લોભિયા હોય ત્યાં ધૂતારા ભૂખે ન મરે" એ કહેવત ફરી એકવાર ભુજમાં સાચી સાબિત થઈ છે. બજાર ભાવ કરતા સસ્તું સોનું અપાવવાની લાલચ આપીને એક શખ્સ પાસેથી 29 લાખ રૂપિયા પડાવી લેનાર આંતરરાજ્ય ટોળકીના બે સભ્યોને પશ્ચિમ કચ્છ લોકલ ક્રાઈમ બ્રાંચે (LCB) ઝડપી પાડ્યા છે.
ભુજમાં સસ્તા સોનાના નામે છેતરપિંડી
ભુજમાં સસ્તા સોનાના નામે છેતરપિંડીની ફરિયાદ ઉઠતા પોલીસ એક્શનમાં આવી હતી. આરોપીઓએ એક વ્યક્તિને વિશ્વાસમાં લઈ, તેને સોનાના સિક્કા કે બિસ્કિટ સસ્તા ભાવે આપવાની લાલચ આપી હતી. આ લાલચમાં આવીને ભોગ બનનાર વ્યક્તિએ 29 લાખ રૂપિયા ગુમાવ્યા હતા.
