Gujarat Latest News Live : PM મોદીના આગમનની તૈયારીઓ તેજ, મંત્રીઓ તૈયારીઓની સમીક્ષા કરવા સોમનાથ દોડી ગયા

ભાવનગરમાં બનાવટી ચલણી નોટ સાથે યુવક ઝડપાયો

ભાવનગરમાં બનાવટી ચલણી નોટો સાથે એક યુવક ઝડપાયો છે. યુવક પાસેથી 200ના દરની 343 બનાવટી ચલણી નોટો જપ્ત કરવામાં આવી છે. રાજપરાના અજય બુધેલિયાને પોલીસે પકડી પાડ્યો છે. તેણે અમદાવાદના નારોલના શખ્સ પાસેથી નકલી નોટો લીધી હતી. અસલી સાથે બનાવટી નોટ ભેળવી વટાવવાનો પ્લાન હતો. 

મહુવા તાલુકામાં 34 ગામોના 3500 થી વધુ ખેડુતોને દિવસે વીજળી મળશે

રાજય સરકારની મહત્વપૂર્ણ ખેડૂતલક્ષી “કિસાન સૂર્યોદય યોજના” અંતર્ગત સુરત જિલ્લાના મહુવા તાલુકામાં ખેતીવાડી વીજ પુરવઠાને લઈને મહત્વપૂર્ણ પ્રગતિ નોંધાઈ છે. તાલુકામાં અગાઉ બાકી રહેલા ગામોમાં હવે દિવસ દરમ્યાન ખેતીવાડી વીજ પુરવઠો વિધિવત રીતે શરૂ કરવામાં આવતા કિસાન સૂર્યોદય યોજનાનો વ્યાપ પૂર્ણ થયો છે.

શિવરાજપુર બિચ પર 11 જાન્યુઆરીએ આંતરરાષ્ટ્રીય પતંગ મહોત્સવ યોજાશે

ગુજરાત સરકારના માર્ગદર્શન હેઠળ ગુજરાત પ્રવાસન વિભાગ, તેમજ દેવભૂમિ દ્વારકા જિલ્લા વહીવટી તંત્રના સંયુક્ત ઉપક્રમે આયોજિત આ મહોત્સવ ગુજરાતની લોકસંસ્કૃતિ, પરંપરા અને પર્યટન વૈભવને વૈશ્વિક સ્તરે પ્રસ્થાપિત કરનારું મહત્વપૂર્ણ આયોજન છે.આ પ્રસંગે રાષ્ટ્રીય તથા આંતરરાષ્ટ્રીય પતંગબાજો દ્વારા વિવિધ આકાર, રંગ અને કલાત્મક ડિઝાઇન ધરાવતા પતંગો આકાશમાં ઉડાવવામાં આવશે, જે દર્શકો માટે વિશેષ આકર્ષણનું કેન્દ્ર બનશે. 

જુનાગઢમાં દારૂ બનાવવાની ફેક્ટરી ઝડપાઈ

જૂનાગઢમાં દારુ બનાવવાની ફેક્ટરી ઝડપાઈ છે. કેમિકલમાં એસેન્સ ભેળવી દારુ બનાવવામાં આવતો હતો. પોલીસે આંબેડકરનગરમાંથી દારૂની ફેક્ટરી ઝડપી પાડી છે. લાખો રૂપિયાના મુદ્દામાલ સાથે 1ને ઝડપ્યો છે. દારૂની ફેક્ટરીમાંથી 1400થી વધુ બોટલ જપ્ત કરાઈ છે.

અમદાવાદના દાણીલીમડામાં અસામાજિક તત્વોનો આતંક

અમદાવાદના દાણીલીમડામાં અસામાજિક તત્વોનો આતંક સામે આવ્યો છે. બુમ પાડવા બાબતે ઠપકો આપતા તોડફોડ કરવામાં આવી છે. લાકડીઓ અને પથ્થરો મારી આતંક મચાવ્યો હતો. અથડામણમાં ત્રણથી વધુ લોકોને ઈજા પહોંચી છે. પોલીસે ચાર આરોપીઓની ધરપકડ કરી છે.  

અમદાવાદના ચાંદખેડામાં સગીરા પર દુષ્કર્મ

અમદાવાદના ચાંદખેડામાં સગીરા પર મામા અને પિતરાઈ ભાઈએ દુષ્કર્મ આચર્યું હોવાની ફરિયાદ દાખલ કરવામાં આવી છે. પિતરાઈ ભાઈએ એકલતાનો લાભ લઈ દુષ્કર્મ કર્યું અને મામાએ તાંત્રિક વિધિ કરવાના બહાને અડપલાં કર્યા હોવાની ફરિયાદ થતાં પોલીસે ગુનો નોંધી વધુ તપાસ હાથ ધરી છે.  

રાજકોટ પોલીસ કમિશનર વિસ્તાર NO ડ્રોન ફ્લાય ઝોન જાહેર

રાજકોટ પોલીસ કમિશનર વિસ્તારમાં નો ડ્રોન ફ્લાય ઝોન જાહેર કરવામાં આવ્યો છે. પોલીસ કમિશનર દ્વારા નો ડ્રોન ફ્લાય ઝોન અંગે જાહેરનામુ બહાર પાડવામાં આવ્યુ છે. આગામી 9થી 12 જાન્યુઆરી વાઈબ્રન્ટ સમિટને લઈ જાહેરાત કરવામાં આવી છે. વડાપ્રધાન મોદી રાજકોટ પ્રવાસને લઈ આ ઝોન જાહેર કરાયો છે. 

ભાવનગરમાં પોલીસે આરોપીઓને કાયદાનું ભાન કરાવ્યું

ભાવનગરમાં પોલીસે આરોપીઓને કાયદાનું ભાન કરાવ્યું છે. કુંભારવાડા મોતી તળાવમા મારામારીના આરોપીઓનું સરઘસ કાઢ્યું હતું. બંને પક્ષના લોકોને ઘટના સ્થળે લાવીને પોલીસે વરઘોડો કાઢ્યો હતો. 

તાલાલાના ચિત્રોડ ગામે ફાર્મ હાઉસમાં દારૂની મહેફિલ

તાલાલાના ચિત્રોડ ગામમાં ફાર્મ હાઉસમા દારૂની મહેફિલ ઝડપાઈ છે. લોટસ લકઝરી રિસોર્ટમાં દારૂની મહેફિલ માણતા  પાંચ ઈસમો ઝડપાયા છે. આ પાંચ ઈસમો રાજકોટના હોવાનું સામે આવ્યુ છે. પોલીસે ફાર્મ હાઉસના સંચાલક સહિત 6 લોકો સામે ગુનો નોંધ્યો છે. કુલ 21.76 લાખથી વધુનો મુદ્દામાલ જપ્ત કર્યો છે.  

સોમનાથ મંદિરની ગાથા કોઈ વિનાશની ગાથા નથી

તેમણે સોશિયલ મીડિયા પ્લેટફોર્મ એકસ પર પોસ્ટ કરીને કહ્યું હતું કે, સોમનાથ મંદિરની ગાથા કોઈ વિનાશની ગાથા નથી. ભારત માતાના લાખો સંતાનોના સ્વાભિમાનની ગાથા છે. આ ગાથા છેલ્લા એક હજાર વર્ષથી ચાલે છે. જે ભારતના સ્વાભિમાનની અમર ગાથા છે. જે ક્યારેય અસત્ય સામે ઝૂકતું નથી. વડાપ્રધાન મોદી પ્રેરિત આ શાશ્વત ચેતના, શ્રદ્ધા અને રાષ્ટ્રીય ગૌરવ આઠમી જાન્યુઆરીથી 11 જાન્યુઆરી સુધી સોમનાથ સ્વામિભાન પર્વ હેઠળ ઉજવવામાં આવશે. આ આપણા બધા માટે ભારત માતાને ગૌરવના શિખર પર સ્થાપિત કરવા માટે ઐતિહાસિક પ્રતિજ્ઞા લેવાની તક હશે.

બાઈક પર જઈ રહેલા શ્રમિક પર હુમલો 

માળિયા હાટીનામાં પીપળવા વાડી વિસ્તારમાં દીપડાએ આધેડ પર હુમલો કર્યો હોવાની ઘટના સામે આવી છે. બાઈક પર જઈ રહેલા શ્રમિક પર દીપડાએ હુમલો કર્યો હતો. ત્રણ દીપડા એક સાથે જઈ રહ્યા હતાં. જેમાંથી એક દીપડો આધેડ પર ત્રાટક્યો હતો. ગંભીર રીતે ઘાયલ આધેડને સિવિલ હોસ્પિટલ ખસેડવામાં આવ્યા છે.દીપડાને પાંજરે પુરવા તજવીજ હાથ ધરાઇ છે.  

રાજકોટ મનપાના કર્મચારીઓ હડતાળ પર ઉતર્યા

રાજકોટ મનપાના કર્મચારીઓ હડતાળ પર ઉતર્યા છે. પેવિંગ બ્લોકના પેટા કોન્ટ્રાક્ટરે કર્મચારીને માર માર્યો હતો. વોર્ડ નં.18ના પેવિંગ બ્લોકના કોન્ટ્રાક્ટર સામે રોષ ફેલાયો છે. આરએમસીના એન્જિનિયરીંગ એસોસિએશન દ્વારા હડતાળ શરૂ કરાઈ છે. 

શાહીબાગ અંડરપાસ બંધનું જાહેરનામું પરત ખેંચાયું

અમદાવાદમાં શાહિબાગ અંડરપાસ બંધ રાખવા અંગે નવો નિર્ણય લેવામાં આવ્યો છે. અંડરપાસ બંધનું જાહેરનામું પરત ખેંચાયું છે. આજથી 12 જાન્યુઆરી અંડરપાસ બંધનું જાહેરનામું હતું. હવે આ અંડરપાસ રાબેતા મુજબ ચાલશે. બુલેટ ટ્રેનના પિલ્લરો ઉપર સેગમેન્ટની કામગીરી કરવાની હોવાથી અંડરપાસ બંધ રાખવાની જાહેરાત કરાઈ હતી. પરંતુ હવે કામગીરી બંધ રખાતા આ અંડરપાસ ચાલુ રાખવામાં આવશે. 

અમદાવાદના રાણીપમાં વાહનચાલકની નિર્દયતા

અમદાવાદના રાણીપમાં વાહન ચાલકની નિર્દયતા સામે આવી છે. નાના ગલુડિયા પર ગાડી ચડાવી દેતા ગલુડિયાનું મોત નિપજ્યું છે. સમગ્ર ઘટના સીસીટીવીમાં કેદ થઈ જતાં પોલીસે વાહન ચાલક સામે ગુનો નોંધ્યો છે. 

વડોદરા સીટી બસના અકસ્માતમાં મહિલાનું મોત

વડોદરાના વાઘોડિયાના રવાલ ત્રણ રસ્તા પાસે સિટી બસના અકસ્માતમાં એક મહિલાનું મોત નિપજ્યું છે. બસ ચાલકે કાબૂ ગુમાવતા અકસ્માત સર્જાયો હતો. ટ્રેઈલર સાથે બસ અથડાયા બાદ બસ ગટરમા ખાબકી હતી. બસમાં સવાર મહિલાનું ગંભીર ઈજા બાદ મોત નિપજ્યું હતું. સિટી બસનો ચાલક ઘટના સ્થળેથી ફરાર થઈ ગયો હતો. 

ગીરમાં વન કર્મીના મૃત્યુ મામલે તપાસના આદેશ

જૂનાગઢ જિલ્લાના વિસાવદર તાલુકાના નાની મોણપરી ગામમાં સિંહણના રેસ્ક્યુ દરમિયાન કર્મચારી અશરફભાઈ ચૌહાણના મૃત્યુની દુઃખદ ઘટના સામે આવી છે.જેને અત્યંત દુઃખદ ગણાવતા વન અને પર્યાવરણ મંત્રી અર્જુન મોઢવાડિયાએ પીડિત પરિવાર પ્રત્યે પોતાની સંવેદના વ્યક્ત કરી હતી.આ સમગ્ર બનાવની તપાસ ગીર પશ્ચિમ વિભાગ, જૂનાગઢના નાયબ વન સંરક્ષક પ્રશાંત તોમરને સોંપવામાં આવી છે.મૃત્યુ  પામનાર કર્મચારી અશરફભાઈ અલીભાઈ ચૌહાણના પરિવારને મળવાપાત્ર નાણાકીય સહાય ઉપરાંત મુખ્યમંત્રી રાહત ફંડમાંથી સહાય ચૂકવાય તે દરખાસ્ત કરવાના વન વિભાગને આદેશ આપ્યા છે. 

બગદાણાના નવનીત બાલધિયા પર હુમલાનો કેસ

બગદાણા કેસમાં તળાજાના ડીવાયએસપીને મહુવા ડીવાયએસપીનો ચાર્જ સોંપાયો છે. એમ બી નકુમને મહુવા ડીવાયએસપીનો વધારાનો ચાર્જ સોંપવામાં આવ્યો છે. બગદાણાના પીઆઈ ડી વી ડાંગરને લીવ રિઝર્વમાં મુકાયા છે. મહુવાના DYSP રિમાબા ઝાલા પાસેથી ચાર્જ પરત લેવાયો છે.

વાંચો 06 વાગ્યા સુધીના મહત્વના સમાચાર

1.  Daman News: રોંગ સાઈડમાં આવી રહેલા સ્કોર્પિયોના ચાલકે અકસ્માત સર્જ્યો, બે કાર સામ સામે અથડાતા એકનું મોત

2.  Virat kohli આ વનડે મેચ નહીં રમે, ન્યુઝીલેન્ડ સીરિઝ પહેલા આવ્યા મોટા સમાચાર

3. Andhra Pradesh : ONGCની પાઈપલાઈનમાંથી ગેસ લીકેજ થતાં લાગી ભીષણ આગ, આસપાસના ગામને ખાલી કરાવવામાં આવ્યા

4. Hardik Pandyaની ગર્લફ્રેન્ડનો રોહિત શર્માના પુત્ર અહાન સાથેનો ક્યૂટ વીડિયો થયો વાયરલ

5. Navsari: વસુધારા ડેરીની ચૂંટણીમાં મોટો આંચકો, ભાજપના મેન્ડેટનો સરેઆમ અનાદર, બળવાખોર ઉમેદવારોનો ભવ્ય વિજય

6. Daman: ખાનગી કંપનીમાં લાગેલી આગે વિકરાળ સ્વરૂપ ધારણ કર્યું, 15થી વધુ ફાયર ફાઈટરોની મદદથી મેળવાયો કાબૂ

7.  Rajkot: ચાંદીમાં એક તરફથી તેજીને કારણે રોકાણકારોના બે હજાર કરોડ ડૂબ્યા, 60 હજાર કારીગરો બેકાર થયાનો દાવો

8. Gandhinagar: બગદાણા કેસમાં કોળી સમાજના આગેવાનોની મુખ્યમંત્રી સાથે મુલાકાત બાદ SITની રચના કરાઈ

9. Surat: આઇશર ચોરી કરતી ગેંગનો પર્દાફાશ, ટેમ્પો ચોરી કરી અંકલેશ્વરમાં કટિંગ કરી વેચતા 5 શખ્સો ઝડપાયા

10. Ambaji News: જગતજનની ‘મા અંબા’ના ચરણે રાજકોટના ભક્તે રૂ.33.13 લાખની કિંમતનો સોનાનો હાર કર્યો અર્પણ

રાજકોટમાં વિન્ડફાર્મ કંપનીઓની દાદાગીરી સામે આવી

રાજકોટમાં વિન્ડફાર્મ કંપનીઓની દાદાગીરી સામે આવી છે. પવનચક્કીના સાધનો લઈ જવા ખેતરમાંથી રસ્તો કાઢ્યો હતો. પાકને નુકસાન થતાં ગુંદાળાના ખેડૂતે કલેક્ટરને રજૂઆત કરી છે. જૂનીપર કંપની અને કૈલાશનાથ એજન્સી સામે રજૂઆત કરવામાં આવી છે.ખેતરમાંથી રસ્તો કઢાતા તુવેર અને જીરુંના પાકને નુકસાન થયું છે. ખેતરમાં પાણીની પાઇપલાઇન પણ તૂટી છે. ખેડૂતે મંત્રી કુંવરજી બાવળીયાને કરી રજૂઆત

રોગચાળા મુદ્દે ગાંધીનગર સિવિલ સુપ્રિટેન્ડન્ટનું નિવેદન

ગાંધીનગરમા રોગચાળાને લઈને સિવિલ સુપ્રિટેન્ડેન્ટનું નિવેદન સામે આવ્યું છે. તેમણે કહ્યું છે કે, અત્યાર સુધીમાં ટાઈફોઈડના 152 દર્દીઓ નોંધાયા છે અને 32ને રજા આપવામાં આવી છે. જુદા જુદા કારણોસર બે લોકોના મોત થયા છે. પરંતુ એપેડેમિકને કારણે કોઈનું મોત થયું નથી.  

સુરતમાં હત્યાનો વોન્ટેડ આરોપી 23 વર્ષે ઝડપાયો

સુરતમાં હત્યાનો વોન્ટેડ આરોપી 23 વર્ષે ઝડપાયો છે. આરોપી કુંજ ઉર્ફે સંજય મહારાષ્ટ્રના થાણેથી ઝડપાઈ ગયો છે. 2003માં આરોપીએ હત્યાના ગુનાને અંજામ આપ્યો હતો. પોલીસની પકડથી બચવા આરોપી નાસતો ફરતો હતો. 

ગાંધીનગરમાં ટાઇફોઇડના કેસોને પગલે નિર્ણય

ગાંધીનગરમાં ટાઈફોઈડના કેસો વધરતાં આરોગ્ય વિભાગ હરકતમાં આવ્યો છે. શહેરમાં ખાણી પીણીની લારીઓ અને સોડાની લારીઓ બંધ કરાવી દેવાઈ છે. તે ઉપરાંત શહેરમાં સેન્ટ્રલ વિસ્ટા ગાર્ડન પર ગેરકાયદે ઉભુ થયેલું ફૂડ બજાર પણ બંધ કરાવી દેવામાં આવ્યું છે. ગઈકાલથી કોર્પોરેશન દ્વારા તવાઈ બોલાવવામાં આવી છે. 

રાજકોટના ભક્તનું અંબાજી મંદિરને દાન

અંબાજીમાં રાજકોટના એક ભક્ત દ્વારા 263 ગ્રામ સોનાના હારની ભેટ આપવામાં આવી છે. ટેમ્પલ ઈન્સપેક્ટરના કાર્યાલયમાં ભક્તે ભેટ કરી છે. 33.13 લાખની કિંમતના હારની ભેટ આપવામાં આવી છે. 

બગદાણાના સેવક પર હુમલા મુદ્દે SITની રચના

બગદાણાના સેવક પર હુમલાના કેસમાં SITની રચના કરવામાં આવી છે. ભાવનગરના રેન્જ IG ગૌતમ પરમારે SITની રચના કરી છે. અમરેલી ASP જયવીર ગઢવીની અધ્યક્ષતામાં SITની રચના કરવામાં આવી છે. આ SITમાં 1 PI, 1 PSI અને બે હેડ કોન્સ્ટેબલની નિમણૂક કરવામાં આવી છે. આ કેસમાં SIT તપાસ કરશે અને તેનો રિપોર્ટ રેન્જ આઈજીને મોકલશે. SITને ગુના સંબંધિત કાગળો એકત્ર કરી રોજ રેન્જ આઈજીને રિપોર્ટ મોકલવા સૂચના આપવામાં આવી છે. કોળી સમાજના આગેવાનોની મુખ્યમંત્રી સાથે મુલાકાત થયા બાદ SITની રચના કરવામાં આવી છે.  

ચાંદીના વધતા ભાવોથી રાજકોટ ચાંદી બજારમાં ગ્રહણ

55 થી 60 જેટલા યુનિટને તાળા લાગ્યાનો દાવો, ચાંદીના ભાવ ઘટવાની આશાએ વેપારીનું મોટું રોકાણ, ગ્રાહકોએ નફામાં ચાંદીનું વેચાણ કરતા વેપારીઓ ડૂબ્યા, ચાંદીમાં અંદાજે 2 હજાર કરોડ ડૂબ્યા હોવાનો દાવો, દીવાળીમાં ચાંદીના 7થી 8 હજાર યુનિટ ધમધમતા હતા, રાજકોટમાં હવે માત્ર 3,000 યૂનિટ જ ચાલુ, 55 થી 60 હજાર કારીગર બેકાર થયાનો દાવો. 

બોટાદમાં વ્યક્તિ પર હુમલા કેસમાં 4 આરોપીની ધરપકડ

ચારેય આરોપીઓનું ઘટનાસ્થળે રિ-કન્સ્ટ્રક્શન, ઇમરાન નામની વ્યક્તિ પર 4 લોકોએ કર્યો હતો હુમલો, ઇજાગ્રસ્તને સારવાર અર્થે હોસ્પિટલમાં ખસેડાયો હતો, સમગ્ર ઘટનાના સીસીટીવી વાયરલ થયા હતા, શક્તિરાજ, જયદીપ, મયદીપ, દીપરાજની ધરપકડ. 

ગાંધીનગર બાદ રાજકોટમાં પણ ટાઈફોઇડના કેસો

મિનરલ વોટર જગ વેચનારા સામે કાર્યવાહી થશે, ગેરકાયદે પાણીનો જગ વેચતા વેપારીઓ દંડાશે, ટાઈફોડના કેસો વધતા આરોગ્ય શાખાની કાર્યવાહી, રાજકોટમાં ગયા વર્ષે ટાઇફોઇડના 160થી વધુ કેસો, દૂષિત પાણીથી ઝાડા ઉલ્ટીના 212થી વધુ કેસ, પાણીના સેમ્પલ લેવાની કામગીરી શરૂ કરાઈ, રાજકોટમાં પાણીના કુલ 555 ટેસ્ટ કરવામાં આવ્યા, લોકોને ઉકાળેલું પાણી પીવાની મનપાની અપીલ. 

વાઘોડિયાની નર્મદા કેનાલમાં બે શિક્ષક ડૂબ્યા

વડોદરાના 4 શિક્ષક પાવાગઢ દર્શને ગયા હતા, પાવાગઢથી પરત ફરતા બની દુર્ઘટના, ખાંડીવાળા નર્મદા કેનાલ પાસે હાથપગ ધોવા ગયા હતા, એક શિક્ષકને બચાવવા જતા અન્ય શિક્ષક ડૂબ્યો, ફાયર બ્રિગેડે શિક્ષકોની શોધખોળ આદરી.

અમદાવાદના માંડલમાં પાટીદારોની રેલી

સમગ્ર પાટીદાર સમાજ દ્વારા જન ક્રાંતિ મહારેલી, તત્કાલીન કલેક્ટરને ખોટીરીતે ફસાવ્યાનો આરોપ, રાજેન્દ્ર પટેલને ખોટીરીતે ફસાવ્યાનો આરોપ, સુરેન્દ્રનગર તત્કાલીન કલેક્ટર છે રાજેન્દ્ર પટેલ, જમીન કૌભાંડમાં રાજેન્દ્ર પટેલને કરાયા છે સસ્પેન્ડ.

અમદાવાદની મિરઝાપુર કોર્ટને બોમ્બ બ્લાસ્ટની મળી ધમકી

મિરઝાપુર કોર્ટમાં બ્લાસ્ટની ધમકીનો મેઇલ મળ્યો, ડોગ સ્ક્વોર્ડ અને SOGની ટીમ પહોંચી મિરઝાપુર કોર્ટ, BDDSની ટીમ દ્વારા કોર્ટ પરિસરની તપાસ શરૂ કરાઇ. 

સ્વામી અવધેશાનંદે PM મોદીના લેખની કરી પ્રશંસા

સોમનાથ પર લેખેલા PMના લેખની કરી પ્રશંસા, ‘સ્વામી અવધેશાનંદે હરિદ્વારથી નિવેદન આપ્યું’, ‘લેખને રાષ્ટ્રગૌરવનું સશક્ત માધ્યમ ગણાવ્યું’, ‘સોમનાથને ભારતની આત્માનું પ્રતિક ગણાવ્યું’, ‘આવનારી પેઢીઓ માટે લેખ પ્રેરણાદાયી રહેશે’.

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Amreli News : અમરેલી સ્પેશિયલ ઓપરેશન ગ્રુપે નકલી ખાતર બનાવતી ફેકટરીનો કર્યો પર્દાફાશ, ખેડૂતોને પધરાવતા હતા બોગસ ખાતર

02 - Morbi News : ભારતની કુલ સિરામિક નિકાસમાં મોરબીનો હિસ્સો 90% જેટલો, લીપેક ઇન્ડસ્ટ્રીઝ ક્ષેત્રે પણ મોરબી બની શકે છે ગુજરાત રાજ્યનો અગ્રણી જિલ્લો

03 - Gandhinagar News : પાટનગરનું પાણી બન્યું પ્રદૂષિત, ગાંધીનગરમાં ટાઇફોઇડના કેસ વધીને 132 થતા આરોગ્ય વિભાગ ચિંતામાં

04 - Anand News : આંકલાવના અંબાવમાં ભ્રષ્ટાચારના આક્ષેપ કરતા યુવકને સરપંચના પતિ અને પુત્રોએ જીવતો સળગાવવાનો કર્યો પ્રયાસ

05 - Surat News : સુરતના લસકાણાના એક તબેલામાંથી ઝડપાયું ભેળસેળયુકત ઘીનું ગોડાઉન, પોલીસે રેડ કરતા થયો પર્દાફાશ

06 - Sports : બાંગ્લાદેશ સરકારનો મોટો નિર્ણય, IPL પ્રસારણ પર લગાવ્યો પ્રતિબંધ

07 - CM Yogi Meet PM Modi: કેબિનેટ વિસ્તરણની ચર્ચાઓ વચ્ચે CM યોગી મળ્યા PM Modiને, જાણો શું થઇ ચર્ચા

08 - Deepika Padukone Birthday : 40મા જન્મદિવસે ફેન્સ સંગ ગાયું સુપરહિટ ગીત, શું તમે જોયો આ ખાસ અંદાજ?

09 - Venezuela Crisis: વેનેઝુએલા બાદ અમેરિકા કયા દેશો પર કરી શકે છે હુમલો?, Donald Trumpની જાન્યુઆરી 2026ની યોજના થઇ જાહેર

10 - BYD Beats Tesla News: TESLAની સ્પીડથી ઘણી આગળ નિકળી BYD!, અગાઉ Elon Muskએ કરી હતી હાસ્યાસ્પદ ટીપ્પણી

પશુપાલકોને પ્રોત્સાહક રાશિ આપવામાં આવશે

જેમાં જિલ્લા કક્ષાએ પ્રથમ આવનાર પશુપાલકને રૂ. ૨૫,૦૦૦ અને દ્વિતીય ક્રમે આવનાર પશુપાલકને રૂ. ૨૦,૦૦૦ની પ્રોત્સાહક રાશિ આપવામાં આવશે. તેવી જ રીતે, તાલુકા કક્ષાએ પ્રથમ ક્રમ હાંસલ કરનાર પશુપાલકને રૂ. ૨૦,૦૦૦ અને દ્વિતીય ક્રમ હાંસલ કરનાર પશુપાલકને રૂ. ૧૦,૦૦૦ની પ્રોત્સાહક રાશિ આપવામાં આવશે. આમ, શ્રેષ્ઠ પશુપાલક પુરસ્કાર યોજના અંતર્ગત આવતીકાલે રાજ્ય કક્ષાએ વિજેતા બનેલા કુલ ૩, જિલ્લા કક્ષાએ વિજેતા બનેલા કુલ ૬૬ અને તાલુકા કક્ષાએ વિજેતા બનેલા કુલ ૪૯૬ પશુપાલકો મળી સમગ્ર રાજ્યના કુલ ૫૬૫ પશુપાલકોને કુલ રૂ. ૯૧,૦૦,૦૦૦થી વધુની પ્રોત્સાહક રાશિ એનાયત કરવામાં આવશે.

પ્રથમ અને દ્વિતીય ક્રમ મેળવનાર પશુપાલકોને પુરસ્કાર અપાશે

તેમને આ મંચ પરથી પ્રોત્સાહિત કરવામાં આવશે. રાજ્યના શ્રેષ્ઠ પશુપાલક પુરસ્કાર યોજના હેઠળ રાજ્ય કક્ષાએ પ્રથમ, દ્વિતીય અને તૃતીય ક્રમે આવનાર પશુપાલકોને એવોર્ડની સાથે-સાથે પ્રોત્સાહન માટે ક્રમશ: રૂ. ૧,૦૦,૦૦૦, રૂ. ૫૧,૦૦૦ અને રૂ. ૩૧,૦૦૦ની પ્રોત્સાહક રાશિ પણ એનાયત કરવામાં આવશે. આ ઉપરાંત દરેક જિલ્લા કક્ષાએ અને તાલુકા કક્ષાએ પણ પ્રથમ અને દ્વિતીય ક્રમ મેળવનાર પશુપાલકોને પુરસ્કાર આપીને સન્માનિત કરવામાં આવશે. 

ગાંધીનગર ખાતે આવતીકાલે ‘શ્રેષ્ઠ પશુપાલક એવોર્ડ’ વિતરણ સમારોહ યોજાશે 

ગુજરાતની ગ્રામીણ અર્થવ્યવસ્થાની કરોડરજ્જુ સમાન પશુપાલન વ્યવસાયને વધુ વેગ આપવા અને પશુપાલકોના કૌશલ્યને બિરદાવવા માટે આવતીકાલ તા. ૬ જાન્યુઆરીના રોજ ગાંધીનગર સ્થિત નેશનલ ફોરેન્સિક સાયન્સીસ યુનિવર્સિટી (NFSU) ખાતે ‘શ્રેષ્ઠ પશુપાલક એવોર્ડ’ વિતરણ સમારોહનું ભવ્ય આયોજન કરવામાં આવ્યું છે. આ પ્રસંગે રાજ્યના પશુપાલન મંત્રી જીતુભાઈ વાઘાણી અને પશુપાલન રાજ્ય મંત્રી રમેશભાઈ કટારા ખાસ ઉપસ્થિત રહીને વિજેતાઓને એવોર્ડ એનાયત કરી સન્માનિત કરશે. આધુનિક ટેકનોલોજી અને પશુ સંવર્ધનની પરંપરાગત પદ્ધતિઓના સંગમ દ્વારા જે પશુપાલકોએ દૂધ ઉત્પાદન અને પશુ સ્વાસ્થ્ય ક્ષેત્રે નવા માપદંડો સ્થાપિત કર્યા છે.

પોલીસે પાનુ, ડિસમિસ સહિત ચોરીનો મુદામાલ કબ્જે કર્યો

રાજકોટ રેન્જ આઈજી અશોકકુમાર યાદવ, એસપી વિજયસિંહ ગુર્જર દ્વારા જિલ્લામાં અન ડિટેકટ  ચોરી, લુંટ, ધાડના ગુનાઓ તુરંત શોધી કાઢી આરોપીઓને પકડી પાડવાની આપેલ સુચના અને માર્ગદર્શનથી રૂરલ એલસીબી પીઆઈ વી.વી.ઓડેદરાની રાહબરીમાં પીએસઆઈ એચ.સી.ગોહીલ, આર.વી. ભીમાણી ટીમ સાથે તપાસમાં હતાં. ત્યારે પીએસઆઈ એચ.સી.ગોહીલ, એએસઆઈ  અમીતભાઇ કનેરીયા, હેડ કોન્સ્ટેબલ વાઘાભાઇ આલ અને કોન્સ્ટેબલ મેહુલભાઇ સોનરાજ દ્વારા વિંછીયા પોલીસ મથકમાં નોંધાયેલ ઘરફોડ ચોરીનો ગુનો શોધી કાઢવા સ્થળ આજુબાજુના તેમજ હાઇવે રોડ વિસ્તારના ઘણા બધા સીસીટીવી ફુટેજ ચેક કરી, ટેકનીકલ અને હ્યુમન સોર્સીસથી માહિતી મેળવી. 

વિંછીયા સહિત સૌરાષ્ટ્રભરમાં ધોળા દિવસે ચોરીને અંજામ આપનાર ગેંગ ઝડપાઈ 

આંકડીયા ગામમાં ખેડૂત ભાઈઓના ત્રણ ઘરમાં ત્રાટકી રૂ.8 લાખથી વધુની મતા ઉસેડી ગયાં 'તા : રૂરલ એલસીબીની ટીમે ત્રણ તસ્કરોને મોઢુકા ગામના પીક સ્ટેન્ડ પાસેથી પકડી પાડી દાગીના રોકડ સહિત રૂ.5.04 લાખનો મુદામાલ કબ્જે કર્યો. અમદાવાદ, બોટાદ, અમરેલી સહિતના વિસ્તારોમાં હાથફેરો કર્યાનું ખુલ્યું, એક સાગરીતની શોધખોળ પણ કરાઈ રહી છે, વિંછીયા સહિત સૌરાષ્ટ્રભરમાં ધોળા દિવસે ચોરીને અંજામ આપનાર ગેંગને રૂરલ એલસીબીની ટીમે પકડી પાડી રૂ.5.04 લાખનો મુદામાલ કબ્જે કર્યો હતો. આંકડીયા ગામમાં ખેડૂત ભાઈઓના ત્રણ ઘરમાં ત્રાટકી રૂ.8 લાખથી વધુની મતા ઉસેડી ગયાંના ગુનાનો પણ ભેદ ઉકેલાયો હતો. 

આ ઘટનામાં મુખ્ય આરોપી ફરાર છે

અમરેલી એસઓજીએ અને ખેતીવાડી કચેરીની ટીમે આ બનાવટી ખાતરની ફેક્ટરી ઝડપી પાડવામાં સફળતા મેળવી હતી આ કેસમાં લાલાવદરના રહેવાસી ભરત ચીમનભાઈ ધાનાણી જે મુખ્ય આરોપી છે જેમને પકડવા અમરેલી પોલીસે ચક્રો ગતિમાન કર્યા છે. અમરેલી જિલ્લામાં ખેડૂતો સાથે છેતરપિંડી કરતા ડુપ્લીકેટ ખાતર બનાવવાની ફેક્ટરી માં ડુપ્લીકેટ ખાતર નું ઉત્પાદન કરી વધુ પૈસા મેળવવાની લાલચે આ ગેરકાનૂની કામ કરનાર સામે પોલીસે કાર્યવાહી કરી છે અને મુખ્ય આરોપીને ઝડપી લેવા કવાયત હાથ ધરી છે ત્યારે હવે જોવાનું એ રહેશે કે  કેટલા સમયથી આ ફેક્ટરી ચાલતી હતી ક્યાં ક્યાં ખાતરનું વેચાણ કર્યું હતું તે દિશામાં પોલીસ તપાસ કરી રહી છે. 

અમરેલી તાલુકા પોલીસમાં નોંધાયો ગુનો 

અમરેલી જિલ્લાના ફર્ટિલાઈઝર અધિકારી પિનલ ખૂંટને આ બાબતની જાણ થતા તેમણે જાણ કરી હતી અને સંયુક્ત રેડ કરી અને તમામ મુદ્દા માલ જપ્ત કર્યો હતો. આ બાબતની ફરિયાદ પીનલ ખૂંટે ફેક્ટરી માલિક ભરત ધાનાણી વિરુદ્ધ અમરેલી તાલુકા પોલીસ સ્ટેશનમાં ફરિયાદ નોંધાવી છે. આ સમગ્ર ઘટનાની વિસ્તૃત માહિતી માહિતી અમરેલી એસ.પી સંજય ખરાતે આપી હતી. આ કાર્યવાહી અગાઉ બાબરા પોલીસ સ્ટેશનમાં નોંધાયેલ એક ગુનાની તપાસના ભાગરૂપે કરવામાં આવી છે એક મહિના પહેલા બાબરા તાલુકાના ખંભાળા ગામ નજીક ફર્ટીલાઇઝર એગ્રોના વિક્રેતા પાસેથી બનાવટી ઇકો કંપનીના માર્કા વાળી પ્લાસ્ટિક બેગમાં હલકી ગુણવત્તા વાળું ખાતર વેચવા બદલ આવશ્યક ચીજ વસ્તુ ધારો 1955 ની કલમ 7 હેઠળ ગુનો નોંધાયો હતો. 

અમરેલી સ્પેશિયલ ઓપરેશન ગ્રુપ દ્વારા નકલી ખાતર બનાવતી ફેકટરીનો કર્યો પર્દાફાશ, ખેડૂતોને પધરાવતા હતા બોગસ ખાતર 

અમરેલી જિલ્લામાં સ્પેશિયલ ઓપરેશન ગ્રુપ દ્વારા મોટા આંકડિયા પીપલક રોડ ઉપર આવેલી એક નકલી ખાતર બનાવતી ફેક્ટરી ઝડપી પાડવામાં આવી છે એસઓજીએ ફેક્ટરીમાંથી રૂપિયા 16,74,900નો મુદ્દામાલ જપ્ત કરીને આગળની કાર્યવાહી હાથધરી છે. અમરેલીના મોટા કડિયા અને પીપલક રોડ પર આવેલી નીરીમા એગ્રી પ્રોડક્ટ્સ નામની કાર્યરત એક ફેક્ટરી હતી જ્યાં નમ્ર ગુણવત્તાનો એમોનિયમ સલ્ફેટ ખાતર ભરેલી 500 કિલોની 502 બેક અમરેલી એસઓજી દ્વારા જપ્ત કરવામાં આવી હતી આ ઉપરાંત સરોવર સરદાર ઇમ્પોર્ટેડ બાય ગુજરાત સરદાર ફર્ટિલાઇઝર કોર્પોરેશન લખેલી 5600 ખાલી પ્લાસ્ટિક બેગ જેની કિંમત રૂપિયા 14000 અને ખાતર બનાવવા તથા ભરવા માટે ઉપયોગમાં લેવાતી ત્રણ જેટલી મશીનરી જેની કિંમત રૂપિયા પાંચ લાખ છે આ તમામ મુદ્દામાલ અમરેલી દ્વારા સીઝ કરવામાં આવ્યો છે.

સુરતમાં પાટીદાર દીકરીનું અપહરણ કરનાર ઝડપાયો

પોલીસ અપહરણ કરનાર અરવિંદને ઝડપી પાડ્યો, 17 વર્ષિય સગીરાને પ્રેમજાળમાં ફસાવી દુષ્કર્મ આચર્યું હતું, આરોપી પોતે બે સંતાનનો પિતા હોવાનું સામે આવ્યું, ઘટના બાદ લોકોએ પોલીસ સ્ટેશનનો કર્યો હતો ઘેરાવ. 

હીરા સોલંકી પીડિતને ન્યાય આપવા માટે પહોંચ્યા હતા

બગદાણા આશ્રમના સેવક નવનીત બાલધિયા પર થયેલા હુમલા પડઘા કોળી સમાજમાં પડયા છે, આ હુમલાને લઈ કોળી સમાજમાં પણ રોષની લાગણી છે, લોકસાહિત્યકાર માયાભાઈ આહીરના પુત્રએ આ ષડયંત્ર રચ્યું હોવાના આક્ષેપો કરવામાં આવ્યા છે, તો કોળી સમાજના આગેવાનોએ પીડિતની મુલાકાત લીધી હતી અને તેને ન્યાય અપાવવા માટે લડત લડવામાં આવી રહી છે, આજે સીએમ ભૂપેન્દ્ર પટેલને કોળી સમાજના આગેવાનો મળી શકે છે. 

કોળી સમાજ ગજવશે ગાંધીનગર, CMને રજૂઆત કરવા જતા પહેલા મંત્રી નિવાસસ્થાને આગેવાનોએ યોજી બેઠક

ગાંધીનગરમાં મંત્રી નિવાસસ્થાને કોળી સમાજની બેઠક મળી છે અને આજે CMને રજૂઆત કરવા જતા પહેલા આગેવાનોની બેઠક મળી છે, મંત્રી પરસોતમ સોલંકીની આગેવાનીમાં મળી બેઠક અને મંત્રી કુંવરજી બાવળીયા પણ બેઠકમાં હાજર છે. કેન્દ્રીય મંત્રી નિમુબેન બાંભણિયા પણ બેઠકમાં હાજર છે અને રાજેશ ચુડાસમા, હીરા સોલંકી સહિતના આગેવાનો હાજર છે, બગદાણા વિવાદ મુદ્દે મુખ્યમંત્રીને કરશે રજૂઆત અને લોક કલાકાર માયાભાઇ આહિરના પુત્ર પર માર મારવાનો આરોપ કરવામાં આવ્યો છે. નવનીત બાલધિયાની મુલાકાત બાદ હીરા સોલંકીએ કહ્યું હતુ કે, પીડિતને ન્યાય અપાવીને રહીશું. 

મોરબીની સિરામિક સફર પરંપરાથી પ્રગતિ તરફનો ઉત્તમ દાખલો બની છે

સમય સાથે 1970-80ના દાયકામાં રૂફ ટાઇલ્સ અને ગ્લેઝ્ડ ટાઇલ્સનું ઉત્પાદન શરૂ થયું અને ધીમે ધીમે મોરબી આધુનિક સિરામિક ઉદ્યોગ તરફ આગળ વધ્યું. નવી ટેક્નોલોજી, અદ્યતન મશીનરી અને ઉદ્યોગસાહસિક દૃષ્ટિકોણે શહેરને નવી ઓળખ આપી. આજે મોરબી ફ્લોર ટાઇલ્સ, વોલ ટાઇલ્સ, વિટ્રિફાઇડ ટાઇલ્સના  ઉત્પાદન માટે વિશ્વસ્તરે જાણીતું છે. મોરબીની સિરામિક સફર પરંપરાથી પ્રગતિ તરફનો ઉત્તમ દાખલો બની છે.

કુંભારના ચાકથી વૈશ્વિક સિરામિક હબ સુધી: મોરબીની ઉદ્યોગ ગાથા

મોરબી આજે દેશ-વિદેશમાં સિરામિક ઉદ્યોગનું મહત્વનું કેન્દ્ર બની ચૂક્યું છે. શરૂઆતમાં અહીં પરંપરાગત કુંભારકામ દ્વારા માટલા, દીવા, નળીયા અને ઘરગથ્થુ માટીના વાસણો બનાવાતા. સ્થાનિક માટીની ગુણવત્તા અને કારીગરોની કુશળતાએ મોરબીના ઉત્પાદનોને ઓળખ આપી. ત્યારબાદ વૉલ ક્લોક ઉદ્યોગની શરૂઆત થઇ હતી.  

ભારતની કુલ સિરામિક નિકાસમાં મોરબીનો હિસ્સો 90% જેટલો, લીપેક ઇન્ડસ્ટ્રીઝ ક્ષેત્રે પણ મોરબી બની શકે છે ગુજરાત રાજ્યનો અગ્રણી જિલ્લો 

મુખ્યમંત્રી ભૂપેન્દ્ર પટેલના માર્ગદર્શન અને નેતૃત્વ હેઠળ ગુજરાત વાયબ્રન્ટ ગુજરાત રિજનલ કોન્ફરન્સ (VGRC) કચ્છ-સૌરાષ્ટ્રની બીજી આવૃત્તિ માટે સજ્જ થઈ રહ્યું છે. તારીખ 11 અને 12 જાન્યુઆરી 2026 દરમિયાન રાજકોટ ખાતે યોજાનારી વાયબ્રન્ટ ગુજરાત રીજનલ કોન્ફરન્સ (VGRC) કચ્છ અને સૌરાષ્ટ્રના ભાગરૂપે રાજ્યમાં વિવિધ કાર્યક્રમ આયોજિત કરવામાં આવ્યા છે. જેમાં ગુજરાતનો મોરબી જિલ્લો આજે ભારતની સિરામિક અર્થવ્યવસ્થાનો આધારસ્તંભ બની ગયો છે. ગુજરાતના કુલ સિરામિક ઉત્પાદનમાં એકલા મોરબીનો જ લગભગ 90% હિસ્સો છે અને વિશ્વમાં બીજા નંબરનું સ્થાન ધરાવે છે. 

IRCTC કૌભાંડ કેસમાં RJD સુપ્રીમો લાલુને રાહત ન મળી 

લાલુ પ્રસાદ યાદવને કૌભાંડમાં કોઈ રાહત નથી મળી, દિલ્હી હાઈકોર્ટે આ મામલે CBIને નોટિસ ફટકારી, લાલુ સામે આરોપો ઘડવાને પડકારતી અરજી પર CBIને નોટિસ, લાલુ યાદવે દિલ્હી HC માં નીચલી કોર્ટના આદેશને પડકાર્યો, લાલુ યાદવે આરોપો ઘડવાના આદેશને પડકાર્યો, રાઉઝ એવન્યુ કોર્ટે કેસમાં કુલ 3 લોકો સામે આરોપો ઘડ્યા હતા, કોર્ટે લાલુ યાદવ,રાબડી દેવી અને તેજસ્વી સામે આરોપો ઘડ્યા હતા.

સાંતલપુરના મામલતદારે સુસાઇડનો કર્યો પ્રયાસ

મામલતદાર ડી.ડી.પંડ્યાએ કર્યો સુસાઇડનો પ્રયાસ, મામલતદારનો વીડિયો અને સુસાઇડ નોટ આવી સામે, ભાણેજ સહિત 8 લોકો સામે કર્યા ગંભીર આક્ષેપ, પ્લાન ઘડીને ખોટી રીતે બદનામ કર્યાના આક્ષેપ, ACBમાં ખોટી ફરિયાદ કરવાનું કહી હેરાન કરતા હતા, છોકરી સાથે ફોટો બનાવી વાયરલ કરવાની ધમકી આપી, માનસિક ત્રાસથી કંટાળી આપઘાત કરુ છું તેવો ઉલ્લેખ, મામલતદાર હાલમાં પાલનપુરમાં હોસ્પિટલમાં સારવાર હેઠળ. 

આંકલાવમાં આધેડને સળગાવવાના પ્રયાસમાં નવો વળાંક

આધેડે પોતે શરીર પર આગ ચાંપતો વીડિયો આવ્યો સામે, સરપંચના પુત્રની ગાડી પાસે જઇ શરીર પર આગ ચાંપી, આધેડ પોતાના શરીર પર પેટ્રોલ છાંટીને આવ્યો હતો, દીવાસળી ચાંપતા જ ભડભડ સળગી ઊઠ્યો યુવક, બાજુમાં ઉભેલા લોકોએ આગ ઓલવવા કર્યો પ્રયાસ, સમગ્ર ઘટનાનો વીડિયો સામે આવ્યા.

PM મોદી સોમનાથ દાદાના દર્શને આવશે

10 જાન્યુઆરીએ PM મોદી સોમનાથ આવશે, રાત્રે સોમનાથ ટ્રસ્ટની બેઠકની અધ્યક્ષતા કરશે, કોરિડોર સહિત વિકાસ યોજનાઓની સમીક્ષા કરશે, 11 જાન્યુઆરીએ સોમનાથમાં જાહેરસભા સંબોધશે, PM મોદી 1000 અશ્વોનું પ્રદર્શન નિહાળશે, 8 થી 11 જાન્યુઆરી સુધી વિવિધ કાર્યક્રમો યોજાશે, 2026માં સોમનાથ પર હુમલાના 1000 વર્ષ થશે પૂર્ણ, જિલ્લા વહીવટી અને પોલીસ તંત્ર દ્વારા તૈયારીઓ, DyCM હર્ષ સંઘવી આજે સોમનાથમાં યોજશે બેઠક. 

વાયબ્રન્ટ ગુજરાત ઇવેન્ટને લઇ તૈયારીઓ શરૂ

નાયબ મુખ્યમંત્રી હર્ષ સંઘવી રાજકોટમાં, ઉદ્યોગકારો અને અધિકારીઓ સાથે કરી બેઠક, રાજકોટના આગેવાનો સાથે પણ કરી બેઠક, રાજકોટમાં વાયબ્રન્ટ ગુજરાત રિજીઓનલ ઇવેન્ટ યોજાશે, 11 જાન્યુઆરીએ PM મોદી ઉદ્ધાટન કરશેઃ DyCM, રાજકોટ ગુજરાત મેન્યુફેક્ચરિંગનું ગ્રોથ એન્જિન બનશે, PM મોદીના રોડ શો અંગે હાલ કોઇ વાત નથીઃ DyCM, કચ્છ અને સૌરાષ્ટ્રના ઉદ્યોગોને મોટું બુસ્ટીંગ મળશેઃ DyCM, 10435 ઉદ્યોગ સાહસિકોને સહાય વિતરણ કરાઇ છે, વિવિધ યોજના મારફતે 600 કરોડથી વધુ સહાય અપાઇ, દેશ અને વિદેશમાંથી કેટલા ઉદ્યોગકારો આવશે, દેશ અને વિદેશના સાહસિકો સાથે વાતચીત ચાલી રહી છે. 

ભ્રષ્ટાચારની ફરિયાદ કરનાર એક વ્યક્તિ પર જીવલેણ હુમલો

ગામમાં રહેતા ભરતભાઈએ મહિલા સરપંચ કોકીલા પઢિયાર વિરુદ્ધ ભ્રષ્ટાચારની અરજી કરી હતી તેનો ખાર રાખીને પરિજનોએ પહેલા ભરતભાઈ પર હુમલો કર્યો હતો અને તેમને માર પણ માર્યો હતો, ત્યારબાદ અહીંયા વાત પતી નથી જતી અને પેટ્રોલ છાંટવાની વાત સામે આવી છે, હાલમાં ગામમાં પોલીસનો બંદોબસ્ત પણ ગોઠવવામાં આવ્યો છે. 

ભ્રષ્ટાચારનો આક્ષેપ કરનાર પર સરપંચ પરિવારે હુમલો કર્યો હોવાનો આરોપ  

ભરતભાઈ પઢિયાર પર પેટ્રોલ છાંટી આગ લગાવી દીધી હોવાનો આરોપ ફરિયાદીના પરિજનોએ લગાવ્યો છે, ભરતભાઈને તાત્કાલિક સારવાર અર્થે ખસેડવામાં આવ્યા છે અને ભરતભાઈનો પુત્ર બચાવવા જતા તેને પણ ઈજાઓ પહોંચી છે, પેટ્રોલ છાંટી જીવતો સળગાવવાનો કર્યો પ્રયાસ અને સરપંચ કોકિલાબેન પઢિયાર વિરૂધ્ધ ભ્રષ્ટાચારના આક્ષેપ કર્યા હતા અને સરપંચના પતિ અને તેમના બે પુત્રોએ હુમલો કર્યો હોવાનો આરોપ છે. સરપંચ સહિત ચાર વિરૂધ્ધ આંકલાવ પોલીસ મથકે ગુનો નોંધાયો છે. 

આંકલાવના અંબાવમાં ભ્રષ્ટાચારના આક્ષેપ કરતા યુવકને સરપંચના પતિ અને પુત્રોએ જીવતો સળગાવવાનો કર્યો પ્રયાસ 

આણંદના આંકલાવના અંબાવમાં યુવકને જીવતો સળગાવવાનો પ્રયાસ કરવામાં આવ્યો છે અને સરપંચ સામે ભ્રષ્ચાચારનો આક્ષેપ કરતા યુવક પર હુમલો કરવામાં આવ્યો છે, ભરત પઢિયાર પર પેટ્રોલ છાંટી આગ લગાવ્યાનો આક્ષેપ કરવામાં આવ્યો છે. આણંદના આંકલાવના અંબાવમાં ભ્રષ્ટાચારનો અવાજ ઉઠાવતા યુવકને સરપંચ પરિવારે પેટ્રોલ છાંટી સળગાવવાનો આક્ષેપ કરવામાં આવ્યો છે, યુવકનો પુત્ર બચાવવા જતા તેને પણ ગંભીર ઇજાઓ પહોંચી છે અને મહિલા સરપંચ કોકિલા પઢિયાર સામે કર્યા હતા આક્ષેપ અને સરપંચના પતિ અને બે પુત્રોએ સળગાવવાનો કર્યો પ્રયાસ. સરપંચ સહિત ચાર વિરૂદ્ધ નોંધાઇ પોલીસ ફરિયાદ.

ગાંધીનગરમાં ટાઇફોઇડના કેસમાં વધારો

ગાંધીનગરમાં ટાઇફોઇડના કેસ 131 થયા, 7 દર્દીઓને ડિસ્ચાર્જ કરવામાં આવ્યા, ગાંધીનગર મનપા વિસ્તારમાં 75 ટીમો દ્વારા સર્વેલન્સ. 

અમદાવાદના કોચરબ આશ્રમમાં લગ્નના આયોજનથી વિવાદ

ઐતિહાસિક આશ્રમમાં ગાંધી વિચારધારા ભુલાયાના આક્ષેપ, કોચરબ આશ્રમમાં લગ્ન પ્રસંગ યોજાતા ઉઠ્યા સવાલ, વૈષ્ણવજન ભજનની બદલે વાગ્યા ફિલ્મ ગીતો, આશ્રમમાં લગ્ન પ્રસંગમાં લોકો ડીજેના તાલ પર ઝુમ્યા, ઐતિહાસિક કોચરબ આશ્રમની જાળવણી પર ઉઠ્યા સવાલ, વિદ્યાપીઠના ગૃહમાતાના પુત્રના લગ્નનું કરાયું હતું આયોજન, કોની મંજૂરીથી લગ્ન પ્રસંગનું આયોજન કરાયું તેના પર પ્રશ્ન. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Surat News : સુરતના લસકાણાના એક તબેલામાંથી ઝડપાયું ભેળસેળયુકત ઘીનું ગોડાઉન, પોલીસે રેડ કરતા થયો પર્દાફાશ

02 - Surendranagar News : સુરેન્દ્રનગરમાં જમીન કૌભાંડ મામલે રાજકારણની એન્ટ્રી, પૂર્વ.કલેકટર રાજેન્દ્ર પટેલના સમર્થનમાં આવ્યા પાટીદારો

03 - Surat News : સુરતના ડુમસના દરિયાકાંઠે મધરાત્રે SOG ત્રાટકી, દરિયા વચ્ચે રેડ કરી ડીઝલ ચોરી ઝડપી પાડી

04 - Porbandar News : ગ્રામજનોની રજૂઆતને લઈ ધારાસભ્ય કાંધલ જાડેજાએ અધિકારીઓને કહ્યું, ટાંટિયા ભાંગી નાખીશ, કામ તો કરવું જ પડશે

05 - Weather News : ગુજરાતમાં ઠંડીનો ચમકારો વધ્યો, નલિયા અને રાજકોટમાં સૌથી વધારે ઠંડી નોંધાતા શહેરીજનો ઠુઠવાયા

06 - Delhi Riot Case: જેલમાં જ રહેશે ઉમર ખાલિદ, શરજીલ ઇમામ, SCએ અન્ય 5ને આપ્યા જામીન

07 - Jay Bhanushali સાથે અલગ થયા બાદ માહી વિજનું દર્દ છલકાયું! એક નાની પોસ્ટમાં કહી દીધી આટલી મોટી વાત!

08 - Gold Silver Price Today: અમેરિકા વેનેઝુએલા સંકટ વચ્ચે વધ્યો સોનાનો ભાવ, જાણો લેટેસ્ટ રેટ

09- PM Modi On Somnath Temple : વિધ્વંસ નહીં, સ્વાભિમાનની ગાથા, PM મોદીએ લખ્યો લેખ

10 - Mustafizur Rahman IPL 2026માંથી બહાર, KKRમાં આ વિસ્ફોટક ખેલાડી લેશે ટીમમાં એન્ટ્રી?

દિલ્લી રમખાણોના કેસમાં સુપ્રીમમાં સુનાવણી 

2020ના રમખાણોના બે મુખ્ય આરોપીને જામીન નહીં, ઉમર ખાલિદ અને શરજીલ ઈમામને જામીન ન મળ્યા, બાકીના 5 આરોપીઓને સુપ્રીમે જામીન આપ્યા. 

અમરેલી પોલીસ વિભાગમાં મોટો ફેરબદલ

4 PI અને 1 PSIની એકસાથે બદલીઓ કરાઇ, LCB, SOG નવા અધિકારીઓની નિમણૂંક, સાયબર ક્રાઇમમાં નવા અધિકારી મુકાયા. 

ગીર સોમનાથ જિલ્લામાં વન્ય પ્રાણીઓનો આતંક

ગીર ગઢડાના નવા ઉગલામાં બાળકી પર દીપડાનો હુમલો, ઘરના આંગણે રમી રહેલી 8 વર્ષની બાળકી પર હુમલો, દીપડો બાળકીને ખેંચીને લઇ જતા મામાએ બચાવી, બાળકીના મામા પાછળ દોડતા દીપડો ભાગ્યો, બાળકીના માથા અને પગના ભાગે ગંભીર ઇજાઓ, બાળકીને સારવાર માટે ઉના હોસ્પિટલમાં ખસેડાઇ. 

ટાઇફોઇડના કેસ બાદ ગાંધીનગર મનપાને થયું ભાન

આગ લાગ્યા પછી ખાડો ખોદતી ગાંધીનગર મનપા, પાણીપુરી-સોડાની લારીઓ પર થતું વેચાણ યાદ આવ્યું, શહેરમાં 100થી વધુ લારીઓ બંઘ કરાવાઇ, આગામી આદેશ સુધી લારીઓ બંધ રાખવા આદેશ, ચોખ્ખુ પાણી આપવાને બદલે લારીવાળા નિશાને. 

થોળ પક્ષી અભયારણ્યમાં વિવિધ 17થી વધુ પ્રજાતિઓના પક્ષી નોંધાયા

વન અને પર્યાવરણ મંત્રી અર્જુન મોઢવાડિયા અને રાજ્ય મંત્રી પ્રવિણ માળીના માર્ગદશનમાં વન વિભાગ સહિત વિવિધ પ્રાણી-પક્ષી પ્રેમી સંસ્થાઓ દ્વારા તેમના સંવર્ધન અને સંરક્ષણની પરિણામલક્ષી કામગીરી કરવામાં આવી રહી છે. ગુજરાત વિશ્વભરના પક્ષીઓ માટે પસંદગીનું રાજ્ય બન્યું છે ત્યારે છેલ્લા એક વર્ષમાં જામનગરના ખિજડીયા પક્ષી અભયારણ્યમાં ૩૩૪ પ્રજાતિઓના અંદાજે ૩,૦૯,૦૬૨ પક્ષીઓ નોંધાયા છે. વર્ષ ૨૦૨૪ની છેલ્લી ગણતરી મુજબ નળ સરોવરમાં વિવિધ ૧૭થી વધુ પ્રજાતિઓના ૪.૧૨ લાખથી વધુ તેમજ થોળ પક્ષી અભયારણ્યમાં વિવિધ ૧૭થી વધુ પ્રજાતિઓના ૫૫,૫૮૭ પક્ષીઓ આમ કુલ ૪.૬૭ લાખથી વધુ પક્ષીઓ નોંધાયા છે.

Gujarat યાયાવર પક્ષીઓ માટે બન્યું પસંદગીનું રાજય

સમગ્ર વિશ્વમાં આશરે ૯,૦૦૦ જેટલા વિવિધ જાતિના પક્ષીઓમાંથી ૧,૨૦૦ જાતિના પક્ષીઓ ભારતમાં જોવા મળે છે. જેમાંથી ૪૦૦થી વધુ પ્રજાતિઓ પરદેશી પ્રવાસી પંખીઓની છે. આ યાયાવર પક્ષીઓ સાયબીરીયા, પૂર્વ યુરોપ,ઉત્તર અને મધ્ય એશિયામાંથી ગુજરાત સહિત ભારતમાં આવે છે. રાજ્યમાં પક્ષી-પ્રાણી સૃષ્ટિના સંરક્ષણ અને સંવર્ધનની સાથે પર્યાવરણના જતન માટે વડાપ્રધાન શ્રી નરેન્દ્રભાઈ મોદી ગુજરાતના મુખ્યમંત્રી હતા ત્યારથી તેમણે કડક કાયદાઓ, નિયમો અને યોજનાઓ અમલી બનાવી છે, જેને રાજ્યના મુખ્યમંત્રી ભૂપેન્દ્ર પટેલ મક્કમતાથી આગળ વધારી રહ્યા છે. જેના પરિણામે ગુજરાત છેલ્લા દોઢ દાયકાથી યાયાવર પક્ષીઓ અને પ્રાણીઓ માટે સૌથી વધુ સુરક્ષિત રાજ્ય બન્યું છે.

ઘર વપરાશના પાણી ભરેલ પાત્રોને અઠવાડિયામાં એક વાર ખાલી કરવું

આ ઉપરાંત મચ્છરજન્ય બીમારી જેવી કે ડેન્ગ્યુ, મેલેરિયા અને ચિકનગુનિયાથી બચવાના ઉપાય વિશે પણ આરોગ્ય વિભાગ દ્વારા માર્ગદર્શન આપવામાં આવ્યું છે. જે અંતર્ગત તળાવ, નદી નાળાં, હવાડા, કેનાલમાં પાણી ભરાયેલ હોય તો તેમાં ગપ્પી માછલી નાખવી જેથી કરીને તેનાં થકી મચ્છરના પોરાનો નાશ કરી શકાશે. અઠવાડિયામાં એક વાર ઘરની આસપાસ, ઘરની અંદર અને ધાબામાં ભરાયેલા પાણીને ખાલી કરવાનું અને ઘર વપરાશના પાણી ભરેલ પાત્રોને અઠવાડિયામાં એક વાર ખાલી કરી, સુકવી ફરી ભરવા માટે જણાવવામાં આવી રહ્યું છે.

શિયાળાના સમયમાં વૃદ્ધો અને બાળકોએ વિશેષ કાળજી રાખવી 

વહેલી સવારની કડકડતી ઠંડીમાં બાળકો અને વૃદ્ધોને બિનજરૂરી બહાર ન નીકળવા અને ફરજિયાત ગરમ કપડાંનો ઉપયોગ કરવા સૂચના અપાઈ છે, ડાયાબિટીસ, હાઈપરટેન્શન (બીપી) જેવી ગંભીર બીમારી ધરાવતા દર્દીઓએ આ બદલાતા વાતાવરણમાં વિશેષ તકેદારી રાખવી અનિવાર્ય છે, વાતાવરણમાં થતા ફેરફારોને હળવાશથી લેવાને બદલે શારીરિક સ્વાસ્થ્ય પ્રત્યે જાગૃત રહેવું અત્યંત જરૂરી છે, અન્યથા બીમારી ગંભીર સ્વરૂપ ધારણ કરી શકે છે.

જૂનાગઢમાં રોગચાળો વધતા સરકારી હોસ્પિટલમાં દર્દીની ભીડ જામી, મિશ્ર ઋતુને કારણે વાતાવરણમાં આવ્યો બદલાવ 

જૂનાગઢમાં સતત બદલાતા વાતાવરણને લઈને રોગચાળામાં વધારો થયો છે, જૂનાગઢ સિવિલ હોસ્પિટલમાં દર્દીઓની ભીડ ઉમટી પડી છે અને હાલમાં અનુભવાઈ રહેલી મિશ્ર ઋતુ અને વાતાવરણમાં સતત થઈ રહેલા ફેરફારોને કારણે જન સ્વાસ્થ્ય પર ગંભીર અસર જોવા મળી રહી છે. જૂનાગઢ સિવિલ હોસ્પિટલના સત્તાવાર આંકડાઓ મુજબ, ડિસેમ્બર માસ દરમિયાન શરદી, તાવ અને ઉધરસ જેવા કેસોમાં નોંધપાત્ર વધારો નોંધાયો છે. શરદી, તાવ અને ઉધરસ 100 થી વધારે, ઝાડા ઉલટી 89, ડેન્ગ્યુ 05, મેલેરિયા 02 કેસ નોંધાયા છે, ​હોસ્પિટલ તંત્ર દ્વારા નાગરિકોને આ ઋતુમાં બેદરકારી ન દાખવવા કડક તાકીદ કરવામાં આવી છે.

આરોપી ભેળસેળયુક્ત ઘી છૂટકમાં વેચાણ કરતો હતો 

પોલીસે આરોપી વિરુદ્ધ ગુનો નોંધી વધુ તપાસ હાથ ધરી છે અને આરોપી આ ઘીનું છૂટકમાં વેચાણ કરતો હોવાની વાત સામે આવી છે, લસકાણા ગામના પીઠાભાઇના તબેલા માંથી ભેળસેળ યુક્ત ઘીનું ગોડાઉન ઝડપી પાડ્યું છે, ભેળસેળ યુક્ત ઘી 319.54 કિલોગ્રામ જપ્ત કરવામાં આવ્યું જેની કિંમત રૂપિયા 79,885 છે, ભેલસેળ યુક્ત ઘી બનાવટ માટે ઉપયોગમાં લીધેલ સર સામાન સહિત કુલ રૂપિયા 2.11 લાખનો મુદ્દામાલ જપ્ત કરવામાં આવ્યો છે, અન્ય કોણ કોણ સામેલ છે આ બાબતને લઈ તેને લઈ તપાસ કરાઈ છે. 

સુરતના લસકાણાના એક તબેલામાંથી ઝડપાયું ભેળસેળયુકત ઘીનું ગોડાઉન, પોલીસે રેડ કરતા થયો પર્દાફાશ 

સુરતમાં ભેળસેળયુક્ત ઘીનું ગોડાઉન પકડાયું છે અને લસકાણા પોલીસે ઝડપ્યું ભેળસેળયુક્ત ઘીનું ગોડાઉન, પોલીસને બાતમી મળી હતી અને તે બાતમીના આધારે રેડ કરતા ઘીનું ગોડાઉન ઝડપી પડાયું છે. સુરતના લસકાણાના એક તબેલામાંથી ભેળસેળયુકત ઘીનું ગોડાઉન ઝડપાયું છે અને પોલીસે આરોપી અલ્પેશ સાથલીયાને ઝડપી પાડ્યો છે, પોલીસે આ બાબતે ફૂડ એન્ડ ડ્રગ્સ વિભાગને પણ જાણ કરી છે, 319.54 કિલો ભેળસેળયુક્ત ઘીનો જથ્થો ઝડપ્યો છે અને આ ઘીમાં સોયાબીન અને વેજીટેબલ ઓઈલ મિકસ કરવામાં આવતું હોવાની વાત સામે આવી છે. 

દ્વારકાના ભાણવડનો યુવક આર્મેનિયામાં ફસાયો

પાછતર ગામનો દીપક ચાવડા આર્મેનિયામાં ફસાયો, એજન્ટ ધવલ રામકબીરે યુવક સાથે ફ્રોડ કર્યો, એજન્ટે 2.70 લાખ લઇ પરત ન આપ્યાનો આક્ષેપ. 

રાજ્યમાં વધુ એક બ્રિજ પર પડી મોટી તિરાડો

અમરેલીમાં નવનિર્મિત બ્રિજ પર પડી મોટી તિરાડો, અમરેલી-ભાવનગર નેશનલ હાઇવે પર બ્રિજમાં તિરાડ, રાજુલાના દાતરડી નજીક બ્રિજમાં પડી તિરાડો, દોઢ વર્ષમાં જ બ્રિજ પર બીજી વખત પડી તિરાડો, કરોડોના ખર્ચે બનાવેલા બ્રિજની ગુણવતા પર પ્રશ્ન. 

ભાવનગરના મોતીતળાવમાં ટોળાએ કર્યો હુમલો

મોતીતળાવ વિસ્તારમાં ટોળાએ 8 પરપ્રાંતીય યુવકો ઉપર કર્યો જીવલેણ હુમલો અને બાઇક ચલાવવા બાબતે બે જૂથ વચ્ચે પથ્થરબાજી કરતા જૂથ અથડામણનો માહોલ ઉભો થયો હતો અને ગત મોડી રાત્રીના કુંભારવાડાના મોતીતળાવ વિસ્તારમાં આ ઘટના બની છે, એક સમાજના 20 થી 25 લોકોના ટોળાએ પરપ્રાંતીય 2 મહિલા સહિત 8 લોકો ઉપર કર્યો હુમલો, તમામ ઇજાગ્રસ્તો ને સારવાર માટે સિવિલ હોસ્પિટલમાં ખસેડવામાં આવ્યા છે, અને પોલીસે અમુક શખ્સોની અટકાયત પણ કરી છે. 

25થી વધુ લોકોના ટોળાએ પથ્થરથી હુમલો કર્યો 

આ સમગ્ર ઘટનામાં ટોળાએ પથ્થરથી હુમલો કર્યો હોવાની વાત સામે આવી છે અને બાઇક ચલાવવા મુદ્દે બે જૂથો વચ્ચે થઇ હતી બબાલ અને ઇજાગ્રસ્તોને સારવાર માટે હોસ્પિટલ ખસેડાયા છે, બોરતળાવ પોલીસે ફરિયાદ નોંધી તજવીજ હાથ ધરી છે, ઈજાગ્રસ્તોને સારૂ હોય તેવા લોકોને પણ હોસ્પિટલમાં રજા આપવામાં આવી છે, આ સમગ્ર ઘટનામાં હાલ જગ્યા પર પોલીસે બંદોબસ્ત ગોઠવ્યો છે અને હાલ વિસ્તારમાં શાંતિ ભર્યો માહોલ છે. 

ભાવનગરમાં બાઈક ચલાવવા મુદ્દે 2 જૂથે પથ્થરથી કર્યો હુમલો, ટોળાના હુમલાથી રોડ પર મચી નાસભાગ 

ભાવનગરમાં બાઈક ચલાવવા મુદ્દે 2 જૂથ વચ્ચે મારામારી થઈ હોવાના સીસીટીવી સામે આવ્યા છે, સમગ્ર ઘટનામાં પોલીસે બન્ને પક્ષે ગુનો નોંધીને તપાસનો ધમધમાટ શરૂ કર્યો છે. ભાવનગરના મોતીતળાવ વિસ્તારમાં ટોળાનો હુમલો સામે આવ્યો છે, જેમાં 2 મહિલાઓ સહિત 8 લોકો પર ટોળાએ હુમલો કર્યો છે, અને બાઈક ચલાવવાની માથાકૂટને લઈ બબાલ થઈ હોવાની વાત સામે આવી છે, સમગ્ર ઘટનામાં ઈજાગ્રસ્તોને સારવાર માટે ખસેડવામાં આવ્યા છે, અને પોલીસે સીસીટીવીના આધારે હુમલાખોરોની શોધખોળ શરૂ કરી છે. 

સોના-ચાંદીના ભાવમાં સતત વધારો જોવા મળ્યો 

ચાંદીના ભાવમાં 6 હજાર રૂપિયાનો વધારો, એક કિલો ચાંદીનો ભાવ 2.43 લાખ રૂપિયા, સોનામાં 10 ગ્રામમાં 1500 રૂપિયાનો વધારો, 10 ગ્રામ સોનાનો ભાવ 1.37 લાખને પાર, ભાવમાં વધારાથી રાજકોટ ચાંદી બજારમાં કામકાજ ઠપ્પ. 

સ્પીડ મનીથી રૂપિયા લઈ ખંડણીનું રેકેટ

ઈડીએ રાજેન્દ્રકુમાર પટેલના ત્યાંથી હાર્ડડિસ્ક, ફોન, લેપટોપ, પેન ડ્રાઈવ, બે મોબાઈલ સહિત કુલ ૧૨ ડિવાઇસ જપ્ત કર્યા હતા. જે તમામ ઈલેટ્રોનિકસ વસ્તુઓ એફએસએલની મદદથી ઓપન કરતા કેટલીક મહત્વની વિગતો મળી આવી છે. આ ઉપરાંત પેન ડ્રાઈવમાં પણ લાંચનો તમામ ડેટા અને લાંચની રકમનું રોકાણ કયાં કર્યું છે, કેટલાક નામો કોડવર્ડમાં લખેલા હોય તે બાબતે કલેકટરની પૂછપરછ ચાલી રહી છે. અરજી વિલંબિત ન થાય તે માટે સ્પીડમનીથી રૂપિયા લઈ ખંડણીનું રેકેટ સુરેન્દ્રનગર કલેક્ટર ઓફિસમાં ચાલતા આ સિસ્ટેમેટિક NA કૌભાંડની મોડસ ઓપરેન્ડીથી કરતા હતા.

પ્રતિબંધીત ચાઈનીઝ દોરીનાના બોબીન સાથે એક ઝડપાયો 

અમરોલી પોલીસે રોહિત વાઘેલાને ઝડપી પાડ્યા. પ્રતિબંધીત ચાઈનીઝ દોરીનાના બોબીન 19 નગ જપ્ત કર્યા. હાલ પોલીસે આરોપી વિરુદ્ધ કાયદેસરની કાર્યવાહી હાથ ધરી.

નર્મદાના કેવડિયા વિસ્તારમાં કાશ્મીર જેવો માહોલ

SOU વિસ્તાર અને એકતાનગરમાં ધુમ્મસ છવાયું. ભારે ધુમ્મસને લીધે વાહનચાલકો મુશ્કેલીમાં મુકાયા. વહેલી સવારે શાળા જતા બાળકોને પણ હાલાકી. 

સુરતમાં માતા-પિતા માટે લાલબત્તી સમાન કિસ્સો

ઉધનામાં પતંગ ચગાવતા બાળકનું નીચે પટકાતા મોત. પતંગ ચગાવતા 9 વર્ષીય બાળક નીચે પટકાયો. ચોથા માળેથી બાળકનુ નીચે પટકાતા મોત. ઉધના પોલીસે અકસ્માતે મોતનો ગુનો નોંધ્યો.

વડોદરામાં પશુપાલકો સામે મારામારી કેસમાં કાર્યવાહી 

જૂથ અથડામણમાં પોલીસે 3 લોકોની કરી ધરપકડ. કવા ભરવાડ,બાથુ ભરવાડ,રાકેશ ભરવાડની ધરપકડ. અન્ય 3 લોકોની પોલીસ દ્વારા શોધખોળ હાથ ધરાઈ. મકરપુરા વિસ્તારનો વીડિયો થયો હતો વાયરલ. હાથમાં ડંડા લઇ એકબીજા પર કરાયો હતો હુમલો.

સોલાર કંપનીઓને ફળવાયેલી જમીનોની ફાઈલોની ઈડી દ્વારા તપાસ ચાલી રહી છે

કલેકટર કચેરીના રેકર્ડ શાખામાંથી ગુમ કરેલ તેમજ સોલાર કંપનીઓને ફાળવાયેલી જમીનોની ફાઈલોની ઈડી દ્વારા તપાસ ચાલી રહી છે. સર્વે ભવનમાં ફરજ બજાવી ચુકેલી એક મહિલા અધિકારીની પણ પૂછપરછ કરવામાં આવી છે. સુરેન્દ્રનગર જિલ્લા કલેકટર રાજેન્દ્રકુમાર મહેન્દ્રભાઈ પટેલની દિલ્હી એન્ફોર્સમેન્ટ ડિરેક્ટરોરેટ (ED)ની સ્પેશયલ ઓપરેશન ગ્રૂપના અધિકારીઓ ધરપકડ કરીને પાંચ દિવસના રિમાન્ડ પર લેતા સરકારી બાબુઓમાં ફફડાટ ફેલાઈ ગયો છે.

સુરેન્દ્રનગરમાં જમીન કૌભાંડ મામલે રાજકારણની એન્ટ્રી, પૂર્વ.કલેકટર રાજેન્દ્ર પટેલના સમર્થનમાં આવ્યા પાટીદારો 

સુરેન્દ્રનગરમાં જમીન કૌભાંડ મામલે રાજકારણની એન્ટ્રી થઈ છે અને પૂર્વ.કલેકટર રાજેન્દ્ર પટેલના સમર્થનમાં આવ્યા પાટીદારો, સરકારે રાજેન્દ્ર પટેલને કર્યા છે સસ્પેન્ડ અને રાજેન્દ્ર પટેલને ખોટી રીતે ફસાવ્યાનો આરોપ કરવામાં આવ્યો છે, CM કક્ષાએ રજૂઆત કરવાની પાટીદારોની તૈયારી છે.  સુરેન્દ્રનગર જિલ્લાના ભૂતપૂર્વ કલેક્ટર રાજેન્દ્રકુમાર એમ. પટેલને કરોડો રૂપિયાની જમીનોને એન.એ. ગ્રાન્ટ કરવાના બહુચર્ચિત કેસમાં આખરે 2 જાન્યુઆરી 2026થી સસ્પેન્ડ કરાયા છે. રાજ્યના સામાન્ય વહીવટ વિભાગે રવિવારે આ સંદર્ભે ઓર્ડર બહાર પાડયો છે. ડિરેક્ટોરેટ ઓફ એન્ફોર્સમેન્ટ, નવી દિલ્હી દ્વારા ગુજરાત કેડરના ૨૦૨૫ બેચના આ અધિકારી અને તેની સાથે મેળાપીપણું કરી કરોડોનું જમીન આચરનારાઓ કૌભાંડ ઉપર તાજેતરમાં મોટાપાયે રેડ પાડવામાં આવી હતી. 

અમદાવાદના CG રોડ પર જીવલેણ અકસ્માત 

25 વર્ષીય પ્રકાશચંદ્ર ડીંડોરનું અકસ્માતમાં મોત, પૂર ઝડપે આવતા બાઈક ચાલકે રાહદારીને મારી ટક્કર, સુફિયાન મુસ્તફા નામના બાઈક ચાલકે કર્યો અકસ્માત, સ્ટંટ કરતાં સમયે અકસ્માત થયાનો સ્થોનિકોનો દાવો, ટ્રાફિક પોલીસે ગુનો દાખલ કરી વધુ તપાસ હાથ ધરી. 

રાજ્યના પાટનગરમાં દૂષિત પાણીનો ભરડો 

દૂષિત પાણીની લીકેજ શોધવા તંત્રના હવાતિયા, લીકેજ ક્યા છે તે શોધવામાં તંત્ર નિષ્ફળ, ગાંધીનગરમાં બહારથી તબીબો બોલાવવાની તૈયારી, ડે.કલેકટર સુપરવિઝનમાં 22 ડોક્ટરોની ટીમ તૈનાત. 

SOGએ શનિવારે રાત્રે પાડેલા દરોડા દરમિયાન ભાગદોડ મચી ગઈ હતી

રેકેટમાં કાંઠા વિસ્તારના નામચીન તેજસ સહિતની ટોળકીની સંડોવણી બહાર આવી હતી. મળતી વિગતો અનુસાર SOGને ચોક્કસ બાતમી મળી હતી કે ડુમસના દરિયાકિનારે રાત્રિના અંધકારનો લાભલઈ મલ્ટિનેશનલ કંપનીઓના જહાજોમાંથી ગેરકાયદેસર રીતે ડીઝલ ઉતારવામાં આવી રહ્યું છે. આ બાતમીના આધારે પોલીસે વોચ ગોઠવી હતી. પોલીસની ટીમ શનિવારે રાત્રે જેવી ડુમસના અલિયા બેટ પહોંચી કે તરત જ ત્યાં હાજર તત્ત્વોમાં હડકંપ મચી ગયો હતો. અંધારાનો લાભ લઈ કેટલાક શખ્સો ભાગી છૂટ્યા હતા. પોલીસ પ્રાથમિક તપાસમાં આ આખું નેટવર્ક સ્થાનિક કાંઠા વિસ્તારના તેજસ દ્વારા ઓપરેટ કરવામાં આવતું હતું.  

SOGએ ઘટના સ્થળેથી મોટી માત્રામાં ડીઝલનો જથ્થો, ખાલી બેરલો અને અન્ય સાધનો જપ્ત કર્યા છે

સૂત્રોના જણાવ્યા અનુસાર, પોલીસે કેટલાક યુવકોને રાઉન્ડઅપ પણ કર્યા છે અને તેમની પૂછપરછ ચાલી રહી છે. જોકે, આ બાબતે પોલીસ અત્યારે 'મગનું નામ મરી' પાડવા તૈયાર નથી. ઉચ્ચ પોલીસ અધિકારીઓએ આ રેકેટના મૂળ સુધી પહોંચવા માટે તપાસનો ધમધમાટ તેજ કર્યો છે. સુરતના ડુમસના દરિયાકાંઠે લાંબા સમયથી ધમધમતા ડીઝલ ચોરીના એક મોટા રેકેટનો શહેર પોલીસના સ્પેશિયલ ઓપરેશન ગ્રૂપે પર્દાફાશ કર્યો છે. મલ્ટિનેશનલ કંપનીઓના જહાજો અને બોટમાંથી લાખો રૂપિયાનું ડીઝલ ચોરી કરી તેને બજારમાં સસ્તા ભાવે વેચવાનું સુવ્યવસ્થિત નેટવર્ક ઝડપાતા દરિયાકાંઠાના સ્મગલરોમાં ફફડાટ વ્યાપી ગયો છે. 

સુરતના ડુમસના દરિયાકાંઠે મધરાત્રે SOG ત્રાટકી, દરિયા વચ્ચે રેડ કરી ડીઝલ ચોરી ઝડપી પાડી 

સુરતમાં ડુમસના દરિયામાં SOG પોલીસની કાર્યવાહી સામે આવી છે અને મધરાત્રે દરિયા વચ્ચે રેડ કરી ડીઝલ ચોરી ઝડપી પાડી હતી અને પેટ્રોલ કંપનીના જહાજોમાંથી કરાતી હતી ડીઝલ ચોરી, ડુમસના આલિયા બેટ પર SOG પોલીસે કરી રેડ અને તેજસ, રાજે, અમિત નામના માફિયાઓ કરતા હતા ડીઝલ ચોરી. દરોડા દરમિયાન એક વિચિત્ર સ્થિતિ સર્જાઈ હતી. દરિયામાં ભરતીનો સમય હોવાથી અને પોલીસની પકડમાંથી બચવા માટે આરોપીઓએ ડીઝલ ભરેલા કેટલાંક બેરલો દરિયામાં વહાવી દીધા હતા. ભરતીના મોજામાં આ કિંમતી ડીઝલના બેરલો દૂર સુધી તણાઈ ગયા હતા. રાત્રિના સમયે જ પોલીસે સ્થાનિક તરવૈયાઓ અને ગ્રામજનોની મદદ લઈ દરિયામાંથી આ બેરલો બહાર કાઢવાની કામગીરી હાથ ધરી હતી. 

ધારાસભ્યના પ્રવાસ દરમિયાન સરપંચને પણ મળ્યા 

ધારાસભ્ય કાંધલ જાડેજા દ્વારા વિસ્તારના પ્રવાસ કાર્યક્રમ દરમિયાન સરપંચ, આગેવાનોને સાથે રાખી મહોબતપરા અને ધ્રુવાળા ગામના લોકોની રજૂઆતો સાંભળી સાંભળતા અધિકારીઓને ખખડાવ્યા હતા અને નિરાકરણ માટે લાગતા વળગતા અધિકારીઓને ફોન કરી આકરી ભાષામાં સૂચના આપી હતી અને ધારાસભ્ય કાંધલ જાડેજાનો વીડિયો સોશિયલ મીડિયામાં વાયરલ થયો હતો. 

ડિસિઝનવાળા ગયા તેલ લેવાઃ કાંધલ જાડેજા

ધારાસભ્ય કાંધલ જાડેજાએ વિસ્તારના પ્રવાસ દરમિયાન અધિકારીઓને ધમકાવ્યા હતા અને અધિકારીઓને ફોન પર આકરી ભાષામાં ખખડાવ્યા હતા, ગામના લોકોની રજૂઆતો મુદ્દે અધિકારીઓને ખખડાવ્યા હતા, ગ્રામજનોનો આક્ષેપ છે કે, જે કામ ચાલુ છે તે ધીમી ગતિએ ચાલી રહ્યું છે અને અમુક કામ થતા નથી અને અધિકારીઓ જવાબ આપતા નથી તેવી રજૂઆત ધારાસભ્ય સુધી પહોંચી હતી જેને લઈ ધારાસભ્યએ જાહેરમાં લોકોની સામે અધિકારીઓને ફોન કર્યો હતો. 

ગ્રામજનોની રજૂઆતને લઈ ધારાસભ્ય કાંધલ જાડેજાએ અધિકારીઓને કહ્યું ટાંટિયા ભાંગી નાખીશ, કામ તો કરવું જ પડશે 

પોરબંદરના કુતિયાણાના ધારાસભ્ય કાંધલ જાડેજા તેમના પ્રવાસ દરમિયાન હતા અને તેમના વિધાનસભા વિસ્તારમાં લોકોને મળ્યા હતા અને ગ્રામજનોએ ગામના કામને લઈ ધારાસભ્યને રજૂઆત કરી હતી અને અધિકારીઓને ખખડાવ્યા હતા. કુતિયાણાના ધારાસભ્ય કાંધલ જાડેજાએ અધિકારીઓને ખખડાવ્યા હતા અને નિર્ણય લેવા વાળા તેલ લેવા ગયા તેવા શબ્દોનો પ્રયોગ કર્યો હતો, તો ધારાસભ્યએ વધુમાં અધિકારીને ફોન પર કહ્યું કે, કામ નહી કરો તો ટાંટિયા ભાંગી નાખીશ, વિસ્તારના પ્રવાસ દરમિયાન અધિકારીઓનો ઉધડો લીધો હોવાની વાત સામે આવી છે. 

વલસાડના પારડી ગામ નજીક કારમાં આગ 

શોર્ટ સર્કિટ થતા કારમાં લાગી આગ, કાર ચાલકનો ઘટનામાં આબાદ બચાવ. 

દિલ્હી બ્લાસ્ટ કેસમાં મોટો ખુલાસો 

આતંકીઓ કરતા હતા ભૂતીયા સિમકાર્ડનો ઉપયોગ, ભૂતીયા સિમથી પાક.હેન્ડલરો સાથે કરતા હતા સંપર્ક, એજન્સીઓથી છટકવા એક ક્લિન મોબાઇલ રાખતા હતા, બીજો ટેરર મોબાઇલ માત્ર આતંકી પ્રવૃત્તિમાં વપરાતો, ભૂતીયા સીમથી ,વોટ્સએપ,ટેલીગ્રામનો થતો ઉપયોગ. 

સોમનાથ કોરિડોર મુદ્દે ફરી ગરમાવો 

બ્રહ્મપુરી ખાતે પ્રભાસ હિત રક્ષક સમિતીની બેઠક યોજાઇ અને બેઠકમાં દરેક સમાજના આગેવાનો સહિત અસરગ્રસ્તો હાજર રહ્યા હતા અને તંત્ર દ્વારા સમિતિને તોડવાનો પ્રયાસ થતો હોવાનો આક્રોશ સામે આવ્યો છે, એકલ દોકલ નબળા લોકોને દલાલ મારફતે ભોળવી મિલકત લેવાની પ્રક્રિયા કરવામાં આવે છે તેવો પણ આક્ષેપ કરવામાં આવ્યો છે, તો લોકોનું કહેવું છે કે, તંત્રએ સમિતિ સાથે રહી કાર્યવાહી કરવી જોઈએ અને તંત્રની કુટનિતી સામે ગ્રામજનોમાં ફરી ભભૂખ્યો આક્રોશ.

ગીર સોમનાથ કોરિડોર મુદ્દે ગ્રામજનોમાં ફર આક્રોશ ભભૂકી ઉઠ્યો, તંત્ર સમિતિને તોડવા પ્રયાસ કરાતો હોવાનો આક્ષેપ 

ગીર સોમનાથ કોરિડોર મુદ્દે ફરી ગરમાગરમી જોવા મળી છે, જેમા બ્રહ્મપુરી ખાતે પ્રભાસ હિતરક્ષક સમિતિની મળી બેઠક અને તંત્ર સમિતિને તોડવા પ્રયાસ કરતુ હોવાનો આક્ષેપ કરવામાં આવ્યો છે, અસરગ્રસ્તોએ કહ્યુ અમારે કોરિડોર નથી જોઈતો. પ્રભાસ પાટણના ગુડલૂક સર્કલ નજીક વ્યવસ્થાની માગ કરવામાં આવી છે અને વિસ્થાપીતો માટે જમીન સંપાદીત કરી વ્યવસ્થાની માગ કરવામાં આવી છે, લોકોને સાથે રાખી કાર્યવાહી કરવા સમિતિની માગ છે અને તેને લઈ બેઠક યોજાઈ હતી, છેલ્લા કેટલાય સમયથી ગીર સોમનાથ કોરિડોરને લઈ ચર્ચા કરવામાં આવી રહી છે પણ નિરાકણ જલદીથી આવતું નથી. 

આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું

ગત તા.૨૮ ડિસેમ્બર-૨૦૨૪ના રોજ નલિયામાં લઘુત્તમ તાપમાન ૪.૨ ડિગ્રી સુધી ગગડયું હતું. આ વખતે સૌથી ઓછુ ૮.૮ ડિગ્રી તાપમાન રહ્યું છે. મહત્ત્વની વાત એ છે કે, આ વખતે ડિસેમ્બરમાં નલિયા સિવાય ગુજરાતના એકપણ પ્રદેશમાં લઘુતમ તાપમાન ૧૦ ડિગ્રીથી નીચે ગયું નથી. અમદાવાદ શહેરના વાત કરવામાં આવે નો ડિસેમ્બર-૨૦૨૪માં ૩૧માંથી ૧૪ દિવસ એવા હતા કે જેમાં લયુત્તમ તાપમાન ૧૪ ડિગ્રીથી નીચે નોંધાયું હતું. ચાલુ વર્ષે માત્ર ૪ જ વખત અમદાવાદનું તાપમાન ૧૪ ડિગ્રીથી નીચે ઉતર્યુ છે. આ વખતે ડિસેમ્બરમાં અમદાવાદમાં સૌથી ઓછું તાપમાન નોંધાયું. 

ગુજરાત સહિત દેશભરમાં ગ્લોબલ વોર્મિંગની અસર ખુબ ઝડપથી વધી રહી છે 

છેલ્લાં કેટલાંક વર્ષથી ગુજરાતની ત્રણેય સિઝનમાં ખૂબ મોટો બદલાવ મળી રહ્યો છે. ડિસેમ્બર મહિનામાં રાજ્યમાં મોટાભાગે કાતિલ ઠંડીનો વર્તારો શરૂ થઈ જતો હોય છે. પરંતુ આ વખતે ગત વર્ષની સાથે સરખામણીએ કરવામાં આવે તો ઠંડીમાં નોંધપાત્ર ઘટાડો જોવા મળ્યો છે. ભર શિયાળે ઠંડી કરતાં ગરમ અને ઉકળાટભર્યા દિવસોની સંખ્યા વધુ જોવા મળી રહી છે. ડિસેમ્બર-૨૦૨૪ અને ડિસેમ્બર-૨૦૨૫માં પડેલી ઠંડી પર નજર કરવામાં આવે તો, ગત વર્ષે ડિસેમ્બરના ૩૧ દિવસમાથી કચ્છના નલિયામાં લઘુતમ તાપમાનનો પારો ૨૨ વખતલ ૧૦ ડિગ્રીથી નીચે પહોંચ્યો હતો, જે આ વખતે માત્ર ૪ વખત પારો ૧૦ ડિગ્રીથી નીચે ઉતર્યો છે. 

કેમ આ વર્ષે શિયાળો ‘નરમ’ રહ્યો?

હવામાન નિષ્ણાતોના કહેવા મુજબ, સામાન્ય રીતે ડિસેમ્બરમાં ઉત્તર ભારત તરફથી આવતા સૂકા અને ઠંડા પવનો ગુજરાતમાં ઠંડી લાવે છે. પરંતુ આ વખતે હિમાલયમાં આ વખતે મજબુત વેસ્ટર્ન ડિસ્ટર્બન્સ (પશ્ચિમી વિક્ષેપ) સર્જાયા નથી. જ્યારે પહાડો પર ભારે હિમવર્ષા થાય છે. ત્યારે ત્યાંથી ફેંકાતા ઠંડા પવનો મેદાની વિસ્તારો અને ગુજરાત સુધી ઠંડી લાવે છે. આ વર્ષે ઉત્તર ભારતમાં હિમવર્ષા ઓછી થતા ઠંડીનું મોજુ સર્જાયું નથી. હવામાન નિષ્ણાતોના મતે, પ્રશાંત મહાસાગરમાં તાપમાન વધવાની ઘટના એટલે કે 'અલ નિનો'ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનોને કારણે લઘુતમ તાપમાનમાં ઘટાડો થતો અટક્યો છે.

ગુજરાતમાં ઠંડીનો ચમકારો વધ્યો, નલિયા અને રાજકોટમાં સૌથી વધારે ઠંડી નોંધાતા શહેરીજનો ઠુઠવાયા 

રાજ્યમાં ઠંડીનો ચમકારો યથાવત રહ્યો છે અને નલિયા 8 ડિગ્રી સાથે સૌથી ઠંડુગાર શહેર બન્યું છે, રાજકોટમાં 9.5, કંડલા એરપોર્ટ પર 9.60 ડિગ્રી, ડીસામાં 10.8 ડિગ્રી, ભુજમાં 11.20 ડિગ્રી, અમદાવાદમાં 14 ડિગ્રી, ગાંધીનગરમાં 12 ડિગ્રી, કેશોદમાં 11.80 ડિગ્રી, સુરેન્દ્રનગરમાં 13 ડિગ્રી તાપમાન નોંધાયું છે. 

સુરતના સચિનમાં ટ્રકે ટેમ્પોને ટક્કર મારતા એકનું મોત

અકસ્માતમાં ટેમ્પોમાં સવાર અન્ય 14 લોકો ઈજાગ્રસ્ત, ટેમ્પોમાં સવાર લોકો પલસાણા કથામાં ગયા હતા, કથામાંથી પરત ફરતી વખતે ટેમ્પોને નડ્યો અકસ્માત, ઈજાગ્રસ્તોને સારવાર માટે હોસ્પિટલ ખસેડાયા.

સુરેન્દ્રનગરમાં જમીન કૌભાંડ મામલે રાજકારણની એન્ટ્રી 

પૂર્વ.કલેકટર રાજેન્દ્ર પટેલના સમર્થનમાં આવ્યા પાટીદારો, સરકારે રાજેન્દ્ર પટેલને કર્યા છે સસ્પેન્ડ, રાજેન્દ્ર પટેલને ખોટી રીતે ફસાવ્યાનો કર્યો આરોપ, CM કક્ષાએ રજૂઆત કરવાની પાટીદારોની તૈયારી, વઢીયાર કડવા પાટીદાર સમાજ દ્વારા બેઠકોનો દોર શરુ.

રાજ્યના પાટનગરમાં દૂષિત પાણીનો ભરડો 

દૂષિત પાણીની લીકેજ શોધવા તંત્રના હવાતિયા, લીકેજ ક્યા છે તે શોધવામાં તંત્ર નિષ્ફળ, ગાંધીનગરમાં બહારથી તબીબો બોલાવવાની તૈયારી, ડે.કલેકટર સુપરવિઝનમાં 22 ડોક્ટરોની ટીમ તૈનાત.

આગામી 120 કલાક ભારે વરસાદની આગાહી 

હવામાન વિભાગે જાહેર કરી વરસાદની આગાહી, આગામી 5 દિવસ પવન સાથે વરસાદની શક્યતા, બંગાળના ખાડીમાં સાયક્લોનિક સરક્યુલેશન સર્જાયુ, તામીલનાડુમાં ભારે વરસાદની કરાઇ છે આગાહી.

માદુરો સામે કાર્યવાહી બાદ અમેરિકાની 3 દેશોને ધમકી

ક્યુબા ,મેક્સિકો અને કોલંબિયાને ટ્રમ્પે ધમકાવ્યા, મુશ્કેલી ઉભી કરતા પડોશી અમને મંજૂર નથી : ટ્રમ્પ, કોલંબિયાના નેતાઓના હાલ માદુરો જેવા થશે : ટ્રમ્પ, મેક્સિકોના રાષ્ટ્રપતિ પર લગાવ્યો ડ્ર્ગ્સ માફિયાનો આરોપ, મેક્સિકોમાં ડ્રગ્સ માફિયા સત્તા ચલાવે છે : ટ્રમ્પ, ‘કોલંબિયાના રાષ્ટ્રપતિ પણ અમેરિકામાં કોકેઇન મોકલે છે’.