રાજકોટ જિલ્લાના જસદણ તાલુકામાં છેલ્લા કેટલાક સમયથી વન્ય પ્રાણીઓના દેખા દેવાના બનાવોમાં સતત વધારો થઈ રહ્યો છે. જસદણના સીમ વિસ્તારમાં સિંહના આંટાફેરા બાદ હવે દીપડાએ પણ ધામા નાખતા સ્થાનિક રહીશો અને ખેડૂતોમાં ભયનો માહોલ જોવા મળી રહ્યો છે.
સિંહ અને દીપડાનો બેવડો ફફડાટ
મળતી વિગતો અનુસાર, જસદણના ભડલી-સનાળા રોડ પર આવેલી વાડી વિસ્તારમાં દીપડો દેખાયો હતો. દીપડાની હાજરીને પગલે વાડીમાં રહેતા અને રાત્રિના સમયે ખેતી કરતા ખેડૂતોમાં ફફડાટ વ્યાપી ગયો છે. બીજી તરફ, આંબરડી કાસલોલીયા વિસ્તારમાં પણ સિંહના ધામા હોવાના અહેવાલો મળી રહ્યા છે.
