જૂનાગઢ પોલીસે લોકોને અપીલ કરી છે કે, ધીરેન વિશે કોઈ પણ માહિતી મળી તો પોલીસને જાણ કરો અને માહિતી આપનારનું નામ ગુપ્ત રાખવામાં આવશે, ગુજરાતનો લિસ્ટેડ બુટલેગર અને ગુજસીટોકના ગુનાનો મુખ્ય આરોપી ધીરેન કારિયા પોલીસને લાંબા સમયથી હાથ લાગતો નથી. જેથી પોલીસ દ્વારા ગુસ્સિતોકના મુખ્ય આરોપી ધીરેન કારિયાના અલગ અલગ વિસ્તારોમાં પોસ્ટર લગાવી લોકો પાસે માહિતી આપવા અપીલ કરવામાં આવી છે.
[[$googlead]]
આરોપીને ઝડપી પાડવા માટે અંતે પોલીસે જાહેર જનતાની મદદ લેવાનું નક્કી કર્યું છે
જૂનાગઢ શહેરના સી ડીવીઝન પોલીસ સ્ટેશનમાં ગુજસીટોકના ગુનામાં નાસતો ફરતો અને સંગઠીત ગુનાહીત ટોળકીનો મુખ્ય આરોપી ધીરેન કારીયા ઘણા સમયથી ફરાર છે, લિસ્ટેડ બુટલેગર વિરૂધ્ધ સ્પેશ્યલ ગુજસીટોક કોર્ટ દ્વારા ભારતીય નાગરિક સુરક્ષા સંહિતા (BNSS)ની કલમ ૭૨ મુજબ ધરપકડ વોરંટ ઇશ્યુ કરવામાં આવ્યું હતું. તેમ છતાં આરોપી નાસતો ફરતો હોય, કોર્ટે હવે કલમ ૮૨ મુજબનું ફરારી વોરંટ જાહેર કર્યું છે. આરોપીને ઝડપી પાડવા માટે અંતે પોલીસે જાહેર જનતાની મદદ લેવાનું નક્કી કર્યું છે.
પોલીસે રેલવે સ્ટેશન, બસ સ્ટેશન સહિતના અલગ-અલગ સ્થળો પર વોન્ટેડ ધીરેન કારીયાના ફોટા સાથેના પોસ્ટર લગાવ્યા છે
આ પોસ્ટરો શહેરના રાયજીબાગ ગેટ, રેલવે સ્ટેશન, કૃષિ યુનિવર્સિટીનો ગેટ, બસ સ્ટેશન, રેલવે સ્ટેશન સહિતના વિસ્તારોમાં લગાવી આરોપીને પકડવાની તજવીજ હાથ ધરી છે, આરોપીની જાણ થાય તો તાત્કાલિક જૂનાગઢ ડીવાયએસપીનો સંપર્ક કરવા અપીલ કરવામાં આવી છે, આરોપીની માહિતી આપનારનું નામ પણ ગુપ્ત રાખવામાં આવશે તેવું પોસ્ટરોમાં લખાણ સાથે જણાવવામાં આવ્યું છે, પોલીસ દ્વારા આ રીતે જાહેર સ્થળો પર પોસ્ટર લગાવીને લિસ્ટેડ બુટલેગરની માહિતી આપવા માટે અપીલ કરવામાં આવી છે.
