ગોધરા : ઘોઘંબા તાલુકાના સિમલિયા ગામની પ્રકાશ મા. અને ઉ.મા. શાળા ખાતે વિદ્યાર્થીનીઓમાં છુપાયેલી કલાત્મક અને સર્જનાત્મક શક્તિઓને પ્રોત્સાહન આપવાના હેતુથી મહેંદી સ્પર્ધા તેમજ કેશ ગૂંથણ સ્પર્ધા યોજાઈ હતી. જેમાં શાળાની બાળાઓએ ખૂબ જ ઉત્સાહભેર ભાગ લઈને મહેંદીની આકર્ષક ડિઝાઈનો અને વિવિધ શૈલીની કેશ ગૂંથણ કળાનું અદભુત પ્રદર્શન કર્યું હતું. આચાર્યએ તમામ સ્પર્ધકોની કૌશલ્યપૂર્ણ પ્રસ્તુતિને બિરદાવી વિજેતાઓને પ્રોત્સાહિત કર્યા હતા.