અંકલેશ્વરમાં સૌરાષ્ટ્ર કડવા પાટીદાર સેવા સમાજના ઉમા પંચામૃત ઉત્સવનું આયોજન કરવામાં આવ્યું હતું જેમાં રાજકોટના સાંસદ અને પૂર્વ કેન્દ્રીય મંત્રી પરષોત્તમ રૂપાલા, રાજ્યકક્ષાના શ્રમ, કૌશલ્ય વિકાસ અને રોજગાર મંત્રી કાંતિ અમૃતિયા તેમજ પૂર્વ કેબિનેટ ઊર્જા મંત્રી ચીમન સાપરિયાસહિતના રાજકીય અગ્રણીઓ ઉપસ્થિત રહ્યા હતા.
આ પ્રસંગે સમાજના તેજસ્વી વિદ્યાર્થીઓનું સન્માન, દાતાઓનું અભિવાદન, સમાજના ગૌરવશાળી વ્યક્તિત્વોનું સન્માન તેમજ વિવિધ સામાજિક અને શૈક્ષણિક યોજનાઓને વેગ આપવાના કાર્યક્રમો યોજાયા હતા.ઉત્સવ દરમિયાન ઉમા અનુષ્ઠાન, શારદા પૂજન અને મંગલ ઘટ પૂજન સાથે કાર્યક્રમનો મંગલ પ્રારંભ કરવામાં આવ્યો હતો. આ ઉપરાંત સમાજના વિકાસને લગતી વિવિધ યોજનાઓના લાભાર્થીઓને પ્રોત્સાહિત કરવામાં આવ્યા હતા. સમાજના શૈક્ષણિક અને સામાજિક ઉત્થાનના હેતુથી નવા ભવનો અને હોસ્ટેલના નિર્માણ માટે ભૂમિપૂજન અને શિલાન્યાસનો કાર્યક્રમ પણ યોજાયો હતો.આ પ્રસંગે ઉમિયા માતાજી મંદિર ટ્રસ્ટ, સિદસરના પ્રમુખ મોહનલાલ ઉકાણીના હસ્તે વિવિધ કાર્યક્રમો યોજાયા હતા.