ગાંધીધામમાં શુક્રવારે એક ચોંકાવનારી ઘટના સામે આવી હતી. શહેરની જાણીતી મહાદેવ હોટલના એક રૂમમાંથી યુવતીનો મૃતદેહ મળી આવતા સમગ્ર પંથકમાં ચકચાર મચી ગઈ હતી. ઘટનાની ગંભીરતાને જોતા એ-ડિવિઝન પોલીસ કાફલો તાત્કાલિક ઘટનાસ્થળે દોડી ગયો હતો.
ગાંધીધામમાં યુવતીની હત્યા કેસનો મામલો
મળતી માહિતી મુજબ, મૃતક ભાવનાબેન હોટલમાં દિલીપ નામના શખ્સને મળવા માટે ગયા હતા. હોટલના રૂમમાં બંને વચ્ચે કોઈ બાબતે ઉગ્ર બોલાચાલી થઈ હતી. આવેશમાં આવીને આરોપી દિલીપે ભાવનાનું ગળું દબાવી તેને મોતને ઘાટ ઉતારી દીધી હતી અને ત્યાંથી નાસી છૂટ્યો હતો.
