વારા વર્ષ 2019-20 થી શરૂ કરાયેલ રેવા અરણ્ય પ્રોજેક્ટ હવે જૈવિક વિવધતા ધરાવતો એક નમુનેદાર અને પરિપક્વ પ્રોજેક્ટ બન્યો છે . રવિવારે સવારે 6.30 વાગ્યા થી ટ્રેકિંગ અને વૃક્ષારોપણના કાર્યક્રમમાં ઉત્સાહભેર મોટી સંખ્યામાં નાગરિકો એ ભાગ લીધો હતો એમ કાઉન્સિલના સેક્રેટરી અને સામાજિક અગ્રણી હરીશ જોષીએ જણાવ્યું. મિયાવાંકી પદ્ધતિથી ઉછેર કરવામાં આવેલા 25 હજાર કરતા વધુ વૃક્ષોએ આખાયે વિસ્તારને એક સુંદર જંગલ જેવું સ્વરૂપ આપ્યું છે.
સ્થાનિક બર્ડ લવર્સ ગ્રુપ દ્વારા પક્ષીઓ ના અવાજ ને રેકર્ડ કર્યા અને નેચર લવર્સ ફેટોગ્રાફ્ફ્રો એ આવા કેટલાક પક્ષીઓ ને તસવીર માં કેદ કર્યા છે. અહીં આવી 75 જેવી પક્ષીઓ અને પ્રાણીઓની વિવિધ પ્રજાતિઓ નું રેવા અરણ્ય આશ્રાય સ્થાન બન્યું છે. જેની વિગતોQRકોડ સાથે ના પોસ્ટરો નું અનાવરણ શુભશ્રી પીગમેન્ટના સહયોગ થી કરાયું હતું. આ આખાયે પ્રોજેક્ટમાં ક્યાંય જંતુનાશક દવાઓ નો ઉપયોગ કરાયો નથી એવી વિસ્તૃત માહિતી પર્યાવરણ પ્રેમી પ્રોજેક્ટ કો ઓર્ડીનેટર્સ નીતિનભાઇ ભટ્ટ અને મહંમદભાઇ જડલીવાલાએ આપી હતી.
