Gujarat Latest News Live : ગેસ સિલિન્ડરને લઈને CM ભૂપેન્દ્ર પટેલનું નિવેદન, હાલ પરિસ્થિતિ જોતા કોઈ સમસ્યા નથી

કચ્છના દુધઈ પાસે ભૂકંપ 

3.4ની તીવ્રતાનો આંચકો , 10.52 કલાકે નોંધાયો આંચકો , દુધઈથી 20 કિમી દૂર ભૂકંપનું કેન્દ્ર

કોંગ્રેસ પ્રભારી મુકુલ વાસનિક ગુજરાત આવશે 

આવતીકાલથી 2 દિવસ ગુજરાત પ્રવાસે, ચૂંટણીલક્ષી કમિટી ચેરમેન, હોદ્દેદારો સાથે બેઠક,વાસનિક 15 માર્ચે ગીર સોમનાથ જશે, જિલ્લા કોંગ્રેસ કાર્યાલયનું કરશે ઉદ્ઘાટન

PNG કનેક્શન પર મોટો નિર્ણય 

સંસ્થાઓને જોડાણમાં રાહત, તત્કાલ કનેક્શન માટે આદેશ, માંગણી મુજબ ગેસ જોડાણ અપાશે, સરકારી તંત્ર ગેસ જોડાણમાં એક્શન મોડમાં, નવી નીતિથી ગ્રાહકોને મોટો ફાયદો

અમદાવાદમાં કારચાલકે 3 વાહનોને લીધા અડફેટે

લાલ દરવાજા પાસે કારચાલકે સર્જ્યો અકસ્માત, કારચાલક અને તેના મિત્રો સાથે કાર લઈને નીકળ્યો હતો, કારચાલક દેવાંગ પાસે નથી ડ્રાઇવિંગ લાયસન્સ, અકસ્માતમાં એક વ્યક્તિને થયો ઇજાગ્રસ્ત, ટ્રાફિક પોલીસે સમગ્ર મામલે તપાસ હાથ ધરી

ગાંધીનગર શહેરમાં વધુ એક અકસ્માત

સેક્ટર 14-15 ના વળાંક પાસે  અકસ્માત, રિક્ષા અને કારના અકસ્માતમાં 2 લોકોને ઈજા, ઈજાગ્રસ્તોને સિવિલ હોસ્પિટલ ખસેડાયા

વડોદરાના પાદરામાં બંદૂક લહેરાવતો વીડિયો વાયરલ 

ઉમરાયામાં લગ્ન પ્રસંગમાં બંદૂકનો વીડિયો વાયરલ , 2 યુવકોનો રોફ જમાવતો વીડિયો થયો વાયરલ 

મુખ્યમંત્રી નિવાસસ્થાને મળેલી બેઠક પૂર્ણ

બેઠકમાં સાંપ્રત પરિસ્થિતિની સમીક્ષા કરાઈ, રાજ્યમાં ગેસ પુરવઠાનો તાગ મેળવ્યો, બળતણ સ્થિતિની સમીક્ષા કરવામાં આવી, લોન્ગ ટર્મ પ્લાનિંગ માટે આદેશ કરાયા, કેન્દ્રીય માર્ગદર્શિકાના પાલનની સૂચના

વડોદરા શહેરમાં વધુ એક મારામારીની ઘટના

રૂપમ ટોકીઝ નજીક બન્યો મારામારીનો બનાવ , પેટ્રોલપંપથી નીકળેલા કાર ચાલકને આંતરીને માર્યો માર , કારના બોનેટ પર ભારત સરકારનું લગાવ્યું હતું સ્ટીકર, બાઈક ચાલકોએ હોર્ન  મારવા મુદ્દે માર્યો માર, પોલીસ પહોંચતાની સાથે અસામાજિક તત્વો ફરાર, કુંભારવાડા પોલીસે હાથ ધરી તપાસ

ગીર સોમનાથમાં ફૂડ વિભાગ અને SOG નો દરોડો 

વેરાવળમાં ખાદ્ય તેલ વેપારીઓ પર દરોડા, વખરીયા બજારમાં સદગુરૂ ટ્રેડિંગ કંપની પર દરોડા, ખાદ્ય તેલમાં ભેળસેળની આશંકાએ તપાસ તેજ,ફૂડ વિભાગે તેલના સેમ્પલ ટેસ્ટિંગ માટે મોકલ્યા

અમરેલીના રાજુલા પોલીસ સ્ટેશન સામે અકસ્માત

પગપાળા જતી 2 મહિલાને કારે મારી ટક્કર , 1 મહિલાને ગંભીર રીતે ઈજાગ્રસ્ત થતા મોત નિપજ્યું , અન્ય 1 મહિલાનો આબાદ બચાવ થયો, રાજુલા પોલીસે તાત્કાલિક હોસ્પિટલ ખસેડાયા , ફરજ પરના ડોક્ટર દ્વારા મહિલાને મૃતક જાહેર કર્યા , સમગ્ર ઘટના CCTV  કેમેરામાં કેદ , પોલીસે અકસ્માત કરનારની ધરપકડની કાર્યવાહી કરી 

કચ્છના નખત્રાણામાં કૂવામાંથી લાશ મળી

ખાંભલા ગામે યુવક અને યુવતીનું મોત, થોડા દિવસ પહેલા બંને ગુમ થયા હતા, પોલીસ અને ફાયર ટીમ ઘટના સ્થળે હાજર, લાશ બહાર કાઢવાની કામગીરી કરી , રહસ્યમય મોતથી પોલીસ દ્વારા સઘન તપાસ

અમદાવાદ ચાંગોદર પાસે આગ લાગી 

ફાયરની ગાડી ઘટના સ્થળે જવા રવાના , અમદાવાદ ફાયરની ૪ ગાડી રવાના થઈ , ઝાયડસ ફેક્ટરી પાછળના વિસ્તારમાં આગ લાગી 

વડોદરામાં બોમ્બ થ્રેટનો મેસેજ કરનારની માહિતી મળી 

બોમ્બ થ્રેટનો મેસેજ કરનાર સગીર નીકળ્યો , મકરપુરા એરફોર્સ સ્કૂલને આપી હતી ધમકી , શિક્ષકને વ્હોટ્સએપ મેસેજ કર્યો હતો , વ્હોટ્સએપ મેસેજને લઈ સાયબર ક્રાઇમે ભેદ ઉકેલ્યો , સગીર સામે કાયદેસરની કાર્યવાહી હાથ ધરાઈ

બોટાદમાં તણાવ ભરી સ્થિતિને ધ્યાનમાં પોલીસ સતર્ક

પેટ્રોલ પંપ અને LPG ગેસ એજન્સીના સંચાલકો સાથે બેઠક  ગઢડા પોલીસ સ્ટેશન ખાતે બેઠક યોજાઈ , ખોટી અફવાઓ ન ફેલાય તેની ખાસ તકેદારી રાખવા અપીલ , પેટ્રોલ-ડિઝલ LPG ગેસનો સંગ્રહ ન થાય તે માટે સુચના આપી, જો કોઈ સંગ્રહખોરી કરતા ઝડપાશે તો કાર્યવાહી થશે , પોલીસ દ્વારા સંચાલકોને માર્ગદર્શન આપવામાં આવ્યું

અમદાવાદ પ્રદેશ કાર્યાલયે ચૂંટણી સમિતિ જાહેર

1 પ્રદેશ સંયોજક 7 સભ્યોની સમિતિ બનાવાઈ, પૂર્વ મંત્રી બાબુ બોખીરિયા અને પ્રદીપ પરમારને સ્થાન, જશવંત ભાભોર અને ઉદય કાનગડને સ્થાન , જયસિંહ ચૌહાણને, મનીષ પટેલને જવાબદારી , શિલ્પેશ દેસાઈને પણ જવાબદારી સોંપાઈ

PM કિસાન દિવસ અંગે જીતુ વાઘાણીનું નિવેદન 

21 હપ્તામાં 11 કરોડથી વધુ ખાતામાં રકમ જમા થઈ, 4.8 લાખ કરોડ રુપિયાની રકમ જમા કરાવી, આજે મુખ્યમંત્રીની હાજરીમાં 22મો હપ્તો , દેશમાં 9.32 કરોડથી વધુ પરીવારને સહાય મળી

ભાવનગરના વલ્લભીપુરમાં ધો.12 ની પરીક્ષામાં ચોરી

કેન્દ્ર પર હાજર શિક્ષકો અને શિક્ષણ તંત્રની બેદરકારી , ધોરણ 12ની બોર્ડની પરીક્ષામાં ખુલ્લેઆમ ચોરી, ગંભીરસિંહ હાઈસ્કૂલ બહાર ઉડી કાપલીઓ, ગંભીરસિંહ હાઈસ્કૂલની બહાર રસ્તા પર ફેંકી કાપલીઓ, બહાર રસ્તા પર વિદ્યાર્થીઓએ ફેંકી કાપલીઓ, વિદ્યાર્થીઓ દ્વારા કાપલીઓ ફેંકતો વિડિયો થયો વાયરલ 

હાઇકોર્ટનો ભદ્રના પાથરણાંવાળાને લઈ મહત્વનો ચુકાદો,

અમદાવાદના ભદ્રમાં પાથરણાંવાળાને લઈ HCનો આદેશ , 21માર્ચ સુધી પાથરણાંવાળાને પુનઃસ્થાપિત કરવા નિર્દેશ, AMC ભદ્રમાંથી પાથરણાંવાળાને હટાવી શકશે નહી, સર્વે વગર ‘નો વેન્ડિંગ ઝોન’ જાહેર કરી શકાશે નહીં : HC 

ગેસ સિલિન્ડરને લઈને CM ભૂપેન્દ્ર પટેલનું નિવેદન

હાલ પરિસ્થિતિ જોતા કોઈ સમસ્યા નથી, ગેસ બોટલ માટે દોડવાની જરૂર નથી, દેશમાં અને રાજ્યમાં પૂરતી વ્યવસ્થા છે, નાગરિકોને હેરાનગતિ નહીં થાય

સુરતમાં સચિન હોજીવાલા એથર કંપનીમાં આગનો મુદ્દો   

એથરના વેરહાઉસમાં આગની દુર્ઘટના ક્લોઝર ફટકારી , રોડ સાઇડ ટ્રાન્સફોર્મરમાં લાગી હતી આગ , ટ્રાન્સફોર્મરમાં લાગેલી આગ ગોડાઉનમાં સુધી પહોંચી હતી , સુરત ઇન્ડસ્ટ્રિયલ સેફટી એન્ડ હેલ્થ વિભાગનો આદેશ, સમગ્ર પ્રિમાઇસીસ બંધ રાખવાનો આદેશ અપાયો , રોડ સાઇડ ટ્રાન્સફોર્મરમાં લાગેલી આગ 

કડી પોલીસ અને LCBએ ગુમ થયેલી કિશોરી શોધી

કિશોરીને શોધી પરિવારને સોંપવામાં આવી, કિશોરીના પરિજનોએ પોલીસનો આભાર માન્યો , કડી કસ્બા વિસ્તારમાંથી ગુમ થઈ હતી કિશોરી

રાજકોટમાં ફરી એકવાર રફતારનો કહેર 

પૂરપાટ ઝડપે દોડતી કારે બાઈકને અડફેટે લીધું, સમગ્ર ઘટનાના સીસીટીવી ફૂટેજ આવ્યા સામે , બાઈક ચાલકને ઇજા થતા સારવાર માટે ખસેડાયો, પોલીસે સમગ્ર મામલે વધુ કાર્યવાહી હાથ ધરી

ગાંધીનગરના દહેગામાં પશુપાલકનો રોષનો મુદ્દો 

પશુપાલકોએ CM અને કૃષિમંત્રીને કરી રજૂઆત , MLA બલરાજસિંહ ચૌહાણે કરી રજૂઆત , પૂર્વ MLA કામિની બા રાઠોડે કરી રજૂઆત 

જુનાગઢના માંગરોળમાં ગેસ એજન્સી પર લોકોની ભીડ 

સવારથી જ ગેસ નોંધાવા લોકોની લાંબી કતારો લાગી, પરિસ્થિતિ વણસતા પોલીસ બંદોબસ્ત તૈનાત કરાયો, ઓનલાઈન પ્રક્રિયામાં ધાંધિયાથી લોકો ભારે પરેશાન, નિયમો અને વધતા ભાવથી લોકોમાં રોષ , સંયુક્ત પરિવારોમાં ગેસની અછતથી હાલાકી

DyCM હર્ષ સંઘવી ભરૂચની મુલાકાતે 

આદિવાસી સમાજના લોકો સાથે ભોજન લીધુ, ચંદ્રવાન ગામમાં સૂરજ વસાવાના ઘરે ભોજન લીધુ, આદિવાસી સમાજનું ભોજન પૌષ્ટિક અને સ્વાદિષ્ટ:DyCM

મુખ્યમંત્રી ભુપેન્દ્ર પટેલે બોલાવી હાઈ લેવલ બેઠક

સીએમ આવાસ પર થોડા સમયમાં શરુ થશે, રાજયમાં ગેસની સ્થિતિને લઈને બોલાવી બેઠક, પુરવઠા મંત્રી અને પુરવઠા વિભાગના અધિકારી રહેશે હાજર, રમણ સોલંકી પણ બેઠકમાં રહેશે હાજર, મુખ્ય સચીવ એમ. કે. દાસ પણ રહેશે હાજર

મુન્દ્રા પોલીસની કાર્યવાહી

370 ગ્રામ ગાંજા સાથે 4 આરોપી ઝડપાયા, આરોપી પાસેથી રૂપિયા  2.13 લાખનો મુદ્દામાલ કબ્જે 

, પોલીસે NDPS એક્ટ હેઠળ ગુનો નોંધ્યો

ગાંધીનગર મનપાની સ્ટેન્ડિંગ કમિટી બેઠક 

255 કરોડથી વધુના 38 કામોને મંજૂરી મળી, પાર્કિંગ પોલિસી 2022 બાદ હવે તેનો અમલ થશે , આગામી દિવસોમાં ફાઇનલ પ્લાન સાથે કામ કરાશે , ગાંધીનગર શહેર મા GIS મેપિંગ કરાશે , શહેરની તમામ સંપત્તિનુ મેપિંગ થશે , ભવિષ્યમાં જે તે જગ્યા માત્ર અપગ્રેડ કરવાની રહેશે , ઓનલાઇન માધ્યમથી તમામ બાબતો જોઇ શકાશે , સરગાસણમા 72 MLD સુએઝ પ્લાન્ટ બનશે 

નવસારીના બીલીમોરામાં બેંકમાં આગ 

બીલીમોરાની ICICI બેંકના સર્વર રૂમમાં શોર્ટ સર્કિટ , શોર્ટ સર્કિટના કારણે ધુમાડો થતા ગ્રાહકોમાં દોડધામ , શોર્ટ સર્કિટનો કોલ મળતા બીલીમોરા ફાયર વિભાગ દોડયું, ICICI બેંક પાસે ફાયર NOC ન હોવાથી ફટકારી નોટિસ, સદનસીબે બેંકમાં મોટી દુર્ઘટના ટળી 

કચ્છમાં કોમર્શિયલ ગેસ સિલિન્ડર વેચતો ઝડપાયો 

હિરેન ટાંક ગેરકાયદેસર ગેસના સિલિન્ડર વેચતો હતો , આરોપીને 174 ગેસની બોટલ સાથે ઝડપી પાડ્યો, કચ્છ LCB પોલીસે આરોપી હિરેન ટાંકની ધરપકડ કરી 

વાવ થરાદ સરહદી પંથકના ખેડૂતો માટે સારા સમાચાર 

મંત્રી સ્વરૂપજી ઠાકોરનુ ખેડુતોના હિતમાં નિવેદન, તા.30 માર્ચ સુધી નર્મદા નહેરનુ મળશે પાણી, અગાઉ 15 માર્ચથી પાણી બંધની કરવાની હતી જાહેરાત , સ્થાનિક ખેડૂતો,સરપંચો દ્વારા કરાઇ હતી રજૂઆત, નહેરનું પાણી પિયત માટે ખેડૂતો માટે અનમોલ

વડોદરામાં ટ્રાફિક પોલીસની માનવતા

વાડી વિસ્તારમાં ટ્રાફિક બ્રિગેડ મહિલાએ કરી મદદ, ટ્રાફિક બ્રિગેડ મહિલાએ દિવ્યાંગ યુવકની મદદ કરી , મહિલાએ વ્હીલચેરને ધક્કો મારી બ્રિજ ચડાવ્યો 

નાયબ મુખ્યમંત્રીને અપશબ્દો બોલનાર ઝડપાયો

સોશિયલ મીડિયામાં અભદ્ર વીડિયો બનાવ્યો હતો, રાજકોટ પોલીસે હૈદરાબાદથી આરોપીની ધરપકડ કરી , હૈદરાબાદથી આરોપી આશિફની ધરપકડ કરાઈ, વીડિયો બનાવી હૈદરાબાદ ભાગી છૂટ્યો હતો, રાજકોટ સાયબર ક્રાઈમની ટીમે દબોચ્યો, સાઇબર ક્રાઈમે આરોપીની ધરપકડ કરી 

રાજકોટની સૌરાષ્ટ્ર યુનિવર્સિટીમાં ABVP અને NSUI આમનેસામને

AVBP અને NSUI વચ્ચે ઝપાઝપી થઈ , બંને છાત્ર સંગઠનના આગેવાનો કુલપતિને રજૂઆત કરી, બંને પક્ષો વચ્ચે ઉગ્ર શાબ્દિક ઘર્ષણ, ઝપાઝપી થતાં સામાન્ય ઈજાઓ થઈ , યુનિવર્સિટી પરિસરમાં પોલીસ બંદોબસ્ત ગોઠવાયો

વડોદરામાં બે લાખની ચિલઝડપની ઘટના

મકરપુરા GIDC ની ઘટના , યુવક બેંક માં ડિપોઝીટ કરવા આવ્યો, ભેજાબાજોએ વાતો માં ફસાવ્યો , સીફતપૂર્વક બે લાખ લઇ ભેજાબાજ ફરાર , મકરપુરા પોલીસે તપાસ હાથ ધરી 

વડોદરા પોલીસ જવાનો પર હુમલો 

તરસાલી વિસ્તાર ની ઘટના , ઘરેલુ ઝઘડાનો કોલ આવતા પોલીસ પહોંચી , પિતા-પુત્ર વચ્ચે ઝઘડો થયો હતો , મહિલાઓ અંદરો અંદર ઝઘડતી હતી , પોલીસ પહોંચતા તેમની સાથે ઝપાઝપી

રાજકોટમાં પુરવઠા વિભાગનું સતત બીજા દિવસે ચેકિંગ 

જેકે ચોકમાં ફરસાણના વેપારીઓ ત્યાં ચેકિંગ, પુરવઠા વિભાગે વધુ ત્રણ ગેસ સિલિન્ડર જપ્ત કર્યા, ઘરેલુ સિલિન્ડરનો કોમર્શિયલ ઉપયોગ થતો હતો. 

કચ્છના મીઠીરોહર પાસે ટેન્કરમાં આગ

કેમિકલ ભરેલા ટેન્કરમાં આગ લાગી, ફાયર વિભાગની ટિમ ઘટના સ્થળે, ભારે જહેમત બાદ આગ પર કાબુ, સદનસીબે મોટી જાનહાની ટળી. 

તાપીમાં  દૂધ મંડળીના ઓડિટ રિપોર્ટ માટે ઓડિટર અને ખાનગી પ્રજાજન રૂ.15 હજારની લાંચ લેતા ઝડપાયો 

તાપીમાં ACBની સફળ ટ્રેપ સામે આવી છે જેમાં ACBએ ઓડિટરને લાંચ લેતા ઝડપ્યો છે, દૂધ મંડળીના ઓડિટ રિપોર્ટ માટે માગી હતી રૂ.15 હજારની લાંચ, ઓડિટર ધર્મેશકુમાર વસાવા અને જેતલકુમાર ગામીત લાંચ લેતા ઝડપાયા છે. તાપીના ઉંચામાળ ગામ પાસે જાહેર રોડ પરથી રંગેહાથ ઝડપ્યા છે અને ACBએ રૂ.15 હજારની લાંચની રકમ રિકવર કરી છે, ફરીયાદી જાગૃત નાગરિકે એ.સી.બી.નો સંપર્ક કર્યો હતો અને ACBએ છટકું ગોઠવી ઓડિટરને લાંચ લેતા રંગે હાથ ઝડપ્યો છે. 

SMC વિભાગ દ્વારા આરોપી ભાગવાનો પ્રયાસ કરતા ફાયરિંગ કરાયું

ફાયરિંગ દરમિયાન આરોપી ખભાના ભાગે ગોળી વાગતા ઘાયલ થયો, ઘાયલ આરોપીને તાત્કાલિક હિંમતનગર સિવિલ હોસ્પિટલ ખાતે ખસેડાયો, રાજસ્થાન બોર્ડર વિસ્તારમાં SMC ટીમે કાર્યવાહી હાથ ધરી હતી, અંગ્રેજી દારૂના કેસમાં આરોપીને ઝડપી પાડવામાં આવ્યો હતો, શામળાજી વિસ્તાર તરફ લઈ જતી વખતે આરોપીએ ભાગવાનો પ્રયાસ કર્યો. SMC ટીમે સતર્કતા દાખવી ફાયરિંગ કરી આરોપીને કાબૂમાં લીધો.

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Surat Breaking News : સુરતમાં ચાલુ કોર્ટ દરમિયાન પતિએ પત્ની પર કર્યો એસિડ એટેક, ખાધા ખોરાકીનો ચાલી રહ્યો હતો કેસ

02 - Gandhinagar News : CM ભૂપેન્દ્ર પટેલનો દિવ્યાંગજનો માટે હિતકારી અભિગમ, આધુનિક મોટરાઈઝ્ડ ટ્રાઈસિકલ અને જોયસ્ટિક વ્હીલચેરનું વિતરણ કર્યું

03 - Rajkot News : રાજકોટમાં ગેસ સંકટ વચ્ચે ઇન્ડક્શનનું વેચાણ વધ્યું, ઘણા વેપારીઓ કરી રહ્યા છે ઇન્ડક્શનની કાળા બજારી

04 - Gandhinagar News : મુખ્યમંત્રી ભૂપેન્દ્ર પટેલે 40 ઈ.વી.કાર ઉપરાંત 50 ધનવંતરી આરોગ્ય રથ અને 6 મોબાઈલ મેડિકલ વાનનું લોકાર્પણ કર્યુ

05 - Ahmedabad News : અમદાવાદમાં રાંધણ ગેસના બાટલાની અછત ! ઓનલાઈન બુકિંગ ના થતા લોકો પહોંચ્યા ગેસ એજન્સી પર

06 - Iran History: યુદ્ધગ્રસ્ત ઈરાનને તેના ઇતિહાસમાં સૌથી મોટો ફટકો, સુપ્રીમ લીડરનો ઇતિહાસ થયો રિપીટ

07 - IPL ઇતિહાસના 5 એવા રેકોર્ડ, જેને વર્ષો બાદ પણ કોઈ ખેલાડી નથી તોડી શક્યો

08 - ED Raid: 581 કરોડની 31 સંપત્તિ જપ્ત, અંબાણી ગ્રુપ પર EDનો સકંજો

09 - Big B : નજીકના મિત્રના નિધનથી ભાવુક થયા અમિતાભ બચ્ચન, લખ્યું- જીવનમાં હવે એક ખાલીપો...!

10 - Iran New Supreme Leader: મોજતબા ખામેનેઇનું નવુ નામ આવ્યુ સામે, જાણો શું છે તેનો અર્થ?

સુરતમાં ટુરના નામે ઠગાઇ કરનાર ઝડપાયો

પોલીસે યુવરાજ જરીવાલાની ધરપકડ કરી, ધાર્મિક ટૂરના નામે કરી હતી 44 લોકો સાથે ઠગાઇ, આરોપી વિરુદ્ધ અગાઉ અનેક ગુના દાખલ. 

શેર બજારમા વધુ મોટો કડાકો

સેન્સેક્સ 1400 પોઈન્ટ ગગડ્યો 

નિફ્ટીમા 490 પોઈન્ટનો ઘટાડો 

બેંક નિફ્ટીમાં 1350 પોઈન્ટનો કડાકો 

સતત ત્રણ દિવસથી માર્કેટમાં ઘટાડો

કોઈપણ નાગરિક ઘરે બેઠા ફરિયાદ નોંધાવી શકે છે

આ અભિયાન હેઠળ માન્યતા પ્રાપ્ત ગ્રાહક મંડળો દ્વારા શાળાઓ, કૉલેજો, સરકારી કચેરીઓ અને ગ્રામ્ય સ્તરે વિવિધ કાર્યક્રમો યોજી ગ્રાહકોને તેમના અધિકારો વિશે માહિતગાર કરવામાં આવી રહ્યા છે. ગ્રાહકોની સુવિધા માટે રાજ્ય સરકારે ટોલ ફ્રી નંબર ‘૧૪૪૩૭’ અને ‘૧૮૦૦ ૨૩૩ ૦૨૨૨’ કાર્યરત કર્યા છે, જેના દ્વારા કોઈપણ નાગરિક ઘરે બેઠા ફરિયાદ નોંધાવી શકે છે. ગાંધીનગરના કર્મયોગી ભવન ખાતે કાર્યરત કન્ઝ્યુમર અવેરનેસ એન્ડ પ્રોટેક્શન યુનિટ -CAPU દ્વારા વર્ષ ૨૦૨૪થી અત્યાર સુધીમાં અંદાજે ૨૨,૭૦૨ જેટલી ફરિયાદોનું સુખદ નિવારણ લાવવામાં આવ્યું છે.

સમગ્ર ગુજરાતમાં 'ગ્રાહક જાગૃત્તિ સપ્તાહ'ની ઉજવણી કરવામાં આવી રહી છે

આ જ વિઝનને સાકાર કરવા મુખ્યમંત્રી ભૂપેન્દ્રભાઈ પટેલના નેતૃત્વમાં ગુજરાત સરકારે ગ્રાહક જાગૃતિ અને સુરક્ષાના ક્ષેત્રમાં અનેક નવતર આયામો સર કર્યા છે. આગામી તા.૧૫ માર્ચ, ૨૦૨૬ના રોજ 'વિશ્વ ગ્રાહક અધિકાર દિવસ'ની રાજ્યકક્ષાની ભવ્ય ઉજવણી ગ્રાહક સુરક્ષા બાબતોના મંત્રી રમણભાઇ સોલંકીની અધ્યક્ષતામાં સ્વામિનારાયણ મંદિર, વડતાલ ખાતે કરાશે. રાજ્યમાં ગ્રાહક જાગૃતિના આ યજ્ઞને વધુ વ્યાપક બનાવવા માટે તા.૦૯ થી ૧૫ માર્ચ ૨૦૨૬ દરમિયાન સમગ્ર ગુજરાતમાં 'ગ્રાહક જાગૃત્તિ સપ્તાહ'ની ઉજવણી કરવામાં આવી રહી છે. 

ગુજરાતમાં 9 થી 15 માર્ચ દરમિયાન  'ગ્રાહક જાગૃત્તિ સપ્તાહ'ની ઉજવણી કરાશે

વિશ્વ ગ્રાહક અધિકાર દિવસ'ની રાજ્યકક્ષાની ઉજવણી ગ્રાહક સુરક્ષા બાબતોના મંત્રી રમણભાઇ સોલંકીની અધ્યક્ષતામાં સ્વામિનારાયણ મંદિર, વડતાલ ખાતે કરાશે. વડાપ્રધાન નરેન્દ્ર મોદીના 'સશક્ત ગ્રાહક, સમૃદ્ધ ભારત' ના વિઝન અને ગ્રાહક સુરક્ષાને રાષ્ટ્રના વિકાસના અભિન્ન અંગ ગણવાની નેમ સાથે ગુજરાત મક્કમતાથી  આગળ વધી રહ્યું છે. વડાપ્રધાનના માર્ગદર્શન હેઠળ ગ્રાહક હિતોનું રક્ષણ એ માત્ર કાયદાકીય પ્રક્રિયા નહીં પરંતુ સુશાસનનો એક ભાગ બની ગઈ છે. 

ખાધા-ખોરાકીનો કેસ ચાલતો હતો

તો પતિએ પહેલા એસિડ ફેંકયું અને ત્યારબાદ પોતે પણ કોર્ટમાં ઝેર પીને આપઘાતનો પ્રયાસ કર્યો હતો, કોર્ટ નંબર 6માં આ કેસ ચાલી રહ્યો હતો, તો પોલીસે હાલમાં સમગ્ર મામલે તપાસનો ધમધમાટ શરૂ કર્યો છે, વકીલો પણ બચાવ માટે દોડી આવ્યા હતા, પતિએ મહિલાને પાછળના ભાગેથી હુમલો કર્યો હોવાની વાત સામે આવી છે. 

પોલીસે એસિડ ફેકનાર સામે કાર્યવાહી શરૂ કરી

આ સમગ્ર ઘટનાની વાત કરીએ તો પતિએ અગાઉ પત્ની પર હત્યાનો પ્રયાસ કર્યો હતો, ઘટનાને લઈ કોર્ટ પરિસરમાં ભાગદોડ મચી હતી અને પોલીસ અને એમ્બ્યુલન્સ કોર્ટમાં પહોંચી હતી, લાંબા સમયથી પતિ-પત્ની વચ્ચે છૂટાછેડાનો કેસ ચાલે છે અને આજે કોર્ટમાં બન્ને આવ્યા હતા અને પતિ એસિડ લઈને આવ્યો અને હુમલો કરી દીધો હતો, પોલીસે પતિ સામે ગુનો નોંધ્યો છે અને મહિલાનું પણ નિવેદન લેવામાં આવશે, હાલમાં પતિ-પત્ની બન્ને સારવાર હેઠળ છે. 

સુરતમાં ચાલુ કોર્ટ દરમિયાન પતિએ પત્ની પર કર્યો એસિડ એટેક, ખાધા ખોરાકીનો ચાલી રહ્યો હતો કેસ

સુરત ફેમિલી કોર્ટમાં હચમચાવી દે તેવી ઘટના સામે આવી છે, જેમાં ચાલુ કોર્ટ દરમિયાન પતિએ પત્ની પર એસિડ ફેંકી એસિડ હુમલો કર્યો હતો, ત્યારબાદ પતિએ ઝેરી દવા પી આપઘાતનો પ્રયાસ કર્યો હતો. સુરત કોર્ટમાં પતિએ પત્ની પર એસિડ એટેક કર્યો છે અને છૂટાછેડાનો કેસ ચાલી રહ્યો હતો તે દરમિયાન પતિએ એસિડ એટેક કર્યો હતો, આ ઘટનામાં એસિડ એટેક બાદ પતિએ પણ ઝેર પી આપઘાતનો પ્રયાસ કર્યો હતો, તો પતિ-પત્ની બન્નેને સારવાર હેઠળ હોસ્પિટલ ખસેડવામાં આવ્યા છે, સુરત જિલ્લા સેવા સદનના પાંચમા માળે આ ઘટના બની હતી.

પીવાના પાણી મુદ્દે ગ્રામજનોમાં આક્રોશ

ગામના લોકોનું કહેવું છે કે, છેલ્લા એક મહિનાથી પીવાનું પાણી સરખુ મળતું નથી અને તેના કારણે સમસ્યા ઉભી થઈ છો, તો પાણીનું બેડું લઈને ફરવું પડે છે તેવો પણ આક્ષેપ કરવામાં આવ્યો છે, તો ગ્રામજનો રોડ પર એકઠા થતા પોલીસ પણ દોડી આવી હતી અને મહિલાઓને સમજાવીને મામલો થાળે પાડયો હતો. 

ગીર સોમનાથના સુત્રાપાડાના ધામળેજ ગામે ઉનાળાની શરૂઆતમાં પાણીની રામાયણ, પાણી ના મળતા મહિલાઓએ રોડ કર્યો ચક્કાજામ

ગીર સોમનાથના સુત્રાપાડાના ધામળેજ ગામે ગ્રામજનોએ રોડ ચક્કાજામ કર્યો હતો, તો પીવાના પાણીની સમસ્યાને લઈ આ રોડ ચક્કાજામ કરવામાં આવ્યો હતો. ગીર સોમનાથના સુત્રાપાડાના ધામળેજ ગામે ઉનાળાની શરૂઆતમાં જ પાણીની સમસ્યા ઉભી થઈ છે, અને ગ્રામજનોનો આક્ષેપ છે કે, પીવાનું પાણી સમય પ્રમાણે મળતું નથી અને આ બાબતે નગરપાલિકા અને ગામના સરપંચને પણ જાણ કરવામાં આવી હતી, તેમ છત્તા પીવાના પાણીને લઈ સમસ્યા યથવાત છે. 

સરકારના જૂના વાહનો થશે ભંગાર

નવી સ્ક્રેપિંગ પોલિસી અમલી, ૨.૫૦ લાખ કિ.મી. ફરનારા વાહનો માટે પોલિસી, સ્ક્રેપ ફેસિલીટી મારફતે વાહનો સ્ક્રેપ. 

દિવ્યાંગજનો માટે મોટરાઈઝ્ડ ટ્રાઇસિકલ અને જોયસ્ટિક વ્હીલચેર આપવાની યોજના શરૂ 

સાદી જોયસ્ટિક વ્હીલચેરના સ્થાને ફોલ્ડીંગ જોયસ્ટિક વ્હીલચેર માટે 1.10 લાખ સહાય આપવાનો મુખ્યમંત્રી ભૂપેન્દ્ર પટેલનો દિવ્યાંગ હિતકારી નિર્ણય, મસ્ક્યુલર ડ્રીસ્ટ્રોફી પ્રકારની દિવ્યાંગતાના  સહાય લાભ મેળવવાની લાભાર્થીની પાત્રતા વય મર્યાદા 18થી ઘટાડીને 10 વર્ષ કરવામાં આવી, દિવ્યાંગજનો પોતાના રોજિંદા કામકાજ સરળતાથી કરી શકે તેમજ તેમને એક સ્થળેથી બીજા સ્થળે અવરજવરમાં સુગમતા રહે તેવા દિવ્યાંગ હિત અભિગમથી મુખ્યમંત્રી શ્રી ભૂપેન્દ્ર પટેલના માર્ગદર્શનમાં રાજ્ય સરકારે દિવ્યાંગજનો માટે મોટરાઈઝ્ડ ટ્રાઇસિકલ અને જોયસ્ટિક વ્હીલચેર આપવાની યોજના શરૂ કરી છે. 

CM ભૂપેન્દ્ર પટેલનો દિવ્યાંગજનો માટે  હિતકારી અભિગમ, આધુનિક મોટરાઈઝ્ડ ટ્રાઈસિકલ અને જોયસ્ટિક વ્હીલચેરનું વિતરણ કર્યું

મુખ્યમંત્રી ભૂપેન્દ્ર પટેલનો દિવ્યાંગજનો પ્રત્યે સંવેદના સ્પર્શી અભિગમ, મોટરાઈઝ્ડ ટ્રાઇસિકલ અને જોયસ્ટિક વ્હીલચેરથી રાજ્યના દિવ્યાંગજનોનું રોજિંદુ જીવન વધુ સરળ અને સુગમ બનશે. 5676 દિવ્યાંગ લાભાર્થીઓને કુલ 36 કરોડની મોટરાઇઝ ટ્રાઇસિકલ અને જોયસ્ટિક વ્હીલચેરનું વિતરણ કરતા મુખ્યમંત્રી ભૂપેન્દ્ર પટેલ અને સામાજિક ન્યાય અધિકારીતા મંત્રી, રાજ્ય મંત્રીની ઉપસ્થિતી રહી. 

યોગ માત્ર કસરત નથી, પણ જીવન જીવવાની કળા છે

ગુજરાત રાજ્ય યોગ બોર્ડના ચેરમેન યોગસેવક શીશપાલજીની આગેવાનીમાં અને રાજ્યના સર્વે ધારાસભ્યોની પ્રેરક ઉપસ્થિતિમાં આજે નવા MLA આવાસ, ગાંધીનગર ખાતે 'કર્ટન રેઝર' ઇવેન્ટ સાથે ૧૦૦ દિવસના કાઉન્ટડાઉનનો શુભારંભ કરવામાં આવ્યો હતો. આ કાર્યક્રમનો મુખ્ય હેતુ રાજ્યના નાગરિકોમાં યોગ પ્રત્યે જાગૃતિ લાવવાનો અને 'કોમન યોગ પ્રોટોકોલ' (Common Yoga Protocol) ના અભ્યાસ દ્વારા શારીરિક અને માનસિક રીતે સ્વસ્થ સમાજનું નિર્માણ કરવાનો છે. યોગ માત્ર કસરત નથી, પણ જીવન જીવવાની કળા છે, જેનો વ્યાપ છેવાડાના ગામ સુધી પહોંચાડવો એ બોર્ડનો સંકલ્પ છે.

21 જૂન આંતરરાષ્ટ્રીય યોગ દિવસ

જેને વિશ્વના દેશોએ સહર્ષ સ્વીકારી ૨૧મી જૂનને 'આંતરરાષ્ટ્રીય યોગ દિવસ' તરીકે જાહેર કર્યો છે. આ પરંપરાના ભાગરૂપે, વર્ષ ૨૦૨૬માં યોજાનારા ૧૨મા 'આંતરરાષ્ટ્રીય યોગ દિવસ'ના ૧૦૦ દિવસ અગાઉથી મુખ્યમંત્રી શ્રી ભુપેન્દ્રભાઈ પટેલના માર્ગદર્શનમાં સમગ્ર ગુજરાતમાં યોગમય વાતાવરણ ઊભું કરવા માટે ગુજરાત રાજ્ય યોગ બોર્ડ દ્વારા વિશેષ અભિયાનનો નવા MLA આવાસ, ગાંધીનગરથી પ્રારંભ કરવામાં આવ્યો છે.

રાજ્ય યોગ બોર્ડ દ્વારા આગામી ૧૦૦ દિવસ સુધી રાજ્યના તમામ જિલ્લા- તાલુકા મથકોએ યોગ શિબિરનું આયોજન કરવામાં આવશે 

'આંતરરાષ્ટ્રીય યોગ દિવસ' ૨૦૨૬ના ૧૦૦ દિવસના કાઉન્ટડાઉનનો ભવ્ય પ્રારંભ; ગાંધીનગરમાં નવા MLA આવાસ ખાતે યોજાઈ 'કર્ટન રેઝર' ઇવેન્ટ'. રાજ્ય યોગ બોર્ડ દ્વારા આગામી ૧૦૦ દિવસ સુધી રાજ્યના તમામ જિલ્લા- તાલુકા મથકોએ યોગ શિબિરનું આયોજન કરવામાં આવશે વિશ્વભરમાં યોગની શક્તિનો પરિચય કરાવનાર  વડાપ્રધાન નરેન્દ્ર મોદીએ સંયુક્ત રાષ્ટ્ર સંઘ  સમક્ષ 'આંતરરાષ્ટ્રીય યોગ દિવસ'ની ઉજવણીનો પ્રસ્તાવ મૂક્યો હતો.

વધતા જતા ત્વચા કેન્સરનો મુદ્દો

ભાજપના સાંસદ બાબુભાઈ દેસાઈએ આ મુદ્દો ઉઠાવ્યો, રાજ્યસભામાં સરકાર સમક્ષ આ માંગણી મૂકવામાં આવી હતી, દર વર્ષે અંદાજે 1.5 મિલિયન ત્વચા કેન્સરના દર્દીઓનું નિદાન થાય છે, માંગ: જિલ્લા સ્તરે સ્ક્રીનીંગ શરૂ થવી જોઈએ, દર્દીઓની વધતી સંખ્યાને ધ્યાનમાં રાખીને હોસ્પિટલોની સંખ્યા વધારવી જોઈએ.

ગાંધીનગર, ભરૂચ અને વડોદરા જિલ્લાનાં 138 ફીડરનું વિભાજન

તેમણે વધુમાં ઉમેર્યું કે વડોદરા જિલ્લામાં છેલ્લાં બે વર્ષમાં ૭૨ ફીડરનું વિભાજન કરવામાં આવ્યું છે. જેમાં સરદાર કૃષિ યોજના અંતર્ગત ૨, કૂવા વીજળીકરણ યોજના હેઠળ ૨, ઊર્જા સંરક્ષણ યોજના અંતર્ગત ૯ ફીડર અને સિસ્ટમ ઈમ્પ્રૂવમેન્ટ યોજના અંતર્ગત ૫૯ ફીડરનું વિભાજન કરવામાં આવ્યું છે. આ જ પ્રકારે, ભરૂચ જિલ્લામાં છેલ્લાં બે વર્ષમાં ૨૭ ફીડરોનું વિભાજન કરવામાં આવ્યું છે. જેમાં સરદાર કૃષિ યોજના અંતર્ગત ૫, રિવેમ્પ્ડ ડિસ્ટ્રિબ્યુશન સેક્ટર યોજના હેઠળ ૯ અને સિસ્ટમ ઈમ્પ્રૂવમેન્ટ યોજના અંતર્ગત ૧૩ ફીડરનું વિભાજન કરવામાં આવ્યું હોવાનું ઊર્જા મંત્રીએ જણાવ્યું હતું. છેલ્લાં બે વર્ષમાં ગાંધીનગર, ભરૂચ અને વડોદરા જિલ્લાનાં કુલ ૧૩૮ ફીડરનું વિભાજન કરાયું છે. 

ગાંધીનગર જિલ્લાના ગ્રાહકોને ગુણવત્તાયુક્ત વીજ પુરવઠો મળી રહે

જે અંતર્ગત, તા. ૩૧/૧૨/૨૦૨૫ની સ્થિતિએ છેલ્લાં બે વર્ષમાં ગાંધીનગર જિલ્લાના ગ્રાહકોને ગુણવત્તાયુક્ત વીજ પુરવઠો મળી રહે તે માટે ૩૯ ફીડરનું વિભાજન કરવામાં આવ્યું છે. વર્ષ-૨૦૨૪માં ૧૪ અને વર્ષ-૨૦૨૫માં ૨૫ એમ કુલ ૩૯ ફીડરનું વિભાજન કરવામાં આવ્યું છે. જેમાં સરદાર કૃષિ જ્યોતિ યોજના અંતર્ગત ૧૪ ફીડર, કૂવા વીજળીકરણ યોજના હેઠળ ૨ ફીડર, જ્યારે સિસ્ટમ ઇમ્પ્રૂવમેન્ટ યોજના અંતર્ગત ૨૩ ફીડરનું વિભાજન કરવામાં આવ્યું છે.

છેલ્લાં બે વર્ષમાં ગાંધીનગર, ભરૂચ અને વડોદરા જિલ્લાનાં 138 ફીડરનું વિભાજન કરાયું : ઊર્જામંત્રી ઋષિકેશભાઈ પટેલ 

છેલ્લાં બે વર્ષમાં ગાંધીનગર, ભરૂચ અને વડોદરા જિલ્લાનાં કુલ ૧૩૮ ફીડરનું વિભાજન કરાયું છે. રાજ્યના વીજગ્રાહકોને સાતત્યપૂર્ણ અને ગુણવત્તાયુક્ત વીજ પુરવઠો મળી રહે તે માટે રાજ્યનો ઊર્જા વિભાગ કટિબદ્ધ હોવાનું વિધાનસભા ગૃહમાં ઊર્જા મંત્રી ઋષિકેશભાઇ પટેલે જણાવ્યું હતું. તેમણે જણાવ્યું કે ફીડર વિભાજન થકી મેન્ટેનન્સ ખર્ચમાં ઘટાડો, લૉ વોલ્ટેજની સમસ્યાનું નિરાકરણ, વીજ લોસમાં ઘટાડો અને વીજ ગ્રાહકોને સાતત્યપૂર્ણ અને ગુણવત્તાયુક્ત વીજ પુરવઠો મળી રહે છે.

ગાંધીનગરના દેહગામમાં પોલીસે કરી પશુપાલકોની અટકાયત

અંદાજે 150થી વધુની અટકાયત, દેહગામ નહેરુ ચોકડી પાસેથી કરી અટકાયત, દેહગામ પ્રવેશતા માર્ગ પરથી કરી અટકાયત.

ગેસ અછત મુદ્દે કોંગ્રેસનો વિરોધ 

વિધાનસભા પરિસર ખાતે વિરોધ, ગેસ સિલિન્ડર, છાણાં લાવી વિરોધ, ગેસ સપ્લાય યોગ્ય કરવા માંગ, સસ્તા ભાવે ગેસ સિલિન્ડર આપવા માંગ, બેનરો સાથે વિરોધ પ્રદર્શન. 

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર

01 - Ahmedabad News : અમદાવાદમાં રાંધણ ગેસના બાટલાની અછત ! ઓનલાઈન બુકિંગ ના થતા લોકો પહોંચ્યા ગેસ એજન્સી પર

02 - Sabarkantha News : ઈડરના ગંભીરપુરા ડુંગર પર લાગેલી આગ વિકરાળ બની, 24 ફાયર ફાઈટર દ્વારા આગને કાબુમાં લેવાનો થઈ રહ્યો છે પ્રયાસ

03 - Vadodara News : વડોદરાના શહેરીજનોને ગેસ સિલિન્ડર નથી મળતો ! કલેક્ટર કચેરીથી જાહેર કરાયો હેલ્પલાઇન નંબર 7874886987

04 - Rajkot News : ગૃહિણીઓનું બજેટ ફરી ખોરવાયું, લીંબુનો ભાવ કિલોએ રૂ.200થી 250એ પહોંચ્યો

05 - Weather News : ગુજરાતમાં હિટવેવની અસર વર્તાવાની શરૂઆત, સુરેન્દ્રનગર અને રાજકોટમાં ગરમીને લઈ યલો એલર્ટ અપાયું

06 - Geeta Basra Happy Birthday : અભિનેત્રીના એક ગીત પર ક્રિકેટર હારી બેઠા પોતાનું દિલ, જાણો ગીતા બસરા અને હરભજન સિંહની રસપ્રદ લવસ્ટોરી

07 - Neena Gupta : શું 66 વર્ષની ઉંમરે પ્રેગ્નેન્ટ છે નીના ગુપ્તા? સોશિયલ મીડિયા પર ખળભળાટ!

08 - Gold Silver Price Today : સોના ચાંદીના ભાવમાં સામાન્ય ઘટાડો, જાણો 22 અને 24 કેરેટનો ભાવ

09 - National Crush રશ્મિકા મંદાનાનો 8 વર્ષ જૂનો ઓડિયો લીક! એક્ટ્રેસે લાલચોળ થઈ આપ્યું 24 કલાકનું અલ્ટીમેટમ!

10 - PM Kisan 22nd Installment: આજે ખેડૂતોના ખાતામાં આવશે 2000રૂપિયા, PM Modi જાહેર કરશે 22મો હપ્તો

અમદાવાદમાં આવતીકાલથી કોંગ્રેસ ઉમેદવાર પસંદગી પ્રક્રિયા શરૂ

શહેરના 7 ઝોનમાં વોર્ડવાર દાવેદારોની લેવામાં આવશે સેન્સ, નિરીક્ષક, શહેર પ્રમુખ અને પ્રભારીઓની હાજરીમાં થશે પ્રક્રિયા, સેન્સ પૂર્ણ થયા બાદ ઉમેદવારોની યાદી પ્રદેશ કોંગ્રેસને મોકલાશે. 

રાજકોટ યાર્ડમાં ઘઉંની રેકોર્ડ આવક 

1.20 લાખ મણ ઘઉંની આવક 

31 હજાર મણ ચણાની આવક 

9700 મણ મેથીની આવક 

1200 વાહનમાં નવી જણસીની આવક

નાના ફૂડ સ્ટોલ પર ઘરેલું ગેસ સિલિન્ડર ખુલ્લેઆમ ઉપયોગ થઈ રહ્યો છે

શહેરમાં ગેસ પુરવઠાની અનિશ્ચિતતા અને કોમર્શિયલ ગેસ સિલિન્ડરના વેચાણ પર લાગેલા નિયંત્રણો વચ્ચે હવે ચાની લારીઓ અને નાના ફૂડ સ્ટોલ પર ઘરેલું ગેસ સિલિન્ડરનો ઉપયોગ વધતો જોવા મળી રહ્યો છે. નિયમ મુજબ વ્યાવસાયિક ઉપયોગ માટે કોમર્શિયલ ગેસ સિલિન્ડર ફરજિયાત છે, છતાં અછત અને પુરવઠાની અનિયમિતતાના કારણે ઘણા નાના વેપારીઓ ઘરેલું ગેસ સિલિન્ડરનો સહારો લેવા મજબૂર બન્યા છે. આ માટે નિયમોના પણ ખુલ્લેઆમ ધજાગરા ઊડી રહ્યા છે. હાલ ગેસની અછત વચ્ચે નાના વેપારીઓ મુશ્કેલીનો સામનો કરી રહ્યા છે. ચાની લારીઓ, નાસ્તાની ગાડીઓ અને નાના ફૂડ સ્ટોલ પર ઘરેલું ગેસ સિલિન્ડર ખુલ્લેઆમ ઉપયોગ થઈ રહ્યો છે.

અમુક વેપારીઓ દ્વારા ખાદ્ય ચીજ-વસ્તુઓમાં કૃત્રિમ ભાવ વધારો કરી દીધો છે

એલપીજીની સપ્લાય ચેઇનમાં અછત સર્જાશે તેવી ભામક વાતો વહેતી થતાં ગુરુવારે પણ લોકોએ ગેસ ડિસ્ટ્રિબ્યુટરને ત્યાં ધોમધકતા તાપમાં લાઈનો લગાવી હતી. શહેરમાં કોમર્શિયલ ગેસની સપ્લાય ચેઇન બંધ કરી દેતા ખાણી-પાણી વ્યવસાય સાથે જોડાયેલા અમુક વેપારીઓએ ઘરેલું સિલિન્ડરનો બેફામ ઉપયોગ શરૂ કરી દેતાં, તેમજ પેનિક રિએક્શનને કારણે લોકો ગેસ સિલિન્ડરની સંગ્રહખોરી કરતાં ડરનું વાતાવરણ સર્જાયું છે. પરિણામે, અમુક વેપારીઓ દ્વારા ખાદ્ય ચીજ-વસ્તુઓમાં કૃત્રિમ ભાવ વધારો કરી દીધો છે. 

રાજકોટમાં ગેસ સંકટ વચ્ચે ઇન્ડક્શનનું વેચાણ વધ્યું, ઘણા વેપારીઓ કરી રહ્યા છે ઇન્ડક્શનની કાળા બજારી

રાજકોટમાં ગેસ સંકટ વચ્ચે ઇન્ડક્શનનું વેચાણ વધ્યું હોવાની વાત સામે આવી છે, સિલિન્ડર ન મળતા ઇન્ડક્શનની માગમાં વધારો થયો છે અને ગેસના વિકલ્પમાં ઇન્ડક્શનનું વેચાણ વધ્યું છે. એક જ દિવસમાં 1500થી વધુ ઇન્ડક્શનનું વેચાણ થયું છે અને રુ. 1500થી 2200માં વેચાઈ રહ્યા છે ઇન્ડક્શન, ઘણા લોકો કરી રહ્યા છે ઇન્ડક્શનની કાળા બજારી અને ઇન્ડક્શનના MRPથી વધુ રૂપિયા વસૂલે છે. કેટલાક સ્થળોએ ગેસ સિલિન્ડરને ઢાંકીને અથવા છુપાવીને રાખવાનો પ્રયાસ પણ કરતા જોવા મળે છે. તેમ છતાં ગેસની અછતને કારણે આ સ્થિતિ લાંબા સમય સુધી છુપાવી રાખવી મુશ્કેલ બની રહી છે.

LPG સંકટને લઇ કોંગ્રેસનો વિરોધ

દિલ્હીમાં LPG સિલિન્ડર સાથે વિરોધ

કોંગ્રેસ કાર્યકરોની પોલીસે કરી અટકાયત

સુરતના અશ્વિની કુમાર રોડ પર મારામારી

પાણીપુરી લારી ચાલકની યુવક સાથે બબાલ, એકબીજા પર લાકડાના ફટકાથી હુમલો, મારામારીનો વીડિયો સો. મીડિયામાં વાયરલ. 

બનાસકાંઠામાં લક્ઝરી બસમાં આગથી 1નું મોત

ધાનેરા-નેનાવા બોર્ડર પાસે લક્ઝરી બસમાં આગ, આગ લાગતા 1નું મોત, 7 લોકો ઘાયલ થાય, ઘાયલોને સારવાર અર્થે હોસ્પિટલ ખસેડાયા. 

રાજયમાં ઘરેલું જરૂરિયાત માટેનો પૂરતો એલપીજીનો જથ્થો ઉપલબ્ધ

અન્ન નાગરિક પુરવઠા વિભાગે જણાવ્યું છે કે, રાજ્યમાં એલપીજીનો જથ્થો ઉપલબ્ધ છે. તેમજ રાજ્યમાં ૩૦% ઘરેલુ ગેસ PNG GAS PIPELINE મારફત પુરો પડાય છે. PNGનો પરતો જથ્થો ઉપલબ્ધ હોવાથી રાજ્યની પરિસ્થિતિ વધારે સારી છે. એલપીજીનો પુરતો પુરવઠો દરેક સ્થળે મળી રહે તે માટે બુકિંગ વચ્ચે ૨૫ દિવસનો સમયગાળો રખાયો છે.

હાલ ગેસની અછત વચ્ચે નાના વેપારીઓ મુશ્કેલીનો સામનો કરી રહ્યા છે

શહેરમાં ગેસ પુરવઠાની અનિશ્ચિતતા અને કોમર્શિયલ ગેસ સિલિન્ડરના વેચાણ પર લાગેલા નિયંત્રણો વચ્ચે હવે ચાની લારીઓ અને નાના ફૂડ સ્ટોલ પર થરેલું ગેસ સિલિન્ડરનો ઉપયોગ વધતો જોવા મળી રહ્યો છે. નિયમ મુજબ વ્યાવસાયિક ઉપયોગ માટે કોમર્શિયલ ગેસ સિલિન્ડર ફરજિયાત છે, છતાં અછત અને પુરવઠાની અનિયમિતતાના કારણે ઘણા નાના વેપારીઓ ઘરેલું ગેસ સિલિન્ડરનો સહારો લેવા મજબૂર બન્યા છે. આ માટે નિયમોના પણ ખુલ્લેઆમ ધજાગરા ઊડી રહ્યા છે. હાલ ગેસની અછત વચ્ચે નાના વેપારીઓ મુશ્કેલીનો સામનો કરી રહ્યા છે.

અમુક વેપારીઓ દ્વારા ખાદ્ય ચીજ-વસ્તુઓમાં કૃત્રિમ ભાવ વધારો કરી દેવાયો છે

એલપીજીની સપ્લાય ચેઈનમાં અછત સર્જાશે તેવી ભામક વાતો વહેતી થતાં લોકોએ ગેસ ડિસ્ટ્રિબ્યુટરને ત્યાં ધોમધકતા તાપમાં લાઈનો લગાવી હતી. શહેરમાં કોમર્શિયલ ગેસની સપ્લાય ચેઇન બંધ કરી દેતા ખાણી-પાણી વ્યવસાય સાથે જોડાયેલા અમુક વેપારીઓએ ઘરેલું સિલિન્ડરનો બેફામ ઉપયોગ શરૂ કરી દેતાં, તેમજ પેનિક રિએક્શનને કારણે લોકો ગેસ સિલિન્ડરની સંગ્રહખોરી કરતાં ડરનું વાતાવરણ સર્જાયું છે. પરિણામે, અમુક વેપારીઓ દ્વારા ખાદ્ય ચીજ-વસ્તુઓમાં કૃત્રિમ ભાવ વધારો કરી દીધો છે. 

અમદાવાદમાં રાંધણ ગેસના બાટલાની અછત ! ઓનલાઈન બુકિંગ ના થતા લોકો પહોંચ્યા ગેસ એજન્સી પર 

મિડલ ઈસ્ટ યુદ્ધની અસરથી ઘરેલું ગેસ સંકટની અછત ઉભી થઈ છે અને અમદાવાદમાં રાંધણ ગેસના બાટલાની અછત હોવાની વાત સ્થાનિકો કરી રહ્યાં છે અને ગેસ એજન્સી પર બુકિંગ માટે લાઈનો લાગી છે. અમદાવાદમાં મિડલ ઇસ્ટ યુદ્ધની અસર જોવા મળી છે અને શહેરમાં રાંધણ ગેસના બાટલાની અછત જોવા મળી રહી છે, રાંધણ ગેસની એજન્સી પર બુકિંગ માટે લાંબી લાઈનો જોવા મળી છે અને બુકિંગ કરાયા પછી પણ નથી મળતા રાંધણગેસના બાટલા અને ઓનલાઈન બુકિંગ બંધ રહેતા ગ્રાહકોને મુશ્કેલી વધી રહી છે. 

સુરતમાં રખડતા કૂતરાનો આતંક યથાવત, ભેસ્તાનમાં ચાર વર્ષના બાળકને મોઢા પર કૂતરાએ ભર્યા બચકા 

સુરતમાં રખડતા કૂતરાનો આતંક યથાવત રહ્યો છે અને ભેસ્તાનમાં ચાર વર્ષના બાળક ઉપર હુમલો કૂતરાએ કરતા બાળકને મોઢાના ભાગે ઈજા પહોચી છે અને તેને સારવાર માટે ખસેડાયો છે. સુરતમાં રખડતા કૂતરાના ઝુંડે કર્યો બાળક પર હુમલો અને બાળકને મોઢાના ભાગે બચકા ભરતા તેને ગંભીર ઈજા પહોંચી છે, બાળકને તાત્કાલિક હોસ્પિટલ ખસેડાયો છે અને સ્થાનિકોનો આક્ષેપ છે કે, ભેસ્તાન વિસ્તારમાં અવાર-નવાર રખડતા કૂતરાનો આતંક જોવા મળ્યો છે અને બાળકને ઘરની બહાર એકલા મોકલતા પણ બીક લાગે છે.

મિડલ ઈસ્ટ યુદ્ધની અસરથી ગેસ સંકટ

અમદાવાદમાં રાંધણ ગેસના બાટલાની અછત, ગેસ એજન્સી પર બુકિંગ માટે લાંબી કતાર, બુકિંગ કરવા છતા નથી મળતા બાટલા, ઓનલાઈન બુકિંગ બંધ રહેતા ભારે હાલાકી. 

વડોદરામાં મોડી રાતે ફાયરિંગની ઘટના

કાકા સાહેબ ટેકરા પાસે ફાયરિંગ, નશામાં ફાયરિંગ કર્યાની આશંકા, ફાયરિંગ કરનાર GISFનો કર્મચારી, એક રાઉન્ડ ફાયરિંગ કર્યાની માહિતી, પોલીસે બંદૂક, કારતૂસ જપ્ત કર્યા. 

દમણના દરિયામાં આગનો બનાવ 

દરિયાકિનારે લંગારેલી બોટમાં આગ, દમણના લાઈટ હાઉસ નજીકની ઘટના, બોટમાં આગ લાગતા દોડધામ મચી, ફાયર વિભાગે આગ પર મેળવ્યો કાબુ. 

ગ્રામ્ય વિસ્તારોમાં પૂતળા દહન અને નનામી પણ કાઢવામાં આવી હતી

ઉત્તમ ડેરી અને પશુપાલકો વચ્ચેનો વિવાદ હવે મંત્રણાના ટેબલ પરથી ઉતરીને રસ્તા પર આવી ગયો છે. પશુપાલકોનો આક્ષેપ છે કે તેમને પૂરતા ભાવ નથી મળી રહ્યા અને મધુર ડેરીમાં દૂધ સ્વીકારવા પર પ્રતિબંધ મૂકી દેવાયો છે, આંદોલનના પહેલા જ દિવસે ઉગ્ર દ્રશ્યો જોવા મળ્યા હતા. જ્યારે પશુપાલકો ઉત્તમ ડેરીના શીત કેન્દ્રને તાળાબંધી કરવા પહોંચ્યા, ત્યારે ત્યાં પહેલાથી તૈનાત બાઉન્સરોને જોઈ પશુપાલકોનો પિત્તો ગયો હતો. ગુસ્સે ભરાયેલા લોકોએ શીત કેન્દ્રના દરવાજે જ દૂધની નદીઓ વહાવી દીધી હતી. ગ્રામીણ વિસ્તારોમાં તો ડેરીના ચેરમેન વિરુદ્ધ સૂત્રોચ્ચાર સાથે ગ્રામ્ય વિસ્તારોમાં પૂતળા દહન અને નનામી પણ કાઢવામાં આવી હતી.

91 દૂધ મંડળીના 15 હજાર પશુપાલકોને નુકસાન

પશુપાલકોનુ 3 દિવસનું 2 લાખ લીટર દૂધ રખડ્યુ છે અને ઉત્તર ડેરીના ચેરમેન સામે સરકાર કેમ ઝૂકી રહી છે તેવો આક્ષેપ પશુપાલકો કરી રહ્યાં છે, મોહન ભરવાડ સામે સરકાર કેમ ઝુકી તેવા આક્ષેપ પશુપાલકો કરી રહ્યાં છે. મોટી સંખ્યામાં પશુપાલકો ટ્રેક્ટરો લઈને નેહરુ ચોકડીથી સીધા વિધાનસભા તરફ કૂચ કરશે.હવે જોવાનું એ રહેશે કે પોલીસ પશુપાલકોને ગાંધીનગરના ઉંબરે જતાં અટકાવશે કે પછી ઘર્ષણની નવી સ્થિતિ સર્જાશે. છેલ્લા 3 દિવસથી દૂધના ભાવ મુદ્દે ભારે ઘમસાણ મચી રહ્યું છે. 

દહેગામના પશુપાલકો ઉત્તમ ડેરી સામે લડી લેવાના મૂડમાં, આજે 300થી વધુ ટ્રેક્ટર સાથે ગાંધીનગર કરશે કૂચ

ગાંધીનગરના દહેગામમાં પશુપાલકોની ઉત્તમ ડેરી સામે આરપારની લડાઈ છે અને ઉત્તમ ડેરી સામે વિરોધમાં જંગે ચડ્યા છે દહેગામના પશુપાલકો, આજે 300થી વધુ ટ્રેક્ટર સાથે પશુપાલકો ગાંધીનગર કરશે કૂચ. પશુપાલકોનું કહેવું છે કે, દૂધ અન્ય ડેરીમાં ભરવા પર પ્રતિબંધ મૂકયો છે અને દૂધ પ્રતિબંધથી પશુપાલકોમાં ભારે રોષ છે, પશુપાલકોને મધુર ડેરી ફેટના રુ. 855 ચૂકવે છે અને ઉત્તમ ડેરી પશુપાલકોને ફેટના રુ. 810 ચૂકવે છે અને વાર્ષિક ભાવ ફેરમાં પશુપાલકને 10 ટકા નુકસાન થતું હોવાની વાત સામે આવી છે અને દેહગામના પશુપાલકોને વાર્ષિક 18 કરોડનું નુકસાન થતું હોવાની વાત છે. 

સ્વરાંજલિ અર્પવી એ સમગ્ર જિલ્લા માટે ગૌરવની ક્ષણ છે

સરકારનો મુખ્ય હેતુ સ્થાનિક લોકકલાઓ અને કલાકારોને એક યોગ્ય મંચ પૂરો પાડી, આપણી વિરાસતને જીવંત રાખવાનો છે. ઝવેરચંદ મેઘાણીએ આ માટીની સુગંધને વિશ્વભરમાં ફેલાવી છે, ત્યારે તેમની જ પુણ્યતિથિ નિમિત્તે તેમની જ જન્મભૂમિ પર ‘રંગ મેઘાણી’ કાર્યક્રમ દ્વારા આ સ્વરાંજલિ અર્પવી એ સમગ્ર જિલ્લા માટે ગૌરવની ક્ષણ છે. જિલ્લા યુવા વિકાસ અધિકારી ભરતસિંહ ગોહિલે મહાનુભાવોનું શાબ્દિક સ્વાગત કરી કાર્યક્રમની રૂપરેખા આપી હતી. તેમણે જણાવ્યું હતું કે, રમતગમત અને સાંસ્કૃતિક વિભાગ હંમેશા કલાના સંવર્ધન માટે પ્રયત્નશીલ છે. તેમણે ‘રંગ મેઘાણી’ ફોક ફ્યુઝન મ્યુઝિક શો જેવી નવીન પ્રસ્તુતિઓની વિશેષતા સમજાવતા કહ્યું કે, મેઘાણીજીના જીવન–કવન અને સાહિત્યને આધુનિક શૈલી થકી નવી પેઢીને પણ સરળતાથી આપણા ભવ્ય વારસા, દુહા- છંદ અને લોકસાહિત્યના ગૌરવશાળી ઇતિહાસ સાથે જોડવાનું ભગીરથ કાર્ય શક્ય બને છે. 

યાત્રાધામોમાં બે દિવસીય સાંસ્કૃતિક ઉત્સવોનું આયોજન કરવામાં આવ્યું

આ પ્રસંગે ઉપસ્થિત કલેક્ટર કે.એસ.યાજ્ઞિકે પ્રાસંગિક ઉદબોધન આપતા જણાવ્યું હતું કે, ચોટીલા એ માત્ર શક્તિધામ તરીકે જ નહીં, પરંતુ રાષ્ટ્રીય શાયર ઝવેરચંદ મેઘાણીની જન્મભૂમિ તરીકે પણ વિશ્વભરમાં વિખ્યાત છે, જ્યાં તાજેતરમાં જ તેમની યાદમાં સંગ્રહાલય ખુલ્લું મૂકવામાં આવ્યું છે. તેમણે વધુમાં ઉમેર્યું કે, રાજ્ય સરકાર દ્વારા ગુજરાત સરકારના રમત-ગમત અને સાંસ્કૃતિક વિભાગના સહયોગથી ૧૧ જેટલા મહત્વના યાત્રાધામોમાં બે દિવસીય સાંસ્કૃતિક ઉત્સવોનું આયોજન કરવામાં આવ્યું છે. 

પાંચાળની પવિત્ર ધરા પર ચોટીલા ઉત્સવ 2026નો ભવ્ય પ્રારંભ, ભક્તિ અને લોક સંસ્કૃતિનો અનોખો સંગમ

ગુજરાત સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ દ્વારા આયોજિત બે દિવસીય 'ચોટીલા ઉત્સવ ૨૦૨૬'નો પાંચાળની ઐતિહાસિક અને પવિત્ર ધરા પર ભવ્ય પ્રારંભ થયો છે. જગપ્રસિદ્ધ શક્તિપીઠ મા ચામુંડાના સાનિધ્યમાં આયોજિત આ ઉત્સવના પ્રથમ દિવસે લોકસાહિત્ય અને ભક્તિ સંગીતની સરવાણી વહી હતી, જેમાં મોટી સંખ્યામાં ભકતો અને કલાપ્રેમી જનતા ઉમટી પડી હતી.

ઇડર ફાયર ટીમ દ્વારા લેવાઈ હિંમતનગર ફાયરની મદદ 

ગતરોજ બપોરથી લાગેલી આગે વિકરાળ સ્વરૂપ ધારણ કર્યુ છે અને આગ લાગવાને કારણે વનસ્પતિ બળીને ખાખ થઈ છે, ડુંગર પર વન્ય પ્રાણીઓ સહિત દીપડાનો વસવાટ છે જેના કારણે જીવદયા પ્રેમીમાં પણ રોષની લાગણી જોવા મળી છે, ફોરેસ્ટ વિભાગના ક્ષેત્રમાં આવતા ડુંગરમાં આગ બાદપણ ફોરેસ્ટ વિભાગને જાણે કંઈ પડી જ નથી તેવું લાગી રહ્યું છે, જીવદયા સહિત પકૃતિ પ્રેમીઓમાં જોવા મળી રહ્યો છે રોષ. 

ઈડરના ગંભીરપુરા ડુંગર પર લાગેલી આગ વિકરાળ બની, 24 ફાયર ફાઈટર દ્વારા આગને કાબુમાં લેવાનો થઈ રહ્યો છે પ્રયાસ 

સાબરકાંઠાના ઈડરના ડુંગર પર લાગેલી આગ વિકરાળ બની છે અને ગુરુવારે બપોરે લાગેલી આગ વધુ વિકારળ બની છે, આગ લાગવાને કારણે વનસ્પતિ બળીને ખાખ થઈ છે અને ડુંગર પર વન્ય પ્રાણીઓ સહિત દીપડાનો વસવાટ છે. આગ લાગી હોવાના આકાશી દ્રશ્યો સામે આવ્યા અને જીવદયા સહિત પ્રકૃતિ પ્રેમીઓમાં ભારે રોષ છે, આગે એટલું વિકરાળ સ્વરૂપ ધારણ કર્યુ છે કે, હજી સુધી તે બેકાબુ છે અને ફાયર ટીમ દ્વારા આગને કાબૂમાં લેવા સતત પ્રયાસ કરવામાં આવી રહ્યાં છે, ઈડર અને હિંમતનગર ફાયર ફાઈટર દ્વારા આગને કાબુમાં લેવાનો પ્રયાસ કરવામાં આવી રહ્યો છે. 

સુરતમાં નકલી શંકાસ્પદ ઘીનો જથ્થો ઝડપાયો

સુરતના ઉત્રાણ વિસ્તારમાં નકલી ઘીનો શંકાસ્પદ જથ્થો ઝડપાયો છે, અલગ-અલગ વિસ્તારમાં આ ઘી વેચવામાં આવતું હોવાની વાત સામે આવી છે, તો સમગ્ર ઘટનામાં મનાપને બાતમી મળતા સ્થળ પર જઈ રેડ કરવામાં આવી હતી અને શંકાસ્પદ ઘીનો જથ્થો ઝડપી પાડવામાં આવ્યો છે, આ ઘી માં વપરાતી સાધન-સામગ્રી પણ મનપાએ જપ્ત કરી છે. 

સુરતમાં નકલી શંકાસ્પદ ઘીનો જથ્થો ઝડપાયો, વેલંજા રંગોળી ચોકડી પાસે મનપાના દરોડા

સુરતમાં નકલી શંકાસ્પદ ઘીનો જથ્થો ઝડપાયો છે અને વેલંજા રંગોળી ચોકડી પાસે મનપાએ દરોડા પાડીને આ ઘીનો જથ્થો ઝડપી પાડયો છે, સહજાનંદ અને ગજાનંદ નામના પેકિંગથી ઘી વેચવામાં આવતું હતુ. સુરતમાં ફરી નકલી શંકાસ્પદ ઘીનો જથ્થો ઝડપાયો છે અને વેલંજા રંગોળી ચોકડી પાસે મનપાએ દરોડા પાડ્યા હતા અને ઘીનો જથ્થો ઝડપી પાડયો છે, મનપાએ પોલીસને પણ જાણ કરી છે અને ઘીના જથ્થાને તપાસ અર્થે એફએસેલમાં મોકલી આપવામાં આવ્યો છે, ઉત્રાણ પોલીસે પણ આ મામલે જાણવાજોગ લીધી છે. 

અધિક કલેકટરે ગરમીને લઈ લીધો નિર્ણય 

આ નવા સમયપત્રકની અમલવારી તા. ૧૩/૦૩/૨૦૨૬ થી શરૂ થઈને તા. ૩૧/૦૫/૨૦૨૬ સુધી અમલમાં રહેશે. જિલ્લા વહીવટી તંત્ર દ્વારા તમામ સંબંધિત અધિકારીઓ, કર્મચારીઓ અને જાહેર જનતાને આ સમયગાળાની નોંધ લેવા નિવાસી અધિક કલેક્ટર કે. આર. પટેલ દ્વારા જણાવાયું છે, જેથી અરજદારોને મુશ્કેલી ન પડે.

હિટવેવને પગલે નવો સમય નક્કી કરવામાં આવ્યો છે

જિલ્લાની કલેક્ટર કચેરી, તમામ તાલુકાના જનસેવા કેન્દ્રો, ઇ-ધરા કેન્દ્રો તેમજ બેંક અને પોસ્ટ ઓફિસમાં કાર્યરત તમામ આધાર કેન્દ્રોના સમયમાં ફેરફાર લાગુ કરવામાં આવ્યો છે. અત્યાર સુધી આ કેન્દ્રો સવારના ૧૦-૩૦ થી સાંજના ૬-૧૦ કલાક સુધી કાર્યરત રહેતા હતા, પરંતુ હવે હિટવેવને પગલે નવો સમય નક્કી કરવામાં આવ્યો છે. નવા નક્કી કરાયેલા સમય મુજબ, હવે આ કેન્દ્રો સવારે ૯-૦૦ થી બપોરે ૧-૦૦ કલાક સુધી અને ત્યારબાદ બપોર પછી ૪-૦૦ થી સાંજના ૬-૦૦ કલાક સુધી જનતા માટે ખુલ્લા રહેશે. બપોરે ૧-૦૦ થી ૪-૦૦ દરમિયાનના અસહ્ય તાપના સમયગાળામાં જાહેર જનતાની કામગીરી બંધ રહેશે, જેથી હીટવેવની સીધી અસરથી બચી શકાય.

સુરેન્દ્રનગર જિલ્લાના નાગરિકો માટે ખાસ સૂચના, હીટવેવને પગલે જનસેવા અને આધાર કેન્દ્રોના સમયમાં ફેરફાર

હવામાન વિભાગ દ્વારા રાજ્યમાં હીટવેવની આગાહીના પગલે રેડ, ઓરેન્જ અને યલો એલર્ટ જાહેર કરવામાં આવ્યું છે. હાલમાં સુરેન્દ્રનગર જિલ્લામાં તાપમાનનો પારો ૪૨ સેલ્સિયસ આસપાસ પહોંચી ગયો છે. આગામી દિવસોમાં ગરમીનું પ્રમાણ વધવાની શક્યતાને ધ્યાને રાખીને, નાગરિકોને હીટવેવની વિપરીત અસરોથી બચાવવા માટે કલેક્ટર કચેરી દ્વારા જનસેવા કેન્દ્રો અને આધાર કેન્દ્રોના કાર્યકાળના સમયમાં મહત્વનો ફેરફાર કરવામાં આવ્યો છે.

લોકોની ફરિયાદો સાંભળવા માટે તંત્ર તૈયાર થયું છે

આવુ બધુ શોધવામાં આ ટીમે જરાય દરકાર લીધી ન હતી અને માત્ર સરકારી સ્ટાઈલમાં એજન્સીઓ પર જઈને પાછા આવી ગવા હતાં. એકંદરે કાગળ પર નોકરી કરી હતી. પ્રજાલક્ષી કોઈ પ્રોગ્રેસીવ કામ થયુ ન હતું. એ.સી. ઓફિસોમાં બેસીને વહિવટ કરતા કલેક્ટર કચેરીના તંત્રના અધિકારીઓએ હવે કુંભકર્ણની ઉંથ ઉડાવવી પડે છે. હવે તંત્રએ હેલ્પ લાઈન નંબર જારી કર્યો છે અને લોકોને ગેસ સિલિન્ડરને લઈને કોઈ પણ ફરિયાદ હોય તો આ નંબર પર નોંધાવી શકે છે. આખરે તંત્રને સદબુદ્ધી સુઝી છે. લોકોની ફરિયાદો સાંભળવા માટે તંત્ર તૈયાર થયું છે.

અર્થશાસ્ત્રના નિયમ મુજબ પુરવઠો ઓછો હોય તો કિંમત વધુ થઈ જાય છે

ત્યારે જે રીતે શહેરમાં ગેસ સિલિન્ડરની તંગીને લઈને કાળાબજારીયાઓએ બ્લેક કરવાનું શરૂ કરી દીધુ છે.એ વાત અલગ છે કે, કલેક્ટર કચેરીનુ પુરવઠા વિભાગ ગુરુકૃપા ગેસ એજન્સી, મકરપુરાની એસીએમઈ એજન્સી, પાદરાની વિશ્વર ગેસ એજન્સી, અકોટાની નૃસિંહગુપા એજન્સી વિગેરે જગ્યાએ મામલતદારની ટીમોગઈ હતી, પરંતુ આ ટીમોને કંઈ વાંધાજનક મળ્યુ નહીં અને હાય હલાવતા પાછા આવ્યા હતાં. પરંતુ ગેસ એજન્સીઓના ગોડાઉનોમાં કેટલો સ્ટોક પડેલો છે ? ટેમ્પો ગોડાઉનથી નીકળે છે તો તે સીધો ગ્રાહક સુધી પહોંચે છે કે વચ્ચે કોઈ ગોલમાલ થાય છે ? 

વડોદરાના શહેરીજનોને ગેસ સિલિન્ડર નથી મળતો ! કલેક્ટર કચેરીથી જાહેર કરાયો હેલ્પલાઇન નંબર 7874886987 

વડોદરામાં ગેસ બોટલને લઈ નંબર જાહેર કરાયો છે અને વડોદરા કલેકટર ઓફિસ દ્વારા આ નંબર જાહેર કરવામાં આવ્યો છે,ગેસ બોટલ બુકિંગ માટે ગ્રાહકો લગાવી રહ્યા છે વહેલી સવારથી લાઈન. શહેરમાં ગેસ સિલિન્ડરને લઈને કકળાટ સજર્જાયેલો છે ત્યારે એ.સી. ઓફિસોમાં બેસીને વહિવટ કરતા કલેક્ટર કચેરીના તંત્રએ મોડે મોડે પણ કુંભકર્ણની ઊંઘ ઉડાડી છે અને હેલ્પ લાઈન નંબર જારી કર્યો છે. ગેસ સિલિન્ડરને લઈને લોકોને કોઈ પણ તકલીફ હોય તો ૦૨૬૫-૨૪૨૭૫૯૨ નંબર પર કોલ કરીને ફરિયાદ કરી શકે છે.

સિબિલ સ્કોર ખરાબ હોવાનું બહાનું કાઢી લોન આપવાનો ઇનકાર કરી દેવામાં આવતો

પ્રોસેસિંગ ફીના નામે રૂ. ૭૯૯ અને ઝડપી લોન માટે રૂ. ૯૯૯ QR કોડ મારફતે નમન ચૌહાણના ખાતામાં જમા કરાવવામાં આવતા હતા. એકવાર પૈસા મળી ગયા પછી, કસ્ટમરનો સિબિલ સ્કોર ખરાબ હોવાનું બહાનું કાઢી લોન આપવાનો ઇનકાર કરી દેવામાં આવતો હતો. પોલીસે સ્થળ પરથી આરોપી પ્રવીણ કેશુભાઈ ચૌહાણ (ઉ.વ. ૧૯, રહે. સુમન ભાર્ગવ આવાસ, ભગવાન મહાવીર કોલેજ પાસે, વીઆઈપી રોડ, વેસુ- મૂળ અગતરીયા, મહુવા, ભાવનગર)ની ધરપકડ કરી હતી જ્યારે નમન મનસુખ ચૌહાણ (ઉ.વ.૨૪, રહે. સુમન ભાર્ગવ આવાસ, મહાવીર કોલેજ પાસે, વીઆઈ પી રોડ, વેસુ-મૂળ મહુવા, ભાવનગર)ને વોન્ટેડ જાહેર કરાયો હતો. જેને ગતરોજ પકડી લેવાયો હતો. 

24 થી 48 કલાકમાં લોન અપાવવાનો વાયદો કરવામાં આવતો હતો

પોલીસ તપાસમાં બહાર આવ્યું કે આરોપી પ્રવીણ ચૌહાણ અને નમન ચૌહાણ પિતરાઈ ભાઈ છે. જેઓ જુલાઈ-૨૦૨૫થી CHAUHAN FINANCIAL BROTHERS SERVICE અને EPIC FINANCIAL SERVICEના નામે ઓફિસ ચલાવતા હતા. તેઓ ફેસબુક અને ઈન્સ્ટાગ્રામ (Meta Ads) પર " કોઈપણ ઇન્કમ પ્રૂફ વગર લોન મેળવો" વગેરે જેવી લોભામણી જાહેરાતો આપી લોકોનો ડેટા મેળવતા હતા. જાહેરાત જોઈ સંપર્ક કરનાર ગ્રાહકોને ટેલિકોલર મારફતે ૨૪થી ૪૮ કલાકમાં લોન અપાવવાનો વાયદો કરવામાં આવતો હતો. 

સુરતમાં ઈન્સ્ટન્ટ લોનની લાલચ આપી ઠગાઈ કરતો શખ્સ ઝડપાયો, પ્રોસેસિંગ ફી પેટે 799 રુપિયા પડાવતો

સુરતમાં લોનના નામે ઠગાઈ આચરતા શખ્સની ધરપકડ કરવામાં આવી છે, સાયબર ક્રાઈમે નમન ચૌહાણની કરી ધરપકડ અને ઈન્સ્ટન્ટ લોનની લાલચ આપી ઠગાઈ કરતો હતો અને પ્રુફ વગર લોન આપવામાં આવતી હોવાની વાત સામે આવી છે. ઇન્સ્ટન્ટ લોન અપાવવાના બહાને પ્રોસેસિંગ ફી પેટે નાણાં પડાવી ઠગાઈ આચરતા બોગસ કોલ સેન્ટર પ્રકરણમાં સાયબર સેલે વેસુના યુવકની ધરપકડ કરી હતી. સાયબર સેલે મળેલી બાતમીના આધારે ગત ૨૮મી જાન્યુઆરીએ પરવટ પાટિયા સ્થિત એલ.એ. સીટાડેલ કોમ્પ્લેક્સની ઓફિસ નંબર ૨૦૭માં રેડ કરી હતી. 

પશુપાલકો આજે વિધાનસભા તરફ કૂચ કરશે

પોલીસ અને પશુપાલકો વચ્ચે ઘર્ષણની શક્યતા, છેલ્લા 3 દિવસથી દૂધના ભાવ મુદ્દે ઘમસાણ, ઉત્તમ ડેરી અને પશુપાલકો વચ્ચે વિવાદ વકર્યો, પૂરતા ભાવ ન મળતા હોવાનો પશુપાલકોનો આક્ષેપ, મધૂર ડેરીમાં દૂધ સ્વીકારવા પર પ્રતિબંધ મૂકાયો. 

હવામાન વિભાગે ઘણા વિસ્તારો માટે ઓરેન્જ એલર્ટ જારી કર્યું છે

વધતા તાપમાનને ધ્યાનમાં રાખીને હવામાન વિભાગે ઘણા વિસ્તારો માટે ઓરેન્જ એલર્ટ જારી કર્યું છે. હવામાન નિષ્ણાતો કહે છે કે હાલની તીવ્ર ગરમી એન્ટિસાયક્લોન સિસ્ટમને કારણે થઈ રહી છે. મુંબઈ હવામાન વિભાગ (IMD) ના વૈજ્ઞાનિકો કહે છે કે દરિયાઈ ના વૈજ્ઞાનિકો પવનો ધીમા પડે ત્યારે આવી સિસ્ટમ બને છે, જેના કારણે તાપમાનમાં અચાનક વધારો થાય છે. ગુજરાત અને આસપાસના વિસ્તારોમાં એક એન્ટિસાયક્લોનિક સર્ક્યુલેશન છે, જેના કારણે આ પ્રદેશ પર સૂકા પૂર્વના પવનો ફૂંકાય છે. 

ગુજરાત સહિત ભારતમાં ગરમી વધી

માર્ચ મહિનાની શરૂઆત સાથે, સમગ્ર ભારતમાં લોકો પહેલાથી જ પુષ્કળ પરસેવો પાડી રહ્યા છે. આ વર્ષે, ભારતના ઘણા ભાગોમાં તાપમાન સામાન્ય કરતાં ૮ થી ૧૩ ડિગ્રી સેલ્સિયસ વધી ગયું છે. ૧૦ માર્ચે, મુંબઈમાં તાપમાન ૪૦ ડિગ્રી સેલ્સિયસ સુધી પહોંચી ગયું હતું. ૭ માર્ચે, દિલ્હીમાં ૩૫.૭ ડિગ્રી સેલ્સિયસ તાપમાન નોંધાયું હતું. છેલ્લા ૫૦ વર્ષમાં માર્ચના પહેલા અઠવાડિયાનો આ સૌથી ગરમ દિવસ હતો. વધુમાં, ૧૧ માર્ચ, બુધવારના રોજ, દિલ્હીમાં મહત્તમ તાપમાન ૩૬.૮ ડિગ્રી સેલ્સિયસ સુધી પહોંચ્યું હતું, જે સામાન્ય કરતાં ૮.૪ ડિગ્રી વધારે છે. 

સામાન્ય રીતે માર્ચ મહિનામાં આટલી બધી ગરમી પડતી નથી

માર્ચ મહિનામાં પરંતુ સામાન્ય કરતાં સાત ડિગ્રી વધુ તાપમાન નોંધાઈ રહ્યુ છે અને આકરા ઉનાળાનો લોકો અનુભવ કરી રહ્યા છે. હજુ તો ઉનાળાની શરૂઆત જ છે અને યલો તેમજ ઓરેન્જ એલર્ટ જાહેર કરવામાં આવી રહયા છે. ત્યારે એપ્રિલ અને મે મહિનામાં કેવી સ્થિતિ સર્જાશે તેની ચિંતા લોકોમાં પ્રસરી છે. હાલ વધેલી ગરમીને પગલે બપોરના સમયે માર્ગો સુમસામ જોવા મળી રહયા છે. બીજી તરફ ઠંડા-પીણાના સ્ટોલ ઉપર લોકોની ભીડ વધવા લાગી છે. દિવસભર આકરી ગરમીનો અનુભવ થઈ રહ્યો છે જેમાં સૌથી વધુ બપોરના સમયે સૂર્ય નારાયણ તપતાં તોબાહ પોકારતી આકરી ગરમી પડી રહી છે.

છેલ્લા ત્રણ દિવસથી રાજ્યમાં ગરમીનો પ્રકોપ વધ્યો છે

ઉત્તર ગુજરાતમાં પણ મોટાભાગના વિસ્તારોમાં દિવસનું મહત્તમ તાપમાન 41 ડિગ્રી આસપાસ નોંધાઈ રહ્યું છે. સોમવારે બનાસકાંઠાના ડીસામાં ગરમીનું યલો એલર્ટ જાહેર કરવામાં આવ્યુ હતું. જ્યારે મંગળવારે હવામાન વિભાગ દ્વારા ઓરેન્જ એલર્ટ જાહેર કરાયુ હતું. સતત બીજા દિવસે પારો 41 ડિગ્રી રહ્યો હતો. મહેસાણા અને સાબરકાંઠા જિલ્લામાં પણ ગરમી વધી હતી. હજુ આગામી દિવસોમાં પણ ઉત્તર ગુજરાતના કેટલાક વિસ્તારોમાં ગરમીનું યલો એલર્ટ જાહેર કરવામાં આવેલ હોય લોકોને આકરી ગરમી સહન કરવી પડશે.

ગુજરાતમાં હિટવેવની અસર વર્તાવાની શરૂઆત, સુરેન્દ્રનગર અને રાજકોટમાં ગરમીને લઈ યલો એલર્ટ અપાયું 

રાજ્યમાં આજે પણ વર્તાશે હીટવેવની અસર, અને ગુજરાત રીજયનના આણંદ અને સુરતમાં આજે યલો એલર્ટ આપવામાં આવ્યું છે, સૌરાષ્ટ્રના સુરેન્દ્રનગર અને રાજકોટમાં પણ યલો એલર્ટ આપવામાં આવ્યું છે. અમદાવાદમાં મહત્તમ તાપમાન 40 ડિગ્રીની આસપાસ રહેવાની આગાહી હવામાન વિભાગ દ્વારા કરવામાં આવી છે, અમદાવાદ,ગાંધીનગર,વડોદરા, મહેસાણા,સાબરકાંઠા, આણંદમાં ઓરેન્જ એલર્ટ આપવામાં આવ્યું છે, તેમજ દરિયાકાંઠાના વિસ્તારમાં ગરમ પવન ફૂંકાશે તેવી પણ આગાહી કરવામાં આવી છે, બીજી તરફ માર્ચમાં મહિનામાં રેકોર્ડ બ્રેક ગરમી નોંધાઇ છે અને માર્ચ મહિનાની ગરમીએ રેકોર્ડ તોડ્યો છે, દિવમાં 100 વર્ષ જૂનો ગરમીનો રેકોર્ડ તૂટયો છે તેવું હવામાન વિભાગનું અનુમાન છે. દરિયાકાંઠાના શહેરોમાં સામાન્ય રીતે તાપમાનને નિયંત્રિત કરતા દરિયાઈ પવનોને અવરોધે છે. પરિણામે, તાપમાન વધુને વધુ વધે છે. તે કોઈ વેસ્ટર્ન ડિસ્ટર્બન્સ કે અન્ય કોઈ સિસ્ટમ નથી જે તાપમાનને અસર કરી રહી છે; તે ફક્ત એન્ટિસાયક્લોન સિસ્ટમ છે.

લીંબુની ખરીદી કરી કોલ્ડસ્ટોરેજમાં સંગ્રહ કરે છે વેપારીઓ !

અમુક વેપારીઓ શિયાળાના સમયમાં લીંબુનો જથ્થો વિપુલ માત્રામાં ખરીદે છે અને તેનો સંગ્રહ કરે છે, બીજી તરફ ઉનાળો આવે ત્યારે તે લીંબુનો સંગ્રહ કરેલો જથ્થો વેપારીઓ ઉંચા ભાવમાં વેચી રહ્યાં છે,  માર્કેટના જાણકારોના મતે જો આવક નિયમિત રહે અને સ્ટોકિસ્ટો હોલ્ડિંગ પર નિયંત્રણ રાખે તો લીંબુના ભાવમાં મોટો ઉછાળો આવતો નથી.

છેલ્લા એક મહિનામાં લીંબુનો ભાવ વધ્યો 

ગુજરાતની એપીએમસીમાં મહારાષ્ટ્રમાંથી વધારે લીંબુનો જથ્થો આવી રહ્યો છે, હાલમાં એપીએમસીમાં હોલસેલમાં લીંબુનો ભાવ 150થી 160 રૂપિયા છે અને છૂટક બજારમાં 200થી 250 રૂપિયા પ્રતિકિલો થયો છે, ઉનાળાની સિઝનમાં ઠંડા પીણા અને લીંબુ પાણીનો વધારે ઉપયોગ થતો હોવાથી ભાવમાં વધારો જોવા મળ્યો છે, તો અમુક વેપારીઓ લીંબુનો સંગ્રહ પણ કરી રહ્યાં હોવાની વાત સૂત્રો તરફથી મળી રહી છે, આવકમાં વધારો થશે લીંબુમાં તો ભાવ ઘટી શકે છે. 

ગૃહિણીઓનું બજેટ ફરી ખોરવાયું, લીંબુનો ભાવ કિલોએ રૂ.200થી 250એ પહોંચ્યો 

ભીષણ ગરમીમાં લીંબુના ભાવમાં વધારો થયો છે અને લીંબુનો ભાવ કિલોએ રુ.200 થી 250 થયો છે, રાજકોટ યાર્ડમાં લીંબુની 3500 મણ આવક નોંધાઈ છે અને છેલ્લા એક માસમાં લીંબુના ભાવમાં રુ.100નો વધારો નોંધાયો છે. રાજકોટ સહિત સમગ્ર ગુજરાતમાં લીંબુના ભાવમાં વધારો જોવા મળ્યો છે, એક તરફ ગરમી અને બીજી તરફ લીંબુના ભાવમાં વધારો થયો છે, ઉનાળાની શરૂઆતમાં લીંબુના ભાવમાં વધારો થતા ગૃહિણીઓનું બજેટ ખોરવાયું છે, છૂટક બજારમાં લીંબુનો ભાવ રૂ.200થી 250એ પહોંચી ગયો છે, છેલ્લા એક મહિનામાં લીંબુના ભાવમાં વધારો થયો છે. 

સહકારી સંઘ સિવાયના દૂધ ઉત્પાદકોને FSSAIનું લાયસન્સ જરુરી

ભેળસેળ રોકવા ભારતીય ખાદ્ય સુરક્ષા પ્રાધિકરણની એડવાઇઝરી, જે ઉત્પાદકો દૂધમંડળીમાં દૂધ નથી ભરાવતા તેમને આવરી લેવાશે, દૂધમાં થતી ભેળસેળ રોકવા રાજ્યોને પણ તપાસનો આદેશ, જે ઉત્પાદક પાસે લાયસન્સ નથી તેમની સામે કાર્યવાહી કરાશેે. 

નવા શૈક્ષણિક વર્ષથી ખાનગી સ્કૂલોમાં વોકેશનલ શિક્ષણ

નોન-ગ્રાન્ટેડ શાળાઓમાં વોકેશનલ કોર્સ માટે ગાઇડલાઇન્સ જાહેર, 5700  નોન-ગ્રાન્ટેડ શાળામાં વોકેશનલ શિક્ષણ લાગુ કરાશે, વોકેશનલ કોર્સ માટે DEO કક્ષાએ મંજૂરી આપવામાં આવશે, રસ ધરાવતી શાળાઓએ 20 એપ્રિલ સુધી યાદી આપવી પડશે, શાળાઓમાં અલગ-અલગ પ્રયોગશાળા બનાવવી અનિવાર્ય, લાયકાત ધરાવતા વોકેશનલ ટ્રેનર્સની નિમણૂ કરવી પડશે.

વલ્લભીપુરના મોણમાં 598 હેક્ટરમાં કાળિયારનો વસવાટ કરાશે

વેળાવદર નેશનલ પાર્ક નજીક નવા હેબિટાટાનું સર્જન થશે, વર્ષો જૂના ભાવનગર મેથાળા બંધારા યોજનાની મંજૂરી, મેથાળા બંધારાની કામગીરીથી ક્ષાર નિયંત્રણ થશે, વરસાદી પાણીનો સંગ્રહ થવાથી 6,550 હેક્ટરને લાભ, અંદાજે 655 મીટર ઘનફૂટ વરસાદી પાણીનો સંગ્રહ થશે. 

અમદાવાદમાં ટ્રાફિક પોલીસની વિશેષ ડ્રાઈવ

15 દિવસમાં 2.98 કરોડથી વધુનો દંડ વસૂલ્યો, શહેરના તમામ વિસ્તારોમાં કડક ચેકિંગ કરાયું, હેલ્મેટ વિનાના વાહનચાલકો પાસેથી 1.09 કરોડ દંડ વસૂલાયો, હેલ્મેટ વગરના હજારો વાહનચાલકો આજે દંડાયા, ગેરકાયદે પાર્કિંગ સામે પણ કડક કાર્યવાહી, નિયમ તોડનાર ચારસોથી વધુ વાહનો ડિટેઈન. 

ભીષણ ગરમીમાં લીંબુના ભાવમાં વધારો

લીંબુનો ભાવ કિલોએ રુ. 200થી 250, રાજકોટ યાર્ડમાં લીંબુની 3500 મણ આવક, છેલ્લા એક માસમાં રુ. 100નો વધારો નોંધાયો.