નગરસેવક ઉષાબેન ગોહેલની ગ્રાન્ટમાંથી યોજાયેલા આ કાર્યક્રમમાં બસ સ્ટેશનને હરિયાળું બનાવવા માટે 50 જેટલા વૃક્ષોનું વાવેતર કરવામાં આવ્યું હતું. જેમાં 25 આસોપાલવ અને 25 બોરસલીના સુંદર છોડ રોપવામાં આવ્યા હતા.
આ કાર્યક્રમમાં ભાવનગર મહાનગરપાલિકાના શાસક પક્ષના નેતા લાલભા વાળા, નગરસેવક ઉષાબેન ગોહેલ, દિપ્તીબેન ધારૈયા, હરેશભાઈ મેણીયા તેમજ ગાર્ડન ચેરમેન પરેશભાઈ રાઠોડ ઉપસ્થિત રહ્યા હતા. એસ.ટી. ડેપોના અધિકારીઓ અને કર્મચારીઓએ પણ ઉત્સાહભેર સહભાગી બની વૃક્ષોની જાળવણીનો સંકલ્પ લીધો હતો. કાર્યક્રમ વિભાગીય નિયામક આર.ડી. પિલવાઈકરના માર્ગદર્શન હેઠળ સંપન્ન થયો હતો.