લુણાવાડા : લુણાવાડા જિલ્લા અને સેશન કોર્ટ ખાતે એડવોકેટ એમ. જે. ડગલી દ્વારા રચિત કાયદાકીય પુસ્તકનો વિમોચન સમારોહ યોજાયો હતો. કાર્યક્રમમાં ન્યાયિક ક્ષેત્રના મહાનુભાવો, વકીલો, કાયદાના વિદ્યાર્થીઓ તેમજ લુણાવાડા બાર એસોસિએશનના પ્રમુખ, હોદ્દેદારો, મેનેજિંગ કમિટીના સભ્યો અને મોટી સંખ્યામાં એડવોકેટ મિત્રો ઉપસ્થિત રહ્યા હતા. કાર્યક્રમનું આયોજન લુણાવાડા બાર એસોસિએશન દ્વારા કરવામાં આવ્યું હતું. આ પ્રસંગે અમદાવાદથી એડવોકેટ સુનિલ પટેલ, કાળુભાઈ પટેલ, લક્ષ્મણભાઈ માલીવાડ અને અજય માલીવાડ ખાસ ઉપસ્થિત રહી શુભેચ્છાઓ પાઠવી હતી.