કલોલની સ્પેશિયલ પોક્સો કોર્ટે માનવતાને શર્મસાર કરનારા એક કિસ્સામાં ઐતિહાસિક ચુકાદો આપ્યો છે. 17 વર્ષીય સગીર ભત્રીજીને નોકરી અપાવવાની લાલચ આપી તેના પર વારંવાર દુષ્કર્મ આચરનાર નરાધમ કાકા રમેશને કોર્ટે અંતિમ શ્વાસ સુધીની આજીવન કેદની સજા ફટકારી છે.
નોકરી અપાવવાના બહાને આચર્યુ હતું દુષ્કર્મ
આ શરમજનક ઘટના ત્યારે બની હતી જ્યારે આરોપી કાકા પોતાની ભત્રીજીને નોકરી અપાવવાના બહાને રિક્ષામાં બેસાડીને લઈ ગયો હતો. રસ્તામાં કોઈ અવાવરું જગ્યાએ લઈ જઈને તેણે સગીરા પર ત્રણથી ચાર વાર દુષ્કર્મ આચર્યું હતું. આ મામલે પોલીસ ફરિયાદ થયા બાદ પોલીસે કડક તપાસ કરી કોર્ટમાં ચાર્જશીટ રજૂ કરી હતી.
