હિંમતનગર રેલવે સ્ટેશન પર મંગળવારે સવારે એક અજાણ્યા પુરુષનો મૃતદેહ મળી આવ્યો હતો. આ ઘટના હિંમતનગર રેલવે સ્ટેશન સ્થિત ગુડ્ઝ પ્લેટફોર્મ નંબર ચાર પર ફૂટ ઓવર બ્રિજ પાસે બની હતી. ત્યારબાદ ગુજરાત રેલવે પોલીસે લાશ કબજે લઈ પીએમ માટે હિંમતનગર સિવીલમાં મોકલી આપી હતી.
આ અંગે ગુજરાત રેલવે પોલીસના જવાબદાર કર્મચારીના જણાવાયા મુજબ, મંગળવારે સવારે તેમના સ્ટાફને રેલવે સ્ટેશન સ્થિત ગુડ્ઝ પ્લેટફોર્મ નં-4 પરના ફૂટ ઓવરબ્રિજ પાસે અજાણી લાશ પડી હોવાની માહિતી મળ્યા બાદ તરત જ આ રેલવે પોલીસે સ્થળ પર જઈ તપાસ કરી હતી. પ્રાથમિક તપાસમાં આશરે 50 વર્ષના ભિક્ષુક જેવા લાગતા પુરુષનો મૃતદેહ પગથિયાં પાસે પ્લેટફોર્મ પર પડયો હતો. પોલીસે આ મામલે ગુજરાત રેલવે પોલીસે અકસ્માત મોતનો ગુનો નોંધી વધુ તપાસ હાથ ધરી છે.
