જૂનાગઢ જિલ્લાના ચોરવાડ પંથકમાં વન્ય પ્રાણીઓના મોતના બનાવોમાં વધારો થઈ રહ્યો છે. આજે ચોરવાડથી કુકસવાડા જતાં રસ્તા પર એક પૂરપાટ ઝડપે આવતા અજાણ્યા વાહને દીપડાને જોરદાર ટક્કર મારતા દીપડાનું ઘટનાસ્થળે જ કમકમાટીભર્યું મોત નીપજ્યું છે.
અજાણ્યા વાહનની અડફેટે દીપડાનું મોત
મળતી માહિતી મુજબ, રાત્રિના સમયે અથવા વહેલી સવારે જ્યારે દીપડો રસ્તો ઓળંગી રહ્યો હતો, ત્યારે કોઈ અજાણ્યા વાહને તેને અડફેટે લીધો હતો. ટક્કર એટલી જોરદાર હતી કે દીપડાએ સ્થળ પર જ દમ તોડી દીધો હતો. રસ્તાની વચ્ચે દીપડાનો મૃતદેહ જોઈ પસાર થતા વાહનચાલકો ઉભા રહી ગયા હતા, જેના કારણે રસ્તા પર વાહનોના થપ્પા લાગી ગયા હતા અને ટ્રાફિક જામની સ્થિતિ સર્જાઈ હતી.
