ભાવનગર જિલ્લા પોલીસ વડાની સૂચનાથી માથાભારે તત્વો અને પ્રોહિબિશનના ગુનાઓમાં સંડોવાયેલા શખ્સો વિરુદ્ધ ખાસ ઝુંબેશ ચલાવવામાં આવી રહી છે. આ અંતર્ગત અંગ્રેજી દારૂની ગેરકાયદેસર પ્રવૃત્તિઓ સાથે જોડાયેલા ચાર ઈસમોની પાસા હેઠળ અટકાયત કરવામાં આવી છે. આ શખ્સોના કારણે વિસ્તારમાં અશાંતિ ફેલાતી હોવાના અહેવાલો બાદ પોલીસે આ કડક પગલું ભર્યું છે.
માથાભારે ઈસમોની યાદી તૈયાર કરી
પોલીસે અલગ-અલગ વિસ્તારમાંથી માથાભારે ઈસમોની યાદી તૈયાર કરી હતી, જેમાં નીચે મુજબના શખ્સો સામે કાર્યવાહી કરવામાં આવી છે; લાખણકા ગામનો 1 શખ્સ, આડોડીયા વાસ વિસ્તારના 2 શખ્સો, નારી ગામનો 1 શખ્સ. આ ચારેય શખ્સોને ભાવનગરથી દૂર વડોદરા, સુરત અને ભુજની જેલોમાં મોકલી આપવામાં આવ્યા છે.
