દેવગઢબારીઆ : દેવગઢબારીઆ તાલુકાનાં પીપલોદ ગામની ભૂત ફ્ળીયા પ્રાથમિક શાળા ખાતે જીસીઈઆરટી ગાંધીનગર પ્રેરિત અને ડાયટ દાહોદ આયોજિત બાલ વાટિકા થી ધોરણ 8 વિદ્યાર્થી ઓના બાળમેળો અને બાળકોમાં સામાજિક ભાવનાનો વિકાસ થાય, શોભ સંકોચ દૂર થાય, એકાગ્રતા વધે જેવા હેતુને ધ્યાનમાં રાખી સ્કિલ બાળ મેળો યોજાયો હતો. બાલવાટિકા થી ધોરણ - 5ના વિદ્યાર્થીઓના બાળ મેળામાં શિક્ષકોના માર્ગદર્શનમાં મેંહદી હરિફઇ, માટીમાંથી રમકડા બનાવવા, કાગળમાંથી વિવિધ નમૂના બનાવવા, વિવિધ પ્રકારના ચિત્રકામ, ફૂગ્ગા હરીફઈ તથા અન્ય પ્રવૃત્તિઓમાં બાળકોએ ઉત્સાહભેર ભાગ લીધો હતો. જ્યારે ધોરણ છ થી આઠના બાળકોના લાઈફ્ સ્કીલ બાળમેળોમાં કુકર રીપેરીંગ, સાયકલનો પંચર બનાવવું, સાયકલ રીપેરીંગ, માટીના રમકડા બનાવવા, તોરણ બનાવવા વિવિધ પોસ્ટર બનાવવા સહિતની પ્રવૃત્તિઓ કરાવાઈ હતી.