ભાવનગર શહેરના એસ.ટી. (ST) વર્કશોપમાં વિદેશી દારૂનો મોટો જથ્થો મળી આવતા ખળભળાટ મચી ગયો છે. જે સ્થળે બસોનું મિકેનિકલ કામ અને સર્વિસ કરવામાં આવે છે, તે જ સ્થળ દારૂનો અડ્ડો બની ગયું હોવાનું સામે આવ્યું છે.
એસ.ટી વર્કશોપ બની ગયું દારૂનો અડ્ડો
નીલમબાગ પોલીસ સ્ટેશનના ડી-સ્ટાફ દ્વારા એસ.ટી. વર્કશોપમાં અચાનક રેઇડ કરવામાં આવી હતી. આ રેઇડ દરમિયાન વર્કશોપના સ્ટોરેજ વિભાગ તેમજ વોશરૂમ સહિતની જગ્યાઓ પર છુપાવેલો વિદેશી દારૂનો મસમોટો જથ્થો મળી આવ્યો હતો. આટલી મોટી માત્રામાં દારૂ મળતા એસ.ટી. તંત્રની કામગીરી સામે અનેક ગંભીર સવાલો ઊભા થયા છે.