કપડવંજ : કપડવંજ પંથકમાં છેલ્લા બે દિવસ દરમિયાન મેઘરાજાએ જોરદાર મહેર વરસાવતાં આશરે આઠ ઈંચ જેટલો વરસાદ નોંધાયો હતો. આ વરસાદ સાથે ચાલુ ચોમાસાની સિઝનનો કુલ વરસાદ અંદાજે 25 ઈંચ સુધી પહોંચી ગયો છે. સારા વરસાદને પગલે ખેડૂતોમાં આનંદની લાગણી જોવા મળી રહી છે, કારણ કે ખેતી માટે અનુકૂળ માહોલ સર્જાયો છે. ભારે વરસાદને કારણે પંથકના કેટલાક વિસ્તારોમાં જનજીવન અમુક અંશે પ્રભાવિત થયું હતું. જોકે દૈનિક જીવન પર તેની ખાસ અસર જોવા મળી નહોતી અને લોકોની રોજિંદી કામગીરી યથાવત રહી હતી. કેટલાક નીચાણવાળા વિસ્તારોમાં વરસાદ દરમિયાન પાણી ભરાયા હતા, પરંતુ વરસાદ ઓસરતાં ધીમે ધીમે પાણી પણ ઉતરી ગયા હતા.