Gujarat Latest News Live : અરવલ્લીની ગિરીમાળાને લઈને કેન્દ્ર સરકારનો નિર્ણય, સરકાર કોઇ નવી માઇનિંગ લીઝ નહીં આપે

જુનાગઢમાં GSTનું સર્ચ ઓપરેશન 

જે ડી જ્વેલર્સમાં GST ટીમનું સર્ચ, ત્રણ કલાકથી વધુ સમય ચાલી કામગીરી, બે દિવસથી ચાલી રહ્યું છે સર્ચ, GST સર્ચથી જ્વેલર્સમાં ફફડાટ

વલસાડના ધરમપુરમાં દુકાનમાં ઘુસી બસ

વાવ સર્કલ નજીક દુકાનમાં ઘુસી બસ, બસ અચાનક દુકાનમાં ઘૂસતા ભાગદોડ મચી, સદનસીબે ઘટનામાં કોઇ જાનહાનિ નહીં, પોલીસે સ્થળ પર પહોંચી તપાસ હાથ ધરી

સુરત મનપાની પાણીની ટાંકીનો પાઈપ તૂટ્યો

બોમ્બે માર્કેટ રોડ પર અડધો કિમી સુધી પાણી ભરાયા, રોડ પર ઘૂંટણસમા પાણી ભરાતા લોકોને હાલાકી, પાણી ભરાવાથી રોડ પર ટ્રાફિકજામના દ્રશ્યો સર્જાયા, પાલિકાના વાંકે વાહનચાલકોને હાલાકી

વધુ એક એક્સટેન્શનની ચર્ચા વચ્ચે DGPનું નિવેદન

રાજ્યના DGP  વિકાસ સહાયનું નિવેદન, ફરી ક્યારે મળીશું તેની ખબર નથી, કઈ રીતે મળીશું એ પણ મને ખબર નથી, આજની કોન્ફરન્સમાં બધાને મળવાનો આનંદ થયો, 31 ડિસેમ્બર સુધીનું છે વિકાય સહાયનું એક્સ્ટેન્શન

ગાંધીનગરના કલોલમાં મળી આવી જૈન મૂર્તિઓ

શેરીસા ગામમાં ખોદકામ દરમિયાન મળી જૈન મૂર્તિઓ, પ્રાચીન મૂર્તિઓ ખંડિત અવસ્થામાં મળી, સદીઓ જૂની મૂર્તિઓ હોવાના પુરાવા મળ્યા, જૈન મુનિ પણ ખોદકામ સ્થળે દોડી આવ્યા

અનંત અંબાણીએ કર્યા સોમનાથ મહાદેવના દર્શન

મહાદેવના ચરણોમાં શીશ નમાવી કર્યો જલાભિષેક, શાસ્ત્રોક્ત મંત્રોચ્ચાર સાથે મહાદેવની કરી વિશેષ પૂજા, રાષ્ટ્રની પ્રગતિ અને લોકકલ્યાણ માટે કરી પ્રાર્થના, સોમનાથ મહાદેવના ચરણોમાં 5 કરોડનું દાન કર્યું, દાનનો ઉપયોગ યાત્રાળુઓની સુવિધા વધારવા થશે

સુરેન્દ્રનગરમાં EDની તપાસ બાદ કલેક્ટર રાજેન્દ્ર પટેલની તાત્કાલિક બદલી કરાઈ

સુરેન્દ્રનગરમાં નાયબ મામલતદાર ચંદ્રસિંહ મોરીના નિવાસ સ્થાને EDના દરોડા પડ્યા હતાં. આ કેસમાં સર્ચ ઓપરેશન બાદ EDએ મહત્વના ખુલાસા કર્યા છે. નાયબ મામલતદાર ચંદ્રસિંહ મોરીની ધરપકડ કરવામાં આવી છે. તેના પહેલી જાન્યુઆરી 2026 સુધીના રિમાન્ડ મંજૂર કરવામાં આવ્યા છે. હવે EDની તપાસ બાદ જિલ્લા કલેક્ટર રાજેન્દ્ર પટેલની પણ તાત્કાલિક બદલી કરવામાં આવી છે. કલેક્ટરનો ચાર્જ ડીડીઓને સોંપવામાં આવ્યો છે. 

બોટાદમાં મહિલા પર હુમલો કરનારની ધરપકડ

બોટાદમાં મહિલા પર હુમલો કરનારની ધરપકડ કરવામાં આવી છે. પોલીસે આરોપીઓને કાયદાનું ભાન કરાવ્યું છે. આરોપી મહેશ વાટુકિયાનો પોલીસે વરઘોડો કાઢ્યો હતો. આરોપી વિરુદ્ધ ભુતકાળમાં 18 જેટલા ગુના નોંધાયા છે

અરવલ્લીની ગિરીમાળાને લઈને કેન્દ્ર સરકારનો નિર્ણય

અરવલ્લીની ગિરીમાળાને લઈને કેન્દ્ર સરકારે મોટો નિર્ણય લીધો છે. સરકાર હવે કોઈ નવી માઈનિંગ લીઝ નહીં આપે. પર્યાવરણ મંત્રાલયનું નવું નોટિફિકેશન જાહેર થયુ છે. દિલ્હીથી ગુજરાત સુધી નવી માઈનીંગ લીધ પર રોક લગાવી દેવામાં આવી છે.આ પ્રતિબંધ સંપૂર્ણ અરવલ્લી રેન્જ પર લાગુ પડશે.ICFREને અરવલ્લી ઝોનનો ઓળખ કરવા નિર્દેશ કરાયો છે.રાજ્ય સરકારોને પર્યાવરણ સુરક્ષાના ઉપાય કરવા નિર્દેશ કરાયો છે.રાજ્યોને સુપ્રીમ કોર્ટના આદેશનું પાલન કરવા નિર્દેશ કરાયો છે.

અપહરણકાંડના બે આરોપીઓને પોલીસે ઝડપી પાડ્યા

ગાંધીધામમાં પાંચ મહિના પહેલા અપહરણકાંડના બે આરોપીઓને પોલીસે ઝડપી પાડ્યા હતાં. આંગડિયાના સંચાલકનું બંદૂકની અણીએ અપહરણ કરવામાં આવ્યું હતું. ગાંધીધામ પોલીસે દિલ્હી અને રાજસ્થાનના ગંગાનગરની જેલમાંથી કબજો લઈ કોર્ટમાં હાજર કર્યા હતાં. કોર્ટે આરોપીઓના 6 દિવસના રિમાન્ડ મંજૂર કર્યા છે.

રાજકોટની જુદીજુદી 25 સોસાયટીની કલેક્ટરને રજૂઆત

રાજકોટની જુદી જુદી 25 સોસાયટીઓની કલેક્ટરને રજૂઆત કરવામાં આવી છે. અશાંતધારાની સમય મર્યાદામાં વધારો કરવા રજૂઆત કરાઈ છે. જુદી જુદી સોસાયટીઓમાં ધાર્મિક માહોલ બગડવાની સ્થાનિકો દ્વારા રજૂઆત કરાઈ છે. વિધર્મીઓ સોસાયટીઓમાં મકાનો ખરીદે છે

અમદાવાદના અનુપમ બ્રિજ પર અકસ્માતમાં એકનું મોત

અમદાવાદના અનુપમ બ્રિજ પર અકસ્માતમાં એક બાળકનું મોત નિપજ્યું છે. એએમટીએસ અને એક્ટિવા વચ્ચે અકસ્માત સર્જાયો હતો. બસની ટક્કર વાગતા એક્ટિવા પરથી માતા અને પુત્ર નીચે પટકાયા હતાં. આ અકસ્માતમાં ઈજાગ્રસ્ત હેનિલ ગુપ્તાનું મોત નિપજ્યું છે. ટ્રાફિક પોલીસે એએમટીએસના ચાલકની અટકાયત કરી છે. 

રજૂઆત કર્તાઓ પોતાની રજૂઆતો સાથે ઉપસ્થિત રહ્યા

દર મહિનાના ચોથા ગુરુવારે યોજવામાં આવતા “સ્વાગત” ઓનલાઇન જનફરિયાદ નિવારણના ઉપક્રમમાં ડિસેમ્બર-૨025ના રાજ્ય સ્વાગતમાં રાજ્યભરમાંથી 97થી વધુ રજૂઆત કર્તાઓ પોતાની રજૂઆતો સાથે ઉપસ્થિત રહ્યા હતા. એટલું જ નહિ, જિલ્લા સ્વાગતની 1284 અને તાલુકા સ્વાગતની 2458 રજૂઆતો-પ્રશ્નો સંદર્ભમાં જિલ્લા તાલુકા કક્ષાએ નિવારણની કાર્યવાહી પણ કરવામાં આવી હતી.

નાયબ મામલતદાર ચંદ્રસિંહ મોરીની ધરપકડ

સુરેન્દ્રનગરમાં નાયબ મામલતદાર ચંદ્રસિંહ મોરીના નિવાસ સ્થાને EDના દરોડા પડ્યા હતાં. આ કેસમાં સર્ચ ઓપરેશન બાદ EDએ મહત્વના ખુલાસા કર્યા છે. નાયબ મામલતદાર ચંદ્રસિંહ મોરીની ધરપકડ કરવામાં આવી છે. તેના પહેલી જાન્યુઆરી 2026 સુધીના રિમાન્ડ મંજૂર કરવામાં આવ્યા છે. EDએ આરોપીના 14 દિવસના રિમાન્ડની માગ કરી હતી. 

રાજ્યના વધુ બે IASની થઈ બદલી

રાજ્યના વધુ બે આઈએએસ અધિકારીઓની બદલી કરવામાં આવી છે. ગ્રામીણ ઉદ્યોગ કમિશનર મોહમ્મદ શાહિદ કોટજ અને રૂરલ ઈન્ડસ્ટ્રીમાં અગ્ર સચિવ બન્યાં છે. શાહ મીના હુસૈનને આદિજાતીનો વધારાનો હવાલો આપવામાં આવ્યો છે. હાલ તેઓ નર્મદા અને પાણી પુરવઠામાં અગ્ર સચિવ છે. 

અંબાજીમાં આઠમના દર્શન મુદ્દે હાઈકોર્ટનો ચુકાદો

શક્તિપીઠ અંબાજીમાં નવરાત્રિની આઠમની પૂજા અને દર્શનનો લાભ હવે ભક્તો લઈ શકશે. દાંતાના મહારાજા અને તેમના વંશજોને તેનો વિશેષાધિકાર નહીં મળે. મંદિરની સ્થાપના બાદ અત્યાર સુધીનો આ સૌથી મોટો ચુકાદો હોવાનું જાણવા મળ્યું છે. 

વાંચો 06 વાગ્યા સુધીના મહત્વના સમાચાર

1. Gandhinagar News: અરવલ્લીના બે પહાડ વચ્ચેનો 500 મીટર વિસ્તાર પર્વતમાળા જ ગણાશે: અર્જુન મોઢવાડિયા

2. Thailand: બે દેશોની દુશ્મનીનો ભોગ બની ભગવાન વિષ્ણુની 100 ફૂટ ઉંચી પ્રતિમા, જુઓ VIDEO

3. Gujaratએ રૂફટોપ સોલારમાં રચ્યો ઈતિહાસ, 5 લાખ ઈન્સ્ટોલેશન સાથે દેશભરમાં અગ્રસ્થાને

4. Haridwarમાં કાયદો અને વ્યવસ્થાના લીરેલીરા ઊડી ગયા, ધોળા દિવસે ગોળીબારથી લોકોમાં ગભરાટ ફેલાયો

5. Ahmedabad News : 15 વર્ષ બાદ ન્યાય, DRT ના રિકવરી ઇન્સ્પેક્ટર અને વકીલ લાંચ કેસમાં દોષિત જાહેર, 2 વર્ષની જેલની સજા

6. Surat News: વધુ એક લાંચિયો અધિકારી ઝડપાયો, મામલતદાર કચેરીના સર્કલ ઓફિસરની ધરપકડ

7. Crime News :બિરયાનીમાં મીઠું વધારે પડતા પતિનો ગયો ગુસ્સો, માથું પછાડી પત્નીની કરી હત્યા

8. Stock Market Closing: લાલ નિશાનમાં માર્કેટ બંધ, સેન્સેક્સ 82,186 અંકે બંધ

9. Delhi Metro : 16 કિલોમીટરની નવી મેટ્રો લાઈન, 13 નવા સ્ટેશન બનાવાશે, દિલ્હીવાસીઓ માટે ખુશીના સમાચાર

10. Surendranagar News: નાયબ મામલતદાર ભ્રષ્ટાચાર કેસમાં EDના મોટા ખુલાસા, જાણો કેવી રીતે કરી કાળી કમાણી?

બે પર્વત વચ્ચેનો 500 મીટર વિસ્તાર પર્વતમાળા જ ગણાશે

મંત્રી અર્જુનભાઈ મોઢવાડિયાએ વધુમાં ઉમેર્યું હતું કે, સુપ્રીમ કોર્ટના આદેશ મુજબ ગુજરાત સરકાર અરવલ્લી પહાડીઓની નવી વ્યાખ્યા અને સંરક્ષણના તમામ પાસાઓનો અમલ કરી રહી છે. જે મુજબ, સ્થાનિક ભૂતળથી 100 મીટર કે તેથી વધુ ઊંચાઈ ધરાવતા તમામ ભૂ-આકારોને 'પર્વત' તરીકે વ્યાખ્યાયિત કરવામાં આવ્યા છે.જેથી કોઈ કાયદાકીય છટકબારી ન રહે.આ ઉપરાંત,100 મીટરથી વધુ ઊંચાઈ ધરાવતા બે અથવા વધુ પર્વતોની વચ્ચેના 500 મીટર સુધીના તમામ વિસ્તારને પણ અરવલ્લી પર્વતમાળાનો જ ભાગ ગણવામાં આવશે.

સુરતમાં ડિસેમ્બરમાં 25 NDPS કેસમાં 30ની ધરપકડ

સુરતમાં ડિસેમ્બરમાં 25 એનડીપીએસ કેસમાં 30 આરોપીઓની ધરપકડ કરવામાં આવી છે. એરપોર્ટ પરથી 9 કરોડનો 26 કિલો હાઈબ્રિડ ગાંજો પકડાયો છે. પોલીસની એનડીપીએસ ડ્રાઈવમાં 10 કરોડનું ડ્રગ્સ પકડાયું છે. 31 ડિસેમ્બરને લઈને પોલીસે ડ્રોનથી સર્વેલન્સ કર્યું છે. નશાનું સેવન કરનારા સામે કાર્યવાહી કરાશે.

સુરતના સચિનમાં જુની અદાવતમાં મારામારી

સચિન GIDC વિસ્તારની ઘટના, અપશબ્દો બોલવા બાબતે થઇ હતી બબાલ, બબાલની અદાવત રાખી કરી મારામારી, સમગ્ર ઘટના CCTV કેમેરામાં થઇ કેદ. 

મોરબીમાં ઢોર પાર્ટીની ફરજમાં રુકાવટ બદલ ગુનો

કિશન અને ભરત ગોગરા સામે નોંધાયો ગુનો, આરોપી ઢોર ડબ્બામાં બાઇક લઇને ઘૂસી ગયો, પોલીસે આરોપીને પકડીને કાર્યવાહી કરી.

અમદાવાદને નશામુકત બનાવવા ક્રાઇમબ્રાંચની ઝુંબેશ

1 સપ્તાહમાં ક્રાઇમબ્રાંચે NDPSના 11 કેસ કર્યા, MD ડ્રગ્સના 6 કેસ, ગાંજાના 4 કેસ કર્યા, ચરસના 1 કેસ સહિત 56 લાખથી વધુનો મુદ્દામાલ જપ્ત, 533 ગ્રામ MD, 12,556 ગ્રામ ગાંજો, 45 ગ્રામ ચરસ જપ્ત, પ્રતિબંધિત સીરપ 6 બોટલ પેડલરો પાસેથી કબજે કરી, NDPSના 11 કેસમાં કુલ 14 આરોપીઓની ધરપકડ, સરખેજ, દરિયાપુર, જુહાપુરામાંથી આરોપી ઝડપાયા, વટવા, ખાનપુર જેવા વિસ્તારોમાંથી આરોપી ઝડપાયા. 

સુરેન્દ્રનગરના નાયબ મામલતદાર સામે EDના મોટા ખુલાસા

નાયબ મામલતદાર ચંદ્રસિંહ મોરીના ભ્રષ્ટાચાર મુદ્દે ખુલાસા, આરોપીની 14 દિવસની રિમાન્ડ અરજીમાં થયા ખુલાસા, ચંદ્રસિંહના બેડરૂમમાંથી 67.50 લાખ મળ્યાં હોવાનો ખુલાસો, આરોપી સ્પીડ પોસ્ટના માધ્યમથી પૈસાની કરતો હતો માંગ, કમિશન એજન્ટ, દલાલ મારફતે લાંચની રકમ ભેગી કરતો, ખંડણીની માંગ અને પૈસા એકત્રિત કર્યાની તપાસ થશે. 

ડિજિટલ બનશે અમદાવાદ મનપા: કાગળમુક્ત સામાન્ય સભા માટે કોર્પોરેટરોને અપાશે મોંઘા ટેબ્લેટ

ગુજરાત વિધાનસભાની તર્જ પર હવે અમદાવાદ મ્યુનિસિપલ કોર્પોરેશન (AMC) પણ પેપરલેસ થવા તરફ ડગ માંડી રહ્યું છે. હવેથી મનપાની સામાન્ય સભા ડિજિટલ માધ્યમથી ચલાવવામાં આવશે, જે અંતર્ગત દરેક કોર્પોરેટરને આશરે 45 થી 50 હજાર રૂપિયાની કિંમતનું ટેબ્લેટ આપવામાં આવશે. અત્યાર સુધી સામાન્ય સભાની એક દિવસની કામગીરીમાં અંદાજે 20 હજાર કાગળો વપરાતા હતા અને તેના પ્રિન્ટિંગ પાછળ આશરે 4 લાખ રૂપિયાનો જંગી ખર્ચ થતો હતો. આ નવી ટેકનોલોજીના અમલીકરણથી કાગળનો બચાવ થશે અને પર્યાવરણની જાળવણી સાથે વહીવટી કામગીરીમાં વધુ પારદર્શિતા અને ઝડપ આવશે.

ફ્લાવર શો માટે લોકોએ ખર્ચવા પડશે વધારે રૂપિયા

અમદાવાદમાં ફ્લાવર શોનું કરાયું છે આયોજન, રવિવાર અને રજાના દિવસે ટિકિટનો દર 100 રૂપિયા, અન્ય દિવસોમાં ટિકિરના દર 80 રૂપિયા નક્કી કરાયા, દિવ્યાંગ અને સૈન્ય જવાનો માટે એન્ટ્રી ફ્રી કરાઈ, મનપાની શાળાના વિદ્યાર્થીઓને ફ્રીમાં એન્ટ્રી, ખાનગી શાળાના બાળકો માટે ફી 10 રૂપિયા, પ્રાઈમ સ્લોટ માટે ટિકિટના દર 500 રૂપિયા રહેશે. 

ઉદ્ધવ અને રાજ ઠાકરેએ કરી ગઠબંધનની જાહેરાત 

અમારી વિચારધારા એક છે અને અને સાથે છીએ : ઉદ્ધવ, મહારાષ્ટ્રને મુંબઈથી તોડવાના પ્રયાસ : ઉદ્ધવ ઠાકરે, આ લોકો મહારાષ્ટ્રને ખતમ કરવા માંગે છે  : ઉદ્ધવ ઠાકરે, એક સાથે જોડે રહેવા માટે આવ્યા છે : ઉદ્ધવ ઠાકરે, કોઈ પણ ઝધડાથી મહારાષ્ટ્ર મોટું છે : રાજ ઠાકરે. સીટોનું વિભાજન મહત્વ નથી : રાજ ઠાકરે, સીટો પર જલ્દી નિર્ણય આવશે : રાજ ઠાકરે, મરાઠી નમી ગયા તો ખતમ થઈ જશું :ઉદ્ધવ ઠાકરે. મુંબઈનો મેયર મરાઠી હશે અને આપણો હશે : રાજ ઠાકરે, શિવસેના UBT અને MNS એકસાથે છે : રાજ ઠાકરે, મરાઠીઓનું બલિદાન અમને યાદ છે :ઉદ્ધવ ઠાકરે. 

પશ્ચિમ રેલ્વે દ્વારા તમામ મુસાફરોને આ મહત્વપૂર્ણ બદલાવ અંગે ધ્યાન આપવા વિનંતી કરવામાં આવે છે

નવી પ્રણાલી કોમ્પ્યુટરાઈઝ્ડ પીઆરએસ કાઉન્ટરો, અધિકૃત એજન્ટો, આઈઆરસીટીસી વેબસાઈટ તેમજ આઈઆરસીટીસી મોબાઇલ એપ્લિકેશન મારફતે કરવામાં આવેલી તમામ તત્કાલ બુકિંગ પર લાગુ પડશે. મુસાફરોને વિનંતી છે કે તેઓ બુકિંગ સમયે માન્ય મોબાઇલ નંબર અવશ્ય ઉપલબ્ધ કરાવે, જેથી ઓટીપી સત્યાપન પ્રક્રિયા સરળતાથી પૂર્ણ થઈ શકે. પશ્ચિમ રેલ્વે દ્વારા તમામ મુસાફરોને આ મહત્વપૂર્ણ બદલાવ અંગે ધ્યાન આપવા વિનંતી કરવામાં આવે છે.

અમદાવાદ ડિવિઝન પર OTP-આધારિત તત્કાલ પ્રમાણીકરણ સિસ્ટમ નીચેની ટ્રેનોમાં પહેલાથી  લાગુ છે.

1.ટ્રેન નં. 19223 સાબરમતી-જમ્મુ તાવી એક્સપ્રેસ

2.ટ્રેન નં. 19316/19315 અસારવા-ઇન્દોર વીરભૂમિ એક્સપ્રેસ

3.ટ્રેન નં. 19489 અમદાવાદ-ગોરખપુર એક્સપ્રેસ

4.ટ્રેન સંખ્યા 12957 સાબરમતી – નવી દિલ્હી રાજધાની એક્સપ્રેસ

5.ટ્રેન સંખ્યા 12297 અમદાવાદ–પુણે દૂરંતો એક્સપ્રેસ

6.ટ્રેન સંખ્યા 12462 સાબરમતી–જોધપુર વંદે ભારત એક્સપ્રેસ

7.ટ્રેન સંખ્યા 12268/12267 હાપા–મુંબઈ સેન્ટ્રલ દૂરંતો એક્સપ્રેસ

8.ટ્રેન સંખ્યા 12009/12010 મુંબઈ સેન્ટ્રલ - અમદાવાદ શતાબ્દી 

આ OTP-આધારિત તત્કાલ પ્રમાણિકરણ પ્રણાલી 24 ડિસેમ્બર, 2025 થી નીચેની 3 ટ્રેનોમાં લાગુ કરવામાં આવશે

1.ટ્રેન નં. 14702 બાંદ્રા ટર્મિનસ-શ્રીગંગાનગર અરવલી એક્સપ્રેસ

2.ટ્રેન નં. 19483 અમદાવાદ-સહરસા એક્સપ્રેસ

3.ટ્રેન નં. 22956 ભુજ-બાંદ્રા ટર્મિનસ કચ્છ સુપરફાસ્ટ એક્સપ્રેસ

અમદાવાદ મંડળમાંથી ચાલતી વધુ ત્રણ ટ્રેનો માટે ઓટીપી પ્રમાણિકરણ આજથી લાગુ 

પશ્ચિમ રેલવે દ્વારા રેલવે બોર્ડના સૂચનાનુસાર તત્કાલ બુકિંગ સિસ્ટમમાં એક મહત્વપૂર્ણ ફેરફાર અમલમાં મુકવામાં આવી રહ્યો છે. હવે તત્કાલ ટિકિટ માત્ર સિસ્ટમ દ્વારા મોકલવામાં આવેલા વન ટાઈમ પાસવર્ડ (ઓટીપી) ના સત્યાપન બાદ જ જારી કરવામાં આવશે. આ ઓટીપી તે મોબાઇલ નંબર પર મોકલવામાં આવશે, જે મુસાફરે બુકિંગ સમયે આપ્યો હશે. ઓટીપી નું સફળ સત્યાપન થયા પછી જ ટિકિટ જારી કરવામાં આવશે. 

આણંદ ટાઉન પોલીસ સ્ટેશન વિસ્તારમાંથી 2 લાખની ચાઈનીઝ દોરી ઝડપાઈ

ઉત્તરાયણના તહેવારને ધ્યાનમાં લઈને અમદાવાદ એસઓજી દ્રારા સાણંદના રણમલગઢ ગામના ફાર્મહાઉસમાંથી ૭.૪૮ લાખની ચાઈનીઝ દોરી જપ્ત કરીને ૪ આરોપીની ધરપકડ કરી છે. બાવળા પોલીસ સ્ટેશન વિસ્તારમાંથી ગણેશ કોટન પ્રેસિંગ ફેક્ટરીમાંથી ૧૨.૯૧ લાખની ૩૮૬૪ ફીરકી સાથે એક આરોપીને ઝડપી લીધો છે. કોઠ પોલીસ સ્ટેશન વિસ્તારના વટામણ ચોકડી નજીકથી આઈશર વાહનમાં ૯.૬૦ લાખની ચાઈનીઝ દોરી, વાહન,મોબાઈલ સહિત કુલ ૧૨.૧૫ લાખનો મુદ્દામાલ કબજે કરી ૨ આરોપીની અને આણંદ ટાઉન પોલીસ સ્ટેશન વિસ્તારમાંથી ૨ લાખની ૬૭૨ નંગ ફીરકી સાથે એક આરોપીની ધરપકડ કરાઈ છે . 

આણંદમાંથી અલગ અલગ જગ્યાએ રેડ કરીને લાખો રુપિયાની ચાઈનીઝ દોરી પકડી પાડી છે 

છેલ્લા કેટલાય સમયથી રાજયભરમાં ચાઈનીઝ દોરીનો પ્રતિબંધ હોવા છતાંય ખાનગીમાં ધુમ વેચાણ થઈ રહ્યું છે ત્યારે આગામી ઉત્તરાયણના તહેવારને ધ્યાનમાં લઈને અમદાવાદ ગ્રામ્ય પોલીસે દાદરાનગર હવેલી ખાતે ચાઈનીઝ દોરી બનાવતી આખી ફેકટરી ઝડપી લીધી છે અહીથી અંદાજીત દોઢ કરોડની ચાઈનીઝ દોરી ઉપરાંત મશીનરી,મોબાઈલ,વાહનો સહિત કુલ ૨.૩૪ કરોડનો મુદ્દામાલ જપ્ત કર્યો છે આ ઉપરાંત સાણંદ,બાવળા,કોઠ અને આણંદમાંથી અલગ અલગ જગ્યાએ રેડ કરીને લાખો રુપિયાની ચાઈનીઝ દોરી પકડી પાડી છે. 

દાહોદમાં ચાઇનીઝ દોરીથી યુવકનું ગળુ કપાયું, ગળામાં 50 કરતા વધુ ટાંકા આવતા સારવાર હેઠળ ખસેડાયો  

દાહોદમાં ચાઈનીઝ દોરીથી યુવકનું ગળુ કપાયું છે અને યુવકને ગળાના ભાગે 50 કરતા વધુ ટાંકા આવ્યા છે, સમગ્ર ઘટના દાહોદના ગરબાડા ચોકડી બ્રિજ નદીક બની છે. દાહોદમાં ચાઇનીઝ દોરીથી યુવકનું ગળુ કપાયું છે અને યુવકને હાથ અને ગળાના ભાગે ગંભીર ઇજાઓ પહોંચી છે, યુવકને 50થી વધુ ટાંકા આવ્યા છે અને ગરબાડા ચોકડી બ્રિજ નજીક આ ઘટના બની છે, યુવકને સારવાર માટે ખાનગી હોસ્પિટલમાં ખસેડાયો છે. બાઈક પર જતા વખતે ગળાના ભાગે ચાઈનીઝ દોરી આવતા યુવક થયો ઈજાગ્રસ્ત. 

દ્વારકામાં પિતાના નામે બોગસ દસ્તાવેજ બનાવતા ફરિયાદ

પિતાનું ખોટુ નામ ધારણ કરી જમીનના દસ્તાવેજ બનાવ્યા, પુત્ર સહિત ચાર લોકો સામે પિતાએ નોંધાવી ફરિયાદ, આરોપી જયેન્દ્ર શેઠે પોતે પિતાનું નામ ધારણ કર્યું હતું, રણછોડદાસ વિઠ્ઠલજી ધારણ કરી જમીનનો દસ્તાવેજ કર્યો, ફરિયાદને આધારે પોલીસે ચારેય આરોપીને ઝડપી પાડ્યા. 

ગાંધીનગર ખાણ ખનીજ વિભાગની મોટી કાર્યવાહી

સાબરમતી નદીના પટમાંથી રેતી ખનન ઝડપ્યું, 3 કરોડની કિંમતના મશીનો-ડમ્પરો જપ્ત કરાયા, 2 એસ્કેવેટર મશીન અને 5 ડમ્પર જપ્ત કરાયા, 70 લાખની ખનીજ ચોરી મુદ્દે નોંધાઇ ફરિયાદ, જેસિંગ પટેલ, નવઘણ ભરવાડ, અરવિંદ વણઝારાની સંડોવણી. 

ડાયાલિસિસ ટેકનિશિયનોની ભરતીનું કૌંભાડ 

અમદાવાદની સિવિલ હોસ્પિટલના કેમ્પસમાં આવેલી કિડની હોસ્પિટલમાં ભરતી કૌંભાડ સામે આવ્યું છે, કોઈપણ જાહેરાત કે પરીક્ષા વગર ડાયાલિસિસ ટેકનિશિયનોની ભરતી કરવામાં આવી હોવાની વાક સામે આવી છે. 11 એપ્રિલ 2023ના રોજ આ ભરતી કરવામાં આવી હોવાની વાત સામે આવી છે, અજયસિંહ બાબુજી વિહોલ અને ગણેશકુમાર પ્રહલાદભાઈ પટેલ તેમજ 14 એપ્રિલ 2023ના રોજ મહિપતસિંહ વિક્રમસિંહ પરમારની સીધી જ નિમણૂક કરી દેવામાં આવી હતી.

અમદાવાદની કિડની હોસ્પિટલમાં ભરતી કૌભાંડ આવ્યું સામે, વર્ષ 2023માં 3 કર્મચારીની ખોટી રીતે ભરતી કરી પગાર ચૂકવાયો 

અમદાવાદની કિડની હોસ્પિટલમાં ભરતી કૌંભાડ સામે આવ્યું છે, જેમાં વર્ષ 2023માં 3 કર્મચારીની ખોટી રીતે ભરતી કરી હોવાની વાત સામે આવી છે, જેમાં અઢી વર્ષે ભાંડો ફૂટતા 3 કર્મચારીઓને ફરજ મુક્ત કર્યા છે. અમદાવાદની કિડની હોસ્પિટલમાં વર્ષ 2023ના 3 કર્મચારીની ખોટી રીતે ભરતી કરી હતી અને અજયસિંહ વિહોલ,ગણેશ પટેલ, મહીપતસિંહ પરમારની પણ કરાઇ હતી ભરતી, નિયમ વિરૂદ્ધ ભરતી થઈ હોવાના થયા આક્ષેપ જેને કારણે વિવાદ થયો હતો, તત્કાલિન નિયામકે ત્રણેયની ભરતી કરી હતી અને ભરતી કરીને 25 લાખ રૂપિયા પગાર પણ ચૂકવ્યો હતો. 

શોર્ટ ઓરિજિનેટ (પ્રારંભ) થનારી ટ્રેનો

01-ટ્રેન નં. 69107 વડોદરા–અમદાવાદ મેમૂ તારીખ 24.12.2025 થી 17.01.2026 સુધી બાજવા સ્ટેશન થી શોર્ટ ઓરિજિનેટ થશે તથા વડોદરા–બાજવા વચ્ચે આંશિક રીતે રદ રહેશે.

02-ટ્રેન નં. 19035 વડોદરા–અમદાવાદ ઇન્ટરસિટી એક્સપ્રેસ તારીખ 24.12.2025 થી 17.01.2026 સુધી બાજવા સ્ટેશન થી શોર્ટ ઓરિજિનેટ થશે તથા વડોદરા–બાજવા વચ્ચે આંશિક રીતે રદ રહેશે.

શોર્ટ ટર્મિનેટ થનારી ટ્રેનો

01-ટ્રેન નં. 69108 અમદાવાદ–વડોદરા મેમૂ તારીખ 24.12.2025 થી 17.01.2026 સુધી બાજવા સ્ટેશન પર શોર્ટ ટર્મિનેટ થશે તથા આ ટ્રેન બાજવા–વડોદરા વચ્ચે આંશિક રીતે રદ રહેશે.

02-ટ્રેન નં. 69102 અમદાવાદ–વડોદરા મેમૂ તારીખ 24.12.2025 થી 17.01.2026 સુધી બાજવા સ્ટેશન પર શોર્ટ ટર્મિનેટ થશે તથા આ ટ્રેન બાજવા–વડોદરા વચ્ચે આંશિક રીતે રદ રહેશે.

03-ટ્રેન નં. 19036 અમદાવાદ–વડોદરા ઇન્ટરસિટી એક્સપ્રેસ તારીખ 24.12.2025 થી 17.01.2026 સુધી બાજવા સ્ટેશન પર શોર્ટ ટર્મિનેટ થશે તથા આ ટ્રેન બાજવા–વડોદરા વચ્ચે આંશિક રીતે રદ રહેશે.

વડોદરા સ્ટેશન પર એન્જિનિયરિંગ કાર્ય માટે બ્લોકના કારણે અમદાવાદ મંડળની કેટલીક પેસેન્જર ટ્રેનો પ્રભાવિત રહેશે

પશ્ચિમ રેલવેના વડોદરા સ્ટેશન પર લાઇન નં. 3 પર એન્જિનિયરિંગ (કમ્પ્લીટ ટ્રેક રિન્યૂઅલ) કાર્ય માટે 24 ડિસેમ્બર 2025થી 25 દિવસનો બ્લોક લેવામાં આવ્યો છે. જેના કારણે અમદાવાદ મંડળથી ચાલતી કેટલીક પેસેન્જર ટ્રેનો પ્રભાવિત થશે.  યાત્રીઓને વિનંતી છે કે ઉપરોક્ત ફેરફારોને ધ્યાનમાં રાખીને મુસાફરી કરે. ટ્રેનોના સ્ટોપેજ, સમય અને રચના અંગે વિગતવાર માહિતી માટે યાત્રીઓ કૃપા કરીને www.enquiry.indianrail.gov.in પર મુલાકાત લઈ શકે છે.

કચ્છના ભચાઉમાં ભૂકંપનો આંચકો નોંધાયો

3ની તીવ્રતાનો ભૂકંપનો આંચકો નોંધાયો, સવારે 10.49 કલાકે ભૂકંપનો આંચકો અનુભવાયો, ભૂકંપનું કેન્દ્ર ભચાઉથી 10 કિમી દૂર. 

પાકિસ્તાને સરકારી એરલાઇન PIA ની હરાજી કરી 

આરિફ હબીબ ગ્રુપે PIA ને રુ. 4,320 કરોડમાં ખરીદી. પાકિસ્તાને પીઆઈએ એરલાઇન્સ વેચી દીધી, એરલાઈનની પ્રાઇવેટાઇઝેશન પ્રક્રિયા પૂર્ણ થઈ. સ્થાનિક રોકાણ કંપનીના કન્સોર્ટિયમને વેચાણ થયું, શહબાઝ શરીફ સરકારે એરલાઇન્સ વેચી દીધી, પાકિસ્તાનની રાષ્ટ્રીય ફ્લેગ કેરિયર વેચાઈ ગઈ.

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર 

01 - Kutch News : કચ્છના ભુજમાં 14 વર્ષની સગીરા સાથે 3 શખ્સે આચર્યુ દુષ્કર્મ, ફરિયાદને આધારે પોલીસે બે આરોપીની ધરપકડ કરી

02 - Gir Somnath News : તંત્રના પાપે ગીર સોમનાથમાં બાળક ખુલ્લી ગટરમાં ખાબકયું, સ્થાનિકોની સમયસૂચકતાથી બાળકનો બચાવ થયો

03 - Rajkot News : રાજકોટમાં ફૂડ શાખાએ લીધેલા 4 નમૂના ફેઇલ, પનીર અને ઘીના નમૂનાઓ અખાદ્ય નીકળ્યા

04 - Vadodara News : વડોદરાના ગોરવામાં નિર્માણાધીન કન્સ્ટ્રક્શન સાઇટ પરથી બાળક નીચે પટકાતા સારવાર દરમિયાન મોત

05 - Weather News : ગુજરાતમાં વધ્યો ઠંડીનો ચમકારો, પવનોની દિશા બદલાતા શહેરીજનો ઠુંઠવાયા

06 - Pakistan Airline PIA Sold: કંગાળ પાકિસ્તાનના હાલ બેહાલ, એરલાઇન PIA વેચાઇ ગઇ, જાણો કોણે ખરીદી?

07 - Akshaye Khanna : ધુરંધરની Success વચ્ચે અક્ષય ખન્નાએ દ્રશ્યમ 3 છોડી! કારણનો પણ થયો ખુલાસો!

08 - Bangladesh: કોણ છે નાઝનીન મુન્ની જેના દુશ્મન બન્યા બાંગ્લાદેશના કટ્ટરપંથીઓ, ન્યૂઝ ચેનલની ઓફીસને સળગાવવાની આપી ધમકી

09 - Maharashtra politics : રાજ ઠાકરે અને ઉદ્ધવ ઠાકરે ફરી સાથે, BMC ચૂંટણીમાં ભાજપ માટે મોટો પડકાર?

10 - Petrol Diesel Price Today: ક્રિસમસ પહેલા પેટ્રોલ ડીઝલના ભાવમાં આવ્યો ફેરફાર, જાણો શું છે લેટેસ્ટ રેટ

અમદાવાદ જિલ્લા આરોગ્ય તંત્રની કથળેલી હાલત

યુવકના મોત બાદ ઠેર ઠેર ભટકાવવામાં આવ્યો, યુવકને મૃત જાહેર કર્યા બાદ ECG માટે મોકલાયો, કાણોતરના 40 વર્ષનો યુવક બેભાન અવસ્થામાં મળ્યો હતો, બગોદરા હોસ્પિટલમાં ડોક્ટરે યુવકને મૃત જાહેર કર્યો, મોત બાદ પણ ECG કરાવવા બાવળા મોકલાયો, સરકારી હોસ્પિટલમાં ECG મશીનનો પણ અભાવ, સરકારી એમ્બ્યુલન્સ પણ ન આપ્યાનો પરિવારનો આક્ષેપ. 

નવા વર્ષમાં સૌરાષ્ટ્ર યુનિવર્સિટીને કાયમી કુલસચિવ મળશે

3 જાન્યુઆરીના રોજ કુલસચિવ માટે ઈન્ટરવ્યૂ યોજાશે, કુલ 12 જેટલા ઉમેદવારોએ પોસ્ટ માટે ફોર્મ ભર્યા, 3 ઉમેદવારોના ફોર્મ માન્ય રહેતા ઇન્ટરવ્યૂ યોજાશે, ડૉ. મનીષ ધામેચા, ડો.અજયસિંહ જાડેજાનું થશે ઇન્ટરવ્યૂ, ડો.દશરથ જાદવ પણ કુલસચિવ માટે આપશે ઇન્ટરવ્યૂ. 

રાધનપુરમાં સોલાર કંપની સામે લેન્ડ ગ્રેબિંગની ફરિયાદ

ક્રાફ્ટ પાવર ટુ લિમિટેડ કંપની સામે નોંધાઇ ફરિયાદ, સરકારી જમીન પર સોલાર કંપનીએ કર્યું હતું દબાણ, પોરાણા ગામે સરકારી જમીન પર કરાયું હતું દબાણ, મંજૂરી વિના સરકારી જમીન પર પેનલો લગાવી હતી, સોલર કંપનીને જગ્યા ખાલી કરવા નોટિસ અપાઈ હતી, નોટિસ બાદ પણ સરકારી જગ્યા ખાલી કરાઇ ન હતી. 

બે આરોપીએ સગીરાનો પીછો કરી બીભત્સ માંગણી કરી હતી

ભોગ બનેલી સગીરાના ભાઈને મારી નાખવાની ધમકી આપી મેં માસમાં પ્રથમ આરોપીએ અવાવરું જગ્યાએ બોલાવી છરી બતાવી શરીર સબંધ બાંધી દુષ્કર્મ આચર્યું ત્યારબાદ સાતેક દિવસ બીજા આરોપી બ્લેકમેલ કરી દુષ્કર્મ આચર્યું હ, ત્યારબાદ ઓક્ટોબર માસમાં ત્રીજા નંબરના આરોપી બળજબરી પૂર્વક દુષ્કર્મ આચર્યું હતું, ત્યારબાદ આ કેસમાં અન્ય બે આરોપીએ સગીરાનો પીછો કરી બીભત્સ માંગણી કરી હતી. 

શિક્ષકે હોસ્ટેલ પર નાસ્તો આપવા ગયેલી માતાને વાત જણાવતાં સમગ્ર ઘટના બહાર આવી

હોસ્ટેલમાં રહીને ભણતી દીકરી ઉનાળુ વેકેશન અને દિવાળી વેકેશન માણવા વતનમાં આવી ત્યારે ત્રણ આરોપીએ તેને બ્લેકમેસલ કરીને દુષ્કર્મ આચરેલું. ત્યારબાદ વધુ બે યુવકે શરીર સંબંધ બાંધવા દેવાની માંગણી કરીને તેને બ્લેકમેઈલ કરવાનું શરૂ કરેલું. પાંચ માસથી જાતીય દુરાચારનો ભોગ બની રહેલી દીકરી આબરુની જવાની અને આરોપીઓની ધમકીની બીકે અત્યંત ડરી ગઈ હતી. તેના અસહજ વાણી વર્તનને જોઈને  શિક્ષકે હોસ્ટેલ પર નાસ્તો આપવા ગયેલી માતાને વાત જણાવતાં સમગ્ર ઘટના બહાર આવી છે.

એક આરોપીની વય નિર્ધારિત કરવા માટે ગહન તબીબી તપાસ ચાલી રહી છે

માનકૂવા પોલીસ મથકે સોમવારે રાત્રે કિશોરીની માતાએ નોંધાવેલી ફરિયાદના આધારે ભુજ બી ડિવિઝનના તપાસકર્તા પીઆઈ એસ.એમ. રાણાએ બે યુવકની વિધિવત્ ધરપકડ કરી છે. પોલીસે સરફરાઝ ખલીફા  અને શાહીદ બાફણ (બંને રહે. સામત્રા)ની વિધિવત્ ધરપકડ કરી છે, અન્ય બે આરોપી કાયદાના સંઘર્ષમાં આવેલા કિશોર છે. જ્યારે એક આરોપીની વય નિર્ધારિત કરવા માટે ગહન તબીબી તપાસ ચાલી રહી છે.

કચ્છના ભુજમાં 14 વર્ષની સગીરા સાથે 3 શખ્સે આચર્યુ દુષ્કર્મ, ફરિયાદને આધારે બે આરોપીની ધરપકડ કરી

કચ્છના ભુજમાં 14 વર્ષની સગીરા સાથે દુષ્કર્મની ઘટના બની છે, 3 શખ્સોએ સગીરાને બ્લેકમેલ કરીને આચર્યું દુષ્કર્મ અને માનકુવા પોલીસ સ્ટેશનમાં 5 આરોપી સામે ફરિયાદ નોંધાઈ છે. ભુજ તાલુકાના એક ગામમાં રહેતી સગીરા પર ત્રણ શખ્સોએ દુષ્કર્મ આચર્યું હોવાની ફરિયાદ નોંધાઈ છે, હોસ્ટેલમાં રહીને અભ્યાસ કરતી 14 વર્ષની કિશોરી  પર દુષ્કર્મ આચરવાના અને બ્લેકમેલ કરી છેડતી કરવાના ગુનાના પાંચ આરોપી સામે માનકુવા પોલીસ સ્ટેશનમાં ફરિયાદ નોંધાઈ છે.

ચાંદીમાં જોવા મળી આગ ઝરતી તેજી, નોંધાયો ધરખમ વધારો 

24 ડિસેમ્બરે સોના-ચાંદીના ભાવમાં જોવા મળ્યો વધારો, ચાંદી એક જ દિવસમાં થઈ વધુ 10,000 રૂપિયા મોંઘી, 24 ડિસેમ્બરે ચાંદીમાં પ્રતિ કિલોએ સીધો 10,000 રૂપિયાનો વધારો, ચાંદીનો ભાવ પ્રતિ કિલોએ પહોંચ્યો 2,33,000 રૂપિયા પર, સોનાના ભાવમાં પ્રતિ 10 ગ્રામે 380 રૂપિયાનો વધારો, 24 કેરેટ સોનાનો ભાવ પ્રતિ 10 ગ્રામે થયો 1,38,980 રૂ. 22 કેરેટ સોનાનો ભાવ પ્રતિ 10 ગ્રામે થયો 1,27,400 રૂ.

સુરેન્દ્રનગરમાં EDના દરોડા બાદ અધિકારીઓ પર સકંજો

કલેક્ટર રાજેન્દ્ર પટેલ સામે થઇ શકે છે મોટી કાર્યવાહી, ACBમાં કલેક્ટર રાજેન્દ્ર પટેલ વિરુદ્ધ નોંધાઇ ફરિયાદ, ક્લાર્ક મયુર ગોહિલ, PA જયરાજસિંહ ઝાલા સામે ફરિયાદ, EDએ નાયબ મામલતદાર ચંદ્રસિંહ મોરીની કરી ધરપકડ, ACBએ ફરિયાદ નોંધી વધુ તપાસ હાથ ધરી, ચંદ્રસિંહ મોરીને ત્યાંથી 67.50 લાખની રોકડ મળી, દરોડા દરમ્યાન અનેક દસ્તાવેજો પણ મળી આવ્યા. 

ગીરસોમનાથમાં બાળક ખુલ્લી ગટરમાં ખાબક્યું

બાળક ધોરણ 5માં અભ્યાસ કરતો હોવાની વાત સામે આવી છે, રોડના કામને લઈ જવાબદાર માર્ગ અને મકાન વિભાગના અધિકારીઓ સામે ફરિયાદ નોંધાય તેવી માગણી સ્થાનિકોએ કરી છે, રોડની કામગીરી બાદ ગટરના ઢાંકણા ખુલ્લા રાખવામાં આવે છે તેવી વાત સામે આવી છે, તો માંડ માંડ બાળકનો જીવ બચ્યો છે અને તેને પ્રાથમિક સારવાર પણ આપવામાં આવી છે. 

કોન્ટ્રાક્ટર, પાલિકા, PWD વિભાગની ઘોર બેદરકારી

ગીર સોમનાથ જિલ્લામાં તંત્રની બેદરકારીના કારણે એક બાળકનો જીવ જતા રહી ગયો હતો, તાલાલા-સાસણ રોડ પર ખુલ્લી ગટરમાં 10 વર્ષનું બાળક પડ્યું હતુ અને સ્થાનિક લોકોની સમયસૂચકતાથી બાળકનો આબાદ બચાવ થયો છે, રોડ કામ દરમિયાન ગટરના ઢાંકણા ખુલ્લા રાખવાનો ગંભીર આરોપ સ્થાનિકો દ્વારા કરવામાં આવ્યો હતો, કોન્ટ્રાક્ટર, નગરપાલિકા અને PWD વિભાગ પર બેદરકારીના આક્ષેપ લાગ્યા છે, જાહેરનામું પૂર્ણ છતાં રોડ કામ અધૂરું રાખ્યું છે. 

તંત્રના પાપે ગીર સોમનાથમાં બાળક ખુલ્લી ગટરમાં ખાબકયું, સ્થાનિકોની સમયસૂચકતાથી બાળકનો બચાવ થયો 

ગીર સોમનાથમાં બાળક ખુલ્લી ગટરમાં ખાબક્યું હોવાની વાત સામે આવી છે, તાલાલા-સાસણ રોડ પર 10 વર્ષનું બાળક ગટરમાં પડ્યું હતુ અને સ્થાનિકોની મદદથી બાળકનો બચાવ કરવામાં આવ્યો છે. ગીર સોમનાથ જિલ્લામાં બાળક ખુલ્લી ગટરમાં ખાબકયું હોવાની વાત સામે આવી છે, સમગ્ર ઘટનાના CCTV ફૂટેજ આવ્યા સામે અને રસ્તા પર ચાલતા જતા સમયે બાળક ગટરમાં ખાબક્યું હતુ, સ્થાનિકોની સમયસૂચકતાથી બાળકનો આબાદ બચાવ થયો હતો અને રોડના કામ દરમિયાન ગટરના ઢાંકણા ખુલ્લા રખાયા હતા જેના કારણે આ ઘટના બની હતી.

ઘીમાંથી આયોડિન ધારાધોરણ કરતાં વધુ મળ્યું

રાજકોટ મનપા પાલિકાએ મોરબી રોડ ઉપર આવેલ શ્રીરામ ડેરીમાંથી શુધ્ધ ઘીનો નમૂનો તપાસ માટે લીધો હતો, જોકે આ સમગ્ર ઘટનામાં રિપોર્ટમાં  B.R. READING AT 400 C અને આયોડિન વેલ્યૂ ધારાધોરણ કરતાં વધુ હોવાની વાત સામે આવી છે, તો ઘીમાં ચરબીનું પ્રમાણ ધારાધોરણ કરતા ઓછું હોવાથી નમૂનો ફેઈલ જાહેર થયો છે, અને આ અંગે હજી તપાસ ચાલું છે, આગામી દિવસોમાં હજી પણ અન્ય ડેરીમાંથી ઘી અને પનીરના નમૂના લેવામાં આવશે. 

નમૂના ફેઈલ થતા ધંધાર્થીઓ વિરૂધ્ધ કોર્ટ કેસ દાખલ કરવામાં આવ્યો છે 

રાજકોટ મહાનગરપાલિકા ની ફૂડ શાખા દ્વારા લેવાયેલા ખાદ્ય પદાર્થના ચાર નમૂના ફેલ થયા છે, શ્રી રામ ડેરી, બજરંગ ડેરીના ઘીનો નમૂનો ફેઇલ પાયલ પંજાબી અને પંગત રેસ્ટોરન્ટનું પનીર ખાવા લાયક ન હોવાનું બહાર આવ્યું છે, 19 ધંધાર્થીઓને ત્યાં ફૂડ વિભાગે તપાસ હાથ ધરી હતી અને ખાદ્ય વસ્તુઓના 15 નમૂનાની સ્થળ ઉપર ચકાસણી કરવામાં આવી હતી, ખાદ્ય પદાર્થ નમૂના ફેઈલ થતા ધંધાર્થીઓ વિરૂધ્ધ કોર્ટ કેસ દાખલ કરવામાં આવ્યો છે. 

રાજકોટમાં ફૂડ શાખાએ લીધેલા 4 નમૂના ફેઇલ, પનીર અને ઘીના નમૂનાઓ અખાદ્ય નીકળ્યા

રાજકોટમાં ફૂડ શાખાએ લીધેલા 4 નમૂના ફેઈલ ગયા છે, પનીર અને ઘીના નમૂના  અખાદ્ય નીકળ્યા હોવાની વાત સામે આવી છે, શ્રીરામ ડેરી, બજરંગ ડેરીના ઘીનો નમૂનો ફેઇલ ગયા છે. રાજકોટમાં ફૂડ શાખાએ લીધેલા 4 નમૂના ફેઇલ થયા છે અને પનીર અને ઘીના નમૂનાઓ અખાદ્ય નીકળ્યા છે, શ્રીરામ ડેરી, બજરંગ ડેરીના ઘીનો નમૂનો ફેઇલ ગયો છે, પાયલ પંજાબી, પંગત રેસ્ટોરન્ટનું પનીરનો નમૂનો ફેઇલ ગયો છે, રાજકોટ મનપાએ અલગ-અલગ 19 દુકાનોમાં ચેકિંગ કર્યુ હતુ અને 15 નમૂનાની સ્થળ પર જ ચકાસણી કરાઇ હતી. 

જૂનાગઢમાં પરીક્ષાના ડરે પરીક્ષાર્થીનો જીવ લીધો, ધોરણ 12ની વિદ્યાર્થિનીનો ગળે ફાંસો ખાઈ આપઘાત

જૂનાગઢ જિલ્લાના ભેસાણ તાલુકાના મેંદપરા ગામે એક અત્યંત આઘાતજનક ઘટના સામે આવી છે, જેમાં ધોરણ 12માં અભ્યાસ કરતી એક વિદ્યાર્થિનીએ ગળે ફાંસો ખાઈને જીવન ટૂંકાવી લીધું છે. પ્રાથમિક અનુમાન મુજબ, બોર્ડની પરીક્ષા નજીક આવી રહી હોવાથી તેના ટેન્શન અને માનસિક ચિંતામાં આવી જઈને વિદ્યાર્થિનીએ આ આત્મઘાતી પગલું ભર્યું હોવાનું મનાય છે. પરિવારે આ અંગે પોલીસને જાણ કરતા, પોલીસે ઘટનાસ્થળે પહોંચી મૃતદેહને પોસ્ટમોર્ટમ માટે ખસેડ્યો છે અને અકાળે મોતના આ મામલે વધુ તપાસ હાથ ધરી છે. આ ઘટનાને પગલે સમગ્ર મેંદપરા પંથકમાં ભારે અરેરાટી સાથે શોકનું મોજું ફરી વળ્યું છે.

રાજકોટમાં ખાદ્યચીજોમાં ભેળસેળનો પર્દાફાશ, જાણીતી ડેરીઓ અને રેસ્ટોરન્ટના ઘી-પનીરના નમૂના ફેઈલ

રાજકોટ મનપાની ફૂડ શાખા દ્વારા હાથ ધરવામાં આવેલી તપાસમાં પનીર અને ઘીના નમૂનાઓ અખાદ્ય જાહેર થતા ખળભળાટ મચી ગયો છે. આરોગ્ય વિભાગે શહેરની અલગ-અલગ ૧૯ દુકાનોમાં ચેકિંગ હાથ ધર્યું હતું, જેમાં શ્રીરામ ડેરી અને બજરંગ ડેરીના ઘીના નમૂના તેમજ પાયલ પંજાબી અને પંગત રેસ્ટોરન્ટના પનીરના નમૂના પરીક્ષણમાં નાપાસ થયા છે. ફૂડ શાખાએ કુલ ૧૫ નમૂનાઓની સ્થળ પર જ ચકાસણી કરી હતી, જેમાંથી ૪ નમૂના ધોરણો મુજબ ન હોવાથી તેને જપ્ત કરી આગળની દંડાત્મક કાર્યવાહી હાથ ધરવામાં આવી છે. લોકોના સ્વાસ્થ્ય સાથે ચેડાં કરતી આવી સંસ્થાઓ સામે તંત્રએ હવે લાલ આંખ કરી છે.

અમદાવાદનો સુભાષબ્રિજ લાંબા સમય માટે થઈ શકે છે બંધ, રિનોવેશન અંગે આજે હાઈલેવલ બેઠક

અમદાવાદના વ્યસ્ત એવા સુભાષબ્રિજની મજબૂતાઈ અને રિનોવેશનને લઈને આજે મહત્વના સમાચાર મળી રહ્યા છે. મ્યુનિસિપલ કોર્પોરેશનને આજે બપોર સુધીમાં બ્રિજનો ટેકનિકલ રિપોર્ટ મળ્યા બાદ તે મુખ્યમંત્રીને સોંપવામાં આવશે, જેના પર હાઈલેવલ કમિટીની બેઠકમાં આખરી નિર્ણય લેવાશે. સૂત્રોના જણાવ્યા અનુસાર, બ્રિજના પીલર હજુ મજબૂત છે પરંતુ તેના સ્પાન બદલવાની જરૂરિયાત જણાઈ રહી છે. જો આ સમારકામની કામગીરી શરૂ કરવામાં આવશે, તો સુભાષબ્રિજ વાહનવ્યવહાર માટે લાંબા સમય સુધી બંધ રહેવાની શક્યતા છે, જેને પગલે શહેરીજનોએ અવરજવર માટે વૈકલ્પિક રૂટનો ઉપયોગ કરવો પડી શકે છે.

ઈસરોનો નવો ઈતિહાસ, વિશ્વના સૌથી મોટા કોમર્શિયલ સેટેલાઇટ ‘બ્લુબર્ડ’નું સફળ લોન્ચિંગ

ભારતીય અવકાશ સંશોધન સંસ્થા (ISRO) એ આંધ્રપ્રદેશના શ્રીહરિકોટા ખાતેથી LMV 3 રોકેટ દ્વારા વિશ્વના સૌથી મોટા વાણિજ્યિક સેટેલાઇટ 'બ્લુબર્ડ-6' ને લોન્ચ કરીને વધુ એક ગૌરવશાળી સિદ્ધિ હાંસલ કરી છે. અમેરિકાની AST સ્પેસ મોબાઈલ કંપની દ્વારા નિર્મિત આ 6.5 ટન વજનનો સેટેલાઇટ 'ડાયરેક્ટ-ટુ-સેલ' ટેકનોલોજી પર આધારિત છે, જે મોબાઈલ ટાવર વગર સીધું જ અવકાશથી ફોન સુધી નેટવર્ક પહોંચાડશે. આ અત્યાધુનિક સેટેલાઇટ 4G અને 5G કનેક્ટિવિટીને સપોર્ટ કરશે, જેનાથી પર્વતીય અને અંતરિયાળ વિસ્તારોમાં પણ હાઇ-સ્પીડ ઇન્ટરનેટ અને કોલિંગની સુવિધા સરળતાથી ઉપલબ્ધ બનશે.

બોટાદમાં કાળમુખો અકસ્માત, કાર અને ટ્રકની ટક્કરમાં બે આશાસ્પદ યુવકોના મોત

બોટાદના ઢસા નજીક હાઈવે પર કાર અને ટ્રક વચ્ચે સર્જાયેલા ગમખ્વાર અકસ્માતમાં બે યુવકોએ જીવ ગુમાવતા અરેરાટી વ્યાપી ગઈ છે. કારમાં સવાર ત્રણ મિત્રો પસાર થઈ રહ્યા હતા તે દરમિયાન ટ્રક સાથે જોરદાર ટક્કર થતા બે યુવકોના ઘટનાસ્થળે જ કરૂણ મોત નીપજ્યા હતા. આ અકસ્માતમાં અન્ય એક યુવક ગંભીર રીતે ઇજાગ્રસ્ત થતા તેને તાત્કાલિક સારવાર અર્થે હોસ્પિટલ ખસેડવામાં આવ્યો છે. આ ઘટનાને પગલે મૃતકોના પરિવારમાં શોકનું મોજું ફરી વળ્યું છે અને સ્થાનિક પોલીસે અકસ્માત અંગેનો ગુનો નોંધી આગળની તપાસ હાથ ધરી છે.

દાહોદ હાઈવે પર મોટી કાર્યવાહી, 5 ટન પ્રતિબંધિત પ્લાસ્ટિકનો જથ્થો ઝડપાયો

દાહોદમાં ગુજરાત પોલ્યુશન કંટ્રોલ બોર્ડ, નગરપાલિકા અને પોલીસ વિભાગના સંયુક્ત ઓપરેશનમાં પ્રતિબંધિત પ્લાસ્ટિક વિરુદ્ધ મોટી સફળતા મળી છે. ઇન્દોર-અમદાવાદ હાઈવે પર RTO કચેરી સામે રાત્રિ દરમિયાન હાથ ધરવામાં આવેલી વિશેષ ડ્રાઇવમાં બે ટ્રકોને આંતરવામાં આવી હતી, જેમાંથી અંદાજે 5 ટન જેટલો 120 માઇક્રોનની પ્લાસ્ટિકની થેલીઓનો જથ્થો મળી આવ્યો હતો. આ જથ્થો હાલોલથી ઝારખંડ તરફ લઈ જવામાં આવી રહ્યો હતો, જેને હાલમાં જપ્ત કરી દાહોદ નગરપાલિકા ખાતે સુરક્ષિત મૂકવામાં આવ્યો છે અને તંત્ર દ્વારા આ મામલે કાયદેસરની કાર્યવાહી હાથ ધરવામાં આવી છે.

બાપુનગરમાં કરુણાંતિકા, પત્નીની હત્યા બાદ પતિનો આત્મઘાત

અમદાવાદના બાપુનગર વિસ્તારમાં એક હૃદયદ્રાવક ઘટના સામે આવી છે, જેમાં કૌટુંબિક વિખવાદને અંતે પતિએ પોતાની જ પત્નીની તિક્ષ્ણ હથિયારના ઘા ઝીંકી નિર્મમ હત્યા કરી નાખી હતી. હાઉસિંગ બોર્ડના મકાનમાં બનેલી આ ઘટનામાં પત્નીનો જીવ લીધા બાદ, પસ્તાવો કે ડરને કારણે પતિએ પણ ગળે ફાંસો ખાઈને જીવન ટૂંકાવી લીધું હતું. આ ડબલ મર્ડર અને આત્મહત્યાના મામલે બાપુનગર પોલીસે તપાસ તેજ કરી છે અને મૃતક પતિ વિરુદ્ધ હત્યાનો ગુનો દાખલ કરીને આગળની કાયદેસરની કાર્યવાહી હાથ ધરી છે.

સુરતના મગદલ્લા દરિયામાં કોલસા ભરેલી બોટ પલટી

જેટી પર કોલસો લાવતી વખતે બની સમગ્ર ઘટના, મધદરિયે બોટ પલટી જતા અફરાતફરી સર્જાઇ, બોટમાં સવાર તમામ મુસાફરોનો આબાદ બચાવ, સામાન અને કોલસો દરિયાના પાણીમાં ગરકાવ. 

બાળકના મૃતદેહને પોસ્ટમોર્ટમ અર્થે ખસેડી પોલીસે આરંભી તપાસ

તો પોલીસે સમગ્ર ઘટનામાં અકસ્માતે મોતનો ગુનો નોંધ્યો છે અને તપાસ શરૂ કરી છે, બાળકનું પીએમ કરવામાં આવશે અને પીએમ થયા બાદ મૃતદેહ પરિજનોને સોંપવામા આવશે, કયારેક બાળક રમતા-રમતા નીચે પટકાતા હોય છે આવી ઘણી ઘટનાઓ બની છે, ત્યારે આ કેસમાં પણ એવું જ થયું છે કે, બાળક રમતું હતુ અને નીચે પટકાયું હતુ, ત્યારે માતા-પિતા બાળકોને એકલા ના મૂકે અને રમતા હોય બાળકો ત્યારે તેમની સાથે રહે તે પણ જરૂરી બન્યું છે.

બાળકનું સારવાર દરમિયાન મોત થયું 

ગોરવા વિસ્તારમાં નવા બંધાતા મકાનના બીજા માળથી પટકાયેલ બાળકનું સારવાર દરમિયાન મોત થયું છે, છોટા ઉદેપુરથી બે દિવસ પહેલા જ અજીત નાયકા પરિવાર સાથે આવ્યા હતા મજૂરી માટે અને ગોરવા આચાર્ય હોસ્પિટલની બાજુમાં બની રહ્યું હતું મકાન, માતા પિતા કામ કરતા હતા તે સમયે બે વર્ષનો આયુષ રમતા રમતા પટકાયો હતો નીચે અને તેને સારવાર માટે હોસ્પિટલ ખસેડાયો હતો જયાં તેનું સારવાર દરમિયાન મોત થયું છે. 

વડોદરાના ગોરવામાં નિર્માણાધીન કન્સ્ટ્રક્શન સાઇટ પરથી બાળક નીચે પટકાતા સારવાર દરમિયાન મોત 

વડોદરાના ગોરવામાં નિર્માણાધીન કન્સ્ટ્રકશન સાઈટ પરથી ગઈકાલે બાળક નીચે પટકાયું હતુ અને તેનું સારવાર દરમિયાન મોત થયું છે. વડોદરાના ગોરવામાં કન્સ્ટ્રકશન સાઈટ પરથી બાળક પટકાતા મોત થયું છે, કન્સ્ટ્રક્શન સાઇટ ગઇકાલે બની હતી ઘટના અને બીજા માળથી પટકાતા હોસ્પિટલ ખસેડાયું હતુ, સારવાર દરમિયાન બે વર્ષના બાળકનું મોત થયું છે, અને છોટા ઉદેપુરથી પરિવાર મજૂરી માટે આવ્યો હતો, વડોદરા અને આ ઘટના બની છે. 

તુર્કીમાં પ્લેન ક્રેશની ઘટનામાં 7 ના મોત 

લિબિયાના સૈન્ય વડાનું પ્લેન ક્રેશ થયું, લિબિયાના આર્મી ચીફનું પ્લેન ક્રેશમાં મોત, જનરલ મુહમ્મદ અલી અહમદ અલ-હદ્દાદનુ મોત, તુર્કીયેની રાજધાની અંકારા પાસે બની દુર્ઘટના, ટેકનિકલ ખામી સર્જાતા પ્લેન ક્રેશની ઘટના, અંકારા અને એસેનબોગા એરપોર્ટ બંધ કરાયા, થોડા સમય માટે એરપોર્ટ બંધ કરવામાં આવ્યા. 

2500થી વધુ મહિલાઓએ લીધો ભાગ

આ સ્પર્ધામાં જિલ્લાભરના ૨૫૦૦થી વધુ મહિલા‌ રમતવીરોએ તેમજ ૩૦૦ થી વધુ ભાઈઓએ વિવિધ રમતોમાં સહભાગી થયાં હતાં.કોથળા દોડ, સંગીત ખુરશી, નારગેલ, ગોળ ફેંક જેવી રમતો રમાડવામાં આવી હતી. આ કાર્યક્રમમાં મેયર ભરતભાઈ બારડ, સ્ટેન્ડિંગ કમિટીના ચેરમેન રાજુભાઇ રાબડીયા,આગેવાન ભરતભાઈ મેર, રોહિતભાઈ બગદરીયા, ‌મુકેશભાઈ ડાભી, કિશોરભાઈ, જીગરભાઈ, પ્રકાશભાઈ, જિલ્લા રમતગમત અધિકારી નરેશભાઈ ગોહિલ, જિલ્લા રમત વિકાસ અધિકારી સુનિલભાઈ ચૌધરી સહિતના આગેવાનો ઉપસ્થિત રહ્યા હતા. 

1.78 ‌લાખથી વધુ ખેલાડીઓએ રજીસ્ટ્રેશન ‌કરાવીને રમતક્ષેત્રે અભૂતપૂર્વ રસ દાખવ્યો છે

તે‌ બદલ સૌને અભિનંદન પાઠવ્યા હતાં દિવ્યાંગ ખેલાડીઓમાં રહેલી કુશળતા, કૌવતને બહાર લાવવા માટે સાંસદ ખેલ મહોત્સવ‌ ખુબ જ મહત્વપૂર્ણ બની રહ્યો છે, વિવિધ  રમતો‌ થકી દરેક ખેલાડીઓમાં ખેલદિલીની ભાવના વિકસી‌ રહી હોવાનું તેમણે જણાવ્યું હતું. સાંસદ ખેલ મહોત્સવ‌ સ્પર્ધા દરમિયાન કેન્દ્રિય રાજયમંત્રી નિમુબેન બાંભણીયા અને મેયર ભરતભાઈ બારડે  ભૂલાતી જતી નારગેલ જેવી રમતો રમીને ખેલાડીઓને પ્રોત્સાહિત કર્યાં હતા.

ભાવનગર-બોટાદ જિલ્લા કક્ષાની બહેનો માટેની સાંસદ ખેલ મહોત્ત્સવ સ્પર્ધાનો પ્રારંભ કરાવતા કેન્દ્રીય મંત્રી નિમુબેન બાંભણિયા

ભાવનગર શહેરના સિદસર સ્પોર્ટ્સ કોમ્પેલેક્ષ ખાતે ભાવનગર-બોટાદ જિલ્લા કક્ષાની બહેનો માટેની સાંસદ ખેલ મહોત્ત્સવ સ્પર્ધાનો કેન્દ્રીય  રાજ્ય મંત્રી નિમુબેન બાંભણિયાએ પ્રારંભ કરાવ્યો હતો. આ પ્રસંગે કેન્દ્રીય રાજયમંત્રી નિમુબેન બાંભણીયાએ જણાવ્યું હતું કે, વડાપ્રધાન નરેન્દ્ર મોદીના માર્ગદર્શન હેઠળ સાંસદ ખેલ મહોત્સવ‌ સ્પર્ધાઓનું આયોજન કરવામાં આવ્યું છે. સાંસદ ખેલ મહોત્સવ થકી આજે શહેર, જિલ્લા અને અંતરિયાળ વિસ્તારના યુવાઓની પ્રતિભાને યોગ્ય પ્લેટફોર્મ મળી રહ્યું છે.

સ્થાનિકોએ ભગવતીનગરમાં દારૂના અડ્ડા પર કરી રેડ 

વીડિયોમાં જાગૃત નાગરિક સાથે પોલીસ કર્મચારીની વાતો પણ સામે આવી છે અને ભેસ્તાન પોલીસ સ્ટેશનના વહીવટદાર અનિલ ચૌધરી સાથેની વાતો પણ સામે આવી છે, સ્થાનિકોનો આક્ષેપ છે કે, પોલીસને જાણ છે તેમ છત્તા દેશી દારૂનું વેચાણ થઈ રહ્યું છે, તેવો આક્ષેપ સ્થાનિકોએ કર્યો છે, ત્યારે પોલીસની કામગીરી સામે આક્ષેપ પણ કરવામાં આવ્યા છે, સ્થાનિકોનું કહેવું છે કે, પોલીસને જાણ છે કે, દારૂ વેચાઈ રહ્યો છે તેમ છત્તા કોઈ કામગીરી કરવામાં આવતી નથી. 

સુરતના ભેસ્તાન વિસ્તારમાં સ્થાનિકોએ કરી દારૂ રેડ

સુરતના ભેસ્તાન વિસ્તારમાં સ્થાનિકોએ દેશી દારૂના અડ્ડા પર રેડ કરી છે અને રેડ કરીને દેશી દારૂની પોટલીઓ ઝડપી પાડી છે, ભગવતીનગરમાં દારૂના અડ્ડા પર રેડ કરવામાં આવી હોવાની વાત સામે આવી છે, સમગ્ર ઘટનાનો વીડિયો સોશિયલ મીડિયામાં વાયરલ થયો છે અને આ મામલે પોલીસના ચોપડે હજી કઈ નોંધાયું નથી, સ્થાનિકઓ ઘરમાં ઘુસીને દારૂનો જથ્થો ઝડપી પાડયો હોવાની વાત સામે આવી છે, લોકોના ટોળાએ દારૂ ઝડપી પોલીસને સોંપ્યો હતો.

સુરતના ભેસ્તાનમાં દેશી દારૂના અડ્ડા પર જનતા રેડ, ભેસ્તાન પોલીસની કામગીરી પર ઉઠયા સવાલો 

સુરતના ભેસ્તાન વિસ્તારમાં દેશી દારૂના અડ્ડા પર સ્થાનિકોએ રેડ કરી હતી અને બુટલગેરના ઘરે રેડ કરતા દેશી દારૂ મળી આવ્યો હતો. સુરતના ભેસ્તના વિસ્તારમાં ભેસ્તાન પોલીસની કામગીરી સામે સ્થાનિકોએ સવાલ ઉભા કર્યા છે, દેશી દારૂના અડ્ડા પર રેડ કરીને દેશી દારૂ ઝડપી પાડયો છે અને પોલીસની કામગીરી સામે સ્થાનિકોએ સવાલ ઉભા કર્યા છે, સ્થાનિકોનો આક્ષેપ છે કે, છેલ્લા ઘણા સમયથી દેશી દારૂનું વેચાણ થઈ રહ્યું છે. 

ધુરંધર ફિલ્મના ડાયલોગનો વિવાદ હાઇકોર્ટમાં પહોંચ્યો 

ફિલ્મમાં બલોચ સમુદાયના અપમાન મુદ્દે HCમાં અરજી, ધુરંધર ફિલ્મમાંથી સંજય દત્તનો ડાયલોગ હટાવવા રજૂઆત, ગુજરાત હાઇકોર્ટમાં આજે સુનાવણી હાથ ધરાશે, બલૂચ સમુદાયના આગેવાને કરી છે હાઇકોર્ટમાં અરજી. 

સુરતના ખટોદરામાંથી દેશી તમંચા સાથે 1 ઝડપાયો

ક્રાઈમ બ્રાન્ચે આરોપી પ્રદિપકુમારની કરી ધરપકડ, પોલીસે એક તમંચો અને બે કારતૂસ જપ્ત કરાયા, આર્મ્સ એક્ટ હેઠળ ગુનો નોંધી કાર્યવાહી હાથ ધરી. 

સુરતમાં 8 વર્ષથી ફરાર લૂંટારો ઝડપાયો

ક્રાઈમ બ્રાન્ચે આરોપી સુનીલને જામનગરથી ઝડપ્યો, 2017માં સરથાણામાં બની હતી લૂંટની ઘટના, આરોપી 8 વર્ષથી પોલીસને આપતો હતો હાથતાળી, પોલીસે આરોપીની અટકાયત કરી વધુ તપાસ હાથ ધરી. 

ઉત્તર ભારત માટે તીવ્ર ઠંડીની IMDની ચેતવણી

ઘણા રાજ્યોમાં તાપમાન 10 ડિગ્રીથી નીચે પહોંચ્યું છે અને રાજસ્થાન, મધ્યપ્રદેશ, પંજાબમાં ઠંડીની ચેતવણી આપવામાં આવી છે, હરિયાણા, ઉત્તરપ્રદેશમાં તીવ્ર ઠંડીની ચેતવણી આપવામાં આવી છે, રાજસ્થાનમાં સૌથી વધુ ઠંડીનો અનુભવ લોકોને થઈ રહ્યો છે, 12 જિલ્લાઓમાં તાપમાન 10 ડિગ્રીથી નીચું નોંધાયું છે અને રાજસ્થાનના સીકરમાં સૌથી ઓછું તાપમાન 7 ડિગ્રી નોંધાયું છે, મધ્યપ્રદેશના ભોપાલ, રાજગઢ, ઇન્દોરમાં ઠંડીની શરૂઆત થઈ છે, મધ્યપ્રદેશના રાજગઢમાં 7 ડિગ્રી તાપમાન નોંધાયું છે, છત્તીસગઢના સુરગુજા ક્ષેત્રમાં પણ ઠંડીનું એલર્ટ આપવામાં આવ્યું છે અને પેંડરામાં તાપમાન 9 ડિગ્રી સુધી પહોંચી ગયું છે.

હિમલહેર વચ્ચે વાતાવરણમાં ફેરફાર

મધ્ય ગુજરાતની વાત કરીએ તો, અમદાવાદ અને ગાંધીનગરમાં પણ ઠંડીનો ચમકારો યથાવત છે. હવામાન વિભાગના મતે આગામી દિવસોમાં આ બંને શહેરોમાં લઘુતમ તાપમાન 15 થી 16 ડિગ્રી આસપાસ રહેવાની સંભાવના છે. તાપમાનમાં આ વધારાને કારણે વહેલી સવારે અને મોડી રાત્રે અનુભવાતી કડકડતી ઠંડીમાં આંશિક ઘટાડો થશે. નોંધનીય છે કે ડિસેમ્બરના મધ્યમાં સામાન્ય રીતે કડકડતી ઠંડી પડતી હોય છે, પરંતુ વાતાવરણમાં સર્જાયેલી આ સિસ્ટમને કારણે લોકોને થોડા દિવસો માટે ઠંડીથી રાહત મળી શકે તેમ છે. આ ફેરફાર બાદ ફરીથી ઠંડીનો નવો રાઉન્ડ આવશે કે કેમ તેના પર હવામાન નિષ્ણાંતોની નજર છે.

ગુજરાતના આ જિલ્લામાં આટલું તાપમાન નોંધાયું

અમદાવાદમાં 15.5, ડીસામાં 14.8 ડિગ્રી, ગાંધીનગરમાં 15.1, ભુજમાં 14.9 ડિગ્રી, નલિયામાં 14.6,કંડલામાં 16.4 ડિગ્રી, દિવમાં 13.4, સુરેન્દ્રનગરમાં 16.2 ડિગ્રી, કેશોદમાં 13.4, મહુવામાં 14.9 ડિગ્રી તાપમાન નોંધાયું છે. 

ગુજરાતમાં વધ્યો ઠંડીનો ચમકારો, પવનોની દિશા બદલાતા શહેરીજનો  ઠુંઠવાયા

રાજ્યમાં ઠંડીનો ચમકારો વધ્યો છે અને ઉત્તર-પૂર્વીય પવનો ફૂંકાતા ઠંડીનું જોર વધ્યું છે, આગામી 24 કલાકમાં તાપમાન હજુ ગગડશે તેવું અનુમાન હવામાન વિભાગે કર્યુ છે. ગુજરાતમાં વેસ્ટન ડિસ્ટર્બન્સથી બેવડી ઋતુની પણ અસર જોવા મળી છે, રાજ્યમાં ઉત્તર પૂર્વીય પવનો ફૂંકાતા હજી ઠંડી વધશે તેવું અનુમાન હવામાન વિભાગનું છે. અમરેલી અને વડોદરામાં 12 ડિગ્રી તાપમાન નોંધાયું છે.

જુનાગઢના રહેણાંક વિસ્તારમાં દીપડો દેખાયો

ઝાંઝરડા નજીક સોસાયટીમાં દીપડના આંટાફેરા, દીપડાના આંટાફેરા CCTV કેમેરામાં કેદ, દીપડાના આંટાફેરાથી સ્થાનિકોમાં ભય, સ્થાનિકો દ્વારા વનવિભાગને કરાઇ જાણ.

ઈસરો આજે લોન્ચ કરશે નવો સેટેલાઇટ 

LMV 3 રોકેટથી બ્લુબર્ડ સેટેલાઇટ થશે લોન્ચ, બ્લુબર્ડથી દૂરના વિસ્તારોમાં કનેક્ટિવિટી મળશે, US AST સ્પેસ મોબાઈલે બનાવ્યો બ્લુબર્ડ સેટેલાઇટ, મોબાઇલ ટાવર વગર ઇન્ટરનેટ અને કોલ મળશે, અવકાશથી ફોન સુધી સીધુ નેટવર્ક પહોંચશે, સેટેલાઇટ ડાયરેક્ટ ટુ સેલ કનેક્ટિવિટી આપશે, દૂરના અને પર્વતીય વિસ્તારોમાં ઉપયોગી થશે, બ્લુબર્ડ સેટેલાઇટ 4G અને 5Gને સપોર્ટ કરશે, બ્લુબર્ડ વિશ્વનો સૌથી મોટો વાણિજ્યિક સેટેલાઇટ, બ્લુબર્ડની ડેટા ક્ષમતા જૂના સેટેલાઇટ કરતા વધારે, 6.5 ટન વજનનો બ્લુબર્ડ-6 સેટેલાઇટ લોન્ચ કરાશે, આંધ્રપ્રદેશના શ્રીહરિકોટાથી સેટેલાઇટ લોન્ચિંગ.

ઉદ્ધવ અને રાજ ઠાકરે આજે કરશે ગઠબંધનનું એલાન 

BMC ચૂંટણીમાં ગઠબંધનની કરાશે જાહેરાત, વ્યૂહાત્મક જોડાણની આજે થશે સત્તાવાર જાહેરાત, શિવસેના અને MNS વચ્ચે બેઠક વહેંચણીના કરાર, ઉદ્ધવ-રાજ ઠાકરેનો મરાઠી વોટબેંક એક કરવા પ્રયાસ, બપોરે 12 વાગ્યે પ્રેસ કોન્ફરન્સ કરી કરશે જાહેરાત.

મહા શિવરાત્રિને લઈને ગાંધીનગરમાં બેઠક

DYCMએ ગિરનાર મંડળના સંતો સાથે કરી બેઠક, શિવરાત્રિના લઘુ કુંભમેળાના આયોજનને લઈ ચર્ચા, ઇન્દ્રભારતી બાપુ સહિતના સંતો મહંતો રહ્યા હાજર, હર્ષ સંઘવીએ સુચારૂ આયોજનની આપી ખાતરી.

રાજ્યમાં ટાઈપ-1 ડાયાબિટીસ નિયંત્રણ કાર્યક્રમ

મુખ્યમંત્રી ભૂપેન્દ્ર પટેલ ગાંધીનગરથી કરાવશે શુભારંભ, બાળકો અને તરુણોના સ્વાસ્થ્યની સુરક્ષા માટે આયોજન, રાજ્યના તમામ જિલ્લાઓમાં અભિયાન અમલી બનશે, નિદાન, સારવાર અને લાંબાગાળાની સંભાળ પૂરી પડાશે.