ધંધુકા ખાતે આવેલ ડમ્પિંગ સાઇટ પર રાત્રિના સમયે પ્લાસ્ટિકના ફેલાયેલા વિશાળ જથ્થામાં અચાનક અગમ્ય કારણોસર આગ ફટી નીકળી હતી. વિશાળ મેદાનમાં મોટા પ્રમાણમાં પ્લાસ્ટિકનો કચરો પાથરેલો હોવાને કારણે આગે થોડા જ સમયમાં વિકરાળ સ્વરૂપ ધારણ કર્યું હતું.
આગની જાણ થતાં બરવાળા નગરપાલિકાના ફાયર ફાઈટર તાત્કાલિક ઘટનાસ્થળે દોડી આવ્યા હતા, પરંતુ જ્યાં આગ લાગી હતી તે સ્થળ સુધી ફાયર ફાઈટર પહોંચે તેવી સ્થિતિ ન હોવાથી માર્ગ પરથી જ કચરાને ફેલાવી દેવાયો હતો. જેના કારણે ફાયર ટીમને દૂરથી જ આગ બુઝાવવાની ભારે જહેમત ઉઠાવવી પડી હતી.
