25
ગુજરાત રાજ્ય લલિતકલા અકાદમી, ગાંધીનગરની આર્થિક સહાયથી ભાવનગરના તસવીરકાર દિપક શાંતિલાલ સોલંકી (ગોપાલ માળી) દ્વારા છબીકલા પ્રદર્શન મોબાઇલની નજરે યોજાશે. કુદરતની અનુભૂતિ ક્ષણોની સંવેદના વિષય સાથે યોજાનારા આ પ્રદર્શનમાં મોબાઇલના સામાન્ય કેમેરાથી કંડારાયેલી 30 કલાત્મક તસવીરો રજૂ કરવામાં આવશે. પ્રકૃતિ, પશુ-પક્ષીઓ, ગ્રામ્ય અને શહેરી જીવન, ગુજરાતની ધરોહર, સ્થાપત્ય તેમજ રોજિંદા જીવનની અણદીઠી ક્ષણોની અનોખી ઝલક તસવીરોમાં જોવા મળશે.