ભરૂચ જિલ્લો ઔદ્યોગિક જિલ્લો છે. ભરૂચ જિલ્લામાં સ્થાનિકો સહિત રાજ્યના અને અન્ય રાજ્યના લોકો રાજગાર અર્થે આવીને વસવાટ કરી રહ્યાં છે. ત્યારે લોકસંખ્યાના વધારા સાથે તેમના રહેઠાંણ સહિતની જરૂરિયાતમાં પણ વધારો થતાં બિલ્ડરો દ્વારા શહેરમાં તેમજ શહેરને અડીને આવેલા ગામમાં નવા બાંધકામ કરવામાં આવી રહ્યાં છે. ત્યારે બીજી તરફ લોકો પણ પોતાનું ઘર કરવા માટેની હોડમાં લાગેલાં જોવા મળી રહ્યાં છે.
દરમિયાનમાં છેલ્લાં ત્રણેક મહિનાથી ભરૂચ જિલ્લામાં બિલ્ડર લોબીના માથે ચિંતાની લકીરો ઉપસી આવી છે. ઈરાન-અમેરિકા યુદ્ધ સહિતના પરિબળોના કારણોને કારણે વિવિધ રો-મટિરીયલમાં ક્રમશઃ વધારો થઈ રહ્યો હોવાને કારણે બિલ્ડરોને તેમના કરેલાં રોકાણ અને ખર્ચની સામે મિલકતના વેચાણમાં ખોટ જઈ રહી હોવાનું ધ્યાનમાં આવ્યું હતું જેના નિરાકરણ માટે તેઓ દ્વારા અનેક પ્રયાસ કરવામાં આવી રહ્યાં છે. દરમિયાનમાં ગઈકાલે ભરૂચની એક ખાનગી હોટલમાં ભરૂચ ક્રેડાઈની સામાન્ય સભાનું આયોજન કરવામાં આવ્યું હતું.
