કચ્છ જિલ્લાના ભચાઉ તાલુકાના ચોપડવા ગામ નજીક એક પ્લાસ્ટિકના વાડામાં એકાએક ભીષણ આગ ફાટી નીકળતા સમગ્ર વિસ્તારમાં અફરાતફરીનો માહોલ સર્જાયો હતો. પ્લાસ્ટિકનો જથ્થો હોવાને કારણે આગે જોતજોતામાં રૌદ્ર સ્વરૂપ ધારણ કર્યું હતું, જેના ધુમાડાના ગોટેગોટા દૂર-દૂર સુધી જોવા મળ્યા હતા.
પ્લાસ્ટિકના વાડામાં એકાએક ભીષણ આગ
આગ લાગતાની સાથે જ સ્થાનિકોમાં દોડધામ મચી ગઈ હતી. બનાવની જાણ થતા જ ભચાઉ ફાયર ફાઇટરની ટીમ તાત્કાલિક ઘટનાસ્થળે પહોંચી હતી અને પાણીનો મારો ચલાવી આગ પર કાબૂ મેળવવાની તજવીજ હાથ ધરી હતી. આગ એટલી વિકરાળ હતી કે અન્ય ફાયર સ્ટેશનો પરથી પણ ટીમોને મદદ માટે બોલાવવામાં આવી હતી.