જૂનાગઢના રહેવાસી 27 વર્ષીય અફજાન કાળાભાઈ સીદા નામના યુવકે જેતપુર આવીને ફીનાઇલ પી આત્મહત્યા કરવાનો પ્રયાસ કર્યો હતો. ચોંકાવનારી બાબત એ છે કે, યુવકે આ આત્મઘાતી પગલું ભરતા પહેલા ફીનાઇલ પીતો હોવાનો વીડિયો પણ સોશિયલ મીડિયામાં વાયરલ કર્યો હતો, જેને પગલે હડકંપ મચી ગયો હતો. યુવકે આ પગલું ભરવા પાછળ સોશિયલ મીડિયા સાથે જોડાયેલા લોકો સામે ગંભીર આક્ષેપો કર્યા છે.
ઇન્સ્ટા રીલ બનાવતા યુવકનો આપઘાતનો પ્રયાસ
વાયરલ વીડિયો અને પ્રાથમિક વિગતો મુજબ: કીર્તિ પટેલ (ટિકટોક/ઈન્સ્ટા સ્ટાર) અને જૂનાગઢની દિવ્યા સાવલાની દ્વારા તેને માનસિક ત્રાસ આપવામાં આવતો હોવાનો દાવો કરવામાં આવ્યો છે. યુવકનો આક્ષેપ છે કે આ લોકોના ત્રાસને કારણે તે જીવવા માંગતો નથી. ઘટનાની જાણ થતા જ યુવકને તાત્કાલિક જેતપુરની સરકારી હોસ્પિટલમાં સારવાર અર્થે ખસેડવામાં આવ્યો હતો, જ્યાં હાલ તેની તબિયત સ્થિર હોવાનું જાણવા મળ્યું છે.