ભરૂચ જિલ્લાના આમોદ તાલુકામાં વીજ ચોરી કરવા જતાં એક યુવકનું કરંટ લાગવાથી ઘટનાસ્થળે જ કમકમાટીભર્યું મોત નીપજ્યું હતું. આ ઘટનાએ પંથકમાં ચકચાર મચાવી દીધી છે.
ભરુચમાં વીજ વાયરની ચોરી કરવા જતા યુવકનું મોત
પ્રાપ્ત માહિતી અનુસાર, આમોદના દોરા ગામે દોરાથી ઘમણાદ રોડ ઉપર આવેલ ઇલેક્ટ્રિક ટ્રાન્સફોર્મર (TC) નજીક આ કરૂણ બનાવ બન્યો હતો. મૃતક યુવક દિનેશભાઇ ઉર્ફે બાલુ વિનોદ રાઠોડ ટ્રાન્સફોર્મર ટીસીના વીજ વાયર કાપીને તેની ચોરી કરવા ગયો હતો. વાયર કાપતી વખતે અચાનક તેને જોરદાર વીજ કરંટ લાગ્યો હતો. કરંટ એટલો પ્રબળ હતો કે યુવક ઇલેક્ટ્રિક લાઇન પર જ ચોંટી ગયો હતો અને તેનું ઘટનાસ્થળે જ કરૂણ મોત નીપજ્યું હતું.
