વડાલી : વડાલી હાથરવા હાઈવે રોડ ઉપર ગામડી ગામનું પાટીયુ આવેલું છે. આ ગામડી ગામના પાટીયાથી ગામડી ગામ તરફ્ જવાના રસ્તે નાળિયાની અંદર ગામડી ગામના મેહુલ કુમાર દિનેશભાઈ બારોટનું ખેતર આવેલું છે. આ ખેતરમાં સવારે 10 ફૂટ લાંબો અજગર દેખાતા રોડ ઉપરથી પસાર થતા પ્રવીણભાઈ બારોટે વડાલી ફેરેસ્ટ ખાતાને જાણ કરી હતી. જેને લઇ ફેરેસ્ટ ખાતાના માણસો તાત્કાલિક દોડી આવી અજગરને કોથળામાં પૂરી જંગલ વિસ્તારમાં છોડી મૂકવામાં આવ્યો હતો.