અમદાવાદ-ગાંધીનગરને જોડતા અડાલજ-ત્રાગડ હાઈવે પર આજે એક માર્ગ અકસ્માતની ઘટના બની છે. સિમેન્ટની ગુણીઓ ભરીને જઈ રહેલું એક વિશાળ કન્ટેનર હાઈવે પર અચાનક પલટી મારી ગયું હતું. સિમેન્ટનો જથ્થો હોવાને કારણે કન્ટેનર ભારે હોવાથી પલટી ખાતાની સાથે જ હાઈવે પર ધૂળની ડમરીઓ ઉડી હતી અને થોડા સમય માટે વાહનવ્યવહાર ખોરવાયો હતો.
સ્ટીયરીંગ પરથી કાબૂ ગુમાવતા સર્જાયો અકસ્માત
કન્ટેનર ચાલકે સ્ટીયરીંગ પરથી અચાનક કાબૂ ગુમાવી દેતા આ અકસ્માત સર્જાયો હતો. હાઈવે પર વળાંક અથવા અન્ય કોઈ ટેકનિકલ કારણોસર ડ્રાઈવર વાહન પર નિયંત્રણ રાખી શક્યો નહોતો, જેના પરિણામે કન્ટેનર રોડની સાઈડમાં પલટી ખાઈ ગયું હતું. અકસ્માત એટલો જોરદાર હતો કે કન્ટેનરની બોડીને પણ મોટું નુકસાન પહોંચ્યું છે.
