બોટાદ જિલ્લામાં જિલ્લા કક્ષાના 80મા સ્વાતંર્ત્ય પર્વ નિમિત્તે બોટાદની સરકારી હાઈસ્કૂલ ખાતે જિલ્લા કક્ષાની ઉજવણી જિલ્લા પ્રભારી મંત્રી રિવાબા જાડેજાના અધ્યક્ષસ્થાને ગૌરવ અને દેશભક્તિના માહોલમાં યોજાઈ હતી. ધ્વજારોહણ બાદ પરેડનું નિરીક્ષણ, વિકાસલક્ષી કામગીરીની રજૂઆત, અધિકારીઓ-કર્મચારીઓનું સન્માન, વિદ્યાર્થીઓની રંગારંગ સાંસ્કૃતિક કૃતિઓ અને વૃક્ષારોપણ સહિતના કાર્યક્રમોએ બોટાદને રાષ્ટ્રપ્રેમના રંગે રંગી દીધો હતો.
બોટાદ જિલ્લામાં જિલ્લા કક્ષાના 80 માં સ્વતંત્ર પર્વ નિમિત્તે બોટાદ સરકારી હાઈસ્કૂલ ખાતે જિલ્લા કક્ષાની ઉજવણી કરવામાં આવી હતી આ કાર્યક્રમનો શુભારંભ પ્રભારી મંત્રી રિવાબા જાડેજાના હસ્તે ધ્વજારોહણથી થયો હતો. તેમણે પરેડનું નિરીક્ષણ કરી ઉપસ્થિત જનમેદનીને સંબોધી વિકસિત ભારતના નિર્માણમાં બોટાદ જિલ્લો પ્રગતિના નવા આયામો સર કરી રહ્યો હોવાનું જણાવ્યું હતું. તેમણે ગુજરાતના સ્વાતંર્ત્ય સંગ્રામના યોગદાનને યાદ કરી વાયબ્રન્ટ ગુજરાત રિજનલ કોન્ફ્રન્સ અંતર્ગત બોટાદમાં રૂ.300 કરોડના રોકાણ માટે 11 એમએસએમઈ એકમો દ્વારા કરાયેલા કરારોનો ઉલ્લેખ કરી રોજગારીની નવી તકો સર્જાવાની આશા વ્યક્ત કરી હતી તાજેતરના ભારે વરસાદ દરમિયાન એનડીઆરએફ્, જિલ્લા ડિઝાસ્ટર મેનેજમેન્ટ, પોલીસ, 108 અને પીજીવીસીએલની ટીમોએ કરેલી રાહત-બચાવ કામગીરીને પણ તેમણે બિરદાવી હતી. શિક્ષણ ક્ષેત્રે જિલ્લામાં 153 માધ્યમિક-ઉચ્ચતર માધ્યમિક શાળાઓમાં વિદ્યાર્થીઓનું ભવિષ્ય ઘડાઈ રહ્યું છે. બેક ટુ સ્કૂલ અભિયાન હેઠળ 4,929 બાળકોને પ્રવેશ અપાયો છે, જ્યારે નમો લક્ષ્મી યોજના હેઠળ રૂ.6.03 કરોડ અને નમો સરસ્વતી યોજના હેઠળ રૂ.1.44 કરોડની સહાય ચૂકવાઈ છે. 1,125 બાળકોને વિનામૂલ્યે પરિવહન અને આરટીઈ હેઠળ 3,371 વિદ્યાર્થીઓને રૂ.1.01 કરોડની સહાય આપવામાં આવી છે આરોગ્ય ક્ષેત્રે મેદસ્વિતા મુક્ત ભારત અભિયાન હેઠળ 6,895 વ્યક્તિઓનું બીએમઆઈ સ્ક્રીનિંગ કરાયું છે. પાલક માતા-પિતા યોજના હેઠળ 358 બાળકોને રૂ.129.16 લાખ અને 327 એકલવાયા બાળકોને રૂ.70.58 લાખની સહાય મળી છે. બાગાયત ક્ષેત્રે 2,501 હેક્ટરમાં ફ્ળઝાડ વાવેતર થયું છે અને 2,025 લાભાર્થીઓને રૂ.11.82 કરોડની સહાય અપાઈ છે સ્વચ્છ ભારત મિશન અંતર્ગત શહેરી વિસ્તારમાં 6,386 અને ગ્રામ્ય વિસ્તારમાં 35,060 શૌચાલયોનું નિર્માણ થયું છે.