મોરબી જિલ્લાના હળવદ તાલુકામાં ખરાબ રોડ-રસ્તાને લઈને ગ્રામજનોમાં ભારે આક્રોશ જોવા મળી રહ્યો છે. મેરુ પર ગામના લોકોએ પોતાની સમસ્યાના નિરાકરણમાં વિલંબ થતાં સ્થાનિક જનપ્રતિનિધિઓ સામે જ વિરોધ પ્રદર્શન કર્યું હતું.
30 વર્ષ જૂની રસ્તાની સમસ્યા
ગામલોકોનો મુખ્ય વિરોધ ગામના 3 કિલોમીટરના રસ્તાને લઈને છે, જે છેલ્લા 30 વર્ષથી બનાવવામાં આવ્યો નથી. આ રસ્તો અત્યંત ઉબડખાબડ હાલતમાં છે, જેના કારણે સ્થાનિક લોકો અને વાહનચાલકો લાંબા સમયથી પરેશાની ભોગવી રહ્યા છે. આ સમસ્યાને કારણે ગામલોકોનો આક્રોશ ગત મોડી રાત્રે વધુ વધ્યો હતો, જ્યારે એક ખેડૂત મગફળી ભરીને જઈ રહ્યો હતો અને તેનો ટ્રેક્ટર ખરાબ રસ્તાને કારણે પલટી ખાઈ ગયું હતું.
