જૂનાગઢ શહેરના મુખ્ય વિસ્તાર સરદાર ચોકમાં મોડી રાત્રે એક ગંભીર અકસ્માત સર્જાયો હતો. પૂરપાટ ઝડપે આવી રહેલો શાકભાજી ભરેલો એક બોલેરો ટેમ્પો બેકાબૂ બન્યો હતો અને રસ્તા પરના એક વીજપોલ સાથે ધડાકાભેર અથડાયો હતો.


શહેરના સરદાર ચોકમાં અકસ્માત

આ અથડામણ એટલી જોરદાર હતી કે વીજપોલ તાત્કાલિક ધરાશાયી થઈ ગયો હતો. વીજપોલ તૂટી પડવાના કારણે સરદાર ચોક અને આસપાસના વિસ્તારમાં અંધારપટ છવાઈ ગયો હતો.ઘટના સર્જાતાની સાથે જ બોલેરો ટેમ્પોનો ડ્રાઇવર પોતાનું વાહન ઘટનાસ્થળે મૂકીને ફરાર થઈ ગયો હતો. અકસ્માતની જાણ થતાં જ પોલીસની ટીમ તાત્કાલિક ઘટનાસ્થળે દોડી આવી હતી અને કાયદેસરની કાર્યવાહી હાથ ધરી હતી.

બોલેરો ટેમ્પો બેકાબૂ બન્યો

સૌથી રાહતની વાત એ છે કે આ અકસ્માતમાં સદનસીબે કોઈ જાનહાનિ થઈ નથી. જોકે, વીજપોલ ધરાશાયી થવાના કારણે વીજળી પુરવઠો ખોરવાઈ ગયો હતો, જેને પુનઃસ્થાપિત કરવા માટે વીજ કંપનીના કર્મચારીઓ દ્વારા કાર્યવાહી શરૂ કરવામાં આવી છે. પોલીસે ફરાર ડ્રાઇવરને શોધવાના ચક્રો ગતિમાન કર્યા છે.

  • Follow us on: