સુરત જિલ્લાના બારડોલીના રાધબાગ સોસાયટી રોડ પર આજે મોટી દુર્ઘટના સર્જાતા સહેજમાં રહી ગઈ હતી. સોસાયટીના માર્ગ પર પાણીની લાઈન નાખવાનું કામ ચાલી રહ્યું હતું, તે દરમિયાન જેસીબી દ્વારા કરવામાં આવેલા ખોદકામમાં ભૂગર્ભ ગેસ લાઈન તૂટતા અચાનક ભીષણ આગ ફાટી નીકળી હતી. આગની જ્વાળાઓ ઊંચે ઉડતા આસપાસના રહીશોમાં ફફડાટ ફેલાયો હતો.
બારડોલીમાં ખોદકામ વખતે ગેસ લાઈન તૂટી
રાધબાગ સોસાયટીના રોડ પર પાણીની પાઈપલાઈન નાખવાની કામગીરી ચાલી રહી હતી. આ સમયે જેસીબી મશીન દ્વારા રસ્તો ખોદતી વખતે તે અકસ્માતે નીચેથી પસાર થતી ગેસ લાઈન સાથે અથડાયું હતું. ગેસ લાઈનમાં પંચર પડતાની સાથે જ પ્રેશર સાથે ગેસ લીક થવા લાગ્યો હતો અને જોતજોતામાં ત્યાં ભીષણ આગ ભભૂકી ઉઠી હતી.
