ભાદરવા સુદ એકાદશી એટલે કે જળ જિલણીને સ્વામિનારાયણ સંપ્રદાયમાં પરિવર્તીની એકાદશી પણ કહેવાય છે. કારણ કે ક્ષિર સાગરમા પોઢેલા ભગવાન આ દિવસે પડખું ફેરવે છે. આ દિવસે ખાસ કરીને સ્વામિનારાયણ સંપ્રદાય અને વૈષ્ણવ સંપ્રદાયમાં ભગવાનને નૌકા વિહાર કરાવવામાં આવે છે. અને તળાવ, હોદ કે પછી સહત્રધારા વડે ભગવાનને સ્નાન કરાવવામાં આવે છે. આત્માના શુદ્ધિકરણના આ દિવસે સંતો ભક્તો નિર્જળા ઉપવાસ કરીને ભગવાનને પ્રસન્ન કરવાનો ઉત્સવ મનાવે છે. આ શુભ ઉત્સવ પર્વે ભાવનગરના અક્ષરવાડી સ્થિત BAPS સ્વામિનારાયણ મંદિર દ્વારા ગૂલીસ્તા ગ્રાઉન્ડ ખાતેથી સાંજે પાંચ વાગ્યે ભગવાન સ્વામિનારાયણ અને ગણપતિજીની ભવ્ય શોભા યાત્રાનું આયોજન કરવામાં આવ્યું હતું. અને સાંજે 6 થી 8 દરમ્યાન અક્ષરવાડી ખાતે પાણીથી ભરેલ વિશાળ હોદમાં સુંદર નૌકામાં અક્ષરપુરુષોત્તમ મહારાજની જળ વિહાર કરાવવામાં આવ્યો હતો.

પરંપરા અનુસાર આ ઉત્સવ દરમ્યાન પાંચ વાર પૂજા, થાળ અને મહાઆરતી કરવામાં આવી હતી અને ત્યારબાદ પાંચમી આરતી બાદ ગણપતિજીની મૂર્તિનું પણ ભાવભર્યું વિસર્જન કરવામાં આવ્યું હતું. સંતો અને હરિભક્તો દ્વારા જળ જિલણી પર્વ નિમિતે ભગવાન અને ગુરુ આપણને પણ આ સંસાર રૂપી સાગર પાર કરાવશે એ ભાવના અદભુત કીર્તનોનો પણ લાભ પ્રાપ્ત થયો હતો.

અંતમાં પૂજ્ય સંતો દ્વારા ઉત્સવનો મહિમા અનેભગવાન અને ગુરુના પ્રસંગો વર્ણવી મહિમા કહ્યો હતો.

ગુજરાતના વધુ સમાચાર વાંચવા માટે ક્લિક કરો