જંબુસર શહેર તેમજ તાલુકાના મુસ્લિમ સમાજના આગેવાનો, યુવાનો અને વડીલો મોટી સંખ્યામાં એકત્રિત થઈ ગાયને રાષ્ટ્રીય માતા જાહેર કરવાની માંગ સાથે જંબુસરના પ્રાંત અધિકારીને આવેદનપત્ર પાઠવ્યું હતું.
આ પ્રસંગે સમાજના પ્રતિનિધિઓએ જણાવ્યું હતું કે ગાય ભારતીય સંસ્કૃતિ, કૃષિ વ્યવસ્થા અને ગ્રામ્ય અર્થતંત્રનું મહત્વપૂર્ણ અંગ છે. દેશના લાખો ખેડૂતો અને પશુપાલકોના જીવન સાથે ગાય સીધી રીતે જોડાયેલી હોવાથી તેના સંરક્ષણ અને સંવર્ધન માટે વધુ અસરકારક અને કડક પગલાં લેવામાં આવવાની જરૂરિયાત છે. ગૌવંશના કલ્યાણ અને સંરક્ષણને વધુ મજબૂત બનાવવા કેન્દ્ર સરકાર ગાયને રાષ્ટ્રીય માતા તરીકે જાહેર કરે તેવી માંગ આવેદનપત્ર મારફ્તે કરવામાં આવી હતી.
