કચ્છ જિલ્લાના અબડાસા તાલુકાના કોઠારા વિસ્તારમાં નશામાં ધૂત ટ્રેલર ચાલકના આતંકથી અફરાતફરીનો માહોલ સર્જાયો હતો. બેફામ રીતે દોડતા ટ્રેલરે રેલવે ફાટક તોડી નાખ્યો હતો અને બાદમાં રસ્તા પર આડેધડ દોડતા અનેક વાહનોને અડફેટે લીધા હતા. ઘટનાને પગલે સ્થાનિકોમાં ભારે ભયનો માહોલ જોવા મળ્યો હતો.
ત્રણ કાર અને છોટા હાથી વાહનને ટક્કર
માહિતી મુજબ ટ્રેલર ચાલકે ત્રણ કાર સહિત એક છોટા હાથી વાહનને ટક્કર મારી હતી. અકસ્માતમાં કેટલાક લોકો ઈજાગ્રસ્ત થતાં તેમને તાત્કાલિક સારવાર માટે હોસ્પિટલ ખસેડવામાં આવ્યા હતા. ટ્રેલર બેફામ દોડતું હોવાથી રસ્તા પર હાજર લોકોમાં ગભરાટ ફેલાઈ ગયો હતો અને વાહનચાલકો બચવા માટે દોડધામ કરતા જોવા મળ્યા હતા.