ભરૂચ ગૌશાળા પાંજરાપોળ ખાતે કાર્યરત નિઃશુલ્ક GSYB યોગવર્ગનો વાર્ષિકોત્સવ ઉજવાયો હતો. કાર્યક્રમમાં મુખ્ય મહેમાન તરીકે બિનિતા બેન, ઉમા બેન, યોગેશ ભાઇ, શાંતિલાલ શ્રોફ્, અનિલભાઈ, બિપિનભાઈ તથા મહેન્દ્રભાઈએ ઉપસ્થિત રહી નિયમિત યોગાભ્યાસ દ્વારા સ્વસ્થ અને સંતુલિત જીવન જીવવાનો સંદેશ આપ્યો. કાર્યક્રમ દરમિયાન યોગસાધકો દ્વારા ચેર સૂર્યનમસ્કાર, સ્ટિક યોગ, વિવિધ યોગાસનો તેમજ સાંસ્કૃતિક કૃતિઓની રજૂઆતો કરવામાં આવી હતી. યોગવર્ગના પ્રશિક્ષક કોમલ રાણાના માર્ગદર્શન હેઠળ કાર્યક્રમનું સંચાલન ધૃતા રાવલ અને અશ્મિતા દ્વારા કરવામાં આવ્યું હતું.