નસવાડી તાલુકાના તણખલા ગામમાં પોંચબા પાણી પુરવઠા દ્વારા સંપ દ્વારા પાણી પુરવઠો પુરો પાડવામાં આવે છે. પરંતુ છેલ્લા 9 દિવસથી 1.50 લાખ લિટરના સંપમાં પાણી નહી આવતા 6 હજારની વસતી ધરાવતા તણખલા ગામમાં ભર ચોમાસે પીવાના પાણી માટે લોકોએ હવાતીયા મારવા પડે તેવી સ્થિતિ સર્જાઇ છે.
પ્રાપ્ત વિગતો અનુસાર નસવાડી તાલુકાના તણખલા ગામની વસ્તી અંદાજે છ હજાર છે, તેમજ છ થી 7 ફ્ળિયા ધરાવે છે. ગામમાં પાણી પુરૂ પાડવા માટે ગ્રામ પંચાયત પાસે માત્ર એક જ બોર છે, જે ઉનાળામાં સુકાઈ જાય છે .જેથી કરી ગ્રામ પંચાયતને ફ્ક્ત પોચંબા વોટર ફ્લ્ટિર પ્લાન્ટ પર જ નિર્ભર રહેવું પડે છે. જો પોચંબા પાણી પુરવઠા દ્વારા તણખલા ખાતે આવેલા સંપમાં પાણી આપવામાં ન આવે તો આખું ગામ પાણી વિના તરસે તેમ છે. જેથી કરી હાલ ગામના લોકોને પીવાના પાણી માટે હવાતીયા મારવા પડે છે.