ભરૂચ એ ડિવિઝન પોલીસ મથકે એ-બી અને સી ડિવિઝન પોલીસ મથકની શાંતિ સમિતીની બેઠકનું આયોજન કરવામાં આવ્યું હતું. જેમાં હિન્દુ મુસ્લીમ સમાજના સભ્યો ઉપસ્થિત રહ્યાં હતાં.
ભરૂચમાં હાલમાં તહેવારોનો માહોલ જામ્યો છે ત્યારે શહેરમાં શાંતિમય માહોલમાં તહેવારો ઉજવાય તે માટે ભરૂચ એ ડિવિઝન પોલીસ મથકે એ-બી અને સી ડિવિઝન પોલીસ મથકની શાંતી સમિતીની બેઠકનું આયોજન કરવામાં આવ્યું હતું મુસ્લિમોના ઈદ-એ-મિલાદ તેમજ હિન્દુ સમાજના પવિત્ર માસ, રક્ષાબંધન, જન્માષ્ટમી અને છડી ઉત્સવ સહિતના પર્વને લઈને યોજાયેલી બેઠકમાં તહેવારો શાંતિપૂર્ણ અને સૌહાર્દપૂર્ણ માહોલમાં ઉજવાય તે માટે ચર્ચા કરવામાં આવી હતી. બેઠકમાં ડીવાયએસપી સી. કે. પટેલ તેમજ ત્રણેય ડિવિઝનના પીઆઈ સહિતના અધિકારીઓ ઉપસ્થિત રહ્યાં હતાં.