છોટાઉદેપુરની ધરતી પર અનેક પ્રતિભાએ મહેનત અને કૌશલ્યથી નવી ઓળખ ઉભી કરી છે. આવી જ એક પ્રેરણાદાયી કહાની છે. શિફા હુસેનશબ્બીર મફ્તની. જેણે શિક્ષણ, સંઘર્ષ અને સતત મહેનતના બળે પાઇલટ બનવાનું પોતાનું સપનું સાકાર કર્યું છે.
શિફાએ પોતાના શાળાકીય શિક્ષણની શરૂઆત છોટાઉદેપુરથી કરી હતી. ત્યારબાદ તે ઉચ્ચ શિક્ષણ માટે UAE ગઈ હતા. જ્યાં તેણે હાઈસ્કૂલમાં વિજ્ઞાન પ્રવાહ સાથે 10+2નું શિક્ષણ પૂર્ણ કર્યું હતું. નાનપણથી જ આકાશમાં ઉડાન ભરવાનું સપનું ધરાવતી શિફાએ પોતાના લક્ષ્યને સાકાર કરવા માટે એવિએશન ક્ષેત્રમાં કારકિર્દી બનાવવાનો નિર્ણય લીધો હતો. અને આગળના અભ્યાસ તથા પાઇલટ તાલીમ માટે ગ્રીસનો રસ્તો પસંદ કર્યો હતો. ગ્રીસમાં તેણે ATPL(A) મેળવવા માટે જરૂરી તાલીમ લીધી હતી. ખાસ વાત એ છે કે, પાઇલટનીતાલીમ સાથે તેણે પોતાનો સ્નાતકનો ઓનલાઈન અભ્યાસ પણ સતત ચાલુ રાખ્યો હતો. એકસાથે બે જવાબદારી નિભાવવી સરળ નહોતી. પરંતુ શિફાની મહેનત, શિસ્ત અને અડગ મનોબળે તેને સતત આગળ વધારી હતી.