બનાસકાંઠા જિલ્લાના કાંકરેજ તાલુકાની ખિમાણા ગ્રામ પંચાયતના સરપંચ સામે ગેરરીતિ અને સત્તાના દુરુપયોગના આક્ષેપો બાદ કડક કાર્યવાહી કરવામાં આવી છે. જિલ્લા વિકાસ અધિકારી (DDO) દ્વારા સરપંચને તેમના હોદ્દા પરથી દૂર કરવાનો આદેશ કરવામાં આવ્યો છે.
કાર્યવાહીનું કારણ અને ઘટનાક્રમ
ખિમાણા ગ્રામ પંચાયતના સરપંચ દીવનજી ચતુરજી ઠાકોરને તેમના હોદ્દા પરથી સસ્પેન્ડ કરવામાં આવ્યા છે.સરપંચ દ્વારા ગૌચરની જમીન પર થયેલા દબાણોને હટાવવામાં નિષ્ફળતા મળી હતી. ખાસ કરીને, તેમના ભાઈઓ અને સબંધીઓ દ્વારા થયેલા દબાણો હટાવવામાં તેઓ નિષ્ક્રિય રહ્યા હતા, જેને કારણે તેમની સામે કાર્યવાહી કરવામાં આવી.સરપંચ દીવનજી ઠાકોર સત્તાનો દુરુપયોગ કરતા હોવાની ગંભીર રજૂઆત ગુજરાત હાઈકોર્ટમાં કરવામાં આવી હતી.
