ભરૂચમાં પૂરપાટ ઝડપે દોડતા વાહનોને કારણે સર્જાતા અકસ્માતોની હારમાળામાં વધુ એક ગંભીર ઘટના સામે આવી છે. અહીં શિફા ચોકડી પર એક બેફામ કારચાલકે રાહદારીને ઉડાડ્યો હતો, જેના કારણે ગંભીર ઈજાઓ થઈ છે. ઝડપના નશામાં રહેલા આ કારચાલકની બેદરકારી એટલી જોખમી હતી કે ટક્કર વાગતા રાહદારી 15 થી 20 ફૂટ દૂર ફંગોળાયો હતો.
શિફા ચોકડી પર જીવલેણ ટક્કર
આ અકસ્માતની સમગ્ર ઘટના નજીકમાં લાગેલા CCTV કેમેરામાં સ્પષ્ટપણે કેદ થઈ ગઈ છે. વીડિયોમાં કારચાલકની બેદરકારી અને અકસ્માતની ભયાનકતા જોવા મળી રહી છે. સ્થાનિક લોકોએ તાત્કાલિક ઈજાગ્રસ્ત રાહદારીને સારવાર માટે હોસ્પિટલ ખાતે ખસેડ્યો હતો. જાહેરમાં 'રફતારના રાક્ષસ' જેવો ભય પેદા કરનાર આ કારચાલક વિરુદ્ધ પોલીસે હવે CCTV ફૂટેજના આધારે ગુનો નોંધી કાયદેસરની કાર્યવાહી હાથ ધરી છે.