ખેડા : જિલ્લા પંચાયત પ્રમુખ હિતેશ તડવીએ ખેડા તાલુકાના આઠ ગામોની મુલાકાત લીધી હતી. ભારે વરસાદને કારણે થયેલા નુકસાનની સ્થળ પર સમીક્ષા કરવા માટે આ મુલાકાત લેવામાં આવી હતી. પ્રમુખ તડવીએ સાંખેજ, સમાદરા, કાજીપુરા, કનેરા, કઠવાડા, ધરોડા, ચિત્રાસર અને કલોલી ગામોની મુલાકાત લીધી હતી. તેમણે દરેક અસરગ્રસ્ત વિસ્તારમાં જઈને વર્તમાન પરિસ્થિતિનો તાગ મેળવ્યો હતો. આ મુલાકાત દરમિયાન, તેમણે તાત્કાલિક રાહત કાર્ય અને જરૂરી કાર્યવાહી કરવા માટે સંબંધિત અધિકારીઓને સૂચનાઓ આપી હતી. આ સૂચનાઓનો હેતુ વરસાદથી પ્રભાવિત લોકોને ઝડપથી મદદ પહોંચાડવાનો છે. વધુમાં, ખેડા જિલ્લા પંચાયત પ્રમુખ હિતેશ તડવીએ દરેક ગામના સરપંચોને અપીલ કરી હતી કે તેઓ ગ્રામજનોને બિનજરૂરી રીતે ઘરની બહાર ન નીકળવા સૂચના આપવામાં આવે.