Gujarat Latest News Live : વડાપ્રધાન મોદીને ઈઝરાયેલના સર્વોચ્ચ સન્માન સ્પીકર ઓફ ધ નેસેટ મેડલથી નવાજવામાં આવ્યા

અમરેલીના સાવરકુંડલામાં કોમ્પ્લેક્સની દુકાનમાં આગ

અમરેલીના સાવરકુંડલામાં કોમ્પ્લેક્સની દુકાનમાં આગ, જૂના બસ સ્ટેન્ડના સેન્ટર પોઇન્ટ કોમ્પ્લેક્સમાં આગ, કોમ્પ્લેક્સના ત્રીજા માળે ટીવી રિપેરિંગની દુકાનમાં આગ

કોમ્પ્લેક્સમાં ફાયર સેફ્ટીના સાધનોનો અભાવ, એકાદ કલાકની જહેમત બાદ આગ આવી કાબૂમાં

મહેસાણા પોલીસને મળી મોટી સફળતા

મહેસાણાના નાગલપુર કોલેજના ત્રણ રસ્તા નજીક નંબર પ્લેટ વગરની સફેદ રંગની સ્વિફ્ટ ડીઝાયર ગાડીમાં કેટલાક શંકાસ્પદ હિન્દી ભાષી ઈસમો ફરી રહ્યા છે તેવી પોલીસને બાતમી મળી હતી. પોલીસે તાત્કાલિક કાર્યવાહી કરતા ગાડીને રોકાવીને તપાસ કરતાં જેમાં બે ઈસમો ઉત્તરાખંડના હરિદ્વારવાસી સલીમ પઠાણ અને મહારાષ્ટ્રના મુંબઈના રહેવાસી સૈયદ ઈફાજુલ હસનની ધરપકડ કરવામાં આવી હતી. મહેસાણા ડી વાય એસ પી હાર્દિક પ્રજાપતિએ કહ્યું હતું કે, આ બંને આરોપીઓ પાસેથી દિલ્હી અને ગાઝિયાબાદ વિસ્તારમાંથી ચોરાયેલી એક સ્વિફ્ટ ડીઝાયર અને બે બલેનો કાર મળી આવી છે. પોલીસે આ ગેંગ પાસેથી 3 ગાડીઓ ઉપરાંત, 4 મોબાઈલ ફોન, ગાડીઓનું સોફ્ટવેર હેક કરવાનું ટેબલેટ, બે વાઇફાઇ રાઉટર, ગાડીઓની 10 અલગ-અલગ ડુપ્લીકેટ ચાવીઓ તેમજ લોક તોડવાના સાધનો (પેચીસ, કાનસ) મળીને કુલ 15,43,000 રૂપિયાનો મુદ્દામાલ કબજે કર્યો છે.

અમદાવાદની ભદ્ર સેશન્સ કોર્ટમાંથી આરોપી ફરાર

અમદાવાદની ભદ્ર સેશન્સ કોર્ટમાંથી આરોપી ફરાર થયો છે. ભરણપોષણની રકમ ન ભરતા જ્યુ.કસ્ટડીમાં હતો, જેલ વોરંટની કામગીરી દરમ્યાન આરોપી ફરાર, મેમણ લોહિયા સામે કારંજમાં પોલીસમાં ફરિયાદ

સ્પાઇસ જેટની ફ્લાઇટમાં મુસાફરોને બેસાડી રખાયા

દિલ્હી અમદાવાદની સ્પાઈસ જેટની ફ્લાઈટમાં બે કલાક સુધી એસી વિના જ મુસાફરોને બેસાડી રાખવામાં આવ્યા હતાં. મુસાફરો અકળાયા બાદ નીચે ઉતારવામાં આવ્યા હતાં.

વડાપ્રધાન મોદીને ઈઝરાયેલની સંસદના સર્વોચ્ચ સન્માનથી નવાજવામાં આવ્યા

ઈઝરાયેલની સંસદ દ્વારા વડાપ્રધાન નરેન્દ્ર મોદીને 'Speaker of the Knesset Medal' એનાયત કરવામાં આવ્યો છે. આ કનેસેટનું સર્વોચ્ચ સન્માન માનવામાં આવે છે. આ મેડલ વડાપ્રધાન મોદીના વ્યક્તિગત નેતૃત્વ હેઠળ ભારત અને ઈઝરાયેલ વચ્ચેના વ્યૂહાત્મક સંબંધોને મજબૂત બનાવવામાં આપેલા વિશિષ્ટ યોગદાનની માન્યતા રૂપે આપવામાં આવ્યો છે. આ સન્માન બંને દેશો વચ્ચે વધતી મિત્રતા, સહકાર અને વિશ્વાસના પ્રતિબિંબ રૂપે જોવામાં આવી રહ્યું છે.

RTI કાયદાને અવગણનારા અધિકારીને ઠપકો

RTI કાયદાને અવગણનારા અધિકારીને ઠપકો, ગાંધીનગર જાહેર માહિતી અધિકારી સામે આયોગનું વલણ, અરજદારને માહિતી આપ્યા વગર વસૂલ્યા હતા રૂ. 530, રાજ્ય માહિતી આયોગ નો મહત્વપૂર્ણ ચુકાદો, માહિતી આયોગે તમામ રકમ પરત કરવા આદેશ કર્યો, 10 દિવસમાં અરજદારને સ્પષ્ટ માહિતી આપવા આદેશ

હમાસ પર વડાપ્રધાન મોદીએ કર્યા આકરા પ્રહારો

વડાપ્રધાન મોદી હાલમાં ઈઝરાયેલના પ્રવાસે પહોંચ્યા છે. ભારતીય સમય મુજબ તેઓ આજે સાંજે ઈઝરાયેલ પહોંચ્યા છે. જ્યાં ઈઝરાયેલના વડાપ્રધાન બેન્જામિન નેતન્યાહૂ અને તેમની પત્નીએ વડાપ્રધાન મોદીનું ભવ્ય સ્વાગત કર્યું છે. ઈઝરાયેલના વડાપ્રધાન અને તેમના પત્ની ખાસ વડાપ્રધાન નરેન્દ્ર મોદીને રિસીવ કરવા માટે એરપોર્ટ પહોંચ્યા હતા. ત્યારે હાલમાં વડાપ્રધાન મોદી ઈઝરાયેલની સંસદમાં પહોંચ્યા છે અને ત્યાં સંબોધન કરી રહ્યા છે.મોદીએ કહ્યું કે 7 ઓક્ટોબરના નરસંહારના દુ:ખનો અનુભવ કરૂં છું. હમાસનું નામ લઈને વડાપ્રધાન મોદીએ આતંકવાદની વિરૂદ્ધ અવાજ બુલંદ કર્યો. તેમને કહ્યું કે નિર્દોષ નાગરિકોની હત્યા સહન કરવામાં નહીં આવે. આતંકવાદ પર ઝીરો ટોલરન્સ હોવો જોઈએ. તેની વિરૂદ્ધ દુનિયાનો અવાજ એક હોવો જોઈએ. ગાઝા શાંતિ પ્રયાસ એક નવી પહેલ છે. શાંતિનો રસ્તો હંમેશા સરળ હોતો નથી.

સુરત ગોડાદરા હત્યા કેસનો ચુકાદો આવ્યો

સુરત ગોડાદરા હત્યા કેસનો ચુકાદો આવ્યો છે. સેશન્સ કોર્ટે મહત્વનો નિર્ણય સંભળાવ્યો છે. આદિત્યસિંહ રાજપૂત હત્યા કેસમાં કોર્ટે તમામ ત્રણ આરોપીઓને નિર્દોષ છોડ્યા છે. પુરાવા નહીં મળતાં છુટકારો થયો છે. વર્ષ 2021માં હત્યાની ઘટના બની હતી.પોલીસ તપાસ સામે હવે અનેક સવાલો

T20 મેચને લઈ અમદાવાદ ટ્રાફિક પોલીસનું જાહેરનામું

અમદાવાદ શહેરમાં આવતીકાલે 26 ફેબ્રુઆરી યોજાનારી આંતરરાષ્ટ્રીય T20 મેચને લઈને ટ્રાફિક વિભાગ દ્વારા ખાસ જાહેરનામું બહાર પાડવામાં આવ્યું છે. મેચ દરમિયાન મોટી સંખ્યામાં દર્શકો સ્ટેડિયમ ખાતે ઉમટવાની શક્યતા હોવાથી ટ્રાફિક વ્યવસ્થાને સુચારુ રાખવા માટે કેટલાક માર્ગો પર અવરજવર પ્રતિબંધિત રાખવામાં આવશે.

ગૌમાંસ હેરફેરના આરોપીઓ સામે કડક કાર્યવાહી પણ થશે

ગુજરાત વિધાનસભામાં મહીસાગર અને અમરેલી જિલ્લા સહિત સમગ્ર રાજ્યમાં ગૌમાંસ અને ગૌવંશની ગેરકાયદે હેરફેરના મુદ્દે પૂછાયેલા પ્રશ્નોનો પ્રત્યુત્તર આપતા રાજ્ય મંત્રી કૌશિક વેકરિયાએ ગૃહને સરકારની કડક કામગીરીથી અવગત કરાવ્યા હતા.મંત્રીએ જણાવ્યું હતું કે, છેલ્લા બે વર્ષમાં રાજ્યભરમાં કુલ 629 ગુનાઓ નોંધી 1810 આરોપીઓની ધરપકડ કરવામાં આવી છે.આશરે 54 હજાર કિલો ગૌમાંસ અને 1800 ગૌવંશને કતલખાને જતા બચાવવામાં આવ્યા છે.આ ઉપરાંત 433 વાહનો જપ્ત કરી તે પૈકી 339 વાહનોની હરાજી પણ કરવામાં આવી છે.

દુષ્કર્મ કેસમાં 2 આરોપીને આજીવન કેદની સજા

અમદાવાદ સિટી સિવિલ કોર્ટે દુષ્કર્મના કેસમાં બે આરોપીઓને આજીવન કેદની સજા ફટકારી છે. નશાની દવા આપી દુષ્કર્મ કરતાં પરિણિતાનું મોત નિપજ્યું હતું. બે આરોપીઓ દોષિત ઠર્યા છે. જ્યારે એક આરોપી આ કેસમાં ફરાર છે. વર્ષ 2021માં દાણીલીમડામાં પોલીસ ફરિયાદ નોંધાઈ હતી. રાજુ સોલંકી અને શકીલ પઠાણને આજીવન કેદની સજા ફટકારવામાં આવી છે. આરોપી ઈમરાન હુસૈનને કોર્ટે ભાગેડુ જાહેર કર્યો છે. 

અમદાવાદમાં EDના 9 સ્થળો પર દરોડા

અમદાવાદમાં 9 સ્થળો પર ઈડી દ્વારા દરોડા પાડવામાં આવ્યા છે. અનસ ગ્રુપ અને તેના ભાગીદારોને ત્યાં દરોડા પાડવામાં આવ્યા છે. એમ્બર ટોબેકો, ઉમદા ટોબેકો અને સમા ફિલ્ટર ખૈની બ્રાન્ડ હેઠળ પેકેજિંગ અને ઉત્પાદન કરવામાં આવે છે. અનસ ગ્રુપના ભાગીદારો અને પરિવારના સભ્યોની દુબઈમાં પ્રોપર્ટી હોવાનું સામે આવ્યું છે. તપાસ દરમિયાન EDની ટીમને ગુનાહિત દસ્તાવેજો અને અન્ય પુરાવાઓ મળી આવ્યા છે. EDએ ફેમા કાયદા અંતર્ગત દરોડા પડ્યા અને કાર્યવાહી હાથ ધરી છે. 

સાબરમતી જેલના 31 કેદીઓ આપશે ધોરણ 10-12 બોર્ડની પરીક્ષા

જેલની ચાર દિવાલોમાં પણ આજે શિક્ષણની ઉજાસ ફેલાઈ રહી છે. 26 ફેબ્રુઆરીથી રાજ્યભરમાં ધોરણ 10 અને 12ની બોર્ડ પરીક્ષાનો પ્રારંભ થઈ રહ્યો છે, ત્યારે સમાજના મુખ્ય પ્રવાહથી દૂર ગણાતી જેલની અંદર પણ કેદીઓ બોર્ડની પરીક્ષા આપશે. આદર્શ વિદ્યાલયની સાથે સંલગ્ન થઈને સાબરમતી સેન્ટ્રલ જેલ સહિત અન્ય જેલોના કેદીઓ માટે ભવિષ્ય ઘડવાની એક નવી તક સર્જાઈ છે. 

ગુજરાતમાં ગુનેગારોના વરઘોડાનું સત્ય ખુલ્યું

સરકારે આપેલા જવાબમાં કહ્યું હતું કે, રાજકોટ શહેરમાં 25890 ગુના નોંધાયા અને 49 આરોપીઓનું રીકન્સ્ટ્રક્શન કરાયું છે. રાજકોટ જિલ્લામાં 28825 ગુના નોંધાયા અને 48 આરોપીઓનું રીકન્સ્ટ્રકશન કરાયુ છે.ભાવનગરમાં 41506 ગુન્હા નોંધાયા અને 154 આરોપીઓનું રીકન્સ્ટ્રક્શન કરવામાં આવ્યું છે. રાજકોટ અને ભાવનગરમાં 96 હજાર કેસમાં પોલીસે વરઘોડો નથી કાઢ્યો. ગરીબ લાચાર અને ફેરિયા જેવા લાચાર લોકોના પોલીસે વરઘોડા કાઢ્યા હોવાનો વિપક્ષ દ્વારા આક્ષેપ કરાયો હતો. વિપક્ષે ગૃહમંત્રીને સવાલ કર્યો હતો કે, કોના કહેવાથી આ વરઘોડા કાઢ્યા હતાં. વિધાનસભામાં સરકારના જવાબથી પોલીસની કામગીરી સામે પણ સવાલો ઉભા થયાં છે

અનિલ અંબાણી વિરૂદ્ધ ઈડીએ મોટી કાર્યવાહી કરી

મની લોન્ડિંગ કેસમાં ઉદ્યોગપતિ અનિલ અંબાણી વિરૂદ્ધ ઈડીએ મોટી કાર્યવાહી કરી છે. ઈડીની ટીમે અનિલ અંબાણીનું મુંબઈમાં આવેલા ઘર 'અબોડ'ને જપ્ત કરી લીધું છે. આ ઘરની અંદાજે કિંમત રૂપિયા 3,716 કરોડ હોવાનું કહેવામાં આવી રહ્યું છે. તમને જણાવી દઈએ કે અનિલ અંબાણીનું આ શાનદાર ઘર 17 માળનું છે અને તે 66 મીટર ઉંચાઈ ધરાવે છે. મુંબઈના પાલી હિલ વિસ્તારમાં આ ઘર આવેલું છે. મળતી માહિતી મુજબ PMLA હેઠળ એક પ્રોવિઝનલ ઓર્ડર જાહેર કરવામાં આવ્યો છે, જેથી તેમની ગ્રુપ કંપની રિલાયન્સ કોમ્યુનિકેશન દ્વારા કથિત બેન્ક ફ્રોડ સાથે જોડાયેલા કેસમાં ઘરને જપ્ત કરવામાં આવી શકે. આ ઘરની કિંમત 3,716 કરોડ રૂપિયા છે. ઉલ્લેખનીય છે કે 66 વર્ષીય અનિલ અંબાણી બીજા રાઉન્ડની પુછપરછ માટે કેન્દ્રીય તપાસ એજન્સીની સામે હાજર થઈ શકે છે. આ પહેલા તેઓ ઓગસ્ટ 2025માં ઈડીની સામે હાજર થયા હતા અને PMLA હેઠળ તેનું નિવેદન નોંધાવ્યું હતું. નવા ઓર્ડરની સાથે આ કેસમાં અટેચ કરેલી કૂલ કિંમત લગભગ 15,700 કરોડ રૂપિયા થઈ ગઈ છે.

પાટણમાં ઠાકોર સમાજનું બંધારણ તોડવા મુદ્દે દંડ

પાટણમાં ઠાકોર સમાજનું બંધારણ તોડવા મુદ્દે દંડનીય કાર્યવાહી કરાઈ છએ. ભાજપના પૂર્વ પ્રમુખ દશરથજી ઠાકોરને દંડ ફટકારાયો છે. સમાજના આગેવાનોએ 1.51 લાખનો દંડ ફટકાર્યો છે. દીકરીના લગ્ન પ્રસંગે બંધારણનું ઉલ્લંગન કર્યું હતું. રિસેપ્શન અને શાહી કંકોત્રીને લઈ બંધારણનો ભંગ કર્યો હતો. દંડની રકમનો શૈક્ષણિક સેવામાં ઉપયોગ કરાશે. 

નવસારીમાં ભાજપનું ઉગ્ર વિરોધ પ્રદર્શન 

નવસારીમાં ભાજપનું ઉગ્ર વિરોધ પ્રદર્શન સામે આવ્યું છે. જિલ્લા ભાજપ મહિલા મોરચાના કોંગ્રેસ વિરૂદ્ધ ધરણાં યોજાયા હતાં. કોંગ્રેસના એઆઈ સમિટના વિરોધ સામે વળતો પ્રહાર કર્યો હતો. શહેરના મુખ્ય માર્ગો પર મહિલાઓએ વિરોધ નોંધાવ્યો હતો. રાહુલ ગાંધી અને કોંગ્રેસ વિરૂદ્ધ સુત્રોચ્ચાર કર્યા હતાં. 

આકાશી દ્રશ્યોમાં જોવા મળ્યો જંગલેશ્વરનો અલગ નજારો

રાજકોટના જંગલેશ્વરમાં છેલ્લા બે દિવસથી ડિમોલિશનની કામગીરી ચાલી રહી છે. અત્યાર સુધીમાં તંત્ર દ્વારા 87 હજાર ચો.મી જગ્યા ખુલ્લી કરવામાં આવી છે. 350 કરોડથી વધુની કિંમતની જમીન ખુલ્લી કરવામાં આવી છે. 

વાંચો 06 વાગ્યા સુધીના મહત્વના સમાચાર

1. Gujarat News: રાજ્યના પ્રાથમિક શિક્ષણ નિયામકની સૂચના, પ્રાથમિક શિક્ષકોને બિન શૈક્ષણિક કામગીરી નહીં કરાવી શકાય

2. RBIનો બેન્કોને આદેશ, 'હવે કોઈ હિડન ચાર્જ નહીં, એપ્લિકેશનમાંથી હટાવી લો ફસાવનારી ટ્રિક્સ'

3. IND Vs ZIM: ઝિમ્બાબ્વે સામેની મેચ પહેલા રિંકુ સિંહને લઈને મોટું અપડેટ, કોચે કર્યો મોટો ખુલાસો

4. Morbi News: બોર્ડની પરીક્ષા માટે તંત્ર સજ્જ, દિવ્યાંગ વિદ્યાર્થીઓ માટે કરાઈ ખાસ વ્યવસ્થા

5. T20 World Cup 2026: 51 વર્ષમાં પહેલીવાર થશે આવું? ભારત, પાકિસ્તાન અને શ્રીલંકા ટીમની વધી મુશ્કેલી!

6. Gujarat News: અકસ્માતો ઘટાડવા ટ્રાફિકનું સંચાલન જરૂરી, દંડનીય કાર્યવાહીથી અકસ્માતની ઘટનાઓ ઘટશે ખરી?

7. PM Modi Israel Visit: ઇઝરાયલી મીડિયાએ PM મોદીની યાત્રાને આપ્યું લેન્ડમાર્ક મોમેન્ટનું નામ, દુશ્મનોની ઉડી ઊંઘ

8. Bharuch : મહિલા PSIને લાફો મારનાર ઝડપાયો, પોલીસે આરોપી દર્શીત ગઢવીની કરી ધરપકડ

9. BJP On Rahul Gadhi: ગાંધી પરિવારે દેશ સાથે સમાધાન કર્યુ, પીયૂષ ગોયલે રાહુલ ગાંધીને કર્યા આકરા સવાલ

10. Ahmedabad News: કેકે નગરમાં રફ્તારનો કહેર, બેફામ કારચાલકે ઘરનો ગેટ અને દિવાલ તોડી

બરોડા ડેરીની ચૂંટણીને લઇ રાજકારણ ગરમાયું

બરોડા ડેરીની ચૂંટણીને લઈને રાજકારણ ગરમાયું છે. ભાસ્કર પટેલ અને દિનુ પટેલની આક્ષેપબાજી વચ્ચે દિનુમામાએ પ્રહારો કર્યા હતાં. તેમણે કહ્યું હતું કે, ભાસ્કર પટેલ આરોપો પુરવાર કરે. આરોપો પુરવાર નહીં કરે તો 25 કરોડનો દાવો કરીશ. ભાસ્કર પટેલે દિનુ મામા સામે આક્ષેપો કર્યા હતાં. 

પ્રાથમિક શિક્ષકોને લઇ શિક્ષણ વિભાગનો નિર્ણય

ગુજરાતના શિક્ષણ વિભાગના એક નિર્ણયથી શિક્ષકોને કામગીરીમાં રાહત મળી છે. શિક્ષણ વિભાગે પ્રાથમિક શિક્ષકોને બિન શૈક્ષણિક કામગીરીમાંથી મુક્તિ આપી છે. રાજયના પ્રાથમિક શિક્ષણ નિયામકે પરિપત્ર કર્યો છે. જેમાં શિક્ષણ સિવાયની અન્ય કામગીરીમાં શિક્ષકોને નહીં જોડવા સૂચના આપવામાં આવી છે. 

કચ્છના રણ વિસ્તારમાં ઇકો-ટૂરિઝમનો વિકાસ થશે

ગુજરાતમાં આ વખતે ઝોન વાઈઝ વાઈબ્રન્ટ ગુજરાત રિજનલ કોન્ફરન્સ યોજાઈ હતી. જેમાં કચ્છ અને સૌરાષ્ટ્રની રિજનલ કોન્ફરન્સમા રાજકોટ ખાતે વડાપ્રધાન મોદી પણ ઉપસ્થિત રહ્યા હતાં.આ રિજનલ કોન્ફરન્સ અંગે વિધાનસભામાં ચર્ચા થઈ હતી. પ્રવાસન ઈન્ફ્રાસ્ટ્રક્ચર માટે 1527 કરોડ રૂપિયાના કરાર થયા છે. વાઈબ્રન્ટ સમિટ દરમિયાન ચર્ચામાં આવેલા પ્રોજેક્ટમાં લક્ઝુરિયસ હોટેલ અને રિસોર્ટ બનાવવા પર ભાર મુકાયો છે. એડવાન્સ ટ્રેનિંગ ઈન્સ્ટીટ્યૂટ પર ફોકસ રહેશે. નિષ્ણાંત સંસ્થા સાથે ચાર મહત્વના સ્ટ્રેટેઝિક કરાર થયા છે. કચ્છના રણમાં ઈકો ટુરિઝમનો વિકાસ થશે. રાષ્ટ્રીય અને આંતરરાષ્ટ્રીય પ્રવાસીઓનું આકર્ષણ વધશે. 

કચ્છના રણ વિસ્તારમાં ઇકો-ટૂરિઝમનો વિકાસ થશે

ગુજરાતમાં આ વખતે ઝોન વાઈઝ વાઈબ્રન્ટ ગુજરાત રિજનલ કોન્ફરન્સ યોજાઈ હતી. જેમાં કચ્છ અને સૌરાષ્ટ્રની રિજનલ કોન્ફરન્સમા રાજકોટ ખાતે વડાપ્રધાન મોદી પણ ઉપસ્થિત રહ્યા હતાં.આ રિજનલ કોન્ફરન્સ અંગે વિધાનસભામાં ચર્ચા થઈ હતી. પ્રવાસન ઈન્ફ્રાસ્ટ્રક્ચર માટે 1527 કરોડ રૂપિયાના કરાર થયા છે. પ્રોજેક્ટમાં લક્ઝુરિયસ હોટેલ અને રિસોર્ટ બનાવવા પર ભાર મુકાયો છે. એડવાન્સ ટ્રેનિંગ ઈન્સ્ટીટ્યૂટ પર ફોકસ રહેશે. નિષ્ણાંત સંસ્થા સાથે ચાર મહત્વના સ્ટ્રેટેઝિક કરાર થયા છે. કચ્છના રણમાં ઈકો ટુરિઝમનો વિકાસ થશે. રાષ્ટ્રીય અને આંતરરાષ્ટ્રીય પ્રવાસીઓનું આકર્ષણ વધશે. 

ફૂલડોલ ઉત્સવ પૂર્વે દ્વારકામાં દાદાનું બુલડોઝર ફર્યુ

દ્વારકામાં ફૂલડોલ ઉત્સવ પહેલા હાઈવે પર થયેલા દબાણો પર બુલડોઝર ફેરવવાની કામગીરી શરૂ કરવામાં આવી છે. પદયાત્રીઓ માટે રસ્તા ખુલ્લા કરવાની કવાયત હાથ ધરાઈ છે. પદયાત્રીઓ અને વાહનોની અવરજવર સરળ બનશે. 

સાબરકાંઠામાં નકલી દૂધ ફેક્ટર કેસમાં મુખ્ય આરોપી ફરાર

સાબરકાંઠામાં નકલી દૂધની ફેક્ટરી કેસમાં મુખ્ય આરોપી હજી ફરાર છે. સાબરકાંઠા પોલીસ મુખ્ય આરોપીને પકડવામાં નિષ્ફળ રહી છે. મુખ્ય આરોપી રાકેશ પટેલને પકડવામાં પોલીસ નિષ્ફળ રહી છે. 20 દિવસ બાદ પણ આરોપી પોલીસના હાથે નથી લાગ્યો. શ્રી સત્યા ડેરી પ્રોડક્ટના ચાર કર્મચારીઓને પોલીસે પકડ્યા હતાં.

અંબાજીના પાડલીયામાં ઘર્ષણનો મામલો

આદિવાસી અને પોલીસ વચ્ચે ઘર્ષણ થયું હતું, ઘર્ષણ દરમિયાન પોલીસે ફાયરિંગ નથી કર્યું, ચૈતર વસાવાના સવાલ પર ગૃહમાં જવાબ, 2 સરકારી વાહન, 30 પોલીસ બંદોબસ્તમાં હતી, પોલીસે ટીયર ગેસના 14 સેલ છોડ્યા હતા, ઘર્ષણમાં 17 પોલીસકર્મીને પહોંચી હતી ઇજા.

પ્રશ્નકાળ દરમિયાન ગૃહમાં DyCM હર્ષ સંઘવીનું નિવેદન

MLAને ગીરનાર પર્વતની મુલાકાતે લઈ જવા અપીલ, ગીરનાર તળેટીની મુલાકાત કરે તો આરોહણ-અવરોહણ થશે, ગૃહમાં અધ્યક્ષ શંકર ચૌધરીએ પણ કરી રમૂજ, મુલાકાત પહેલા તમામ સભ્યોના હાર્ટબીટ ચેક કરવા, અધ્યક્ષના નિવેદનથી ગૃહમાં રમૂજનું વાતાવરણ. 

સુરતના પુણા વિસ્તારમાંથી ઝડપાયું નકલી પનીર 

A-1 ડેરીમાંથી ઝડપાયું નકલી પનીર, 65800ની કિંમતનું 329 કિલો પનીર જપ્ત, SOG અને ફૂડ સેફ્ટી અધિકારીએ કરી હતી રેડ, અશોક દુબે નામનો વ્યક્તિએ મોકલ્યો હતો જથ્થો, અઢી વર્ષથી નકલી પનીર વેચાઇ રહ્યું હતું, રોજનું 100 કિલો નકલી પનીર વેચતા હતા. 

ડ્રગ્સના દૂષણને જડમૂળથી ઉખેડી નાખવા માટે લોકભાગીદારી પણ વધી રહી છે

ડ્રગ્સ નેટવર્કને તોડવા માટે રાજ્યમાં ૬ ઝોનમાં એન્ટી નાર્કોટિક્સ ટાસ્ક ફોર્સનું માળખું કાર્યરત કરવામાં આવ્યું છે. ગુજરાતમાં ડ્રગ્સ સંબંધિત ક્રાઇમ રેટ માત્ર ૦.૮ છે, જે સમગ્ર દેશમાં સૌથી ઓછો છે. ડ્રગ્સના વેપાર દ્વારા ઊભી કરવામાં આવેલી ગેરકાયદે મિલકતો પર પણ રાજ્ય સરકારે કચ્છ જિલ્લામાં રૂ. ૩૨.૨૦ કરોડની મિલકતો જપ્ત કરી છે અને ગેરકાયદે બાંધકામો પર બુલડોઝર ફેરવ્યું છે. જામનગરમાં ગૌચર અને સરકારી જમીન પર ડ્રગ્સ માફિયાઓએ ઉભા કરેલા ગેરકાયદે મકાનોને જમીનદોસ્ત કરવામાં આવ્યા છે ઉમેર્યું હતું. મંત્રીએ કહ્યું કે, દરિયાઈ માર્ગ હોય કે અન્ય માધ્યમ, ગુજરાત પોલીસ અને ATSની બાજ નજરને કારણે ડ્રગ્સના સોદાગરો માટે હવે ગુજરાતમાં કોઈ સ્થાન નજામનગરમાં ગૌચર અને સરકારી જમીન પર ડ્રગ્સ માફિયાઓએ ઉભા કરેલા ગેરકાયદે મકાનોને જમીનદોસ્ત કરવામાં આવ્યા છે.થી. સરકારના આ સઘન પ્રયાસોને પરિણામે રાજ્યમાં ડ્રગ્સના દૂષણને જડમૂળથી ઉખેડી નાખવા માટે લોકભાગીદારી પણ વધી રહી છે.

ડ્રગ્સની હેરાફેરી અટકાવવા માટે ATS અને અન્ય એજન્સીઓ સતત સતર્ક છે

આ બાબતે વિગતે માહિતી આપતા મંત્ર કૌશિક વેકરીયાએ જણાવ્યું હતું કે, છેલ્લા બે વર્ષમાં સમગ્ર રાજ્યમાં ૧,૬૪૭ ગુનાઓ નોંધાયા છે, જેમાં આશરે ૪૧,૦૦૦ કિલો ડ્રગ્સ જપ્ત કરવામાં આવ્યું છે, જેની બજાર કિંમત આશરે રૂ. ૩,૭૨૭ કરોડ થાય છે. છેલ્લા બે વર્ષમાં જામનગર અને કચ્છ જિલ્લામાં ૧૩૫ ગુનાઓ હેઠળ ૩૦૬ આરોપીઓની ધરપકડ કરવામાં આવી છે અને રૂ. ૨૪૪.૫૯ કરોડથી વધુની કિંમતનું ડ્રગ્સ જપ્ત કરવામાં આવ્યું છે. મંત્રી વેકરિયાએ ઉમેર્યું હતું કે, દરિયાઈ માર્ગે થતી ડ્રગ્સની હેરાફેરી અટકાવવા માટે ATS અને અન્ય એજન્સીઓ સતત સતર્ક છે. 'ડ્રગ્સને ઉગામો અને પકડનારને પ્રોત્સાહન' ના સૂત્ર સાથે ગુજરાત સરકાર યુવા પેઢીને બચાવવા કટિબદ્ધ છે. 

ડ્રગ્સ મુક્તિ માટે નવા સેન્ટર ખોલવાનો પણ નિર્ણય લેવામાં આવ્યો છે

સંઘવીએ ઉમેર્યું હતું કે, ડ્રગ્સના દુષણ સામે લડવા માટે સરકારે માત્ર કાયદાકીય કાર્યવાહી જ નહીં, પણ માનવીય અભિગમ પણ અપનાવ્યો છે. ડ્રગ્સની આદતનો ભોગ બનેલા યુવાનોને જેલમાં મોકલવાને બદલે, સુરત અને અમદાવાદ જેવા શહેરોમાં પોલીસ કમિશનરશ્રીના અધ્યક્ષ સ્થાને તેમના પરિવાર સાથે મળીને કાઉન્સેલિંગ દ્વારા તેમને ફરી મુખ્ય પ્રવાહમાં લાવવાના પ્રયાસો કરવામાં આવે છે. અસરગ્રસ્તોને સ્થાનિક સ્તરે જ મદદ મળી રહે તે માટે આ વર્ષના બજેટમાં દરેક જિલ્લામાં ડ્રગ્સ મુક્તિ માટે નવા સેન્ટર ખોલવાનો પણ નિર્ણય લેવામાં આવ્યો છે. 

રાજ્ય સરકારે કચ્છ જિલ્લામાં ડ્રગ્સ સોદાગરોની રૂ.32.20 કરોડની મિલકતો પણ જપ્ત કરી છે

એટલું જ નહીં, ડ્રગ્સના વેપાર સાથે જોડાયેલા તત્વોના ગેરકાયદે બાંધકામો પર પણ 'દાદાનું બુલડોઝર' ફેરવી દેવામાં આવ્યું છે. ગુજરાત પોલીસે અન્ય રાજ્યોની પોલીસ સાથે સંકલન સાધીને 'પાંડી બ્રધર્સ' જેવા આંતરરાજ્ય ડ્રગ્સ માફિયાઓના નેટવર્કને તોડી પાડ્યું છે. ગુજરાત પોલીસે ડ્રગ્સ બનાવતી ગુજરાત ઉપરાંત અન્ય રાજ્યમાંથી પણ ડ્રગ્સ બનાવતી ફેક્ટરીઓ પકડી છે. તે ઉપરાંત ડ્રગ પેડલર અને ડ્રગ કાર્ટેલ્સને પકડીને ટોપ ટુ બોટમ તમામ પ્રકારના પાસાઓને ધ્યાનમાં રાખીને ઇન્વેસ્ટિગેશન કરી ડ્રગ નેટવર્કના મુળ સુધી પહોંચી ગુનેગારો સામે કડક પગલાં લીધા છે. 

ગુજરાત સરકારની ડ્રગ્સ વિરુદ્ધ 'ઝીરો ટોલરન્સ' નીતિ, છેલ્લા બે વર્ષમાં રૂ.3727 કરોડનું ડ્રગ્સ પકડ્યું

રાજ્યમાં ડ્રગ્સના દૂષણને નાથવા માટે સરકાર દ્વારા લેવામાં આવેલા કડક અને નક્કર પગલાંઓની વિધાનસભામાં વિગતવાર માહિતી રજૂ કરતા નાયબ મુખ્યમંત્રી  હર્ષ સંઘવી. નાયબ મુખ્યમંત્રી  હર્ષ સંઘવી એ જણાવ્યું હતું કે, મુખ્યમંત્રી ભૂપેન્દ્રભાઈ પટેલના નેતૃત્વમાં રાજ્ય સરકાર ડ્રગ્સ મુક્ત ગુજરાતના સંકલ્પ સાથે આગળ વધી રહી છે. નાયબ મુખ્યમંત્રીએ જણાવ્યું હતું કે, ડ્રગ્સના સોદાગરો સામે ગુજરાત પોલીસે ટોપ ટુ બોટમ ઇન્વેસ્ટિગેશન કરીને કડકમાં કડક કાર્યવાહી કરી છે. 

વિશ્વ પ્રસિદ્ધ યાત્રાધામ સાળંગપુર ખાતે પ્રખ્યાત ગાયક કલાકાર હિમેશ રેશમિયાએ કર્યા શ્રીકષ્ટભંજન દેવના દર્શન

60 દિવસ સુધી ઈ-ઓક્શનમાં ભાગ લેવા માટે અરજી કરી શકશે

ઈ-ઓક્શનમાં ભાગ લેવા માટે રજીસ્ટ્રેશનની પ્રક્રિયા તા.૦૫/૦૩/૨૦૨૬ના રોજ સાંજે ૦૪:૦૦ કલાકથી શરૂ થશે અને તા.૧૧/૦૩/૨૦૨૬ના રોજ બપોરે ૦૩:૫૯ કલાક સુધી ચાલશે. ત્યારબાદ, પસંદગીના નંબર માટે હરાજીની પ્રક્રિયા તા.૧૧/૦૩/૨૦૨૬ના રોજ સાંજે ૦૪:૦૦ કલાકથી શરૂ થઈને તા.૧૩/૦૩/૨૦૨૬ના રોજ સાંજે ૦૪:૦૦ કલાકે પૂર્ણ થશે. વાહન માલિકોએ ખાસ નોંધ લેવી કે, તેઓએ વાહનની વેચાણ તારીખ અથવા વીમા તારીખ, આ બેમાંથી જે વહેલું હોય તે મુજબ દિન-૭ માં રજીસ્ટ્રેશન કરાવવું અનિવાર્ય છે. જે અરજદારોએ સી.એન.એ. ફોર્મ ભરેલ હોય, તેઓ વાહનની વેચાણ અથવા વીમા તારીખથી ૬૦ દિવસ સુધી ઈ-ઓક્શનમાં ભાગ લેવા માટે અરજી કરી શકશે. નિર્ધારિત સમય મર્યાદા બહારની અરજીઓ આપોઆપ રદ કરવામાં આવશે.

ARTO સુરેન્દ્રનગર દ્વારા ટુ વ્હીલર પ્રકારનાં વાહનો માટે GJ13BN સીરીઝના ગોલ્ડન/સિલ્વર, અન્ય નંબરો માટે ઈ-ઓકશન યોજાશે

સહાયક પ્રાદેશિક વાહન વ્યવહાર કચેરી, સુરેન્દ્રનગર દ્વારા મોટરિંગ પબ્લિકની સગવડતા માટે પસંદગીના નંબરોની ફાળવણી કરવા માટે ઓનલાઈન ઈ-ઓક્શન પ્રક્રિયા શરૂ કરવામાં આવનાર છે. આ પ્રક્રિયા હેઠળ ટુ-વ્હિલર વાહનોની નવી સીરીઝ GJ13BN ના તમામ નંબરો માટે ઈ-ઓક્શનનું આયોજન કરવામાં આવ્યું છે. જે વાહન માલિકો પોતાના વાહન માટે પસંદગીનો નંબર મેળવવા ઈચ્છતા હોય, તેઓએ સત્તાવાર વેબસાઈટ http://parivahan.gov.in/fancynumber પર ઓનલાઈન સી.એન.એ. ફોર્મ ભરીને આ પ્રક્રિયામાં ભાગ લેવાનો રહેશે.

સ્પર્ધા દરમિયાન સારવારના સાધનો સાથેની મેડિકલ ટીમ કાર્યરત રાખવામાં આવે છે

મંત્રીએ કહ્યું હતું કે, માત્ર ગુજરાત જ નહીં પરંતુ અન્ય રાજ્યોના યુવાનો પણ આ સ્પર્ધામાં સહભાગી થાય તે માટે સરકાર સતત પ્રયત્નશીલ છે. આગામી વર્ષ ૨૦૩૦માં યોજાનાર કોમનવેલ્થ ગેમ્સના આયોજનને ધ્યાને રાખીને આંતરરાષ્ટ્રીય સ્તરની સુવિધાઓ ઊભી કરવામાં આવી રહી છે. તાજેતરમાં અંબાજી ખાતે યોજાયેલ સ્પર્ધામાં પણ સમગ્ર દેશભરમાંથી ખેલાડીઓએ ઉત્સાહભેર ભાગ લીધો હતો, તેમ તેમણે ઉમેર્યું હતું. મેડિકલ સુવિધાઓ વિશે મંત્રીએ જણાવ્યું હતું કે, સમગ્ર સ્પર્ધા દરમિયાન સારવારના સાધનો સાથેની મેડિકલ ટીમ કાર્યરત રાખવામાં આવે છે. 

યુવાનોમાં સાહસ અને શૌર્ય જગાડતી 'ગુજરાત આરોહણ-અવરોહણ સ્પર્ધા' અંતર્ગત સ્પર્ધકોને રૂ.4 લાખ સુધીનું વીમા કવચ અપાયું

રાજ્ય સરકાર દ્વારા દર વર્ષે અંદાજે રૂ. ૭.૮૦ લાખનું પ્રીમિયમ ભરવામાં આવે છે. સ્પર્ધા દરમિયાન પૂર્ણ ઇજા કે જાનહાનિના કિસ્સામાં સ્પર્ધકને રૂ. ૪ લાખ અને આંશિક ઈજાના કિસ્સામાં રૂ. ૨ લાખની સહાય આપવામાં આવે છે. વિધાનસભા ગૃહમાં 'ગુજરાત આરોહણ-અવરોહણ સ્પર્ધા' વિશે વિગતો આપતા રમતગમત, યુવક સેવા અને સાંસ્કૃતિક પ્રવૃત્તિઓ વિભાગના રાજ્ય મંત્રી ડૉ. જયરામ ગામીતે જણાવ્યું હતું કે, આ સ્પર્ધામાં ભાગ લેનારા તમામ ખેલાડીઓની સુરક્ષાને ધ્યાને રાખીને વીમા નિયામકની કચેરી મારફત દરેક સ્પર્ધકનો વીમો ઉતારવામાં આવે છે. 

GPSCની 61 પરીક્ષાની તારીખમાં મોટો ફેરફાર

વિવિધ સંવર્ગની પ્રાથમિક કસોટીઓની તારીખમાં સુધારો કર્યો, ૨૬ એપ્રિલના રોજ યોજાનારી પરીક્ષાની તારીખો બદલાઈ, ૧૦ મેના રોજ હવે પરીક્ષા યોજવા માટે આયોજન, નવા ફેરફાર જુદી-જુદી ૬૧ જાહેરાતો માટે લાગુ, ઉમેદવારોની રજૂઆતોને ધ્યાને રાખીને તારીખમાં બદલાવ.

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Gandhinagar News : ગુજરાતમાં પરમિટ વાળા વિદેશી દારૂના વેચાણથી સરકારને રૂપિયા 100 કરોડથી વધુની આવક

02 - Gandhinagar News : ગુજરાત આગામી 1 માર્ચ, 2026ના રોજ મહાત્મા મંદિર ખાતે 3જી સેમિકનેક્ટ કોન્ફરન્સની યજમાની કરશે

03 - Kutch News : કચ્છના રાપરમાં પોષડોડા અને ગાંજાની ખેતી ઝડપાઈ, 3 આરોપીની કરાઈ ધરપકડ

04 - Vadodara News : વડોદરામાં પોલીસકર્મીએ નશામાં સર્જયો અકસ્માત, કારમાંથી દારૂની બોટલ મળી આવ્યાનો સ્થાનિકોનો આક્ષેપ

05 - Surat News : સુરતમાં એક જ પરિવારના 4 સભ્યોએ કર્યો સામૂહિક આપઘાત, એક દીકરીનો બચાવ થતા તેને સારવાર હેઠળ ખસેડાઈ

06 - BSNL ડાયરેક્ટરનો 'નવાબી' પ્રોટોકોલ, ટુવાલથી લઇને અન્ડરવેર સુધી મેનેજ માટે રાખ્યા 50 અધિકારીઓ, હવે થશે તપાસ

07 - Philippines માં યુએસ લશ્કરી વિમાનનો અકસ્માત, ટેકઓફ વખતે બેરિયર સાથે અથડાતા 5 સૈનિકો ઘાયલ

08 - Rashmika Vijay ઉદયપુરના જે આલીશાન રિસોર્ટમાં લેશે સાત ફેરા ત્યાંનું એક રાતનું ભાડું સાંભળીને આંખો ચડી જશે આકાશે!

09 - T20 WC 2026: : સેમીફાઈનલની રેસ થઈ રોમાંચક! જાણો સમગ્ર સમીકરણ

10 - Gold Silver Rate Today: ચાંદીમાં ઉછાળો, સોનામાં પણ તેજી, જાણો 25 ફેબ્રુઆરીનો લેટેસ્ટ રેટ

ગાંધીનગરના GIFT સિટીમાં દારૂના નિયમો વધુ હળવા કરાયા

રાજ્ય સરકારે દારૂબંધીના નિયમોમાં મોટી રાહત આપતી નવી નોટિફિકેશન જાહેર કરી છે. આ નવા નિયમો મુજબ હવે ગિફ્ટ સિટીની મુલાકાત લેતા પ્રવાસીઓ અને બહારના નાગરિકોને દારૂના સેવન માટે પરમિટ લેવાની જટિલ પ્રક્રિયામાંથી મુક્તિ આપવામાં આવી છે. ગુજરાત બહારથી આવતા પ્રવાસીઓ (અન્ય રાજ્યોના મુલાકાતીઓ) અને વિદેશી નાગરિકોએ હવે દારૂ પીવા માટે કોઈ ખાસ પરમિટ લેવાની જરૂર રહેશે નહીં. મુલાકાતીઓ હવે માત્ર પોતાનું માન્ય ઓળખપત્ર (Identity Card) બતાવીને ગિફ્ટ સિટીની અધિકૃત હોટલ કે ક્લબમાં દારૂનું સેવન કરી શકશે. વિદેશી નાગરિકો માટે પણ હવે પ્રક્રિયા સાવ સરળ બનાવી દેવામાં આવી છે, જેથી આંતરરાષ્ટ્રીય રોકાણકારો અને પ્રવાસીઓને કોઈ અગવડ ન પડે.

ગુજરાતમાં હવે મોબાઈલથી દારૂની પરમિટ મળી જશે

ગુજરાત સરકારે દારૂ પરમિટ માટે નવી મોબાઈલ એપ લોન્ચ કરવા જઈ રહી છે, જેથી પ્રવાસીઓને હવે ઓનલાઈન પ્રોસેસથી દસ્તાવેજ અપલોડ કરીને પરમિટ મળી રહેશે. ગાંધીનગર ગિફ્ટ સિટી માટે આ એપનું ટ્રાયલ સફળ થઈ ચૂક્યું છે, અને ટુંક સમયમાં સ્ટેટવાઈડ આ એપ લોન્ચ થવાની માહિતી હાલ સામે આવી રહી છે. સરકારે વિકસાવેલી આ નવી મોબાઇલ એપનો હાલ ‘ટ્રાયલ રન’ ગાંધીનગર ગિફ્ટ સિટી વિસ્તારમાં સફળતાપૂર્વક પૂર્ણ થઈ ગયો છે.

ગુજરાતમાં પરમિટ વાળા  વિદેશી દારૂના વેચાણથી સરકારને રૂપિયા 100 કરોડથી વધુની આવક 

ગુજરાતમાં દારૂના વેચાણથી સરકારને રૂ. 100 કરોડ મળ્યા હોવાની વાત સામે આવી છે, વિધાનસભાના સત્ર દરમિયાન ધારાસભ્યના પ્રશ્ન પર જવાબ આપવામાં આવ્યો છે. વિદેશી દારૂના વેચાણથી સરકારને રૂપિયા 100 કરોડથી વધુની આવક થઈ છે, અમદાવાદ-ગાંધીનગરની 32 હોટલમાં વિદેશી દારૂના વેચાણ માટે મંજૂરી આપવામાં આવી છે, છેલ્લા બે વર્ષમાં રૂપિયા 116 કરોડથી વધુની આવક સરકારને થઈ હોવાની વાત છે, ધારાસભ્ય ઈમરાન ખેડાવાલાના પ્રશ્નનનો ગૃહમાં જવાબ આપવામાં આવ્યો છે. 

સુરત સહિત નવસારીમાં આયકર વિભાગના દરોડા

રિયલ એસ્ટેટ સાથે સંકળાયેલ ગ્રુપ પર ITના દરોડા, નવસારી શહેરમાં સુરત ના ગ્રુપ પર ITની તવાઈ, વહેલી સવારથી ગ્રુપ સાથે સંકળાયેલા લોકો પર તપાસ, નવસારીમાં કુલ 3 સ્થળોએ આયકર વિભાગની કાર્યવાહી, ITની મોટી કાર્યવાહીને પગલે બિલ્ડર લોબીમાં ફફડાટ. 

ભાવનગરના મહુવામાં ગેસ સિલિન્ડરમાં બ્લાસ્ટ

બ્લાસ્ટ થતા 4 વ્યક્તિઓને ઇજા, 3ની હાલત ગંભીર, ફાયર ટીમે ભારે જહેમતે આગ પર કાબૂ મેળવ્યો, સિલિન્ડરમાં બ્લાસ્ટ થતા 2થી 3 ઘરને નુકસાન. 

વેટલેન્ડ આજે સારસ ક્રેન માટે સૌથી સુરક્ષિત આવાસ બની ગયું છે

ખેડા અને આણંદ જિલ્લાની સરહદે આવેલું પરિયેજ વેટલેન્ડ આજે સારસ ક્રેન માટે સૌથી સુરક્ષિત આવાસ બની ગયું છે. વન વિભાગ, શૈક્ષણિક સંસ્થાઓ અને સ્થાનિક ખેડૂતોના સંયુક્ત પ્રયાસોને પરિણામે અહીં પક્ષીઓની વસ્તીમાં અભૂતપૂર્વ ઉછાળો જોવા મળ્યો છે. પક્ષીઓની આ વૈવિધ્યતાને કારણે હવે આ પ્રદેશ 'બર્ડ વોચિંગ' માટે પ્રવાસીઓની પહેલી પસંદ બની રહ્યો છે. સોશિયલ મીડિયાના માધ્યમથી આ કુદરતી વારસાની સુંદરતા દેશભરમાં પ્રસરી રહી છે.

ગુજરાતનો ખેડા જિલ્લો સારસ સંરક્ષણનું વૈશ્વિક મોડેલ બન્યો, 120થી વધુ પક્ષી પ્રજાતિઓનું આશ્રયસ્થાન

ગુજરાતનો ખેડા જિલ્લો આજે સારસ સંરક્ષણનું વૈશ્વિક મોડેલ બન્યો છે. અહીંના પરિયેજ વેટલેન્ડમાં સારસ પક્ષીઓની સંખ્યામાં રેકોર્ડબ્રેક વધારો નોંધાયો છે. વર્ષ 2015માં જે સંખ્યા માત્ર 500 હતી, તે વન વિભાગ અને સ્થાનિકોની સહભાગીદારીથી જૂન 2025 સુધીમાં વધીને 1,477 પર પહોંચી ગઈ છે. 120થી વધુ પક્ષી પ્રજાતિઓનું આશ્રયસ્થાન બનેલું આ સ્થળ હવે ઇકો-ટૂરિઝમના નવા કેન્દ્ર તરીકે ઊભરી આવ્યું છે, જે પર્યાવરણ જાળવણી અને સ્થાનિક રોજગારીનો ઉત્તમ સંગમ સાબિત થઈ રહ્યું છે. 

રાજ્યમાં કમોસમી માવઠાની આગાહી

હવામાન વિભાગે કરી આગાહી, સૌરાષ્ટ્રમાં કમોસમી વરસાદની આગાહી, 24 કલાક માટે માવઠાની આગાહી, અમરેલી,ભાવનગરમાં ગાજવીજ વરસાદની શક્યતા, અરવલ્લી,સાબરકાંઠામાં છૂટાછવાયા ઝાપટાં, નર્મદા,તાપી,ડાંગમાં માવઠાની આગાહી, રાજ્યમાં મિશ્ર ઋતુની અસર રહેશે, મહતમ તાપમાન 37 ડિગ્રી રહેશે, લઘુતમ તાપમાન 20 થી 21 ડિગ્રી રહેશે. 

સઘન પૂછપરછ હાથ ધરતા પાલિકાના તંત્રમાં ફફડાટ

પરવાનાને ફરાર કરવામાં અને તેના ગેરકાયદેસર આર્થિક વ્યવહારોમાં 'સમીર' નામના એક વ્યક્તિની ભૂમિકા અત્યંત શંકાસ્પદ ACBને જણાઈ રહી છે. ACBની પ્રાથમિક તપાસમાં બહાર આવ્યું છે કે, પરવાનાને પોલીસ પકડથી દૂર રાખવામાં સમીર નામના વ્યક્તિએ મહત્વની ભૂમિકા ભજવી રહ્યો હોય તમે લાગી રહ્યું છે. ACB સૂત્રોના જણાવ્યા અનુસાર, સમીર સીમકાર્ડના વ્યવસાય સાથે સંકળાયેલો છે. આ વ્યવસાયની આડમાં તે પરવાનાના અનેક ગેરકાયદેસર કામોમાં ભાગીદાર હોવાનું પણ સામે આવ્યું છે. પરવાના ભૂગર્ભમાં ઉતરી ગયો તે પાછળ સમીરનું નેટવર્ક કામ કરી રહ્યું હોવાની પ્રબળ શંકાને આધારે હવે તેની પણ પૂછપરછની તૈયારીઓ ચાલી રહી છે.

Suratના લિંબાયતમાં ACB ટ્રેપનો કેસ, પોલીસે મિલકતદારોની વન-બાય-વન પૂછપરછ કરી શરૂ

સુરત લિંબાયતમાં ACB ટ્રેપનો મામલો, ગણેશવાલા-પરવાનાની મંડળીના કાળા કામોનું ક્રોસ વેરિફિકેશનનો શરૂ કરવાનો ધમધમાટ શરૂ થયો, ACB પોલીસે લિંબાયત પોલીસ સ્ટેશનમાં મિલકતદારોની વન-બાય-વન પૂછપરછ કરી શરૂ. સુરત મહાનગરપાલિકાના કાર્યપાલક એન્જિનિયર વિપુલ ગણેશવાલા અને વચેટિયા ઈસ્માઈલ પઠાણ ઉર્ફે પરવાના લાંચના કેસમાં છેલ્લા ચાર દિવસથી પોલીસને હાથતાળી આપી રહ્યો છે. એન્ટી કરપ્શન બ્યુરો દ્વારા આ બંને આરોપીઓને પકડવા માટે ચક્રો ગતિમાન કરવામાં આવ્યા છે, ત્યારે તપાસમાં ચોંકાવનારી વિગતો સામે આવી રહી છે. 

ભારતના સેમિકન્ડક્ટર મેન્યુફેક્ચરિંગ અને રિસર્ચ ક્ષમતાઓને વેગ આપવામાં મુખ્ય ભૂમિકા 

મુખ્યમંત્રી ભૂપેન્દ્ર પટેલ, કેન્દ્રીય ઇલેક્ટ્રોનિક્સ અને ઇન્ફર્મેશન ટેક્નોલોજી (IT), રેલવે તેમજ માહિતી અને પ્રસારણ મંત્રી શ્રી અશ્વિની વૈષ્ણવ, ગુજરાતના નાયબ મુખ્યમંત્રી  હર્ષ સંઘવી અને સાયન્સ અને ટેક્નોલોજી મંત્રી અર્જુન મોઢવાડિયાની ઉપસ્થિતિમાં આ કોન્ફરન્સનું ઉદ્ઘાટન કરશે. આ કોન્ફરન્સનું થીમ છે: ‘ગુજરાત: ઇન્ડિયાઝ ગેટવે ટુ સિલિકોન’ (ગુજરાત: સિલિકોન માટે ભારતનું પ્રવેશદ્વાર), જે ભારતની સેમિકન્ડક્ટર ઇકોસિસ્ટમના પ્રમુખ કેન્દ્ર તરીકે સ્થાપિત થવાની રાજ્યની મહત્વાકાંક્ષાને પ્રતિબિંબિત કરે છે. ગુજરાત તેના મજબૂત ઇન્ફ્રાસ્ટ્રક્ચર, ઔદ્યોગિક કોરિડોર અને રોકાણકારોને અનુકૂળ નીતિઓ સાથે ભારતના સેમિકન્ડક્ટર મેન્યુફેક્ચરિંગ અને રિસર્ચ ક્ષમતાઓને વેગ આપવામાં મુખ્ય ભૂમિકા ભજવવા માટે તૈયાર છે. 

ગુજરાત આગામી 1 માર્ચ, 2026ના રોજ મહાત્મા મંદિર ખાતે 3જી સેમિકનેક્ટ કોન્ફરન્સની યજમાની કરશે

ગુજરાત સરકાર આગામી 1 માર્ચ, 2026ના રોજ ગાંધીનગરમાં મહાત્મા મંદિર ખાતે સેમિકનેક્ટ કોન્ફરન્સ 2026ની ત્રીજી આવૃત્તિની યજમાની કરશે. ગુજરાત સરકારના સાયન્સ અને ટેક્નોલોજી વિભાગ અને ગુજરાત સ્ટેટ ઇલેક્ટ્રોનિક્સ મિશન (GSEM) દ્વારા આયોજિત, આ વૈશ્વિક કોન્ફરન્સ વડાપ્રધાન નરેન્દ્ર મોદીના દૂરંદેશી નેતૃત્વ થકી પ્રેરિત છે. ઉલ્લેખનીય છે કે વડાપ્રધાનના ટેક્નોલોજીમાં આત્મનિર્ભરતા પ્રાપ્ત કરવાના આહ્વાને સેમિકન્ડક્ટર ક્ષેત્રને ભારતના ગ્રોથ એજન્ડાના કેન્દ્રમાં સ્થાપિત કર્યું છે. 

રાજકોટના જંગલેશ્વરમાં મેગા ડિમોલિશન પૂર્ણ

રાજકોટ DCP હેતલ પટેલનું નિવેદન

‘પોલીસ જવાનોની ટીમે સંકલન કરી કામ કર્યુ

‘50 ટકા મહિલા સુરક્ષાકર્મીઓ કામે લાગ્યા’

‘2000થી વધુ જવાનો, SRP જવાનો જોડાયા હતા’

‘200થી વધુ હિસ્ટ્રીશીટરનો અહીંયા અડ્ડો હતો’

અહીંયા અનેક ગેંગ સક્રિય હતીઃ DCP

‘આરોપીઓનો પણ અહીંયા આશ્રય સ્થાન હતું’

રાજકોટના જંગલેશ્વરમાં મેગા ડિમોલિશન પૂર્ણ, અંદાજિત 350 કરોડની જમીન ખુલ્લી કરાઈ : મ્યુનિસિપલ કમિશનર તુષાર સુમેરા

88750 ચોરસ મીટર જમીન ખુલ્લી થઇ

અંદાજિત 350 કરોડની જમીન ખુલ્લી થઈ

ટીપી રોડ ઉપર 497 દબાણ દૂર થયા

992 દબાણ હટાવાયા કાર્યવાહી થઈ 

879 આવાસ લાભાર્થીઓને આપવામાં આવ્યા 

1500થી વધુ મનપા મેન પાવર કામે લાગ્યો 

5 લાખથી વધુની કિંમતના 750 મકાનો જોવા મળ્યા

ઓરડી બનાવી ભાડે આપવાનો ધંધો ધીકતોઃ : કમિશનર

‘200 આવાસ તો આધુનિક સુવિધાથી સજ્જ હતા’

5 લાખથી વધુની કિંમતના 750 મકાનો જોવા મળ્યા

રિપેર થયેલા આવાસ માત્ર 2 લાખમાં મળશેઃ : કમિશનર

ઓપરેશન માટે છેલ્લા 1 મહિનાથી કવાયત હતીઃ : કમિશનર

આગામી 5 વર્ષમાં 30 હજાર નવા આવાસ બનાવાશેઃ : કમિશનર

PSI અને LRD પરીક્ષાની સંભવિત તારીખ 

PSIની લેખિત પરીક્ષા 19 એપ્રિલે યોજાય તેવી શક્યતા, અમદાવાદ, સુરત, વડોદરા, રાજકોટમાં યોજાશે, LRDની લેખિત પરીક્ષા 14 એપ્રિલે યોજાય તેવી શક્યતા, અમદાવાદ, સુરત, વડોદરા, રાજકોટમાં યોજાશે, ગાંધીનગર, ભાવનગર, આણંદમાં પરીક્ષા યોજાશે. 

સુરેન્દ્રનગરમાં બાકી વેરા વસૂલાતને લઇ કાર્યવાહી 

બાકીદારોની મિલકતો, દુકાનો, હોસ્પિટલ સીલ, નોટિસો આપવા છતા વેરો નહિ ભરતા કાર્યવાહી, તંત્ર દ્વારા દુકાન, વાડી, હોસ્પિટલ સીલ કરતા ફફડાટ

અમદાવાદમાં ફાયરિંગ કરનાર 3 આરોપીની ધરપકડ   

ત્રણ આરોપીઓએ સોલા વિસ્તારમાં ફાયરિંગ કર્યુ હતુ, મોન્ટુ દેસાઇ, અંકુર ઠાકોર અને પિન્ટુ નાયીની ધરપકડ, પ્રેમિકાને પરત મોકલતા હુમલો કર્યો હોવાનું અનુમાન, સોલા પોલીસે ધરપકડ કરી વધુ તપાસ હાથ ધરી

પંચમહાલના ગોધરામાં વ્યાજખોરનો આતંક સામે આવ્યો

ભુરાવાવના યુવકે માનસિક ત્રાસથી ફિનાઇલ પીધું, માતાની સારવાર માટે યુવકે 1.26 લાખ લીધા હતા, 5 લાખ પરત આપવા છતા વ્યાજખોર ત્રાસ આપતો, વ્યાજખોરની ધમકીઓથી કંટાળી યુવકનો આપઘાત પ્રયાસ, સો. મીડિયામાં વીડિયો વાયરલ કરી પોલીસની મદદ માગી, વ્યાજખોર મારી નાખવાની ધમકી આપતો હોવાનો આક્ષેપ, ફિનાઇલ પીધા બાદ યુવકને સિવિલ હોસ્પિટલ ખસેડાયો, વ્યાજખોરીના પ્રકરણને લઈ પોલીસે તપાસ શરૂ કરી

બરોડા ડેરીની 18 માર્ચે ચૂંટણી યોજાશે 

13 ડિરેકટરો માટે યોજાશે ચૂંટણી , આજથી ફોર્મ ભરવાની શરૂઆત , કુલ 1071 સભાસદ કરશે મતદાન , વર્તમાન પ્રમુખ દિનેશ પટેલ ફોર્મ ભરશે, ઉપપ્રમુખ જી. બી. સોલંકી ભરશે ફોર્મ , પૂર્વ ડિરેકટર શૈલેષ પટેલનું નિવેદન પાર્ટી જેને મેન્ડેટ આપશે તે માન્ય રહેશે , મેન્ડેટ નહિ આપે તો ફોર્મ પરત ખેંચીશું

સુરતમાં ખોટો સાટાખત બનાવનાર અમદાવાદથી ઝડપાયો 

ધવલ ભાટીયાને પાલ પોલીસે અમદાવાદથી ઝડપ્યો, આરોપીએ ફરિયાદીને રુ. 44 લાખનો ફ્લેટ બતાવ્યો હતો, ખોટો સાટાખત કાગળો બનાવી ફ્લેટ વેચ્યો હતો, ફ્લેટ બે વ્યક્તિઓને વેચ્યો હોવાનો પણ ખુલાસો

બોટાદ જિલ્લામાં PGVCLની મેગા ડ્રાઇવ   

ગઢડા, બોટાદ, રાણપુર, બરવાળામાં ડ્રાઇવ, કુલ 111 ટીમો દ્વારા બાકી બિલ વસુલવા કાર્યવાહી, બોટાદ જિલ્લામા કુલ 2,45,903 કનેક્શનો , અંદાજે 19 કરોડથી વધુનું વીજ બિલ બાકી

સ્થાનિક સ્વરાજની ચૂંટણીની અંતિમ તૈયારીઓ 

  તાલુકા અને જિલ્લા પંચાયતની અનામત બેઠકોની ફાળવણી , 24 તા.પં, 9 જિ.પં, એક મનપાની બેઠકોની ફાળવણી, નવસારી, વલસાડ, દાહોદ , સુરતની અનામત બેઠકોની ફાળવણી, બનાસકાંઠા, તાપી, નર્મદાની અનામત બેઠકોની ફાળવણી, પંચમહાલ, દ્વારકા જિલ્લાની અનામત બેઠકોની ફાળવણી , ગાંધીધામ, મહાનગરપાલિકાની અનામત બેઠકોની ફાળવણી

રાજકોટના જંગલેશ્વરમાં ડિમોલિશન કામગીરી પૂર્ણ 

જંગલેશ્વરમાં 1509 ગેરકાયદે બાંધકામો તોડી પડાયા.., ઇતિહાસનું સૌથી મોટું ડિમોલેશન શાંતિપૂર્ણ રીતે પૂર્ણ, કાટમાળ ખસેડવાની કામગીરી યુદ્ધના ધોરણે શરૂ, મનપા કર્મચારીઓ અને પોલીસ જવાનો તૈનાત, 1 સપ્તાહ સુધી કાટમાળ ખસેડવાની કામગીરી ચાલશે, કાટમાળ ખસેડ્યા બાદ નવો ડામર રોડ બનાવાશે

અમદાવાદના વાડજમાં અસામાજિક તત્વોનો આતંક 

દારૂ લેવાની બાબતે એક વ્યક્તિને માર માર્યાનો આક્ષેપ , પાણીની આડમાં દારૂનો ધંધો ચાલતો હોવાનો આક્ષેપ, ભોગ બનનારે પોલીસ કમિશનરને ભલામણ કરી, વાયરલ વીડિયોમાં સ્થાનિક પોલીસ પર આક્ષેપ, સ્થાનિક પોલીસે વધુ તપાસ હાથ ધરી

જૂનાગઢ ભાજપ પ્રમુખમાં આંતરિક વિખવાદ 

શહેર પ્રમુખ ગૌરવ રુપારેલિયા સામે આક્રોશ, યુવા મોરચાના પૂર્વ ઉપપ્રમુખ તેજસ જોષીનો ધડાકો, શહેર પ્રમુખ ગૌરવ રુપારેલિયા વ્યાજખોર હોવાનો આક્ષેપ, લોકોને વ્યાજના વિષચક્રમાં ફસાવ્યાનો આક્ષેપ, પૂર્વ શહેર ભાજપ પ્રમુખ પુનીત શર્મા સામે ગંભીર આક્ષેપ , તેજસ જોષીએ જાહેર કર્યા વ્યાજખોરના પુરાવા

ગુજરાત શહેરી આજીવિકા મિશન અંતર્ગત 15 માર્ચ સુધીમાં 152 નગરપાલિકાઓમાં સ્વદેશી મેળાઓ યોજવામાં આવશે

વડાપ્રધાન નરેન્દ્ર મોદીએ આત્મનિર્ભર ભારતના નિર્માણ માટે ‘વોકલ ફોર લોકલ’ મંત્રને અનુસરીને દેશના નાગરિકોને સ્વદેશી ઉત્પાદનો અપનાવવા માટે આહ્વાન કર્યું છે. તેમના માર્ગદર્શનમાં ગુજરાતમાં મુખ્યમંત્રી ભૂપેન્દ્ર પટેલના નેતૃત્વ હેઠળ રાજ્ય સરકારે ગ્રામ્ય અને શહેરી કારીગરો, હસ્તકલાકારો અને નાના ઉદ્યોગોને ટેકો આપવા માટે અનેક નવી પહેલો હાથ ધરી છે. ‘ગુજરાત આત્મનિર્ભર યાત્રા’,‘જી-મૈત્રી યોજના’, ‘મહિલા ઉદ્યોગ સહાય યોજના’ જેવા કાર્યક્રમો દ્વારા રાજ્યમાં સ્વદેશી ઉત્પાદનોને નવી ઊર્જા મળી રહી છે. 

જામખંભાળિયા, ભાણવડમાં PGVCLની કાર્યવાહી

5 સબ ડિવિઝન વિસ્તારમાં 50 જેટલી ટીમ ત્રાટકી, 2થી વધુ વીજબિલ નહીં ભરનાર સામે કાર્યવાહી, બિલ નહીં ભરનાર 1200 વીજ ગ્રાહકો પર તવાઇ. 

કચ્છના રાપરમાં ગાંજાની ખેતીનો પર્દાફાશ

રાપર તાલુકા માંથી પોષડોડા અને ગાંજાની ખેતીનો પર્દાફાશ કરવામાં આવ્યો છે, ભુજ બોર્ડર રેન્જ સાયબર સેલની કાર્યવાહી સામે આવી છે, ભીમાસર ગામની સીમમાંથી બે એકરમાં પોષડોડા અને ગાંજોનું વાવેતર ઝડપાયું છે અને ત્રણ શખ્સોની પોલીસે અટકાયત કરી છે, અન્ય કેટલા શખ્સો છે તે દિશામાં પણ પોલીસે તપાસ શરૂ કરી છે. 

કચ્છના રાપરમાં પોષડોડા અને ગાંજાની ખેતી ઝડપાઈ, 3 આરોપીની કરાઈ ધરપકડ 

કચ્છના રાપરમાં પોષડોડા અને ગાંજાની ખેતી ઝડપાઈ છે અને ખેતરમાં આ ખેતી કરવામાં આવતી હતી, પોલીસે બાતમીના આધારે દરોડા પાડયા છે. કચ્છના રાપરમાં પોષડોડા,ગાંજાની ખેતીનો પર્દાફાશ થયો છે, ભીમાસર ગામે બે એકરમાં પોષડોડા અને ગાંજાનું વાવેતર કરવામાં આવતું હોવાની વાત સામે આવી છે, પોલીસે ત્રણ જેટલા આરોપીઓની ધરપકડ કરી છે અને અંદાજી પોલીસે કરોડોનો મુદ્દામાલ ઝડપી પાડ્યો છે. 

બનાસકાંઠાના ગામડાઓમાં પહોંચ્યા નર્મદાના નીર

પાલનપુરના મલાણા ગામના તળાવમાં પહોંચ્યા નીર, નર્મદાના નીર પહોંચતા ખેડૂતોએ કર્યા વધામણાં, વર્ષો જૂની મલાણા તળાવ ભરવાની માંગ સ્વીકારાઈ, નર્મદાના નીર પહોંચતા ખેડૂતોમાં ખુશીની લહેર, આસપાસના વિસ્તારમાં ભૂગર્ભ જળના તળ આવશે ઊંચા. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Vadodara News : વડોદરામાં પોલીસકર્મીએ નશામાં સર્જયો અકસ્માત, કારમાંથી દારૂની બોટલ મળી આવ્યાનો સ્થાનિકોનો આક્ષેપ

02 - Gujarat Police : હેલ્મેટ પહેર્યા વિના બહાર નીકળશો તો પોલીસ પકડશે, રાજયભરમાં 15 દિવસ ચાલશે ટ્રાફિક ડ્રાઈવ

03 - Surat News : સુરતમાં એક જ પરિવારના 4 સભ્યોએ કર્યો સામૂહિક આપઘાત, એક દીકરીનો બચાવ થતા તેને સારવાર હેઠળ ખસેડાઈ

04 - Rajkot News : રાજકોટના જંગલેશ્વરમાં મેગા ડિમોલિશન પૂર્ણ, 1500 જેટલા ગેરકાયદે બાંધકામો તોડી પડાયા

05 - Weather News : ગુજરાતમાં મિશ્ર ઋતુની અસર વર્તાઈ, વહેલી સવારે ઠંડી તો બપોરે ગરમીનો અહેસાસ

06 - Israel Iron Beam : અમેરિકા હોય કે ચીન, કોઈની પાસે નથી ઇઝરાયેલના આ શસ્ત્રનો તોડ, આ હથિયાર છે ઘાતક!

07 - PAK vs ENG : પાકિસ્તાનના કેપ્ટને કોના પર ફોડ્યું હારનું ઠીકરૂં

08 - Dipika Kakarની ફરી થઈ સર્જરી, પતિ શોએબ ઈબ્રાહિમે જણાવી એક્ટ્રેસની હાલત!

09 - Israel ની આયર્ન ડોમ ટેકનોલોજીથી સજ્જ થશે 'સુદર્શન ચક્ર'! ચીન અને પાકિસ્તાનની ઉડશે ઊંઘ

10 - T20 World Cup 2026 : હેરી બ્રુકે રચ્યો ઈતિહાસ, આવું કરનાર ઈંગ્લેન્ડનો પ્રથમ કેપ્ટન બન્યો

સુરેન્દ્રનગરમાં બાકી વેરા વસૂલાતને લઇ કાર્યવાહી

બાકીદારોની મિલકતો, દુકાનો, હોસ્પિટલ સીલ, નોટિસો આપવા છતા વેરો નહિ ભરતા કાર્યવાહી, તંત્ર દ્વારા દુકાન, વાડી, હોસ્પિટલ સીલ કરતા ફફડાટ. 

ઈડર-ખેડબ્રહ્મા હાઇવે રોડ પર મોતની સવારી

ખાનગી વાહનોમાં કરે છે મુસાફરો મોતની સવારી, જીપ, ખાનગી સહિત ઇકો ગાડીમાં મોતની સવારી, ખીચો-ખીચ મુસાફરો કરી રહ્યા છે વાહનમાં મુસાફરી, 35થી 40 મુસાફરો કરી રહ્યા છે મોતની સવારી, અકસ્માત સર્જાય તો જવાબદાર કોણ મોટો સવાલ. 

કારચાલકને પોલીસ મથકે લઈ જવાયો 

અકસ્માત એટલો ગંભીર હતો કે ઘર પાસે પાર્ક કરેલી કારને પણ ફેરવી દીવાલમાં પાડી કાણું પાડી દીધું છે, અન્ય એક રીક્ષા તેમજ એકટીવા ચાલકને પણ પહોંચાડી હતી ઇજા જેમાં ઈજાગ્રસ્તોને સારવાર માટે ખસેડાયા છે, ઘટનાને પગલે લોકોના ટોળા થયા એકત્ર અને ઘટનાની જાણ પોલીસ તથા તાત્કાલિક કારચાલક પોલીસ કર્મચારીને લઈ જવાયો પોલીસ મથકે. 

વડોદરા શહેરમાં અકસ્માતનું પ્રમાણ વધ્યું

વડોદરા શહેરમાં વધી રહ્યું છે અકસ્માતોનું પ્રમાણ અને ઓએનજીસી નજીક હજીરા પાસે કાર ચાલકે સર્જ્યો અકસ્માત જેમાં સ્થાનિકોના મતે પોલીસ કર્મચારીએ પીધેલી હાલતમાં કાર ચલાવી અકસ્માત સર્જયો હોવાની વાત સામે આવી છે, કારના ડેસ્કબોર્ડ પર પોલીસની જોવા મળેલી છે પ્લેટ અને વાહન ચાલકોના આક્ષેપ મુજબ કારમાં હાલમાં પણ બોટલમાં તેમજ ગ્લાસમાં દેખાઈ રહ્યો છે દારૂ. 

વડોદરામાં પોલીસકર્મીએ નશામાં સર્જયો અકસ્માત, કારમાંથી દારૂની બોટલ મળી આવ્યાનો આક્ષેપ 

વડોદરામાં પોલીસકર્મીએ નશામાં અકસ્માત સર્જયો હોવાની વાત સામે આવી છે, ONGC નજીક હજીરા પાસે કાર ચાલકે સર્જ્યો અકસ્માત અને કારમાંથી પોલીસ લખેલી પ્લેટ મળી આવી છે. વડોદરામાં પોલીસકર્મીએ નશાની હાલતમાં અકસ્માત સર્જ્યો હોવાની વાત સામે આવી છે અને કારના ડેસ્કબોર્ડ પરથી પોલીસની પ્લેટ મળી આવી છે, કારમાંથી દારૂની બોટલ મળી આવી હોવાનો આક્ષેપ સ્થાનિકોનો છે અને અકસ્માતમાં એક રિક્ષા અને એક્ટિવાચાલકને ઇજા પહોંચી છે. પોલીસે સમગ્ર મામલે વધુ તપાસ હાથધરી. 

ગીર સોમનાથના વેરાવળમાં PGVCLની ટીમો ત્રાટકી

78 જેટલી PGVCL ટીમ દ્વારા કામગીરી હાથ ધરાઇ, 1900થી વધુ વીજ જોડાણ કાપવાનો લક્ષયાંક, 2.60 કરોડની રકમના બાકીદારો વિરુદ્ધ કાર્યવાહી, વહેલી સવારથી PGVCLની ટીમો દ્વારા કામગીરી, વેરાવળ ડિવિઝન હેઠળના 7 સબ ડિવિઝનમાં કાર્યવાહી, વેરાવળ ડિવિઝનનું 19 કરોડ જટલું બાકી લેણું. 

વડોદરામાં બાઇકચાલકે કાબૂ ગુમાવતા મોત

બાઇક અકસ્માતના ચોંકાવનારા CCTV ફૂટેજ, પાણીગેટ પાસે બાઇકચાલકે કાબૂ ગુમાવ્યો, ઓવરસ્પીડે બાઇક દોડાવતા અકસ્માત થયો, 19 વર્ષીય આદિત્ય પરમારનું મોત નીપજ્યું. 

રાજકોટ-સુરતની બસમાં મહિલા સાથે અભદ્ર હરકત

બસના ક્લિનરે મહિલા પાસે અઘટિત માગણી કરી, માગણી તાબે ન થતા મહિલાને ચાલુ બસે નીચે ફેંકાઇ, સ્લીપર બસમાં મહિલા રાજકોટ સુરત જઇ રહી હતી, રાજકોટથી બસ ઉપડ્યા બાદ ક્લીનરે કરી છેડતી, મહિલાએ વિરોધ કરતા ચાલુ બસમાંથી ધક્કો માર્યો, ભોગ બનનાર મહિલાને રાજકોટ સિવિલ ખસેડાઇ, પીડિત મહિલાએ પોલીસ સમક્ષ નિવેદન નોંધાવ્યું. 

15 દિવસ સુધી ચાલશે ટ્રાફિક ડ્રાઈવ

રાજ્યમાં આજથી 15 દિવસ સુધી ટ્રાફિક ઝૂંબેશ ચલાવવા માટે તમામ પોલીસ કમિશનર અને એસપીને સૂચના આપવામાં આવી છે. કામગીરીનો દૈનિક રીપોર્ટ વડી કચેરીને મોકલવાનો આદેશ કરાયો છે. વધતા જતા માર્ગ અકસ્માતોને અંકુશમાં લેવા માટે નિર્ણય લેવાયો છે. ટ્રાફિક પોલીસની ડ્રાઈવ દરમિયાન ડ્રન્ક એન્ડ ડ્રાઇવ, ઓવર પેસેન્જર, રોન્ગ સાઈડ ડ્રાઈવિંગ, નંબર પ્લેટ વગરના વાહનો, કાળા કાચ, હેલ્મેટનો અભાવ, ગેરકાયદેસર LED લાઈટ,અનધિકૃત પાર્કિંગ સહિતના ટ્રાફિક ભંગ સામે કાર્યવાહી કરાશે. 

ટ્રાફિક ડ્રાઈવ યોજાશે રાજયમાં

ગુજરાત પોલીસ દ્વારા સ્પેશિયલ ટ્રાફિક ડ્રાઈવનું આયોજન કરવામાં આવ્યું છે જેમાં અલગ-અલગ વિસ્તારોમાં આ ટ્રાફિક ડ્રાઈવ યોજવામાં આવશે, રોંગ સાઈડ, વાહનોમાં ગેરકાયદે LED લાઈટ હશે તેવા ચાલકો વિરુદ્ધ કાર્યવાહી કરવામાં આવશે સાથે સાથે જાહેર રોડ પર થયેલા અનઅધિકૃત પાર્કિંગને લઈ કાર્યવાહી કરવામાં આવશે. ટ્રાફિક પોલીસ ટ્રાફિકના નિયમો તોડનાર વિરુદ્ધ કાર્યવાહી કરશે. 

હેલ્મેટ પહેર્યા વિના બહાર નીકળશો તો પોલીસ પકડશે, રાજયભરમાં 15 દિવસ ચાલશે ટ્રાફિક ડ્રાઈવ 

રાજ્યભરમાં 15 દિવસ ટ્રાફિક ડ્રાઈવ યોજાશે જેમાં 25 ફેબ્રુઆરીથી 10 માર્ચ સુધી યોજાશે ડ્રાઈવ, જેમાં ટ્રાફિક નિયમોનું ઉલ્લંઘન કરનાર વાહનચાલકો વિરુદ્ધ કાર્યવાહી કરવામાં આવશે. રાજ્યના પોલીસ વડા દ્વારા ડ્રાઈવના આદેશ આપવામાં આવ્યો છે, અકસ્માતોને અંકુશમાં લાવવા ડ્રાઈવનું આયોજન કરવામાં આવ્યું છે, ડ્રિંક એન્ડ ડ્રાઈવ અને કાળા કાચ વિરુદ્ધ કાર્યવાહી કરવામાં આવશે જેમાં હેલ્મેટ ન પહેરનાર અને ઓવર પેસેન્જર ભરેલા વાહનના ચાલક વિરુદ્ધ કાર્યવાહી કરવામાં આવશે.

PM મોદી ઇઝરાયલ જવા રવાના

બંને દેશો વચ્ચે સંરક્ષણ ક્ષેત્રે કરારો થશે, આયર્ન ડોમ જેવી આધુનિક ટેકનોલોજી પર ચર્ચા, વ્યૂહાત્મક ભાગીદારીને નવી ઊંચાઈ મળશે, PM મોદી ઇઝરાયેલી સંસદને સંબોધન કરશે, આર્થિક અને ટેકનોલોજીના ક્ષેત્રે મહત્વના કરારો કરશે. 

રસ્તાની પહોળાઈ વધારવા માટે આંતરરાષ્ટ્રીય ધોરણો મુજબ કામગીરી કરવામાં આવે 

રોડની પહોળાઈ અને માપદંડો વિશે મંત્રી પટેલે જણાવ્યું હતું કે, રાજ્ય સરકાર દ્વારા રસ્તાની પહોળાઈ વધારવા માટે આંતરરાષ્ટ્રીય ધોરણો મુજબ કામગીરી કરવામાં આવે છે. રસ્તાની પહોળાઈ ૩.૭૫ મીટરથી વધારીને ૫.૫૦ મીટર કે ૭ મીટર કરવા માટે પેસેન્જર કાર યુનિટ-PCUના માપદંડો મુજબ કામગીરી કરવામાં આવે છે. મંત્રીએ વધુમાં કહ્યું હતું કે, જો જમીન સંપાદન, રેલવે લાઈન કે વીજ લાઈન જેવા વ્યાજબી કારણો વિના કોઈ કોન્ટ્રાક્ટર કામમાં વિલંબ કરે તો સરકાર દ્વારા તેની સામે કડક કાર્યવાહી કરવામાં આવે છે. વધુમાં, આવા કિસ્સામાં કોન્ટ્રાક્ટરને પેનલ્ટી કરવાથી લઈને બ્લેકલિસ્ટ કરવા સુધીની જોગવાઈ પણ કરવામાં આવી છે.

દાંતાના 4 ગામોને મળશે નવા રોડ

જેમાં રોડની વાઈડનીંગની કામગીરી, માટીકામ, મેટલકામ, ડામરકામ, સી સી કામ, જરૂરી પ્રોટેકશન વોલ, ગટરકામ તથા રોડ ફર્નીસિંગ સહિતની તમામ કામગીરીનો સમાવેશ થાય છે. તેમણે ઉમેર્યું હતું કે, આ રોડના વિકાસથી ઇકબાલગઢના માર્કેટયાર્ડમાં ખેતપેદાશો લઈને આવતા ખેડૂતોને મોટી સુવિધા મળશે. આ ઉપરાંત ૩ પ્રાથમિક શાળાઓ અને એક પ્રાથમિક આરોગ્ય કેન્દ્ર અને આસપાસના ચાર ગામોના અંદાજે ૧૩ હજાર કરતા વધુ નાગરિકોને પરિવહનનો સીધો લાભ મળશે.

છેલ્લા ત્રણ વર્ષમાં બનાસકાંઠા જિલ્લાના દાંતા તાલુકામાં 148 કિમીના રસ્તાઓ માટે રૂ. 246 કરોડના કામો મંજૂર 

વિધાનસભા ગૃહમાં માર્ગ અને મકાન વિભાગની માહિતી આપતા મંત્રી  ઋષિકેશ પટેલે જણાવ્યું હતું કે, રાજ્યના છેવાડાના વિસ્તારોમાં રોડ-રસ્તાના નેટવર્કને વધુ મજબૂત કરવાની નેમ સાથે મુખ્યમંત્રી ભૂપેન્દ્ર પટેલના નેતૃત્વમાં રાજ્ય સરકાર કામ કરી રહી છે. જે અંતર્ગત છેલ્લા ત્રણ વર્ષમાં બનાસકાંઠા જિલ્લાના દાંતા તાલુકામાં કુલ ૧૪૮ કિમીના રસ્તાઓ માટે રૂ. ૨૪૬ કરોડના કામો મંજૂર કરવામાં આવ્યા છે. ઇકબાલગઢથી સુરેલા-ધનપુરા-વિરમપુર-અંબાજી રોડના નવનિર્માણ અંગે વિગતો આપતા મંત્રીએ કહ્યું હતું કે, અમીરગઢ તાલુકાના ઇકબાલગઢ અને વિરમપુર થઈને યાત્રાધામ અંબાજીને જોડતા મહત્વના માર્ગ માટે રાજ્ય સરકાર દ્વારા રૂ. ૯.૮૦ કરોડના ખર્ચે રોડનું નવીનીકરણ કરવામાં આવશે. 

સુરતના કોસાડ આવાસમાં ડિમોલિશન

આરોપીના ઘર બહાર ડિમોલિશન કરાયું, સરકારી જગ્યા પર ગેરકાયદે બાંધકામ કર્યુ હતુ, આઝાદ નામના આરોપી પર ગંભીર ગુના દાખલ, તમામ બાંધકામ પર બિલ્ડોઝર ફરી વળશે. 

ઓપરેશન સિંદૂર પર ટ્રમ્પનું સૌથી મોટુ નિવેદન

'હું ના હોત તો પાકિસ્તાન PMનું મોત થયું હોત'

અમેરિકાએ ભારત-પાક યુદ્ધ રોક્યું:ટ્રમ્પ

'યુદ્ધના રોકાયું હોત તો ન્યુક્લિયર વોર થયું હોત'

MCXમાં સોના-ચાંદીના ભાવમાં વધારો

ચાંદીમાં પ્રતિ કિલોએ રુ. 5700નો વધારો

ચાંદીનો ભાવ વધીને રુ. 2,64,000એ પહોંચ્યો

સોનાના ભાવમાં પ્રતિ 10 ગ્રામે રુ.500નો વધારો

સોનાનો ભાવ વધીને રુ. 1,65,000એ પહોંચ્યો

ઝેરી દવા પી સામૂહિક આપઘાત કર્યો

સુરતમાં સામૂહિક આપઘાતમાં 3 લોકોના મોત નીપજ્યા છે અને પતિ-પત્ની, દીકરીનું મોત થયું છે અને એક દીકરીનો બચાવ થયો છે, વૈભવ રુંગટા નામનો વ્યકિત રૂપિયા માટે ત્રાસ આપતો હોવાની પ્રાથમિક માહિતી સામે આવી છે અને આપઘાત કરનારે સ્યુસાઈડ નોટ લખીને આપઘાત કર્યો છે અને તેના આધારે પોલીસે તપાસ શરૂ કરી છે, મૃતદેહને પીએમ માટે ખસેડવામાં આવ્યા છે અને પીએમ થયા બાદ મૃતદેહ પરિજનોને સોંપવામાં આવશે. 

સુરતમાં એક જ પરિવારના 4 સભ્યોએ કર્યો સામૂહિક આપઘાત, એકનો બચાવ 

સુરતમાં ફરી સામૂહિક આપઘાતની ઘટના બની છે, જેમાં એક જ પરિવારના 4 સભ્યોએ આપઘાત કર્યો છે જેમાં 3ના મોત થયા છે અને એક દીકરીનો બચાવ થયો છે. સુરતમાં પરિવારે સામૂહિક આપઘાત કર્યો છે, જેમાં 3 લોકોના મોત થયા છે અને એક દીકરીને સારવાર માટે ખસેડાઈ છે, વેસુ વિસ્તારની હેપી એલિગન્સમાં બની ઘટના અને ઝેરી દવા પીને આપઘાત કર્યો છે, પોલીસે સમગ્ર ઘટનામાં તપાસનો ધમધમાટ શરૂ કર્યો છે, આર્થિક સંકડામણમાં આપઘાત કર્યો હોઈ શકે છે. 

કુલ 21 આરોપીમાંથી 10 આરોપી ઝડપાયા છે 

પોલીસે 40 મોબાઇલ, 12 લેપટોપ, 4 હાઈસ્પીડ રાઉટર અને મોંઘી કાર સહિતનો સામાન કબ્જે કર્યો છે, સ્થાનિક પોલીસ મથકે આરોપીઓને રજૂ કરાયા છે અને ત્રણ વર્ષથી ભાડા કરાર પણ ઓનલાઈન ક્લાસીસના નામે નોંધાયો હતો, આ કાર્યવાહી બાદ સ્થાનિક પોલીસની ભૂમિકા ઉપર પર સવાલ ઉભા થયા છે, દરોડાના પગલે સ્થાનિક પોલીસ અને SMCના અધિકારીઓની તપાસ ચાલતી રહેશે અને આગામી દિવસોમાં વધુ મોટા ખુલાસાઓ થઈ શકે છે.

4 હાઈસ્પીડ રાઉટર, હેડફોન, ચાર્જર, કેબલ જપ્ત

કોલ સેન્ટરના આરોપીઓ પાસેથી મોંઘીદાટ કાર હોવાની વાત સામે આવી છે, મોટાભાગના આરોપીઓ અમદાવાદના રહેવાસી છે અને ઊંડાણપૂર્વક તપાસમાં મોટા ખુલાસાની શક્યતા છે, ફરાર 11 આરોપીઓને ઝડપવા પોલીસ સક્રિય છે, આ કોલ સેન્ટર ચલાવવાનો માસ્ટર માઈન્ડ કોણ છે તે દિશામાં પણ પોલીસની તપાસ શરૂ છે. અમેરિકાના ડેટાનો ઉપયોગ કરી ડોલરને ભારતીય ચલણમાં ટ્રાન્સફર કરી ઠગાઈ કરાતી હતી.

ઇડરમાં ઈન્ટરનેશનલ કોલ સેન્ટર પર દરોડાનો કેસ, વિદેશોમાં લોન આપવાની લાલચે કરાતી છેતરપિંડી

ઇડરમાં ઈન્ટરનેશનલ કોલ સેન્ટર પર દરોડા પાડવામાં આવ્યા હતો, ગુજરાત સ્ટેટ મોનિટરિંગ સેલે આ દરોડા પાડયા હતા, ઈડર બરવાવ રોડ પરથી ઝડપાયું કોલ સેન્ટર. ભાજપના પૂર્વ ઉપપ્રમુખના કોમ્પ્લેક્સ ચાલતુ હતું કોલ સેન્ટર અને મુકેશ સોલંકીના કોમ્પ્લેક્સમાં ચાલતું હતું કોલ સેન્ટર જેમાં 3 વર્ષથી ભાડાના મકાનમાં ચાલતું હતું કોલ સેન્ટર અને વિદેશોમાં લોન આપવાની લાલચે કરાતી છેતરપિંડી, ડોલરમાંથી રૂપિયામાં કન્વર્ટ કરી લાખોની ઠગાઇ કરવામાં આવતી હતી, SMCએ 40 મોબાઈલ, 12 લેપટોપ જપ્ત કર્યા છે. 

સુરત એરપોર્ટ પર ટ્રાફિકમાં વધુ તીવ્ર વધારો થશે

વધુમાં જાણવા મળેલી માહિતી મુજબ જાન્યુઆરી મહીનામાં શહેરમાં યોજાયેલી ક્રિકેટ સ્પર્ધાના લીધે બોલીવુડના સુપર સ્ટાર અમિતાભ બચ્ચન, સલમાન ખાન, અજય દેવગણ, સૈફ અલી ખાન, કરીના કપૂર સહિત દક્ષિણ ભારતના સેલીબ્રિટીઝનો ઘસારો પણ જોવા મળ્યો હતો.જેની અસર એરપોર્ટ પર પેસેન્જર મુવમેન્ટના આંકડાઓ પર દેખાઈ હતી.ઉલ્લેખનીય છે કે આગામી દિવસોમાં અન્ય શહેરો સાથે પણ કનેક્ટિવીટીના પ્રયાસો શરૂ કરવામાં આવ્યા છે જે શરૂ થયા બાદ સુરત એરપોર્ટ પર ટ્રાફિકમાં વધુ તીવ્ર વધારો થશે.

664.10 ટન કાર્ગોની પણ બુકિંગ કરવામાં આવી હતી

ડાયમંડ અને સિલ્ક સીટી તરીકે દેશ દુનિયામાં પ્રખ્યાત સુરત શહેરમાં વેપાર, કામ-ધંધા અને સામાજિક કારણોસર લોકોની અવર-જવરમાં વધારો થયો છે. ઉપરાંત સમય નહી બગડે તે માટે પણ લોકો હવે હવાઇયાત્રાને પ્રાધાન્યતા આપી રહ્યા છે. સુરત એરપોર્ટ પર જાન્યુઆરી મહીનામાં કુલ ૧,૪૪૭ ફ્લાઇટ મુવમેન્ટ થઇ હતી. જેના થકી સુરત એરપોર્ટ પર ૧,૭૧,૫૮૦ યાત્રીઓ નોંધાયા હતા. જેમાં ૨૩,૬૬૦ આંતરરાષ્ટ્રીય અને ૧,૪૭,૯૨૦ ડોમેસ્ટિક પેસેન્જર હતા. તે સિવાય ૬૬૪.૧૦ ટન કાર્ગોની પણ બુકિંગ કરવામાં આવી હતી. 

સુરત ઇન્ટરનેશનલ એરપોર્ટનો નવો રેકોર્ડ સ્થાપિત, 23,660 આંતરરાષ્ટ્રીય મુસાફર નોંધાયા

સુરત ઇન્ટરનેશનલ એરપોર્ટનો નવો રેકોર્ડ સ્થાપિત થયો છે જેમાં જાન્યુઆરીમાં અત્યાર સુધીનો સૌથી વધુ પેસેન્જર ટ્રાફિક નોંધાયો છે, માસિક પેસેન્જર ટ્રાફિક 1,71,580 મુસાફરો નોંધાયા છે. ઔદ્યોગિક વિકાસમાં હરળફાણ ગતિએ આગળ વધી રહેલા સુરતમાં અન્ય રાજ્યોના લોકોની અવર-જવર સતત વધી રહી છે. જેની અસર સુરત એરપોર્ટ પર પેસેન્જરોના આંકડાઓ પર થી દેખાઈ આવે છે. જાન્યુઆરી મહીનામાં સુરત એરપોર્ટે તેના પાછલા તમામ રેકોર્ડ બેક કર્યા છે. ડોમેસ્ટિક અને આંતરરાષ્ટ્રીય પેસેન્જર મળી કુલ ૧,૭૧,૫૮૦ યાત્રીઓએ સુરત એરપોર્ટ પર અવર-જવર કરી હતી.

રાધનપુરમાં નર્મદાની કેનાલમાંથી પાણીની ચોરી 

કુંતાસરી નજીક પસાર થતી કેનાલમાંથી પાણીની ચોરી, સરસ્વતી એસોસિયેટ કંપનીના કોન્ટ્રાકટર દ્વારા ચોરી, ખેડૂતોને અપાતું સિંચાઇનું પાણી કોન્ટ્રાક્ટર કરે છે ઉપયોગ, નવા બનતા માર્ગમાં સિંચાઇના પાણીનો થઇ રહ્યો છે ઉપયોગ, વિભાગની મંજૂરી વગર બેફામ કરી રહ્યા છે પાણીની ચોરી. 

ગીર સોમનાથમાં વીર સાવરકર સમુદ્ર તરણ સ્પર્ધાનો પ્રારંભ

રાષ્ટ્રીય કક્ષાની સ્પર્ધામાં દેશભરના તરવૈયાઓ ભાગ લેશે, 35મી સ્પર્ધામાં 24થી વધુ સ્પર્ધકો સહભાગી બન્યા, ભાઈઓ માટે ચોરવાડથી વેરાવળ 21 નોટિકલ માઈલ, બહેનો માટે આદ્રી થી વેરાવળ 16 નોટિકલ માઈલ, 17 ભાઈઓ અને 7 બહેનોએ સમુદ્રમાં ઝંપલાવ્યું. 

ઓરડીના માલિકે કેટલું ભાડું લીધું ? તેની વિગતો બહાર આવી નથી

આસોજ ગામના સાવલી રોડ પર આવેલી જયેશભાઈ પટેલે બંને પરપ્રાંતીયોને ઓરડી ભાડે આપી હતી. આ બંને શખસ એક ખાનગી કંપનીમાં કામ કરતા અને ભાડે આપેલી ઓરડીઓમાં નકલી નોટો છાપી રહ્યાં હતાં. ઓરડી ભાડે આપનારે સ્થાનિક પોલીસ સ્ટેશનમાં નોંધણી કરાવી હતી ? બંનેને ઓરડી ક્યારે ભાડે આપી અને માસિક કેટલું ભાડું વસૂલ્યું ? તેની પણ વિગતો પોલીસ તપાસમાં બહાર આવી નથી.

રવિવારી બજારમાં સાંજના સમયે નકલી નોટો વટાવતા હતાં

આરોપીઓની પૂછપરછમાં ચોંકાવનારી વિગતો બહાર આવી હતી કે, તેઓ અસલ ચલણી નોટોને સફેદ કાગળ પર ચોંટાડીને કલર પ્રિન્ટર દ્વારા તેની આબેહૂબ નકલ કાઢતા હતા. ત્યારબાદ આ નોટોને માપ પટ્ટીની મદદથી કાતર વડે વ્યવસ્થિત કાપીને બજારમાં વટાવવા લાયક બનાવતા હતા. આ મામલે સુત્રો પાસે જાણવા મળ્યું હતું કે. આ શખ્સો મંજુસર ટાઉનમાં ભરાતા રવિવારી બજારમાં ઢળતી સાંજે ભીડનો લાભ લઈને આ નોટો વટાવતા હતા. આ ઉપરાંત રાતના સમયે કેટલાક લારી-ગલ્લા પર પણ તેનો ઉપયોગ કરતા હતાં. જોકે, બંને ચોક્કસ કેટલી બોગસ નોટનો ઉપયોગ કર્યો ? તેની પોલીસ તપાસ કરી રહી છે.

નકલી ચલણી નોટો છાપવાના મસમોટા રેકેટનો પર્દાફાશ કર્યો હતો

વડોદરા ગ્રામ્ય પોલીસની લોકલ કાઈમ બ્રાન્ચની ટીમે ગઈકાલે એક સચોટ બાતમીના આધારે મંજુસરના આસોજ ગામે દરોડો પાડીને ભારતીય ચલણની બનાવટી નોટો છાપવાના મસમોટા રેકેટનો પર્દાફાશ કર્યો હતો. પોલીસે ઘટના સ્થળેથી બે શખ્સોને રંગેહાથે ઝડપી પાડી, તેમની પાસેથી રૂાપ૦૦ ના દરની ૧૪ નોટ, રૂા૨૦૦ ના દરની ૨ નોટ, લેપટોપ, કલર પ્રિન્ટર અને ફોન સહિત કુલ રૂ.૫૨,૬૮૦નો મુદ્દામાલ જપ્ત કર્યો હતો. નરેન્દ્ર જંગલાલ પાલ (રહે. ઉત્તર પ્રદેશ) અને હેમંત મદનલાલ જાગીડ (રહે. મહારાષ્ટ્ર)ને પોલીસે આજે કોર્ટમાં રજૂ કરી 14 દિવસના રિમાન્ડની માગણી કરી હતી. 

વડોદરામાં નકલી નોટ છાપવાના કેસમાં આરોપીઓના 2 દિવસના રિમાન્ડ મંજૂર

વડોદરામાં નકલી નોટના કેસમાં આરોપીઓના 2 દિવસના રિમાન્ડ મંજૂર થયા છે, સાવલીના આસોજ ગામે રેકેટ પકડાયું હતું અને નરેન્દ્ર પાલ, હેમંત જાંગીડની કરાઇ હતી ધરપકડ. વડોદરામાં મંજુસરની હદના આસોજ ગામમાં ગઈકાલે રાતે LCBની ટીમે ભારતીય ચલણની રૂ.500 અને રૂ.200ની બનાવટી નોટો છાપતા બે ભેજાબાજને ઝડપી લીધાં હતાં. આ ગુનામાં પોલીસે બંને પરપ્રાંતીય શખસને આજે કોર્ટમાં રજૂ બે દિવસના રિમાન્ડ મેળવ્યાં હતાં.

આવતીકાલથી સૌરાષ્ટ્રમાં બોર્ડની પરીક્ષા યોજાશે

11 જિલ્લાઓના 379 સેન્ટર ઉપર પરીક્ષા યોજાશે, 3,68,655 વિદ્યાર્થીઓ આપશે બોર્ડની પરીક્ષા, રાજકોટ જિલ્લામાં સૌથી વધુ પરીક્ષાર્થી નોંધાયા, ધો.10ના 46 હજારથી વધુ વિદ્યાર્થીઓ પરીક્ષા આપશે, ધો.12ના 25 હજારથી વધુ વિદ્યાર્થીઓ પરીક્ષા આપશે, આજે વિદ્યાર્થીઓ પરીક્ષા કેન્દ્ર પર બેઠક વ્યવસ્થા ચેક કરશે, પરીક્ષાને લઈને શિક્ષણ વિભાગ, પોલીસ તંત્ર સજ્જ. 

ટ્રેન સંચાલન વિગતો

01- બાંદ્રા ટર્મિનસથી પાલીતાણા જતી બાંદ્રા–પાલીતાણા સુપરફાસ્ટ સ્પેશિયલ ટ્રેન (09013) તા. 28 ફેબ્રુઆરી 2026 (શનિવાર)ના રોજ બાંદ્રા ટર્મિનસથી સવારે 11.00 વાગ્યે પ્રસ્થાન કરશે અને બીજા દિવસે રાત્રે 00.50 વાગ્યે પાલીતાણા પહોંચશે.

02 - તે જ રીતે પરત ફરતી પાલીતાણા–બાંદ્રા સુપરફાસ્ટ સ્પેશિયલ ટ્રેન (09014) તા. 01 માર્ચ 2026 (રવિવાર)ના રોજ પાલીતાણાથી બપોરે 15.00 વાગ્યે પ્રસ્થાન કરશે અને બીજા દિવસે વહેલી સવારે 05.00 વાગ્યે બાંદ્રા ટર્મિનસ પહોંચશે.

03-આ ટ્રેન બંને દિશામાં સિહોર (ગુજરાત), સોનગઢ, ધોળા, બોટાદ, અમદાવાદ, વડોદરા, સુરત, વાપી તથા બોરીવલી સ્ટેશનો પર રોકાશે. યાત્રિયોની સુવિધા માટે ટ્રેનમાં સેકન્ડ એસી, થર્ડ એસી, સ્લીપર ક્લાસ તેમજ જનરલ સેકન્ડ ક્લાસના કોચ ઉપલબ્ધ રહેશે.

“ફાગણ ફેરી” નિમિત્તે 01 માર્ચે પાલીતાણાથી બાંદ્રા માટે ખાસ ટ્રેન દોડશે, આજથી બુકિંગ થશે શરૂ

“ફાગણ ફેરી” નિમિત્તે 01 માર્ચે પાલીતાણા થી બાંદ્રા માટે વધુ એક સ્પેશિયલ ટ્રેન દોડશે, ટિકિટ બુકિંગ આજથી થશે શરૂ. 

યાત્રિયોની સુવિધા તેમજ “ફાગણ ફેરી”ના અવસરે પાલીતાણા જૈન મંદિર ખાતે આવનારા શ્રદ્ધાળુઓની વધારાની ભીડને ધ્યાનમાં રાખીને પશ્ચિમ રેલવે દ્વારા વિશેષ ભાડા પર પાલીતાણા અને બાંદ્રા ટર્મિનસ વચ્ચે વધુ એક સુપરફાસ્ટ સ્પેશિયલ ટ્રેન ચલાવવાનો નિર્ણય લેવામાં આવ્યો છે.  

આજે પણ કામગીરી કરાશે બાકી રહેલા ઘરોની

એ પછી એવા મકાનો બાકી રાખવામાં આવ્યા હતા, જે પાકા સ્લેબવાળા, ગ્રાઉન્ડ પ્લસ વન અને ગ્રાઉન્ડ પ્લસ ટુ અને ગ્રાઉન્ડ પ્લસ ફોર સુધીના મકાનો જંગલેશ્વર વિસ્તારમાં મળ્યા, એ બધાના ડિમોલીશન મંગળવારે બીજા દિવસે હાથ ધરવામાં આવ્યા હતા. ડિમોલીશનની સંપૂર્ણ કામગીરી સાંજે સુધીમાં સમાપ્ત કરવામાં આવી હતી. બાકી રહેલા પાંચ બાંધકામોને આજે હટાવવામાં આવશે. ગઈ કાલથી ૪૨ ટીમો કામગીરી કરી રહી હતી. એમાંથી ૩૫ ટીમોએ મંગળવારે સાંજે ૫ વાગ્યા સુધીમાં કામ પૂરું કરી નાખ્યું હતું. છેલ્લે ૭ ટીમો ૪૯ મકાનોની કામગીરીમાં જોડાઈ હતી. એની મદદમાં ફ્રી થયેલી ટીમોના સભ્યોને સામેલ કરવામાં આવ્યા હતા. 

કુલ મળીને 1504 મકાનોને જમીનદોસ્ત કરવામાં આવ્યા હતા

એ સાથે સલામતીના ભાગરૂપે ડિમોલિશન વિસ્તારની શેરીઓ પાસે પીળા પટ્ટા અને પતરાની આડશો મૂકવામાં આવી હતી અને જાહેર સલામતીના કારણોથી આ વિસ્તારમાં અનધિકૃત લોકો માટે નો-એન્ટ્રી જાહેર કરવામાં આવી હતી. મનપાના સત્તાવાર સૂત્રોએ જણાવ્યું કે, ગઈ કાલે સોમવારે નદીના પટમાં કાચા છાપરાવાળા મકાનોને પ્રાથમિકતા આપીને એને દુર કર્યા, સાથે ટીપી રોડ પરના દબાણો દૂર કરવાનું ચાલુ કરી દીધેલું. ગઈકાલે ૧૫૦૯માંથી ૧૧૧૯ મકાનોનું ડિમોલીશન કરવામાં આવ્યું હતું. 

રાજકોટના જંગલેશ્વરમાં મેગા ડિમોલિશન પૂર્ણ, 1500 જેટલા ગેરકાયદે બાંધકામો તોડી પડાયા 

રાજકોટના જંગલેશ્વરમાં મેગા ડિમોલિશન પૂર્ણ કરવામાં આવ્યું છે, અને 1500 જેટલા ગેરકાયદે બાંધકામો ધ્વસ્ત કરાયા છે, આજે કાટમાળ ખસેડવાની કામગીરી હાથ ધરાશે. રાજકોટના જંગલેશ્વર વિસ્તારમાં ટીપી રોડ અને આજી નદીના પટમાં સોમવારે 87000 ચોરસ મીટરની સરકારી જમીન ખાલી કરાવવા શરૂ કરાયેલું સૌરાષ્ટ્ર-રાજકોટનું સૌથી મોટું ઓપરેશન ડિમોલીશન બીજા દિવસે મંગળવારે સાંજે શાંતિપૂર્વક સમાપ્ત થયું હતું. સવારથી સાંજ સુધી ૮૩ જેસીબી સહિતના ૨૬૦ વાહનોની મદદથી બાકી રહેલા ૩૯૦ મકાનોને તોડી પાડવામાં આવ્યા હતા.

નિવૃત DGP એસ.એચ.ખંડવાવાલા નિર્દોષ જાહેર

5 વર્ષની સજાની અપીલનો આવ્યો ચુકાદો, આર્મ્સ એક્ટમાં ખોટી રીતે ધરપકડનો હતો આક્ષેપ, આરોપીની ખોટી રીતે ધરપકડ કરી હોવાનો હતો આરોપ, 50 વર્ષ પહેલાં પોરબંદર કોર્ટે દોષિત જાહેર કર્યા હતા. 

ધર્મના નામે ધતિંગ કરતા વધુ એક સંતનું  કારસ્તાન

કાલુપુર સ્વામિનારાયણ મંદિરના સંતનો વિવાદ, સ્વામી રામકૃષ્ણદાસજી (પુરૂષોત્તમ પ્રકાશ)ને હાંકી કઢાયા, સ્વામિનારાયણ સંપ્રદાયમાંથી રામકૃષ્ણદાસજીને હાંકી કાઢ્યા, રામકૃષ્ણદાસજી સ્ત્રી સાથે રંગેરેલીયા મનાવતા પકડાયાનો આક્ષેપ, સંતના વેશમાં રંગરેલીયા મનાવતા મંદિર તંત્ર દ્વારા કાર્યવાહી, ગુરુને શરમાવે તેવું કૃત્ય કરતા મંદિર પ્રશાંસને કાઢી મુક્યા. 

સ્કૂલોને બોમ્બના ઈ- મેલ પર જી.એસ. મલિકનું નિવેદન

મહિલાઓ સંબંધિત કુલ ગુનાઓ પણ ૬૨૬માંથી ૪૫૧ સુધી ઘટયા છે. જો કે, સૌથી મોટો પડકાર પોલીસ માટે સાયબર ક્રાઇમ બન્યુ છે. વર્ષ ૨૦૨૩માં ૨૪૬ની સરખામણીએ વર્ષ ૨૦૨૫માં સાયબર ક્રાઇમમાં ૪૮૭સુધી પહોંચ્યો છે. બીજી તરફ, આર્થિક ગુનાઓમાં ૫૧૧થી વધીને ૭૫૩ ફરિયાદો સુધી આંકડો પહોંચ્યો છે. સ્કૂલનો અવાર નવાર બૉમ્બથી ઉડાવી દેવાની ધમકીભર્યા ઇમેલ આવી રહ્યા છે અને હાલમાં બોર્ડની પરિક્ષાઓ શરૂ થઈ ગઈ છે ત્યારે ચાલુ પરીક્ષાએ સ્કૂલોને બૉમ્બથી ઉડાવી દેવાનો ઇમેલ આવશે તો પોલીસ પરિક્ષાર્થીઓને ડિસ્ટર્બ થયા વિના કામગીરી કરશે જેથી વિદ્યાર્થીઓ ટેન્શન વગર શાંતિથી પરીક્ષા આપે.

અમદાવાદમાં હત્યાના કેસમાં 110 થી 90 સુધી ઘટયા 

વર્ષ 2025માં અમદાવાદમાં હત્યાના કેસો 107 નોંધાયા છે, હત્યાના પ્રયાસના ગુનાઓ 110થી સીધા 67 સુધી ઘટયા, દુષ્કર્મના કેસ 373 માંથી ઘટીને 292 સુધી નીચે આવ્યા છે, મહિલાઓ સંબંધિત ગુનાઓ 626માંથી 451 સુધી ઘટયા છે, પોલીસ માટે સાયબર ક્રાઇમ સૌથી મોટો પડકાર છે અને બે વર્ષંમાં સાયબર ક્રાઈમના ગુનામાં નોંધપાત્ર વધારો થયો છે, 2023માં 246ની સરખામણીએ વર્ષ 2025માં 487 સુધી પહોંચ્યો છે. આર્થિક ગુનાઓમાં 511થી વધીને 753 ફરિયાદો નોંધાઈ છે. 

અમદાવાદનો ક્રાઈમ ટ્રેન્ડ બદલાયો, ડિજિટલ ગુનેગારો સૌથી મોટો ખતરો અને હત્યાના કેસ 110 થી 90 સુધી ઘટયા 

અમદાવાદનો ક્રાઈમ ટ્રેન્ડ બદલાયો છે, હત્યા-દુષ્કર્મ ઘટયા, ડિજિટલ ગુનેગારો વધ્યા છે, આ માહિતી અમદાવાદ શહેર પોલીસ કમિશનરે આપી હતી અને ક્રાઈમ કોન્ફરન્સમાં આ માહિતી સામે આવી છે. ડિજિટલ ગુનેગારો સૌથી મોટો ખતરો છે જેમાં આર્થિક ગુના 511 થી વધીને 753 થયા, શહેર પોલીસ કમિશનરે ક્રાઈમ કોન્ફરન્સમાં માહિતી આપી, જી.એસ. મલિકે 3 વર્ષના ક્રાઈમ રેકોર્ડની માહિતી આપી છે અને હત્યા, દુષ્કર્મ, હત્યાના પ્રયાસ અને છેડતીના ગુનામાં ઘટાડો થયો છે, સાથે સાથે સાયબર ક્રાઈમ અને આર્થિક ઠગાઈમાં વધારો થયો છે.

અમદાવાદમાં 15 વર્ષમાં જાન્યુ.માં સૌથી ઓછી ઠંડી પડી

પાછલા વર્ષને બાદ કરતા જાન્યુ.માં સૌથી ઓછી ઠંડ, 1954માં 10 જાન્યુ.એ રેકોર્ડબ્રેક 3.9 ડિગ્રી તાપમાન હતું, ચાલુ વર્ષે ત્રણ વખત 12 ડિગ્રીથી નીચે પારો ગયો, ગત વર્ષની સરખામણીએ ઠંડીમાં નોંધપાત્ર ઘટાડો, નલિયામાં ગત વર્ષે 10 વખત પારો 7 ડિગ્રીથી નીચે ગયો.

આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું

ગત તા.૨૮ ડિસેમ્બર-૨૦૨૪ના રોજ નલિયામાં લઘુત્તમ તાપમાન ૪.૨ ડિગ્રી સુધી ગગડયું હતું. આ વખતે સૌથી ઓછુ ૮.૮ ડિગ્રી તાપમાન રહ્યું છે. મહત્ત્વની વાત એ છે કે, આ વખતે ડિસેમ્બરમાં નલિયા સિવાય ગુજરાતના એકપણ પ્રદેશમાં લઘુતમ તાપમાન ૧૦ ડિગ્રીથી નીચે ગયું નથી. અમદાવાદ શહેરના વાત કરવામાં આવે નો ડિસેમ્બર-૨૦૨૪માં ૩૧માંથી ૧૪ દિવસ એવા હતા કે જેમાં લયુત્તમ તાપમાન ૧૪ ડિગ્રીથી નીચે નોંધાયું હતું. ચાલુ વર્ષે માત્ર ૪ જ વખત અમદાવાદનું તાપમાન ૧૪ ડિગ્રીથી નીચે ઉતર્યુ છે. આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું.

ગુજરાત સહિત દેશભરમાં ગ્લોબલ વોર્મિંગની અસર ખુબ ઝડપથી વધી રહી છે

છેલ્લાં કેટલાંક વર્ષથી ગુજરાતની ત્રણેય સિઝનમાં ખૂબ મોટો બદલાવ મળી રહ્યો છે. ડિસેમ્બર મહિનામાં રાજ્યમાં મોટાભાગે કાતિલ ઠંડીનો વર્તારો શરૂ થઈ જતો હોય છે. પરંતુ આ વખતે ગત વર્ષની સાથે સરખામણીએ કરવામાં આવે તો ઠંડીમાં નોંધપાત્ર ઘટાડો જોવા મળ્યો છે. ભર શિયાળે ઠંડી કરતાં ગરમ અને ઉકળાટભર્યા દિવસોની સંખ્યા વધુ જોવા મળી રહી છે. ડિસેમ્બર-૨૦૨૪ અને ડિસેમ્બર-૨૦૨૫માં પડેલી ઠંડી પર નજર કરવામાં આવે તો, ગત વર્ષે ડિસેમ્બરના ૩૧ દિવસમાથી કચ્છના નલિયામાં લઘુતમ તાપમાનનો પારો ૨૨ વખતલ ૧૦ ડિગ્રીથી નીચે પહોંચ્યો હતો, જે આ વખતે માત્ર ૪ વખત પારો ૧૦ ડિગ્રીથી નીચે ઉતર્યો છે.

કેમ આ વર્ષે શિયાળો ‘નરમ’ રહ્યો?

હવામાન નિષ્ણાતોના કહેવા મુજબ, સામાન્ય રીતે ડિસેમ્બરમાં ઉત્તર ભારત તરફથી આવતા સૂકા અને ઠંડા પવનો ગુજરાતમાં ઠંડી લાવે છે. પરંતુ આ વખતે હિમાલયમાં આ વખતે મજબુત વેસ્ટર્ન ડિસ્ટર્બન્સ (પશ્ચિમી વિક્ષેપ) સર્જાયા નથી. જ્યારે પહાડો પર ભારે હિમવર્ષા થાય છે. ત્યારે ત્યાંથી ફેંકાતા ઠંડા પવનો મેદાની વિસ્તારો અને ગુજરાત સુધી ઠંડી લાવે છે. આ વર્ષે ઉત્તર ભારતમાં હિમવર્ષા ઓછી થતા ઠંડીનું મોજુ સર્જાયું નથી. હવામાન નિષ્ણાતોના મતે, પ્રશાંત મહાસાગરમાં તાપમાન વધવાની ઘટના એટલે કે 'અલ નિનો'ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનોને કારણે લઘુતમ તાપમાનમાં ઘટાડો થતો અટક્યો છે.

ગુજરાતમાં મિશ્ર ઋતુની અસર વર્તાઈ, વહેલી સવારે ઠંડી તો બપોરે ગરમીનો અહેસાસ

રાજયમાં મિશ્ર ઋતુનો અહેસાસ થઈ રહ્યો છે, ઉત્તર-પૂર્વના ગરમ પવનો ફૂંકાતા ગરમીનો અહેસાસ થઈ રહ્યો છે અને ગરમ પવનો ફૂંકાતા ગરમીની અસર વર્તાઈ રહી છે. રાજ્યમાં મિશ્ર ઋતુની અસર જોવા મળી છે અને લઘુતમ તાપમાન 1 થી 2 ડિગ્રી વધ્યું છે, મહતમ તાપમાન 2 થી 3 ડિગ્રી વધ્યું છે, ડીસામાં 16.8 ડિગ્રી, રાજકોટમાં 18.8 ડિગ્રી, ગાંધીનગરમાં 21 ડિગ્રી, કંડલામાં 21.1 ડિગ્રી, અમદાવાદમાં 21.1 ડિગ્રી તાપમાન નોંધાયું છે. 

રાજ્યની 40 ટકા શાળાઓમાં રમતગમતના મેદાન નથી

રાજ્યના 50 ટકા જિલ્લામાં ઈન્ડોર સ્ટેડિયમ નથી, શિક્ષકો અને મેદાનો વિના રમતગમત અભિયાન ખોરંભાયું, રાજ્યમાં વિકાસના દાવા પોકળ સાબિત થયા, શાળા કોલેજોમાં રમત ગમતના શિક્ષકો નથી, કોલેજોની અંદર રમતના અધ્યાપકો નથી, ગુજરાતના ખેલાડીઓને ઓછું સ્ટાઈપેન્ડ અપાય છે, બીજા રાજ્યો કરતાં ઓછામાં ઓછું સ્ટાઈપેન્ડ અપાય છે, ખેલવું છે કૂદવું છે પણ મેદાન અને શિક્ષકો નથી, રમત ગમતના 2025-26ના બજેટમાં 1500 કરોડની જોગવાઈ. 

ગુજરાતમાં 5 લાખથી વધુ બાળકો કુપોષિત

કુપોષણના મામલે ગુજરાતના 4 રાજ્યો અવ્વલ, વાઈબ્રન્ટ સમિટના 60 ટકા પ્રોજેક્ટ કાગળ પર, MOU થયા છતાં હજુ કામ શરૂ નથી, સરકારની નીતિઓ સામે પ્રજામાં આક્રોશ, કુપોષણ દૂર કરવા 509 કરોડનો ખર્ચ કરાયો, તેમ છતાં રાજ્યમાં 5.40 લાખથી વધું બાળકો કુપોષિત, કુપોષણમાં ડાંગ, તાપી, નર્મદા અને પંચમહાલ સામેલ. 

ભારત ઇઝરાયેલ વચ્ચે ઐતિહાસિક મુલાકાત

આજે તેલ અવીવમાં પીએમ મોદીનું થશે સ્વાગત, પૂર્વ રાજદૂત ડેનિયલ કાર્મને મહત્વનું નિવેદન આપ્યું, બંને દેશો વચ્ચે દ્વિપક્ષીય સંબંધો વધુ મજબૂત થશે, ‘આ પ્રવાસ મજબૂત પાયાની ઉજવણી સમાન ગણાશે’, ‘વ્યૂહાત્મક ભાગીદારીના નવા દ્વાર ખુલશે’.

આજે વિધાનસભા ગૃહનો 9મો દિવસ 

શરૂઆતની 60 મિનિટ પ્રશ્નોત્તરી કાળ, બજેટ પરની સામાન્ય ચર્ચાનો આજે પ્રથમ દિવસ, બજેટની જોગવાઈ પર MLA આપશે મંતવ્યો, રાજ્યની આર્થિક સ્થિતિ પર MLA આપશે મંતવ્યો. 

રાજકોટના જંગલેશ્વરમાં મેગા ડીમોલેશન પૂર્ણ

1500 જેટલા ગેરકાયદે બાંધકામો ધ્વસ્ત કરાયા, આજે કાટમાળ ખસેડવાની કામગીરી હાથ ધરાશે, નદી કાંઠાના વિસ્તારમાં અને રોડ ઉપર કાટમાળ ખસેડાશે, એક સપ્તાહમાં ડામરની કામગીરી હાથ ધરાશે.